Epesoon 4
4
Omaayikeen Keresee
1Sisɔ, eet sinɛ korkortan agut Suumik, kalɛya kɔnu kɛnɔ beeɗiir oko sinɛ ɗɛyɛɛɗ Waakoyo sinɛkan kɔnu riyk. 2In rikitɛɛ ɛɛk ɗooka, a beeɗɛɛ mentankaat. A ɓaŋkaawurari oolaan ɛkanɛɛkɛ goŋk ɓɛɛnyɔwɛ gɛɛŋk baŋɛ in beeɗɛɛ oolaan mɛyinoŋk. 3In ɓaŋkaawurɛɛ kɛnɔ koorɛɛ omaayikeen sinɔ laŋɛɛ Wɛɛŋakɛ Waakoyotoŋk a tutusikari bɔdɛɛɗ. 4Saaɓa kɔnu riyɗɛɛk nɛɓa kɔnu riygiɗɛɛ ŋaadiyɛ sigɛ kookoriik sigɔ omoŋɔŋk, lakɛ ɛɛk a omoŋ ɛ lakɛ Wɛɛŋa a omoŋ. 5Ɛɓɔrɛ lakɛ Suumi a omoŋ, a ŋaadiyɛ a omoŋ, a aadi a omoŋ, 6Ɛɓɔrɛ lakɛ Waakoyo a omoŋ Ɛpɛn joopa baŋɛ sinɛ ar rakaay olaatɛ baŋɛk, sinɛ ijaagɗi olaatɛ baŋɛk, sinɛ beeɗ olaatɛ baŋɛk.
7Yakana gaɓɛɛɓa wookan eteŋka a omoŋ omoŋ oko sinɛɓa gaamiiɗ Kerese kɛnɔ tina gaɓɛk. 8Agut sini tonɛɛɓa Wargatɛɛ Waakoyotoŋk kɛ,
"Saaɓa ŋaarɗi rakaayak,
nɛɓa diile joop sigɔɓa weelɛɛ sɛɛgŋɔŋk a ɓɔɔkaaŋ,
ɛɓa gaɓɛ tigi joopa."
9Anɛ sini kɛ, "Ŋaarɓa rakaayak," yaaŋɛ omaay jikon? Yaaŋɛ sini sinɔ kɛ kusɓa Kerese ɗooka sineena raŋanaak saana ar ɗook gowasɔ ɗeekik. 10Sinɛɓa kus ɗookase raŋanaak saana ar ɗook takik, ege sini sɛɛn sinɛ laŋɛɛ nyon baŋɛk sinɛɓa ŋaark dari olaatɛ baŋɛk kɛnɔ enyɛr ola baŋɛk. 11Sɛɛn sinɛɓa gaɓɛ tigiyak sigi joopa a omoŋ omoŋ nɛ ɔgɔɔk wosɛytaanak, ma ɔgɔɔk joop pɛrkaakoŋk, ma ɔgɔɔk joop sigɔ waasɛr Pɛɛni sinɔ Ɓɛlkɛɛstank, ma ɔgɔɔk koortaanak ŋaadtaanakoŋk, ma ɔgɔɔk rɔɔriytaanak. 12Nɔɓa ijaagiiɗ sinik kɛnɔ ragadi ŋaaditaanak ijaaga dooyanoŋk kɛnɔ kɛny gode Sambatɛyoŋk sinɛ ɛɛk nɛɛkik. 13Ɛ kɛnɔ mɛlii eteŋk baŋɛ omaayikeena sinɔɔna laŋɛɛ ŋaadiyɛɛkɛ a ɗegerii Tɔɔn Waakoyotoŋk kɛnɔ eteŋk joop sigɔɓa gayiiŋɔŋk oko sinɛ ege Kerese daktan aɓa gayɛŋɔŋk. 14Seedi son kiikɔɔ ɓɛɛl a eteŋk tɔɔmɔk a tin diile yoŋgoy ɔɗɔɔka kɛ baŋiyak, a tin diile yoŋgoy rɔɔriyɔn sinɔ nyonuk a raamiyɛ joopoŋk gɔɔtaase kɛ gɔɔtaase. 15Ɗɛyɛ tina a ɓɔlɔɔrii ant baŋɛ a totonii eekeer mɛyin kɛnɔ gaayii Keresee sinɛ ɔɗɔ ɛɛk gode Sambatɛyoŋkuk. 16Tootoki Sɛɛne nyonitaak ɛɛk etoŋk sigɛ ɓɛɛlɛr kundiyaakɛk. Tootokii ɛ gaagami ɛkan baŋɛ meelatɛɛkɛ, agut sini nyonitaak ɛɛk etoŋkuk a omoŋ omoŋ ijaagiiɗ ijaag sinɛɓa gagiɗɛɛk, nɛ ɓɔlɔɔrɛ ɛɛk baŋɛ nɛ enya mɛyin.
Beeɗit Sinɔ Tɔɔnuk Keresee
17Seedi son rɔɔrɔkaaka kɔna tiriyaakɛ Suumiyoŋk kɛ kat beeɗɛ oko joop sigɔ moko Ayuuduk ɓɛɛlɛr koɓiɗa gɛŋk kanysɛyaak. 18Kɔjurarɓa kalbiyɛ gɛŋkiŋ, yowɛrjuɓa sɛɛk wɛɛŋakɛ Waakoyotoŋkuŋ, agut sinɔ koriiɓa kalbiyɛ gɛŋkiŋ, ɛɓa kilarar ɓayɛtun gɛŋk. 19Agut sinɔɓa badɛɛɗ sɛɛge keenyk nɛɓa arir ɛkan gɛŋk a barɛr any sinɔ ŋɛɛwɛnŋɔŋk, nɛ ɗɛyɛr a ijaagir ola sigɔ somakɔ sigɔ ɓɛɛlɛr kundiyaakɛk a kir nyɛyɛ.
20Yakana mokokan sɔɔk barɛɛr Keresee oko sinik. 21Tiyɛɛrɓa agut Sɛɛn eekeerɛ, agut sinɔ iinak gɛɛŋkik, ɛɓa tiyɛɛr sini nɛɓa barɛɛr eekeer sigɛ atu Yeeseekiŋ. 22Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak. 23In arɛɛ kalbiyɛ goŋk a tɔɔmɔk wɛɛŋakɛ. 24In kadɛɛ ɛɛk sinɔ tɔɔnuk sinɛɓa riiɓɛɛ kɛnɔ gayii a Waakoyok kɛ ɗɔm, a mentanka taamɛkɛ Waakoyotoŋk sinɔ eekeerik a geetit ɛɛkoŋk.
25Agut sini kat tonɛɛ nyon, koy tonii eekeer ɛkanɛɛkɛ gaŋk agut sinɔ eteŋk nyonitaak ɛɛk sinɔ omoŋɔŋk. 26In ŋadɛɛ, mayakana kat ŋadɛɛ a tikiɗikɛɛŋ, kat ɗiirir waawuy a in kɛɛ woorɛɛ ŋadi noŋk. 27Kat ŋɔɗɛɛ milki diyabiloosa. 28Iɗit sinɔ agagaliŋɔŋk, katɓɔ agalɗi seedi son. Ma in ijaag any sinɔ mentanŋɔŋk, arnɛ gɛɛnɛ kɛnɔ kɔnyɛ joop sigɔ rakatɛrŋɔŋk. 29Kat ŋaarki atutunɛ goŋk any sinɔ ŋɛɛwɛnŋɔŋk, mayakana in tonɛɛ pɛɛni sinɔ kɔna geleewɛrgeeɗ joop sinɔ kɔnyɗi oko sinɛ ɗɛyɛɛɗik a gaananɛ sɛɛgŋɔŋk. 30Kat arɛɛ Wɛɛŋa sigɔ Geetitaanakik a sanɗiŋ sigɛɓa kɔnu ɗonyɛɗɛɛk kɛnɔ kɔna dakɛr a any gaamitoŋk ɓɛɛnyɔwa saakoy bɔdɛrɗɔɔk. 31In ɔɔyɛɛ ɓaayka, a buudɛ, a ŋadi, a ɗaakan, a nyɔɔna a ola sigɔ ŋɛɛwɛŋɔŋk baŋɛ. 32Ma in dakɛɛ ɛkanɛɛkɛ goŋk a mentankɛɛ a kɔna sanɗi joop, nɛ in ŋɔŋɔɗiirɛɛ ɛkanɛɛkɛ goŋk oko sinɛɓa kɔne ŋɔɗiitarkiɗ Waakoyot Kereseek.
Currently Selected:
Epesoon 4: KSTM
Highlight
Share
Copy
Want to have your highlights saved across all your devices? Sign up or sign in
Epesoon 4
4
Omaayikeen Keresee
1Sisɔ, eet sinɛ korkortan agut Suumik, kalɛya kɔnu kɛnɔ beeɗiir oko sinɛ ɗɛyɛɛɗ Waakoyo sinɛkan kɔnu riyk. 2In rikitɛɛ ɛɛk ɗooka, a beeɗɛɛ mentankaat. A ɓaŋkaawurari oolaan ɛkanɛɛkɛ goŋk ɓɛɛnyɔwɛ gɛɛŋk baŋɛ in beeɗɛɛ oolaan mɛyinoŋk. 3In ɓaŋkaawurɛɛ kɛnɔ koorɛɛ omaayikeen sinɔ laŋɛɛ Wɛɛŋakɛ Waakoyotoŋk a tutusikari bɔdɛɛɗ. 4Saaɓa kɔnu riyɗɛɛk nɛɓa kɔnu riygiɗɛɛ ŋaadiyɛ sigɛ kookoriik sigɔ omoŋɔŋk, lakɛ ɛɛk a omoŋ ɛ lakɛ Wɛɛŋa a omoŋ. 5Ɛɓɔrɛ lakɛ Suumi a omoŋ, a ŋaadiyɛ a omoŋ, a aadi a omoŋ, 6Ɛɓɔrɛ lakɛ Waakoyo a omoŋ Ɛpɛn joopa baŋɛ sinɛ ar rakaay olaatɛ baŋɛk, sinɛ ijaagɗi olaatɛ baŋɛk, sinɛ beeɗ olaatɛ baŋɛk.
7Yakana gaɓɛɛɓa wookan eteŋka a omoŋ omoŋ oko sinɛɓa gaamiiɗ Kerese kɛnɔ tina gaɓɛk. 8Agut sini tonɛɛɓa Wargatɛɛ Waakoyotoŋk kɛ,
"Saaɓa ŋaarɗi rakaayak,
nɛɓa diile joop sigɔɓa weelɛɛ sɛɛgŋɔŋk a ɓɔɔkaaŋ,
ɛɓa gaɓɛ tigi joopa."
9Anɛ sini kɛ, "Ŋaarɓa rakaayak," yaaŋɛ omaay jikon? Yaaŋɛ sini sinɔ kɛ kusɓa Kerese ɗooka sineena raŋanaak saana ar ɗook gowasɔ ɗeekik. 10Sinɛɓa kus ɗookase raŋanaak saana ar ɗook takik, ege sini sɛɛn sinɛ laŋɛɛ nyon baŋɛk sinɛɓa ŋaark dari olaatɛ baŋɛk kɛnɔ enyɛr ola baŋɛk. 11Sɛɛn sinɛɓa gaɓɛ tigiyak sigi joopa a omoŋ omoŋ nɛ ɔgɔɔk wosɛytaanak, ma ɔgɔɔk joop pɛrkaakoŋk, ma ɔgɔɔk joop sigɔ waasɛr Pɛɛni sinɔ Ɓɛlkɛɛstank, ma ɔgɔɔk koortaanak ŋaadtaanakoŋk, ma ɔgɔɔk rɔɔriytaanak. 12Nɔɓa ijaagiiɗ sinik kɛnɔ ragadi ŋaaditaanak ijaaga dooyanoŋk kɛnɔ kɛny gode Sambatɛyoŋk sinɛ ɛɛk nɛɛkik. 13Ɛ kɛnɔ mɛlii eteŋk baŋɛ omaayikeena sinɔɔna laŋɛɛ ŋaadiyɛɛkɛ a ɗegerii Tɔɔn Waakoyotoŋk kɛnɔ eteŋk joop sigɔɓa gayiiŋɔŋk oko sinɛ ege Kerese daktan aɓa gayɛŋɔŋk. 14Seedi son kiikɔɔ ɓɛɛl a eteŋk tɔɔmɔk a tin diile yoŋgoy ɔɗɔɔka kɛ baŋiyak, a tin diile yoŋgoy rɔɔriyɔn sinɔ nyonuk a raamiyɛ joopoŋk gɔɔtaase kɛ gɔɔtaase. 15Ɗɛyɛ tina a ɓɔlɔɔrii ant baŋɛ a totonii eekeer mɛyin kɛnɔ gaayii Keresee sinɛ ɔɗɔ ɛɛk gode Sambatɛyoŋkuk. 16Tootoki Sɛɛne nyonitaak ɛɛk etoŋk sigɛ ɓɛɛlɛr kundiyaakɛk. Tootokii ɛ gaagami ɛkan baŋɛ meelatɛɛkɛ, agut sini nyonitaak ɛɛk etoŋkuk a omoŋ omoŋ ijaagiiɗ ijaag sinɛɓa gagiɗɛɛk, nɛ ɓɔlɔɔrɛ ɛɛk baŋɛ nɛ enya mɛyin.
Beeɗit Sinɔ Tɔɔnuk Keresee
17Seedi son rɔɔrɔkaaka kɔna tiriyaakɛ Suumiyoŋk kɛ kat beeɗɛ oko joop sigɔ moko Ayuuduk ɓɛɛlɛr koɓiɗa gɛŋk kanysɛyaak. 18Kɔjurarɓa kalbiyɛ gɛŋkiŋ, yowɛrjuɓa sɛɛk wɛɛŋakɛ Waakoyotoŋkuŋ, agut sinɔ koriiɓa kalbiyɛ gɛŋkiŋ, ɛɓa kilarar ɓayɛtun gɛŋk. 19Agut sinɔɓa badɛɛɗ sɛɛge keenyk nɛɓa arir ɛkan gɛŋk a barɛr any sinɔ ŋɛɛwɛnŋɔŋk, nɛ ɗɛyɛr a ijaagir ola sigɔ somakɔ sigɔ ɓɛɛlɛr kundiyaakɛk a kir nyɛyɛ.
20Yakana mokokan sɔɔk barɛɛr Keresee oko sinik. 21Tiyɛɛrɓa agut Sɛɛn eekeerɛ, agut sinɔ iinak gɛɛŋkik, ɛɓa tiyɛɛr sini nɛɓa barɛɛr eekeer sigɛ atu Yeeseekiŋ. 22Agut sini in boŋiirɛɛ ɛɛk noŋk sinɛɓa bɔɔlɔŋk sinɛɓa beeɗirɗɔ jeemɛk sinɛ sɔɔktank a raarami a dilɗi tikiyɛɛkaak. 23In arɛɛ kalbiyɛ goŋk a tɔɔmɔk wɛɛŋakɛ. 24In kadɛɛ ɛɛk sinɔ tɔɔnuk sinɛɓa riiɓɛɛ kɛnɔ gayii a Waakoyok kɛ ɗɔm, a mentanka taamɛkɛ Waakoyotoŋk sinɔ eekeerik a geetit ɛɛkoŋk.
25Agut sini kat tonɛɛ nyon, koy tonii eekeer ɛkanɛɛkɛ gaŋk agut sinɔ eteŋk nyonitaak ɛɛk sinɔ omoŋɔŋk. 26In ŋadɛɛ, mayakana kat ŋadɛɛ a tikiɗikɛɛŋ, kat ɗiirir waawuy a in kɛɛ woorɛɛ ŋadi noŋk. 27Kat ŋɔɗɛɛ milki diyabiloosa. 28Iɗit sinɔ agagaliŋɔŋk, katɓɔ agalɗi seedi son. Ma in ijaag any sinɔ mentanŋɔŋk, arnɛ gɛɛnɛ kɛnɔ kɔnyɛ joop sigɔ rakatɛrŋɔŋk. 29Kat ŋaarki atutunɛ goŋk any sinɔ ŋɛɛwɛnŋɔŋk, mayakana in tonɛɛ pɛɛni sinɔ kɔna geleewɛrgeeɗ joop sinɔ kɔnyɗi oko sinɛ ɗɛyɛɛɗik a gaananɛ sɛɛgŋɔŋk. 30Kat arɛɛ Wɛɛŋa sigɔ Geetitaanakik a sanɗiŋ sigɛɓa kɔnu ɗonyɛɗɛɛk kɛnɔ kɔna dakɛr a any gaamitoŋk ɓɛɛnyɔwa saakoy bɔdɛrɗɔɔk. 31In ɔɔyɛɛ ɓaayka, a buudɛ, a ŋadi, a ɗaakan, a nyɔɔna a ola sigɔ ŋɛɛwɛŋɔŋk baŋɛ. 32Ma in dakɛɛ ɛkanɛɛkɛ goŋk a mentankɛɛ a kɔna sanɗi joop, nɛ in ŋɔŋɔɗiirɛɛ ɛkanɛɛkɛ goŋk oko sinɛɓa kɔne ŋɔɗiitarkiɗ Waakoyot Kereseek.
Currently Selected:
:
Highlight
Share
Copy
Want to have your highlights saved across all your devices? Sign up or sign in