Epesoon 3
3
Ijaag Paawuloosuk Joopa Sigɔɔga Moko Ayuuduk
1Eet Paawuloos sinɛ korkortan Yeese Kereseek ɗanɗamaaka Waakoyota agut iinak sigɛ moko joop Ayuuduk. 2Tiyɛɛrkan eekeerɛ kɛ gaɓɛkanta Waakoyot wookan nɛɛk ijaagoŋk agut iinak. 3Yaaŋɛkanta Waakoyot any sinɔ dugaaŋɔŋk oko sinɛɓa kɔna taapɛrkiɗa jeemɛ a dinyŋɔŋk. 4Ɔkɔn ambabɛɛr sinɛɓa kɔna taapɛɛrakiŋ, nɛkɔɔ oolɛɛr a kɔna mɛlɛ koɓi any sinɔ dugaaŋɔŋk sinɛ laka agut Kereseekiŋ. 5Kɛɛɓa yaaŋɛɛt any sini dugaaŋɔŋk joopa sigaagaɓa atu emeyikɛ sigaagɛɓa jeemɛk. Mayakana yaaŋɛɛ sisɔ Wɛɛŋakɛ sigɔɔgɛ Geetitaanakik wosɛytaanaka a joopa pɛrkaakoŋk sigaaga geetitaanakik. 6Ege sini any sinɔ dugaaŋɔŋk sinɔ kɛ joop Ayuuduk a joop sigɔ moko Ayuuduk sɛɛg kaastaanak geetiyɛ Waakoyotoŋk ɛ sɛɛg nyonitaak ɛɛk sinɔ omoŋɔŋk. Sɛɛg kaastaanak pɛɛniya ŋaadiyɛ sigɛ kookoriik goy Pɛɛni sinɔ Ɓɛlkɛɛstank Yeese Keresee a joop Ayuuduk agut omoŋ.
7Dakakɔ a ijaagen Pɛɛni sini Ɓɛlkɛɛstank wookaan Waakoyotoŋk sinaanɛɓata gaɓɛk ɓaŋkawukaat ijaag nɛɛkik. 8Kɛygun aasi eet iɗit sinɔ balaakaaya joope Waakoyotoŋk baŋɛkiŋ, nɛɓata gaɓɛɛ wookan sini kɛnɔ waasa obiika sinɛ ar koɓiiɗ rakaayk joopa sigɔɔga moko joop Ayuuduk. 9Gaɓɛɛɓata kɛnɔ yaaŋa joopa baŋɛ any sini dugaaŋɔŋk Waakoyotuk sinɛɓa dugiɗi emeyikɛ sigaagɛɓa ɗeeŋk. 10Nɔ ɓɛɛlɛɛɗ sinik kɛnɔ in ɗegerɛɛ ɗegerɔn Waakoyotoŋk sinɛ ɓɛɛlɛ kundiyakɛk sisɔk goy gode Sambatɛyoŋk ɔɗɔweerɛ a joope sigaagɛ latu ɓaŋkawukaak sigaagɛ atu darik. 11Dusanɛ sisɔ Waakoyot Yeese Keresee, Suumii naŋk oko sinɛɓa gaamiiɗ jeemɛ nɔkoy nɔkoyk. 12Oolii a wideerii ɛɛk goy nɛɛkɛ a kii ɓuriit a yaakaat taamɛka Waakoyotoŋk agut sinɔ eteŋk Kereseek ɛ ŋaadiɗikii Sɛɛnek. 13Kalɛya kɔnu kɛ kat jibaatɛɛ agut rakatɛ sinɛkan laŋka agut iinakik, ege sini eemɛyɔn noŋk.
Mɛyin Kereseek
14Nɛ sisɔ ɛta korontunɛ nɛ ɗanɗamaaka taamɛkɛ Ɛpɛne eteŋka Waakoyotek agut sini. 15Laŋir joop wɛy sinɔ omoŋɔŋk sigɛ atu darik a sigɛ atu ɗookuk Wɛɛŋa Waakoyote. 16Ɗanɗamaaka kɛnɔ kɔna gaɓɛ Waakoyot obiika eemɛyɔn nɛɛkik goy Wɛɛŋa gɛɛŋkik a gaɓɛ ɓaŋkawuka sinɔ ari takanak goŋk a ɓaŋkaawurarŋɔŋk, 17ɛɓɔrɛ ɗanɗamaaka kɛnɔ beeɗ Kerese ɓayɛtunɛɛkɛ goŋk ŋaadiyɛɛkɛ, ɛɓɔrɛ kɛnɔ gaɓɛɛr tiltilɛ ɛ kɛnyari ɛɛk mɛyin, 18ɛ kɛnɔ oolɛɛr koɓi a joop Waakoyotoŋk agut omoŋɔŋk kɛ ɛtɛ mɛyin Waakoyotoŋk ɛk ɓukurka nɛɛkɛk, a yowɛrka nɛɛkɛk rakaaya, a jeeɗoka nɛɛkɛk, a bakanyka nɛɛkɛk. 19Ɗanɗamaaka kɛnɔ ɗegerari mɛyin sinɛ ar koɓiiɗ etoŋk rakaayk, ɛ kɛnɔ enyaakari tagay Waakoyotoŋk. 20Sisɔ Waakoyo sinɛ oolɛ a ijaag a kaalɛ sinɛ kalɛyiik a sinɛ koɓiik goy ɓaŋkawuka sinɛ ijaagɗi eteŋkɛɛk, 21in dakɛ eemɛyɔɔn Sɛɛna godeey Sambatɛyoŋk a Yeese Keresee emeyikɛ baŋɛ nɔkoy nɔkoyk. Ameen.
Currently Selected:
Epesoon 3: KSTM
Highlight
Share
Copy
Want to have your highlights saved across all your devices? Sign up or sign in
Epesoon 3
3
Ijaag Paawuloosuk Joopa Sigɔɔga Moko Ayuuduk
1Eet Paawuloos sinɛ korkortan Yeese Kereseek ɗanɗamaaka Waakoyota agut iinak sigɛ moko joop Ayuuduk. 2Tiyɛɛrkan eekeerɛ kɛ gaɓɛkanta Waakoyot wookan nɛɛk ijaagoŋk agut iinak. 3Yaaŋɛkanta Waakoyot any sinɔ dugaaŋɔŋk oko sinɛɓa kɔna taapɛrkiɗa jeemɛ a dinyŋɔŋk. 4Ɔkɔn ambabɛɛr sinɛɓa kɔna taapɛɛrakiŋ, nɛkɔɔ oolɛɛr a kɔna mɛlɛ koɓi any sinɔ dugaaŋɔŋk sinɛ laka agut Kereseekiŋ. 5Kɛɛɓa yaaŋɛɛt any sini dugaaŋɔŋk joopa sigaagaɓa atu emeyikɛ sigaagɛɓa jeemɛk. Mayakana yaaŋɛɛ sisɔ Wɛɛŋakɛ sigɔɔgɛ Geetitaanakik wosɛytaanaka a joopa pɛrkaakoŋk sigaaga geetitaanakik. 6Ege sini any sinɔ dugaaŋɔŋk sinɔ kɛ joop Ayuuduk a joop sigɔ moko Ayuuduk sɛɛg kaastaanak geetiyɛ Waakoyotoŋk ɛ sɛɛg nyonitaak ɛɛk sinɔ omoŋɔŋk. Sɛɛg kaastaanak pɛɛniya ŋaadiyɛ sigɛ kookoriik goy Pɛɛni sinɔ Ɓɛlkɛɛstank Yeese Keresee a joop Ayuuduk agut omoŋ.
7Dakakɔ a ijaagen Pɛɛni sini Ɓɛlkɛɛstank wookaan Waakoyotoŋk sinaanɛɓata gaɓɛk ɓaŋkawukaat ijaag nɛɛkik. 8Kɛygun aasi eet iɗit sinɔ balaakaaya joope Waakoyotoŋk baŋɛkiŋ, nɛɓata gaɓɛɛ wookan sini kɛnɔ waasa obiika sinɛ ar koɓiiɗ rakaayk joopa sigɔɔga moko joop Ayuuduk. 9Gaɓɛɛɓata kɛnɔ yaaŋa joopa baŋɛ any sini dugaaŋɔŋk Waakoyotuk sinɛɓa dugiɗi emeyikɛ sigaagɛɓa ɗeeŋk. 10Nɔ ɓɛɛlɛɛɗ sinik kɛnɔ in ɗegerɛɛ ɗegerɔn Waakoyotoŋk sinɛ ɓɛɛlɛ kundiyakɛk sisɔk goy gode Sambatɛyoŋk ɔɗɔweerɛ a joope sigaagɛ latu ɓaŋkawukaak sigaagɛ atu darik. 11Dusanɛ sisɔ Waakoyot Yeese Keresee, Suumii naŋk oko sinɛɓa gaamiiɗ jeemɛ nɔkoy nɔkoyk. 12Oolii a wideerii ɛɛk goy nɛɛkɛ a kii ɓuriit a yaakaat taamɛka Waakoyotoŋk agut sinɔ eteŋk Kereseek ɛ ŋaadiɗikii Sɛɛnek. 13Kalɛya kɔnu kɛ kat jibaatɛɛ agut rakatɛ sinɛkan laŋka agut iinakik, ege sini eemɛyɔn noŋk.
Mɛyin Kereseek
14Nɛ sisɔ ɛta korontunɛ nɛ ɗanɗamaaka taamɛkɛ Ɛpɛne eteŋka Waakoyotek agut sini. 15Laŋir joop wɛy sinɔ omoŋɔŋk sigɛ atu darik a sigɛ atu ɗookuk Wɛɛŋa Waakoyote. 16Ɗanɗamaaka kɛnɔ kɔna gaɓɛ Waakoyot obiika eemɛyɔn nɛɛkik goy Wɛɛŋa gɛɛŋkik a gaɓɛ ɓaŋkawuka sinɔ ari takanak goŋk a ɓaŋkaawurarŋɔŋk, 17ɛɓɔrɛ ɗanɗamaaka kɛnɔ beeɗ Kerese ɓayɛtunɛɛkɛ goŋk ŋaadiyɛɛkɛ, ɛɓɔrɛ kɛnɔ gaɓɛɛr tiltilɛ ɛ kɛnyari ɛɛk mɛyin, 18ɛ kɛnɔ oolɛɛr koɓi a joop Waakoyotoŋk agut omoŋɔŋk kɛ ɛtɛ mɛyin Waakoyotoŋk ɛk ɓukurka nɛɛkɛk, a yowɛrka nɛɛkɛk rakaaya, a jeeɗoka nɛɛkɛk, a bakanyka nɛɛkɛk. 19Ɗanɗamaaka kɛnɔ ɗegerari mɛyin sinɛ ar koɓiiɗ etoŋk rakaayk, ɛ kɛnɔ enyaakari tagay Waakoyotoŋk. 20Sisɔ Waakoyo sinɛ oolɛ a ijaag a kaalɛ sinɛ kalɛyiik a sinɛ koɓiik goy ɓaŋkawuka sinɛ ijaagɗi eteŋkɛɛk, 21in dakɛ eemɛyɔɔn Sɛɛna godeey Sambatɛyoŋk a Yeese Keresee emeyikɛ baŋɛ nɔkoy nɔkoyk. Ameen.
Currently Selected:
:
Highlight
Share
Copy
Want to have your highlights saved across all your devices? Sign up or sign in