1 Samuwel 17
17
GOLYAAD ISRAAYIL MARAH QEEBIH SEECE
1Filistiin mari Yuudâ-rasul geytinta Sooko deqsitta mandaral gaaboowe. Efes-Dammin deqsita aracay Sooko kee Qadeeka fanat geytimahiyyal yinfiddigen. 2Malik Saawul kee Israayil qaskar qeebih bical gacca 'yeenih Eela deqsitta golol yinfiddigen. 3Filistiin mari woo golok kabuk teenal qalel rooruh gaceeh; aki kabul Israayil mari qalel rooruh gaceeh, fanat golo keenik raqte.
4-5Filistiin qaskarak addak Golyaad deqsita celem bukka 'yeeh, Israayil qaskarih addak qeebi kaa'lih aba num yanim keh essere. A num Gat deqsitta magaalal yoobokeh yeneeh, xexxaarah lica cusul kee garab akkuk yeneeh, isik edde waasan nacaasak bicsen kameesiy qilsah kontom kee malcina kiilo yakkehiyya kee, amo edde dacrisan nacaasak bicsen kalabtat sartanah yen. 6Ibitte kaak nacaasak bicsen carbi silaacak isinni edde dacrisan sartanat sartanah ten. Tohuk kalah kaadu, nacaasak bicsen macaxuy xer rikel qidaana sunkut luk yen. 7Kalah kaadu, lafudda le caxxi macaxu luk yen. A macaxuk af malcina kiilo yakke birtak bicseenih yenen. Aki qaskariiti foocat kay gob gabat hayya heeh kaak gexak yen. 8Golyaad sollu 'yeh, Israayil qaskarak, «Isin Saawul marah tanin; anuuy Filistiin-celeemak numuk teena kinniyo. Away isin qeebi nummah duudettoonum siinit celta? Duudettoonum siinit celtek, yo'lih yaame'gidih, sin marak numuk teena ruuba. 9Yok yeyseh yoo qidek, nanu sin naqoosa akkenno. Takkay immay kaak eyseeh kaa qidek, isin ni naqoosa akketton. 10Taway hay, Israayil qaskarey, qeebi yo'lih abu waa num siinit yenek, yawqay» iyye. 11Saawul kee kay qaskar Golyaad yab toobbe waqdi, warigga keenit raddeeh; kaxxa cunxo ken tibbixe.
DAWUD CARBI BOOXA GEXE
12Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen. 13Xaylok sidoc kaak Saawul lih carbi booxa fan gexeh yen. Saqalah keenik tenem Aliyabaay; Aliyabal kataytam Abinadabak ten. Abinadabal kataytam Samma deqsita awkak ten. 14Dawud keenik inkih barah qunxa salafti-baxak ten. 15Qeebi elle yakku waa aracaak, wadir illi elle dacrisa arac fan gexak gacak yen.
16Golyaad, morootom ayroh gide inki ayro namma adda carra kee saaku, «Siinik qeebih-booxal yoh obtam iyya?» axcuk, hiddoowak keenil suge.
DAWUD SAAWUL QASKAR DIYAARA'GID YEMEETE
17Ayrok teena Yiisa Dawuduk iyyeemih, «Alen alok tabna kiilo takkem kee, a tabna gaqambo sissikuk beyay, ku toobokoy woo aracal tanihiyyah bey. 18Qittak a tabna koxxa kaadu beyay, alfi-abbah yan numuh aceetto. Ku tooboko akah tani'nna wagga haay; tamaate waqdi ken tubleeh nagay yaniinimih asta gabat bah. 19Malik Saawul kee ku tooboko gersi Israayil mari inkih Eelâ-golol Filistiin marih qeebit yanin» kaak iyye.
20Dawud maaca dibroh ugutta 'yeeh, illit gersi mara cabba heeh, kay abba kaah elle warse innal, usuk kaal yecee maaqo gabat hayya heeh gexe. Dawud, Israayil mari carbi booxa fanah gexaah, qeebi tirtirisan waqdi, yemeete. 21Filistiin mara kee Israayil marak kulli mariiy fooca kee foocah sittat gacca 'yeenih, qeebi-arac yibbixeenih yenen. 22Dawud kaal ruuben maaqo, maaqoh afat yen numul cabba heeh, qeebi elle yakkem faxa'kke fan yerdeh toobokot yongooroweeh, salaamatta keenih abe. 23Usuk too yaabat ken lih yaaba waqdi, Golyaad elle suge aracak bisoh taturra 'yeh, dumaak akah iyyeh suge innah, Israayil qaskarak away kaadu, «Yo'lih taameenim maay duddan?» iyye. Dawud tah kaak yoobbe.
24Israayil mari Golyaad yuble waqdi, cunxo gexxaamah kudeenih. 25Sittak iyyeenimih, «A num Israayil mara elle bursuta'nna ubula» iyyen. «Malik Saawul a num qidu waa numuh kaxxa acwa aceeleeh, kaadu isi baxá digibih kaah abele. Kay buxah marak gabbara mabeya» sittak iyyen.
26Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye. 27Too waqdi oson Golyaad qidu waa numuh aboonu waanam kaah warsen.
28Aliyab deqsita numuy Dawuduk saqalah yene Dawud sinam lih yaabah yoobbe waqdi, kaat bagcarriteh kaak iyyeemih, «Atu akkel maca abta? Woo bacarih tan baaxol dibuk raaqe illit dacayrih iyyi raaqe? A kaxxam isit yakkalow! Afqadot uma cisab litom aaxigeh. Qeebi wagitta'gidih temeete inna?» kaak iyye.
29Too waqdi Dawud saqalak iyyemii, «Away maca baaheeh? Essero kinni way esseram maduuda innaa?» kaak iyye. 30Kaadu gersi num fan gexeeh, naharak esserem kaa essere. Esserinnaan num naharsi mari iyyem kaak iyye.
31Inkinki mari Dawud iyyem yoobbeeniih, wohim Saawuluh warsen. Saawul too waqdi Dawuduh farmo ruube. 32Dawud kay fan yemeete waqdi, Saawuluk, «Yi amoytaw, a Filistiin-numuk faxe num meysite waama. Anu away gexeh qeebi kaat abeyyo» iyye.
33Saawuluuy, «Aleey, atu awkaay; usuk furraynu tikki 'yeemiiy a saaku fan carbit yan num kinnuk, qeebi kaat abtam madudda» kaak iyye.
34Dawuduuy, «Yi amoytaw, anu yi abbah illi dacrisaah; lubak akkiiy, hinnay kaadu, gersi alluwwa woo illik anaqto beytek, 35lakat eredda akak exceh woo anaqto raaqisa. Woo lubak yakku, hinnay kaadu, faxe ala takkeemih yoo fan yenkeleebe kaa tekkek, katlal xabba kaak heeh aatakuk kaa qidak suge. 36Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo. 37YALLAY lubokwa kee gersi alluwwak yoo catehiyya a Filistiin numuk yoo catele» iyye.
Saawuluuy, «Meqeh hay, YALLI ko'lih yanayak gex» kaak iyye. 38Sarrak qeebik isinni edde reebisan biriitak bicsen sartan xagarat haa'gidih kaah yeceeh, amo edde dacrisan nacaasak bicsen kalabta kaah yecee. 39Too waqdi Dawud Saawul seef woo qeebik isinni edde reebisan biriitak bicsen xagarat haan sartanak bagul hayya heeh, ibah gexam gabbate. Takkay immay duma a gid takke duyye akkuqe weemih sabbatah, gexam yeffereh. Too waqdi Saawuluk, «A gid takke duyye luk qeebi abam maduuda. Ahayduma a gid takke duyye ukkuqeh maaxiga» iyye. Sarrak too duyye isik kaleeh, 40saq dacrisa waqdi gabat haak suge caxxa hirgitta heeh, sarrak buyyi-garik saytun xeetik konooy ukkuqqu heeh, oloh addat hee. Sarrakaay wanxef bicsitti heeh, Golyaadat qeebi aba'gidih gexe.
DAWUD GOLYAADAK YEYSEH
41Woo Filistiin-numuh tu gactek, gob kaah yakkuqe numuy foocat kaak gexahiyya lih Dawud fan yemeete. 42Sarrak Dawud nagay yismiteek ellecabol kaxxam kaa bursute. Macaay inteenik, Dawud qunxa numuy meqe xagar le kinnim kaak yuble. 43Too waqdi Dawuduk iyyemii, «Amah maca akak abta caxxay? Yoo kuta maay takkale?» kaak iyyeeh, yalla iyyeh yaqbude duyyeh migaq xagga heeh kaa abaare. 44Sarrakaay Dawuduk, «Qeebi yo'lih abtuh am. Raysa kok guma kee alluwwâ-cado abeyyok» iyye.
45Too waqdi Dawuduuy, «Atu seefiiy macaxu kee xer rikel qidan af le birta macaxu haysitteh temeete. Yoh tu gactek, Israayil qaskaray atu bursuttehiyyah Dageltih migaaqal emeete. Usuk YALLAY Nabaamak Nabahiyya. 46Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele. 47Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.
48Tohuk lakal Golyaad Dawud fanah kaadu bisoh gexeeh, Dawud kaadu *Filistiin macaxi elle yani'kke fan Golyaadat qeebi aba'gidih sissikuk ereddi 'yeh, fooca fan gexe. 49Too waqdi olot gaba rubbu heeh, xaa eyyeqqa heeh woo xaa Golyaadat hee. Woo xaa qansat kaak rade. Too waqdi moyyâ-lafa kaak tiddigilleh baaxol afah rade. 50Tonnal Dawud seef sinnuk, wanxef kee xaat Golyaadak yeyseh. 51Sarrak arduk kaa fan gexeeh, amol kaak sollu 'yeeh, kay seef siibba heeh, moyya kaak edde yirgiqeh kaa qide.
Filistiin mari Golyaad rabem yuble waqdi inkih kuden. 52Israayil kee Yuudâ-mariiy deero abak lakat keenik arduk, Gat deqsitta magaalah culmeyna kee Ekron deqsitta magaalah culmeyna guffa haanam fan ken yeyredden. Filistiin-mari Saqrayimik Gat kee Ekron fan gexa gital tinnikissem kee madallah raqtem yekken. 53Israayil mari wokkek yuduure waqdi, Filistiin mari qeebih elle yinfiddigeh suge aracal caben duyye keenik buuben. 54Dawud Golyaad-moyya Yarusalaam fan beeh, kay silac gabat luk raaqeeh, isi siraqih addal hee.
55Saawul naharak Dawud Golyaadat qeebi aba'gidih gexah yuble waqdi, qaskarak abbah yen numuy migaaqah Abner deqsitahiyyak, «A awki iyyin baxay?» axcuk essereh yen.
Woo numuy, «Yi amoytaw, anu maaxiga» 'yaanam kaal gacse.
56Malikiiy, «Hay, gexay esseray amey» kaak iyye.
57Sarra Dawud Golyaad qidda heek wadir yuduure waqdi, Abner Saawul fan kaa bee. Dawud too waqdi Golyaad-moyya gabat abbaxuk yen. 58Kaa baahen waqdi Saawul kaa essereeh, «Furraynow, iyyin baxa kinnito?» kaak iyye.
Dawud, «Anu ku naqasuh yan Yiisay Beetlacamal yoobokehiyyah baxa kinniyo» kaak iyye.
Currently Selected:
1 Samuwel 17: NKM
Highlight
Share
Copy
Want to have your highlights saved across all your devices? Sign up or sign in
1 Samuwel 17
17
GOLYAAD ISRAAYIL MARAH QEEBIH SEECE
1Filistiin mari Yuudâ-rasul geytinta Sooko deqsitta mandaral gaaboowe. Efes-Dammin deqsita aracay Sooko kee Qadeeka fanat geytimahiyyal yinfiddigen. 2Malik Saawul kee Israayil qaskar qeebih bical gacca 'yeenih Eela deqsitta golol yinfiddigen. 3Filistiin mari woo golok kabuk teenal qalel rooruh gaceeh; aki kabul Israayil mari qalel rooruh gaceeh, fanat golo keenik raqte.
4-5Filistiin qaskarak addak Golyaad deqsita celem bukka 'yeeh, Israayil qaskarih addak qeebi kaa'lih aba num yanim keh essere. A num Gat deqsitta magaalal yoobokeh yeneeh, xexxaarah lica cusul kee garab akkuk yeneeh, isik edde waasan nacaasak bicsen kameesiy qilsah kontom kee malcina kiilo yakkehiyya kee, amo edde dacrisan nacaasak bicsen kalabtat sartanah yen. 6Ibitte kaak nacaasak bicsen carbi silaacak isinni edde dacrisan sartanat sartanah ten. Tohuk kalah kaadu, nacaasak bicsen macaxuy xer rikel qidaana sunkut luk yen. 7Kalah kaadu, lafudda le caxxi macaxu luk yen. A macaxuk af malcina kiilo yakke birtak bicseenih yenen. Aki qaskariiti foocat kay gob gabat hayya heeh kaak gexak yen. 8Golyaad sollu 'yeh, Israayil qaskarak, «Isin Saawul marah tanin; anuuy Filistiin-celeemak numuk teena kinniyo. Away isin qeebi nummah duudettoonum siinit celta? Duudettoonum siinit celtek, yo'lih yaame'gidih, sin marak numuk teena ruuba. 9Yok yeyseh yoo qidek, nanu sin naqoosa akkenno. Takkay immay kaak eyseeh kaa qidek, isin ni naqoosa akketton. 10Taway hay, Israayil qaskarey, qeebi yo'lih abu waa num siinit yenek, yawqay» iyye. 11Saawul kee kay qaskar Golyaad yab toobbe waqdi, warigga keenit raddeeh; kaxxa cunxo ken tibbixe.
DAWUD CARBI BOOXA GEXE
12Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen. 13Xaylok sidoc kaak Saawul lih carbi booxa fan gexeh yen. Saqalah keenik tenem Aliyabaay; Aliyabal kataytam Abinadabak ten. Abinadabal kataytam Samma deqsita awkak ten. 14Dawud keenik inkih barah qunxa salafti-baxak ten. 15Qeebi elle yakku waa aracaak, wadir illi elle dacrisa arac fan gexak gacak yen.
16Golyaad, morootom ayroh gide inki ayro namma adda carra kee saaku, «Siinik qeebih-booxal yoh obtam iyya?» axcuk, hiddoowak keenil suge.
DAWUD SAAWUL QASKAR DIYAARA'GID YEMEETE
17Ayrok teena Yiisa Dawuduk iyyeemih, «Alen alok tabna kiilo takkem kee, a tabna gaqambo sissikuk beyay, ku toobokoy woo aracal tanihiyyah bey. 18Qittak a tabna koxxa kaadu beyay, alfi-abbah yan numuh aceetto. Ku tooboko akah tani'nna wagga haay; tamaate waqdi ken tubleeh nagay yaniinimih asta gabat bah. 19Malik Saawul kee ku tooboko gersi Israayil mari inkih Eelâ-golol Filistiin marih qeebit yanin» kaak iyye.
20Dawud maaca dibroh ugutta 'yeeh, illit gersi mara cabba heeh, kay abba kaah elle warse innal, usuk kaal yecee maaqo gabat hayya heeh gexe. Dawud, Israayil mari carbi booxa fanah gexaah, qeebi tirtirisan waqdi, yemeete. 21Filistiin mara kee Israayil marak kulli mariiy fooca kee foocah sittat gacca 'yeenih, qeebi-arac yibbixeenih yenen. 22Dawud kaal ruuben maaqo, maaqoh afat yen numul cabba heeh, qeebi elle yakkem faxa'kke fan yerdeh toobokot yongooroweeh, salaamatta keenih abe. 23Usuk too yaabat ken lih yaaba waqdi, Golyaad elle suge aracak bisoh taturra 'yeh, dumaak akah iyyeh suge innah, Israayil qaskarak away kaadu, «Yo'lih taameenim maay duddan?» iyye. Dawud tah kaak yoobbe.
24Israayil mari Golyaad yuble waqdi, cunxo gexxaamah kudeenih. 25Sittak iyyeenimih, «A num Israayil mara elle bursuta'nna ubula» iyyen. «Malik Saawul a num qidu waa numuh kaxxa acwa aceeleeh, kaadu isi baxá digibih kaah abele. Kay buxah marak gabbara mabeya» sittak iyyen.
26Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye. 27Too waqdi oson Golyaad qidu waa numuh aboonu waanam kaah warsen.
28Aliyab deqsita numuy Dawuduk saqalah yene Dawud sinam lih yaabah yoobbe waqdi, kaat bagcarriteh kaak iyyeemih, «Atu akkel maca abta? Woo bacarih tan baaxol dibuk raaqe illit dacayrih iyyi raaqe? A kaxxam isit yakkalow! Afqadot uma cisab litom aaxigeh. Qeebi wagitta'gidih temeete inna?» kaak iyye.
29Too waqdi Dawud saqalak iyyemii, «Away maca baaheeh? Essero kinni way esseram maduuda innaa?» kaak iyye. 30Kaadu gersi num fan gexeeh, naharak esserem kaa essere. Esserinnaan num naharsi mari iyyem kaak iyye.
31Inkinki mari Dawud iyyem yoobbeeniih, wohim Saawuluh warsen. Saawul too waqdi Dawuduh farmo ruube. 32Dawud kay fan yemeete waqdi, Saawuluk, «Yi amoytaw, a Filistiin-numuk faxe num meysite waama. Anu away gexeh qeebi kaat abeyyo» iyye.
33Saawuluuy, «Aleey, atu awkaay; usuk furraynu tikki 'yeemiiy a saaku fan carbit yan num kinnuk, qeebi kaat abtam madudda» kaak iyye.
34Dawuduuy, «Yi amoytaw, anu yi abbah illi dacrisaah; lubak akkiiy, hinnay kaadu, gersi alluwwa woo illik anaqto beytek, 35lakat eredda akak exceh woo anaqto raaqisa. Woo lubak yakku, hinnay kaadu, faxe ala takkeemih yoo fan yenkeleebe kaa tekkek, katlal xabba kaak heeh aatakuk kaa qidak suge. 36Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo. 37YALLAY lubokwa kee gersi alluwwak yoo catehiyya a Filistiin numuk yoo catele» iyye.
Saawuluuy, «Meqeh hay, YALLI ko'lih yanayak gex» kaak iyye. 38Sarrak qeebik isinni edde reebisan biriitak bicsen sartan xagarat haa'gidih kaah yeceeh, amo edde dacrisan nacaasak bicsen kalabta kaah yecee. 39Too waqdi Dawud Saawul seef woo qeebik isinni edde reebisan biriitak bicsen xagarat haan sartanak bagul hayya heeh, ibah gexam gabbate. Takkay immay duma a gid takke duyye akkuqe weemih sabbatah, gexam yeffereh. Too waqdi Saawuluk, «A gid takke duyye luk qeebi abam maduuda. Ahayduma a gid takke duyye ukkuqeh maaxiga» iyye. Sarrak too duyye isik kaleeh, 40saq dacrisa waqdi gabat haak suge caxxa hirgitta heeh, sarrak buyyi-garik saytun xeetik konooy ukkuqqu heeh, oloh addat hee. Sarrakaay wanxef bicsitti heeh, Golyaadat qeebi aba'gidih gexe.
DAWUD GOLYAADAK YEYSEH
41Woo Filistiin-numuh tu gactek, gob kaah yakkuqe numuy foocat kaak gexahiyya lih Dawud fan yemeete. 42Sarrak Dawud nagay yismiteek ellecabol kaxxam kaa bursute. Macaay inteenik, Dawud qunxa numuy meqe xagar le kinnim kaak yuble. 43Too waqdi Dawuduk iyyemii, «Amah maca akak abta caxxay? Yoo kuta maay takkale?» kaak iyyeeh, yalla iyyeh yaqbude duyyeh migaq xagga heeh kaa abaare. 44Sarrakaay Dawuduk, «Qeebi yo'lih abtuh am. Raysa kok guma kee alluwwâ-cado abeyyok» iyye.
45Too waqdi Dawuduuy, «Atu seefiiy macaxu kee xer rikel qidan af le birta macaxu haysitteh temeete. Yoh tu gactek, Israayil qaskaray atu bursuttehiyyah Dageltih migaaqal emeete. Usuk YALLAY Nabaamak Nabahiyya. 46Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele. 47Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.
48Tohuk lakal Golyaad Dawud fanah kaadu bisoh gexeeh, Dawud kaadu *Filistiin macaxi elle yani'kke fan Golyaadat qeebi aba'gidih sissikuk ereddi 'yeh, fooca fan gexe. 49Too waqdi olot gaba rubbu heeh, xaa eyyeqqa heeh woo xaa Golyaadat hee. Woo xaa qansat kaak rade. Too waqdi moyyâ-lafa kaak tiddigilleh baaxol afah rade. 50Tonnal Dawud seef sinnuk, wanxef kee xaat Golyaadak yeyseh. 51Sarrak arduk kaa fan gexeeh, amol kaak sollu 'yeeh, kay seef siibba heeh, moyya kaak edde yirgiqeh kaa qide.
Filistiin mari Golyaad rabem yuble waqdi inkih kuden. 52Israayil kee Yuudâ-mariiy deero abak lakat keenik arduk, Gat deqsitta magaalah culmeyna kee Ekron deqsitta magaalah culmeyna guffa haanam fan ken yeyredden. Filistiin-mari Saqrayimik Gat kee Ekron fan gexa gital tinnikissem kee madallah raqtem yekken. 53Israayil mari wokkek yuduure waqdi, Filistiin mari qeebih elle yinfiddigeh suge aracal caben duyye keenik buuben. 54Dawud Golyaad-moyya Yarusalaam fan beeh, kay silac gabat luk raaqeeh, isi siraqih addal hee.
55Saawul naharak Dawud Golyaadat qeebi aba'gidih gexah yuble waqdi, qaskarak abbah yen numuy migaaqah Abner deqsitahiyyak, «A awki iyyin baxay?» axcuk essereh yen.
Woo numuy, «Yi amoytaw, anu maaxiga» 'yaanam kaal gacse.
56Malikiiy, «Hay, gexay esseray amey» kaak iyye.
57Sarra Dawud Golyaad qidda heek wadir yuduure waqdi, Abner Saawul fan kaa bee. Dawud too waqdi Golyaad-moyya gabat abbaxuk yen. 58Kaa baahen waqdi Saawul kaa essereeh, «Furraynow, iyyin baxa kinnito?» kaak iyye.
Dawud, «Anu ku naqasuh yan Yiisay Beetlacamal yoobokehiyyah baxa kinniyo» kaak iyye.
Currently Selected:
:
Highlight
Share
Copy
Want to have your highlights saved across all your devices? Sign up or sign in