Nemyas 12
12
Ngay Tagfon Fanggalangun ay ngay Taw Lebi at ngay Ngayan
1-7Kayu tuy ngay tagfon fanggalangun ay ngay taw Lebi at ngay ngayan at kinfoli siginans fagatabananan: Serubabel, Sealtiel at baguama, ay Eswa fag tagfon fanggalangun. Ngay tagfon fanggalangun: Seraya, Eremyas, Esra, Amarya, Maluk, Katus, Sekanyas, Rekum, Meremut, Iddu, Ginetun, Abya, Miamin, Muadya, Bilga, Semaya, Uyarib, Edya, Salu, Amuk, Kilkya, ay Edaya. Kanya fag ngay tagfangguna ngay tagfon fanggalangun at ngay fasfuan gfakamulun gina Eswa at buknga.
8Kayu tuy ngay taw Lebi: Eswa, Binwi, Kadmiel, Serebya, Uda ay Matanya. Sa was Matanya ay at ngay ufud at fagfatigwanan tagfangguna gina galubad, ngay alubad fagusegananun. 9Ay Bakbukya ay Uni, ay at ngay fadgaloan, at fagfatigwanan tagbalus kanya fag ngay alubad.
Fun Tagfon Fanggalangun Eswa at ngay Kasugfunanan
10Eswa, Yuyakim at mama. (Yuyakim, Elyasib at mama; Elyasib, Uyada at mama; 11Uyada, Yunatan at mama; Yunatan, Adua at mama.)
Tagfangguna ngay Tagfon Fanggalangun at ngay Talanan
12-13Kayu tuy tagfangguna ngay tagfon fanggalangun at ngay talanan, ebi gina Yuyakim at fun tagfon fanggalangun:
Meraya, tagfangguna Seraya at talanan;
ay Kananya, tagfangguna Eremyas at talanan;
ay Mesulam, tagfangguna Esra at talanan;
ay Eukanan, tagfangguna Amarya at talanan;
14ay Yunatan, tagfangguna Maluk at talanan;
ay Use, tagfangguna Sebanya at talanan;
15ay Adna, tagfangguna Karim at talanan;
ay Kelkay, tagfangguna Merayut at talanan;
16ay Sakaryas, tagfangguna Iddu at talanan;
ay Mesulam, tagfangguna Ginetun at talanan;
17ay Sikri, tagfangguna Abya at talanan;
ay Piltay, tagfangguna Minyamin ay Muadya at talanan;
18ay Samwa, tagfangguna Bilga at talanan;
ay Eunatan, tagfangguna Semaya at talanan;
19ay Matenay, tagfangguna Uyarib at talanan;
ay Usi, tagfangguna Edaya at talanan;
20ay Kalay, gfangguna Salu at talanan;
ay Eber, tagfangguna Amuk at talanan;
21ay Kasabya, tagfangguna Kilkya at talanan;
ay Netanel, tagfangguna Edaya at talanan.
Tagfangguna taw Lebi at ngay Talanan
22Gina fun Daryu tagfunan sis talun Persya, e nariruk ngay tagfon fanggalangun at talanan at ngay tagfangguna at ngay ngayan ay anggan taw Lebi at ngay talananan at ngay tagfangguna at ngay ngayan. Ginanya at ngay fun tagfon fanggalangun Elyasib, Uyada, Ukanan ay Adua. 23Tagfangguna ngay taw Lebi at talanan sitsigon Ukanan at fufu Elyasib at buknga, anriruk wan.
24Kayu tuy tagfangguna ngay taw Lebi at talananan: Kasabya, Serebya, Eswa, Benwi, Kadmiel, ay tiba yak taw at malindug sis aturunan tagalubad ay tagfauseganan sis Dius at bale. Kanya fagayu gungbusan galubad, kata Dius at fagsuguan Dabid at suguan. 25Sanya yangay Matanya, Bakbukya ay Ubadyas. Ay Mesulam, Talmun, ay Akub tagulit ngay fagfungsuan sis day Dius at bale at sakbawan.
26Kanya fagayu tagfakamulun gina Yuyakim, Eswa at baguama ay Usadak at fufu, ay Nemyas sik afud talun at fun, ay Esra fag tagfon fanggalangun ay tagfoyung suguan.
Nu Gfadante Furuan Daul at Alad
27Gina gfadante Erusalem at alad, nafauro ngay taw Lebi siginan at fagbanwanan. Ay nafasas Erusalem ngay taw laman namauseganan gina gfatigwanan Dius at bale siginan nu galubad ngay alubad tagfauseganan ay siginan nu gfawang at ngay fagfawangun kata fagfawangun ke ngay bakyang, tulali ay tiba yak fagfawangun. 28Ay nafauro yangay siginans ligung Erusalem fag ngay furuan at ngay tagalubad dewa siginans taw Netufa at ngay furuan. 29E siginan yangays furuan Bet-Gilgal, ay furuan Geba ay Asmabet. Ay ngay tagalubad at ngay furuan si wa sligung Erusalem. 30Ay anke fagmafulun yangay laman ngay tagfon fanggalangun ay anggan ngay taw Lebi sik ngay matuyan, katanya yangay at nafakamulun sa sangay taw ay sa sangay furuan at sakbawan alad.
31Ay nataban au ngay taw Uda at ngay tagfangguna sas tungud alad, ay nafaful au kafag duak gaban tagalubad laman gfauseganan Dius. Sik gaban guro glao sabaliwas Sakbawan Fagnangukasan Nakaurian. 32Ay taguyan, Usaya fag gaban ay sik wabilug talun Uda at ngay tagfangguna, 33galo yangay sanya Asarya, Esra, Mesulam, 34Uda, Benamin, Semaya, Eremyas, 35anggan tibak ngay tagfon fanggalangun ay tagfawang budyung. Galo yangay sanya Sakaryas Yunatan at baguama. (Yunatan, Semaya at baguama; Semaya, Matanya at baguama; Matanya, Mikaya at baguama; Mikaya, Sakur at baguama, Asaf at kasugfunanan), 36ay at ngay faudgufudan Semaya, Asarel, Milalay, Gilalay, Maay, Netanel, Uda ay Kanani. Kanya fagayu e buba ngay fagfawangun kata fun Dabid, Dius at fagsuguan at ngay fagfawangun. Tagfangguna tuy fag ngay taw Esra tagfoyung Dius at Faugali. 37Kanya fagayu nu ndasug tagsabaliwas Bulbug fag Sakbawan, naundaud sas dalan takata sik agdan tagsabaliwas Dabid at furuan daul. Kanya fagayu nadalan fun Dabid at bale yakmay andasug sas Sakbawan Mamam, sas fakamenitan baliwa furuan daul.
38At faduak gaban nalao sas tungud alad sabaliwas fawalan. Ay nanangalo au kanya fag gaban anggan sik wabilug ngay taw. Ay nadalan ami sas bale ngabat fagulitan at ke fagfatamaan tagsabaliwa tagbia fag alad. 39Sanya ginan, nadalan ami sas Efraim fag Sakbawan, sat Dan fag Sakbawan, sas Albon fag Sakbawan, ay sas Kananel fag fagulitan ay sas fagulitan at ngayan Sadik Sandan. Ay nadalan yangay ami sas Tupa fag Sakbawan ay anragang ami sis Tagulit at Sakbawan.
40Kafag duak gaban tagfauseganan Dius, nataglayun wan sas Dius at bale. Ay anggan au ay tibak tagfakamulun nataglayun yangay ami sanya. 41Sanya yangay ngay taguyup budyung fag ngay tagfon fanggalangun. Kata Elyakim, Maaseya, Minyamin, Mikaya, Elyuenay, Sakaryas, ay Kananya. 42Ay at ngay tagsaful galubad, Maaseya, Semaya, Elyasar, Usi, Eukanan, Malkya, Elam, ay Eser. Tagfangguna kafag ngay tagsaful galubad, Esraya. 43Ginanya yangay fag menit, kanya fagayu nafon ngayuk famonun ay guseganan, aroro Dius nafae fagusegananun anya fagayu. Anggan ngay mangena ay at ngay sisian maksvn nu guseganan. Nu katanya, kanya fagayu nu guro guseganan kadungug nusnga nday.
44Ginanya fag menit, nafili sik ngay mangama tagalaga bale fagfungsuan ngay famonun, taguna fag gutluan, ay at fasafuluk afud. Kanya fagayu at namaful famonun siginan ngay furuan at ligung fag ngay gamasun laman sa sangay tagfon fanggalangun ay sa sangay taw Lebi, gfaning at Faugali. Aroro ngay taw Uda guseganan ngay tagfon fanggalangun ay taw Lebi at ngay fakamulun. 45Kanya fagayu nawat sik fagaloan sa nu gfasine, ay tiba yak fakamulun Dius at nafafasludan sanya fagayu. Ngay tagalubad ay tagulit sakbawan nafakamulun yangay kata fun Dabid ay at baguama Sulumun at ngay suguan. 46Siginan yay fun Dabid ay fun Asaf at buknga, e ngay tagfangguna wan ngay tagalubad laman gseg ay gfauseganan Dius. 47Ay gina Serubabel ay Nemyas at buknga, taw Israel nafon at ngay famonun sa sangay tagalubad ay sa sangay tagulit sakbawan ay anggan sa sangay taw Lebi. Ay at nafon sa sangay taw Lebi, siginan wa yangay at famonun sas Arun at kasugfunanan fag ngay tagfon fanggalangun.
Currently Selected:
Nemyas 12: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
