1 Krunika 24
24
Ngay Tagfon Fanggalangun at Fakamulun
1Katatuy Arun at ngay gaban nu maafudan: at ngay baguama: Nadab, Abyu, Elyasar ay Itamar.
2Dewa katanya, Nadab ay Abyu naguna at mama Arun anbul ay wa nke sisian, nu katanya, Elyasar ay Itamar at nafakamulun laman sik ngay tagfon fanggalangun. 3Ay Saduk tagsiginan Elyasar at gaban, ay Akimelek tagsiginan Itamar at gaban, nagubuk fun Dabid laman gafud Arun at gaban laman namakamulun sat mesa fakamulun. 4Ay kanya nafud yangay sas labi unumk afud Elyasar at gaban, ay nafud yangay sas waluk afud Itamar at gaban, aroro sis Elyasar at talanan ayu yap tua tibak gaban at ngay tagfangguna. 5Ay fagayu fakamulun nafud sa sangay tagfakamulun siginan nu ginsaful, aroro e gfangguna tagfakamulun sas Yawi at bale siginan Elyasar ay Itamar at gaban.
6Semaya, Netanel at baguama tagriruk ngay taw Lebi at ngay ngayan. Kanya nariruk ngay tagfon fanggalangun at ngay ngayan sis fun at salubangan, ay ngay tagfangguna: Saduk fag tagfon fanggalangun, Akimelek, Abyatar at baguama, ay tagfangguna ngay talanan fag ngay tagfon fanggalangun ay ngay taw Lebi. Elyasar ay Itamar at ngay gaban gungbusan nu gfafidfilian.
7Taguna at nafili Euyarib
ay at fadua Edaya,
8at fatulu Karim,
ay at faufat Seurim,
9at falima Malkya
ay at faunum Miamin,
10at fafitu Akus,
ay at fawalu Abya,
11at fasiam Eswa,
ay at fasafulu Sekanyas,
12at falabi sadi Elyasib
ay at falabi dua Akim,
13at falabi tulu Kupa
ay at falabi ufat Esebeab,
14at falabi lima Bilga,
ay at falabi unum Imer,
15at falabi fitu Kesir,
ay at falabi walu Apises
16at falabi siam Petakya,
ay at faduak safulu Ekeskel,
17at faduak safulu e sadi Akin,
ay at faduak safulu e dua Gamul,
18at faduak safulu e tulu Delaya,
ay at faduak safulu e ufat Maasya.
19Kanya fagayu nafakamulun at ngay fanambagun sis Yawi at bale kata at mangaguyang Arun at nafon fag fagaloan siginans Yawi, Israel at Dius.
Ngay Tagfangguna taw Lebi at ngay Talananan
20Kayu tuy tagfangguna at iba Lebi at talananan:
Siginan Amram at gaban Subael.
Ay siginan Subael at gaban Edeya.
21Ay siginan Rekabya at gaban Isya, tagfangguna at talanan.
22Ay siginan Isar at gaban, Selumut.
Ay siginan Selumut at gaban, Akat.
23Ay siginan Kebrun at gaban, Erya, tagfangguna at talanan, Amarya at fadua, Akasyel at fatulu ay Ekameam at faufat.
24Ay siginan Usyel at gaban, Mikas, ay siginan Mikas at gaban, Samir,
25ay siginan Isya at gaban, Mikas at faduksay Sakaryas,
26ay siginan Merari at gaban, Makli ay Musi.
Ay siginan Aasya at gaban, Binu.
27Ay siginan Merari at gaban, Aasya at ngay baguama: Binu, Suam, Sakur ay Ibri.
28Ay siginan Makli at gaban, Elyasar, at yud e baguama.
29Ay siginan Kis at gaban, Erakmel.
30Ay siginan Musi at gaban: Makli, Eder ay Erimut. Kanya ngay taw Lebi siginan at ngay talananan.
31Kata Arun at ngay gaban at nafakamulun, kanya fagayu nafafidfilian yangay laman saful at ngay fanambagun, nusnga seyu at banwa. Kanya fagayu nafakamulun sis salubangan fun Dabid, ay Saduk, Akimelek ay tagfangguna ngay tagfon fanggalangun at talananan, ay taw Lebi.
Currently Selected:
1 Krunika 24: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
