1 Krunika 23
23
Ngay Taw Lebi at Fakamulun
1Ay Dabid nu mafufuama wan, nafili at baguama Sulumun laman Israel at fun. 2Ay nafaful fagayu tagfangguna sis Israel, anggan ngay tagfon fanggalangun ay ngay taw Lebi. 3Ay natap ngay taw Lebi at ke banwa tuluk safulu sat tungud baliwa, ay nu fagayu wan, tuluk safulu e waluk libu. 4Ay Dabid glong te, “At duak safulu e ufatk libu tagfakamulun sis Yawi at bale, ay at unumk libu tagfakamulun laman tagfangguna ay ngay tagwabilug. 5Ay at ufatk libu tagulit Yawi at bale at ngay sakbawan, ay at ufatk libu tagfauseganan Yawi siginan ku nafawat fag ngay fagfawangun laman sa takatatuy fag fakamulun.” 6Ay Dabid nafa tuluk gaban ngay taw Lebi, kata Lebi at ngay baguama: Gersun, Kuat ay Merari, at ngay talanan.
Gersun at ngay Kasugfunanan
7Gersun at ngay baguama: Ladan ay Simei. 8Ay Ladan e tuluk baguama: Eyel, tagfangguna at talanan, Setam ay Uel. 9Kanya fagayu tagfangguna Ladan at ngay talanan. Ay Simei e tulu yangayk baguama: Selumut, Kasyel ay Aran.
10-11Ay Simei anke ufat yay fiak baguama: Akat, tagfangguna at talanan, ay at fadua Sisa, ay at fadogan Eus ay Berya. Eus ay Berya at ngay baguama wa ngayu, nu katanya, kanya fagayu kata way nu sadik talanan.
Kuat at ngay Kasugfunanan
12Ay Kuat e ufatk baguama: Amram, Isar, Kebrun ay Usyel. 13Ay Amram at baguama: Arun ay Muisis. Ay nafili Arun ay at ngay gaban laman at namatigwanan ngay fagagbilugun at yud e malong, ay at namon fanggalangun sas Yawi. Ay kabavn ban kanya wan at fakamulun. 14Ay Dius at fagsuguan Muisis at ngay baguama antap sa sangay taw Lebi. 15Muisis at baguama: Gersun ay Elyeser. 16Ay Gersun at baguama at sadi Sebwel, tagfangguna at talanan. 17Ay Elyeser at baguama Rekabya, tagfangguna at talanan. Ay ngayu Rekabya at ngay gaban.
18At sadi Isar at baguama Selumit, tagfangguna at talanan.
19Ay Kebrun at ngay baguama: Erya, tagfangguna at talanan, Amarya, Akasyel ay Ekameam.
20Ay Usyel at ngay baguama: Mikas, tagfangguna at talanan, ay Isya.
Merari at ngay Gaban
21Merari at ngay baguama: Makli ay Musi. Ay Makli at ngay baguama: Elyasar ay Kis. 22Ay Elyasar anbul ay wa nke baguama, ngay baguina way lang. Ay at ngay lagbe Kis at ngay baguama nabubay kanya fag ngay baguina.
23Ay Musi e tuluk baguama: Makli, Eder ay Eremut.
24Kanya fagayu Lebi at ngay kasugfunanan tagfangguna at ngay talanan. Ay at ngay ngayan marirukan sis fagrirukan. Ay kanya fagayu nu namakamulun sas Yawi at bale, at masine at banwa dua tuak safulu sat tungud baliwa. 25Ay Dabid glong te, “Yawi, Israel at Dius nafon antam fagmanabayanun ay kanya ban gbanwan tua gugat sis Erusalem. 26Ay ngay taw Lebi ban wa gbuba ya gugat bale ramit ay at ngay fagagbilugun.”
27Kata Dabid at suguan taguyan, nariruk fagayu taw Lebi tagduak safuluk banwa sat tungud baliwa laman namakamulun. 28Ay ngay taw Lebi at fanambagun taggubuk Arun at ngay kasugfunanan fag ngay tagfon fanggalangun sis Yawi at bale. Kanya fagayu tagulit Dius at bale at alad ay ngay suluk sit ligung. Ay kanya yangay fagayu taggubuk gfasine at ngay faugali, ay tiba yak fakamulun. 29Ay kanya yangay fagayu at fagfatigwanan at namuba at yud e malong fag tinapay sas fagfatungkudan, ay fangawat tinapay laman fanggalangun sa nu gfauseganan Yawi, ay tinapay yud e famabia ay tiba yak fagfatamaun ay fagfakawatun. Ay sa yangay anya fagayu nu gfatigwanan gfabudbungguan ay gfasudsudan fagayu fanggalangun. 30Kanya yangay fagayu tagmalindug sis Yawi at bale galay balabag ay yabi laman gfauseganan Yawi. 31Ay kanya fagayu ggubuk yangay nu gfon ngay fagirugun fag ngay fanggalangun sas Yawi galay Famiangalay fag Menit, ay galay fagmafulun sabaliwa Magdanun nu Bagu Kasure, ay sa tiba yak fagusegananun. Ay kanya fagayu e ngay faugali nu seyuk taw Lebi at namakamulun sa kafag ngay fakamulun ay nu setain nu gfakamulun.
32Nu katanya, ngay taw Lebi nafakamulun at fanambagun, laman tagalaga Yawi at bale ay at Mafasamanan fag Suluk, ay nu ggubuk at ngay kalongan fag ngay tagfon fanggalangun, Arun at ngay kasugfunanan, nu gfakamulun sis Yawi at bale.
Currently Selected:
1 Krunika 23: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
