YouVersion Logo
Search Icon

എപസോസുഗാറാര് 6:14-15

എപസോസുഗാറാര് 6:14-15 സാമി സേദി

അദ് എത്തെന്റ് സൊന്ന, ജുദ്ദ ഗേവ ഒന്റു പട്ടളഗാറാന്‌ക്ക് ഇ്ഡ്‌പ്പ്‌ക്ക് കച്ചെ കെ്ട്ടുവാദ് എത്ത്‌റ മുക്ക്യമാന കാര്യഗൊ അദേപാസെ നമ്മ് പെ്ളേപ്പ്‌ല് സെയിത്താന് നമ്മ് കണ്ണ്‌ക്ക് തെര്യാദെ ഗേവ ജുദ്ദന സോലുസ്യ സത്ത്യത്തോഡ പെ്ളേക്കുവ പെ്ളേപ്പ് അത്ത്‌റാക്ക്‌മ് മുക്ക്യമാനാദ്. ജുദ്ദ ഗേവ ഒന്റു പട്ടളഗാറാന്‌ക്ക് മാര്‌കച്ചെ കെ്ട്ടുവാദ് എത്ത്‌റ മുക്ക്യമാന കാര്യഗൊ അദേപാസെ നേര്‌മെഗാറാന് എന്നുവ ഒറേപ്പിര്‌ക്കുവ മനേസ്സ് മുക്ക്യമാന കാര്യ. ഒന്റു ജുദ്ദ ഗേവ പട്ടളഗാറാന് സോലുക്കാദെ ജുദ്ദ ഗേന്ത്‌കൊണ്ട്‌റ്ക്ക്യ കാല്‌ക്ക് സെര്‌പ്പിക്കുവാദ് എത്ത്‌റ മുക്ക്യമാന കാര്യഗൊ അദേപാസെ സാമ്യോഡ നമാക്കിന്ത പഗെന ഇല്ലാദെ മാഡ്‌ന നല്ല സേദിന ഒറേപ്പായി നമ്പി അഡ്‌ത്തവാര്‌ക്ക് സൊല്ലി പെ്ളേക്കുവാദ് അത്ത്‌റാക്ക്‌മ് മുക്ക്യമാന കാര്യ.