इब्रानियों हेंद-पेचाण
हेंद-पेचाण
इब्रानियों के नाम को कागद मसी मनकाँ का एक समू ने लिक्यो ग्यो हो, जीं बड़ता तका विरोद का मस, आपणाँ मसी विस्वास ने त्यागवा में हा। लिकबावाळो अणाने आपणाँ विस्वास में बण्यो रेवा का वाते धिज्यो बंदावे हे। यो हिकावे हे के, ईसू मसीइस परमेसर का हाँचा अन आकरी परकासण हे। अस्यान करती टेम में वो तीन हाँची बाताँ पे जोर देवे हे। पेली बात, ईसूइस मसी को हाँचो बेटो हे, जणी दक देक-देकन बापू की हाँची आग्या मानणो हिक्यो। परमेसर का बेटा का रूप में ईसू पुराणा नेम का परमेसर का आड़ीऊँ बोलबावाळा, हरग-दुत अन खुद मूसाऊँ मोटो हे। दूजी बात, ईसू परमेसर का आड़ीऊँ अंत का टेम तईं मोटो याजक घोसित किदो ग्यो हे। पुराणा नेम का मोटायाजकाऊँ मोटो हे। तीजी बात, ईसू का वजेऊँ विस्वासी मनक पाप, दरपणी अन मोतऊँ बंचा लिदो ग्यो हे। इजराएली इतिहास का कुई खास मनकाँ का विस्वास को उदारण अटे 11 वाँ पाट में मले हे, लेकक आपणाँ भणबावाळाऊँ विस्वास में बण्या तका रेवा की अरज करे हे, अन 12 वाँ पाट में वो आपणाँ भणबावाळाऊँ अरज करे हे के, वीं अंत तईं विस्वास में बण्या तका रेवे अन आपणी आक्याँ ईसू पे लगई तकी राके। अन ज्यो दक अन हताव वाँका पे आवे हे, वीं वींने हिम्मत राकन सेण करे। या कागद सला अन चेतावण्याँ का हाते खतम वेवे हे।
रूप-रेखा
भुमिका मसी, परमेसर को पाको परकासण 1:1–3
मसी, हरग-दुताऊँ भी खास 1:4—2:18
मसी, मूसा अन यहोसु भी खास 3:1—4:13
मसी का याजक पद की मानता 4:14—7:28
मसी का वादो की मानता 8:1—9:28
मसी का बलीदान की मानता 10:1–29
विस्वास की मानता 11:1—12:29
आकरी उपदेस 12:1–25
Currently Selected:
इब्रानियों हेंद-पेचाण: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved