1 Corinthians 11
11
1Unudonyu saḵone isun ni angunudaḵ ḵan Kristu.
Sa An-abbungan Da Bubai
2Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu. 3Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu. 4Nu magimung ḵayu ya awad laḻaḵi'ḵ inabbungana uḻunae alluwaḻu baḵon nu angipaigammu'tte Ugud Apudyus, imbabbainna'ḵ Kristu we Apuna.#11:4 Awad da duwae pion ni gagangaye ugud atte Greek ḵanane nausar si anna, sa uḻu baḵon nu sa angipangpangu. Pun sa de verse 4 ya sa 5 maḵwae maawatan piona ḵanane pabainana uḻu baḵon nu pabainana angipangpangu. 5Yaḵon nu alluwaḻu bubai baḵon nu ipaigammuna Ugud Apudyus, ḵasapuḻane maabbungan uḻuna. Te nu adina, pabainana asawanae laḻaḵi ḵad isun ay di impapuluḵna uḻuna. 6Te nu adimpun ni bubai abbungan uḻuna, ampapuluḵ oḵyan. Yaḵon gapu ta mabaine ampapuluḵ bubai, ḵasapuḻane an-abbung.#11:6 Sa timpun Paul, sa abbung ḵad sinyale paituray osae tagu we nababa si osae nangatu nu siya. Pun daḵampun aḵ bagay ni laḻaḵi nu an-abbung si simbaan te sa piona ḵanan ipaḵumbabana long-agna si bubai. Ḵad nu ḵoona sadi, isunan daḵampun ḵan Kristu paiturayana nu adi sa bubai. Daḵampun os aḵ mibagay si bubai adi maabbungan te nu adi maabbungan, ibabbainna laḻaḵi. Nu adi bubai ampaabbung, un-unnoyna ampapuluḵ, piona ḵanan, sa bubai, lawwelawweng ḵaugudana.
7Yaḵon sa laḻaḵi, adipun oḵyan an-abbung si andayawana ḵan Apudyus te siya angipaila si ḵais-isu ḵan ḵinadayaw Apudyus. Yaḵon sa bubai, siya angipaila si ḵaḻabbongan ni laḻaḵi. 8Te sa laḻaḵi daḵampun aḵ naḻpu si bubai yaḵon sa bubai naḻpu si laḻaḵi. 9Ḵad daḵampun os aḵ ḵingwan Apudyus laḻaḵi'ḵ para si bubai yaḵon ḵingwana bubai'ḵ para si laḻaḵi.#11:8-9 Genesis 2:18-19. 10Pun gapu'tta anghel, an-abbung oḵyan bubai ta ipailana ḵaḻabbongan ni laḻaḵi.
11Yaḵon sosomḵonyu we gapu'tte niyossaanan taḵu ḵan Apu, sa bubai ḵasapuḻana laḻaḵi ḵad sa laḻaḵi ḵasapuḻana bubai. 12Te taḵon ay nu sa laḻaḵi naḻpuwan ni ummunae bubai, sinsana sa bubai angiyanaḵ si laḻaḵi. Yaḵon aḵ Apudyus maḻpuwan da losan.
13Diḵayu ud anomsomoḵ nu ustu ḵamman adi an-abbung bubai nu alluwaḻu ḵan Apudyus atte magimung ḵayu? 14Ḵad gagangay atte ugalin da tagu we ḵababbain nu andu buuḵ ni laḻaḵi. 15Yaḵon nu andu buuḵ ni bubai, siya dayawna te innatod Apudyus buuḵna ta ambalin aḵ isun di abbungna. 16Yaḵon nu awad sumullagi si annae imbagaḵ, ibagaḵ ḵan diḵayu we ippun ugali taḵu'ḵ ḵaḵnat, taḵon ay da gimung da namati ḵan Apudyus.
Sa Angiḵagasmoḵan Si Natoyan Jesu Kristu
(Mat. 26:26-29; Mrk. 14:22-25; Luk. 22:14-20)
17Nu mipanggob atta ibilinḵu ḵan diḵayu, adiḵpun dayawon diḵayu te sa magimugimunganyu, daḵampun aḵ ambanag si bumaḻuwanyu yaḵon sa lumawenganyu. 18Umunae gapuna, dingngoḻḵu we nu magimung ḵayu we andayaw ḵan Apudyus, andaddasig ḵayu. Ḵad isun ay di an-agagaḵ os amati ye tuttuwa. 19Te ḵasapuḻan daddasig ḵan diḵayu ta mimatunan da gattoḵ da pammatida. 20Sa magimunganyu we angan atte angiḵagasmoḵanyu si natoyan Apu Jesu Kristu, daḵampun ḵan siya sosomḵonyu, 21te sa angananyu, adiḵayupun an-asiuway, awad da udume unaonda ḵanon da dinaanda. Ḵad mauḻat da udum ya naabus nabartek da udum.#11:21 Sa gagangaye ugalin da namati'tte magimungda, anḵaḵaḵanda'tta losane dinaanda asidaot angan si tinapay ya uminum atte baḻat da de grape ta angiḵagasmoḵanda'tte natoyan Jesu Kristu. 22Ngaipayu ḵoon ḵaḵnat? Ippun ḵamman boḻoyyu'ḵ angananyu ḵan uminumanyu? Amsewonyu ḵamman da magimugimunge namati ḵan Apudyus ya ibabbainyu da ippun mabalinda? Ngai namnamaonyu we ibagaḵ ḵan diḵayu mipanggob si anna? Idayawḵu diḵayu? Naid, adipun maḵwa!
Sa Anungus Ni Naḵaḵanan Jesus Atta Disipuluna
(Mat. 26:26-30; Mrk. 14:22-26; Luk. 22:14-20)
23Te inawatḵu ḵan Apu Jesus da losane intuttuduḵ ḵan diḵayu. Nanganda ḵad si labi ye nituyuḵana, innaḻana tinapay 24woḵ nanggappiya ḵan Apudyus. Binisbisaḵna woḵ ḵanana, “Annaya long-agḵu we midatun para ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.” 25Nagangputda ḵade nangan, innaḻana bos sintasae bayase grape woḵ ḵanana, “Sa annae natasae bayas, siya Baru we Tuḻag Apudyus atta taguna. Ḵad sa daḻaḵ, siya amanoḵnoḵ atte sadi ye tuḻag. Ḵad nu inumonyu, pasigyu ḵoon ḵaḵna ta angiḵagasmoḵanyu ḵan saḵon.”#11:25 Sa sadi ye mipanggob atte Baru we Tuḻag we ḵingwan Apudyus, awad atte Hebrews 8:6-12. 26Sa timpu we angan ḵayu si tinapay ḵan uminum ḵayu si bayas, ipaigammuyu natoyan Apu inggana'ḵ angulinana.
27Pun ngaimane angan baḵon nu uminum atte natasae bayas ya adinapun somsomḵon ustu we ḵausarana, maḵabasuḻ ḵan Apu te inamsewna long-agna ḵan daḻana. 28Yaḵon awad osa ya umunae usigona oḵyan long-agna ḵad asiyot maḵwae angan atte tinapay ḵan uminum si bayas si angiḵagasmoḵana'tte natoyan Jesu Kristu. 29Te nu maḵaḵan ya maḵainume adinapun maawatan nu ngai pion ni long-ag Kristu ḵanan ya sa ḵapatogna, madusa gapu'tte ḵingwana. 30Sadi gapunae adu da anḵuya ḵan nasaḵit ḵan diḵayu ḵad siya bos natoyan da udum. 31Yaḵon nu unaon taḵu usigon da long-ag taḵu we ustu adimpun Apudyus ditaḵu dusaon. 32Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.
33Pun susunudḵu ḵan Kristu, nu magimung ḵayu we angan si angiḵagasmoḵanyu si natoyan Apu Jesus, an-asiuway ḵayu. 34Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.
Currently Selected:
1 Corinthians 11: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
1 Corinthians 11
11
1Unudonyu saḵone isun ni angunudaḵ ḵan Kristu.
Sa An-abbungan Da Bubai
2Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu. 3Yaḵon awad os osae pioḵe maawatanyu we aḵ Kristu isun di uḻun da losane laḻaḵi ḵad sa laḻaḵi isun di uḻun ni asawana. Ḵad aḵ Apudyus siya isun di uḻun Kristu. 4Nu magimung ḵayu ya awad laḻaḵi'ḵ inabbungana uḻunae alluwaḻu baḵon nu angipaigammu'tte Ugud Apudyus, imbabbainna'ḵ Kristu we Apuna.#11:4 Awad da duwae pion ni gagangaye ugud atte Greek ḵanane nausar si anna, sa uḻu baḵon nu sa angipangpangu. Pun sa de verse 4 ya sa 5 maḵwae maawatan piona ḵanane pabainana uḻu baḵon nu pabainana angipangpangu. 5Yaḵon nu alluwaḻu bubai baḵon nu ipaigammuna Ugud Apudyus, ḵasapuḻane maabbungan uḻuna. Te nu adina, pabainana asawanae laḻaḵi ḵad isun ay di impapuluḵna uḻuna. 6Te nu adimpun ni bubai abbungan uḻuna, ampapuluḵ oḵyan. Yaḵon gapu ta mabaine ampapuluḵ bubai, ḵasapuḻane an-abbung.#11:6 Sa timpun Paul, sa abbung ḵad sinyale paituray osae tagu we nababa si osae nangatu nu siya. Pun daḵampun aḵ bagay ni laḻaḵi nu an-abbung si simbaan te sa piona ḵanan ipaḵumbabana long-agna si bubai. Ḵad nu ḵoona sadi, isunan daḵampun ḵan Kristu paiturayana nu adi sa bubai. Daḵampun os aḵ mibagay si bubai adi maabbungan te nu adi maabbungan, ibabbainna laḻaḵi. Nu adi bubai ampaabbung, un-unnoyna ampapuluḵ, piona ḵanan, sa bubai, lawwelawweng ḵaugudana.
7Yaḵon sa laḻaḵi, adipun oḵyan an-abbung si andayawana ḵan Apudyus te siya angipaila si ḵais-isu ḵan ḵinadayaw Apudyus. Yaḵon sa bubai, siya angipaila si ḵaḻabbongan ni laḻaḵi. 8Te sa laḻaḵi daḵampun aḵ naḻpu si bubai yaḵon sa bubai naḻpu si laḻaḵi. 9Ḵad daḵampun os aḵ ḵingwan Apudyus laḻaḵi'ḵ para si bubai yaḵon ḵingwana bubai'ḵ para si laḻaḵi.#11:8-9 Genesis 2:18-19. 10Pun gapu'tta anghel, an-abbung oḵyan bubai ta ipailana ḵaḻabbongan ni laḻaḵi.
11Yaḵon sosomḵonyu we gapu'tte niyossaanan taḵu ḵan Apu, sa bubai ḵasapuḻana laḻaḵi ḵad sa laḻaḵi ḵasapuḻana bubai. 12Te taḵon ay nu sa laḻaḵi naḻpuwan ni ummunae bubai, sinsana sa bubai angiyanaḵ si laḻaḵi. Yaḵon aḵ Apudyus maḻpuwan da losan.
13Diḵayu ud anomsomoḵ nu ustu ḵamman adi an-abbung bubai nu alluwaḻu ḵan Apudyus atte magimung ḵayu? 14Ḵad gagangay atte ugalin da tagu we ḵababbain nu andu buuḵ ni laḻaḵi. 15Yaḵon nu andu buuḵ ni bubai, siya dayawna te innatod Apudyus buuḵna ta ambalin aḵ isun di abbungna. 16Yaḵon nu awad sumullagi si annae imbagaḵ, ibagaḵ ḵan diḵayu we ippun ugali taḵu'ḵ ḵaḵnat, taḵon ay da gimung da namati ḵan Apudyus.
Sa Angiḵagasmoḵan Si Natoyan Jesu Kristu
(Mat. 26:26-29; Mrk. 14:22-25; Luk. 22:14-20)
17Nu mipanggob atta ibilinḵu ḵan diḵayu, adiḵpun dayawon diḵayu te sa magimugimunganyu, daḵampun aḵ ambanag si bumaḻuwanyu yaḵon sa lumawenganyu. 18Umunae gapuna, dingngoḻḵu we nu magimung ḵayu we andayaw ḵan Apudyus, andaddasig ḵayu. Ḵad isun ay di an-agagaḵ os amati ye tuttuwa. 19Te ḵasapuḻan daddasig ḵan diḵayu ta mimatunan da gattoḵ da pammatida. 20Sa magimunganyu we angan atte angiḵagasmoḵanyu si natoyan Apu Jesu Kristu, daḵampun ḵan siya sosomḵonyu, 21te sa angananyu, adiḵayupun an-asiuway, awad da udume unaonda ḵanon da dinaanda. Ḵad mauḻat da udum ya naabus nabartek da udum.#11:21 Sa gagangaye ugalin da namati'tte magimungda, anḵaḵaḵanda'tta losane dinaanda asidaot angan si tinapay ya uminum atte baḻat da de grape ta angiḵagasmoḵanda'tte natoyan Jesu Kristu. 22Ngaipayu ḵoon ḵaḵnat? Ippun ḵamman boḻoyyu'ḵ angananyu ḵan uminumanyu? Amsewonyu ḵamman da magimugimunge namati ḵan Apudyus ya ibabbainyu da ippun mabalinda? Ngai namnamaonyu we ibagaḵ ḵan diḵayu mipanggob si anna? Idayawḵu diḵayu? Naid, adipun maḵwa!
Sa Anungus Ni Naḵaḵanan Jesus Atta Disipuluna
(Mat. 26:26-30; Mrk. 14:22-26; Luk. 22:14-20)
23Te inawatḵu ḵan Apu Jesus da losane intuttuduḵ ḵan diḵayu. Nanganda ḵad si labi ye nituyuḵana, innaḻana tinapay 24woḵ nanggappiya ḵan Apudyus. Binisbisaḵna woḵ ḵanana, “Annaya long-agḵu we midatun para ḵan diḵayu. Pasigyu ḵoon ḵaḵna ta angiḵagasmoḵanyu ḵan saḵon.” 25Nagangputda ḵade nangan, innaḻana bos sintasae bayase grape woḵ ḵanana, “Sa annae natasae bayas, siya Baru we Tuḻag Apudyus atta taguna. Ḵad sa daḻaḵ, siya amanoḵnoḵ atte sadi ye tuḻag. Ḵad nu inumonyu, pasigyu ḵoon ḵaḵna ta angiḵagasmoḵanyu ḵan saḵon.”#11:25 Sa sadi ye mipanggob atte Baru we Tuḻag we ḵingwan Apudyus, awad atte Hebrews 8:6-12. 26Sa timpu we angan ḵayu si tinapay ḵan uminum ḵayu si bayas, ipaigammuyu natoyan Apu inggana'ḵ angulinana.
27Pun ngaimane angan baḵon nu uminum atte natasae bayas ya adinapun somsomḵon ustu we ḵausarana, maḵabasuḻ ḵan Apu te inamsewna long-agna ḵan daḻana. 28Yaḵon awad osa ya umunae usigona oḵyan long-agna ḵad asiyot maḵwae angan atte tinapay ḵan uminum si bayas si angiḵagasmoḵana'tte natoyan Jesu Kristu. 29Te nu maḵaḵan ya maḵainume adinapun maawatan nu ngai pion ni long-ag Kristu ḵanan ya sa ḵapatogna, madusa gapu'tte ḵingwana. 30Sadi gapunae adu da anḵuya ḵan nasaḵit ḵan diḵayu ḵad siya bos natoyan da udum. 31Yaḵon nu unaon taḵu usigon da long-ag taḵu we ustu adimpun Apudyus ditaḵu dusaon. 32Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.
33Pun susunudḵu ḵan Kristu, nu magimung ḵayu we angan si angiḵagasmoḵanyu si natoyan Apu Jesus, an-asiuway ḵayu. 34Ḵad nu awad nauḻat, umuna oḵyane angan atte boḻoyna ta magimung ḵayu ḵad adin diḵayu ḵan Apudyus ḵuwison. Ḵad sa mipanggob atta udume ibilinḵu ḵan diḵayu, asiḵ ibaga nu umaliyaḵ sinat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.