इब्रानियों 1
1
परमेसर खुदका छोरा क जरीये बोल्अ छ
1घणो पेली परमेसर आपणा आग्लाबड़ा सुं घणी बार अर परमेसर की ओड़ी सुं बोलबाळा क जरीये घणा तरीका सुं बोल्यो। 2पण या आखरी दना मं परमेसर आपसुं बीका छोरा क जरिये बोल्यो छ। जिन्अ वो सबळा को वारिस ठेरायो छ अर उंक्अ जरिये ही वो सबळी सृष्टी न्अ बणायो छ। 3वो छोरो परमेसर की महमा को उजाळो अर बीकाई सुभाव को छ। अर सबळी चीजान्अ खुदका जोरका बचन सुं संभाळ मेल्यो छ। वो पापा न्अ माफ करर सरग मं सर्वसक्तिमान की जीवणी ओड़ी जा बेठ्यो।
परमेसर को छोरो सरगदूता सुं बड़ो छ
4परमेसर जस्यान उंका नांऊ न्अ सबसुं बड़ो बणायो छ। वस्यान ई वो छोरो सरगदूता सुं बड़ो बणाग्यो, 5क्युं क परमेसर बीका कोई बी सरगदूत न्अ कद्या बी अस्यान कोन्अ खियो क,
“तु म्हारो छोरो छ;
आज म थारो बाप बण्यो छु।”
अर परमेसर कोई बी सरगदूत बेई या बी कोन्अ खियो,
“म उंको बाप हंऊलो,
अर वो म्हारो छोरो होव्अलो।”
6अर जद्या परमेसर उंका पेला छोरा न्अ संसार मं खन्दायो छो तो वो या खियो छो;
“परमेसर का सबळा सरगदूत उंक्अ ढोक देव्अ।”
7अर सरगदूता बेई परमेसर खेव्अ छ,
“वो खुदका सरगदूता न्अ आत्मा बणाव्अ छ,
अर उंकी सेवा करबाळा न्अ भभकती लाय बणाव्अ छ।”
8पण परमेसर छोरा बेई खेव्अ छ;
“ओ परमेसर थारो राज जुग-जुग रेव्अ!
तु खुदकी जनता माळ्अ न्याऊ सुं राज करअ छ।
9तु धरमी सुं परेम अर आज्ञा कोन मानबाळा सुं नफरत करअ छ।
ई बजेसुं परमेसर, थारो परमेसर तन्अ थरप्यो छ
अर तन्अ थारी लारका सुं बी साऊटो
राजी होबाळो आदर दियो छ।”
10वो या बी खियो छ;
“ह परबु, तु जगत की सरूवात मं धरती न्अ बणायो छो,
अर थारा खुदका हाथां सुं सरग न्अ बणायो छो।
11वे तो नास हे जाव्अला पण तु सदा रेवलो;
वे सबळा लत्ता की जस्यान पराणा हे जाव्अला।
12तु वान्अ कामळा की जस्यान लपेट्अलो,
अर वे लत्ता की जस्यान बदल जाव्अला।
पण तु एक जस्यो रेव्अलो,
अर थारो कद्या बी अन्त कोन्अ हेव्अलो।”
13परमेसर कोई बी सरगदूत न्अ कद्या बी कोन्अ खियो क,
“म्हारी जीवणी-बगल मं बेठ
जद्या ताणी क म थारा बेरया न्अ
थारा पगा तळ्अ कोन्अ करद्यूं।”
14तो फेर सरगदूत कांई छ? वे सबळा सरगदूत सेवा करबाळी आत्मा छ। अर उद्धार पाएड़ा की सायता क ताणी परमेसर ओड़ी सुं खन्दायेड़ा छ।
Currently Selected:
इब्रानियों 1: डि एच डि
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
