2 ಕೊರಿಂಥ್ಯೆರೆಗ್ 11
11
ಪೌಲು ಬೊಕ್ಕ ಸುಳ್ಳು ಅಪೊಸ್ತಲೆರ್
1ಎನನ್ ಬುದ್ಧಿದಾಂತಿನಾಯೆ ಅಂದ್‌ದ್ ನಿಕುಲು ಸಹಿಸೊನುವರ್ ನನಲಾ ಎನನ್ ಸಹಿಸೊನ್ಲೆ. 2ದೇವೆರೆಡುಪ್ಪು ಚಿಂತೆಡ್ದೇ ಯಾನ್ ನಿಕ್ಲೆನ ವಿಷಯೊಡ್ಲಾ ಚಿಂತೆ ಮಲ್ಪುವೆ. ದಾಯೆ ಪಂಡ ನಿಕ್ಲೆನ್ ಕ್ರಿಸ್ತೆ ಪನ್ಪಿ ಒರಿ ನರಮಾನಿಗ್ ಶುದ್ಧ ಕನ್ಯ ಪೊಣ್ಣಲೆಕ್ಕ ಒಪ್ಪಿಯಾವೊಡು ಅಂದ್‌ದ್ ನಿಕ್ಲೆನ್ ಆಯಗ್ ನಿಚ್ಚಯ ಮಲ್ತೆ. 3ಆಂಡ ಸರ್ಪದ ಕುತಂತ್ರೊಡ್ದು ಹವ್ವಗ್ ಮೋಸ ಮಲ್ತಿ ಲೆಕ್ಕನೇ ನಿಕ್ಲೆ ಬುದ್ಧಿಲಾ ಕ್ರಿಸ್ತ ಕಡೆಕ್ಕ್ ಉಪ್ಪು ಪೂರ್ತಿ ಬೊಕ್ಕ ಶುದ್ಧಭಕ್ತಿ ತೆಟ್ಟ್‌ದ್ ಪೋವು ಪನ್ಪಿನ ಪೋಡಿಗೆ ಎಂಕುಂಡು. 4ದಾಯೆ ಪಂಡ ಎಂಕುಲು ತೆರಿಪಾವಂದಿನ ನನೊರಿ ಯೇಸುನು ನಿಕ್ಲೆ ಕೈತಲ್ ಬರ್ಪಿನಾಕುಲು ತೆರಿಪಾಯೆರ್ಡ, ಅತ್ತ್‌ಡ ನಿಕುಲು ಹೊಂದುದಿನ ಆತ್ಮೊಡ್ದು ಬೇತೆ ರೀತಿದ ಆತ್ಮೊನು ನಿಕುಲು ಹೊಂದಿಯರ್ಡ, ನಿಕುಲು ಸ್ವೀಕಾರ ಮಲ್ತ್‌ದಿ ಸುವಾರ್ತೆನ್ ಅತ್ತಂದೆ ಬೇತೆ ರೀತಿದ ಸುವಾರ್ತೆನ್ ಸಾರಿಯರ್ಡ ಅಂಚಿತ್ತಿನೆನ್ ನಿಕುಲು ಸುಲಭೊಡು ಒಪ್ಪಿಯೊನುವರ್. 5ಆ ಪುದರ್ ಪೋಯಿ “ಅಪೊಸ್ತಲೆರೆಡ್ದ್,” ಯಾನ್ ವಾ ರೀತಿಡ್ದ್‌ಲಾ ಕಡಿಮೆದಾಯೆ ಅತ್ತ್ ಅಂದ್‌ದ್ ಎನ್ನುವೆ. 6ಯಾನ್ ಪಾತೆರುನೆಟ್ಟ್ ಬಿರ್ಸೆ ಅತ್ತ್‌ಡಲಾ, ಗೇನೊಡು ಬಿರ್ಸೆ ಆದುಲ್ಲೆ. ಉಂದೆನ್ ನಿಕ್ಲೆಗ್ ಮಾತ ಸಮಯೊಡು ಎಂಕುಲು ತೆರಿಪಾದ.
7ನಿಕ್ಲೆ ಅಭಿವೃದ್ಧಿಗಾದ್ ಎನನ್ ಯಾನೇ ತಗ್ಗಾವೊಂದು ದೇವೆರೆ ಸುವಾರ್ತೆ ನಿಕ್ಲೆಗ್ ಸಾರಿದ್ ಯಾನ್ ಪಾಪ ಮಲ್ತೆನಾ? 8ನಿಕ್ಲೆನ ಸೇವೆ ಮಲ್ಪೆರೆಗ್ ಯಾನ್ ಬೇತೆ ಸಭೆಕ್ಲೆಡ್ದ್ ಸಹಾಯೊನು ಅಕ್ಲೆಡ್ದ್ ವಸೂಲಿ ಮಲ್ತೊಂದಿತ್ತೆ. 9ಬೊಕ್ಕ ನಿಕ್ಲೆ ಕೈತಲ್ ಉಪ್ಪುನಗ ಎಂಕ್ ಕೊರತೆ ಆನಗ ಯಾನ್ ಏರೆಗ್ಲಾ ದುನ್ನ ಕೊರ್ತುಜಿ; ಮಕೆದೋನ್ಯೊಡ್ದು ಬೈದಿನ ಸಹೋದ್ರೆರ್ ಎಂಕ್ ಬೋಡಾತಿನೆನ್ ಒದಗಾಯೆರ್. ನಿಕ್ಲೆಗ್ ಇದ ಮುಟ್ಟ ವಾ ದುನ್ನಲಾ ಕೊರ್ತುಜಿ; ನನಲಾ ಕೊರ್ಪುಜಿ. 10ಕ್ರಿಸ್ತನ ಸತ್ಯ ಎನಡ ಉಪ್ಪುನೆಡ್ದ್, ಈ ಎನ ಪುಗರಿಕೆನ್ ಅಖಾಯ ಪ್ರಾಂತೊಲೆಡ್ ಏರೆಗ್ಲಾ ತಡೆಯೆರೆ ಸಾದ್ಯ ಇಜ್ಜಿ. 11ಅವು ದಾಯೆಗ್? ನಿಕ್ಲೆ ಮಿತ್ತ್ ಪ್ರೀತಿದಾಂತಿನೆಡ್ದಾ? ನಿಕ್ಲೆ ಮಿತ್ತ್ ಪ್ರೀತಿ ಉಂಡು ಪನ್ಪಿನವು ದೇವೆರೆಗ್ ಗೊತ್ತು. 12ಅಕುಲು ತನ್ಕುಲೆ ಬೇಲೆದ ವಿಷಯೊಡು ಪುಗರೊಂದುಲ್ಲೆರ್. ಆ ಪುಗರಿಕೆಗ್ ಕಾರಣ ಆವಂದಿಲೆಕ್ಕ ಯಾನ್ ಇತ್ತೆ ಮಲ್ಪುನೆನ್ ನನಲಾ ಮಲ್ತೊಂದೇ ಉಪ್ಪುವೆ. 13ಅಂಚಿತ್ತಿನಾಕುಲು ಸುಳ್ಳು ಪ್ರವಾದಿಲು, ಮೋಸದ ಸೇವಕೆರ್, ಕ್ರಿಸ್ತನ ಅಪೊಸ್ತಲೆರಂದ್‌ದ್ ವೇಷ ಪಾಡ್ದಿನಾಕುಲು ಆದುಲ್ಲೆರ್. 14ಉಂದು ಅಚ್ಚಿರದವು ಅತ್ತ್, ಸೈತಾನೆ ತಾನ್‌ಲಾ ಬೊಲ್ಪುದ ದೂತನ ವೇಷ ಪಾಡೊನ್ವೆ. 15ಅಂಚಾದ್ ಆಯನ ಸೇವಕೆರ್‌ಲಾ ನೀತಿದ ಸೇವಕೆರೆ ವೇಷ ಪಾಡೊನುನವು ಅಚ್ಚಿರ ಅತ್ತ್. ಅಕ್ಲೆ ಕೆಲಸೊಗು ತಕ್ಕನೇ ಅಕ್ಲೆ ಅಂತ್ಯಲಾ ಅವು.
ಪೌಲು ಅಪೊಸ್ತಲೆ ಆದ್ ಪಡೆಯಿನ ಕಷ್ಟೊಲು
16ಯಾನ್ ಬುದ್ಧಿದಾಂತಿನಾಯೆ ಅಂದ್‌ದ್ ಏರ್ಲಾ ಎನನ್ ಎನ್ನಿಯೆರೆ ಬಲ್ಲಿ ಅಂದ್‌ದ್ ಕುಡೊರ ಪನ್ಪೆ. ಒಂಜಿ ವೇಳೆ ಅಂಚ ಎನ್ನಿಯರ್ಡಲಾ ಎನನ್ ಬುದ್ಧಿದಾಂತಿನಾಯೆ ಅಂದ್‌ದ್ ಸ್ವೀಕಾರ ಮಲ್ಪಡ್. ಅಪಗ ಎಂಕ್ ಒಂತೆ ಪುಗರೊನಿಯೆರೆಗ್ ಆಪುಂಡು. 17ಇಂಚ ಯಾನ್ ಇತ್ತೆ ಪಾತೆರುನ ಪಾತೆರೊಲು ಕರ್ತವನ ಅಧಿಕಾರೊಡು ತಕ್ಕಾದ್ ಪಾತೆರಂದೆ ಭರವಸೊಡು ತನನ್ ಪುಗರೊನುನೆಟ್ಟ್ ಬುದ್ಧಿದಾಂತಿನಾಯ ಲೆಕ್ಕನೇ ಪಾತೆರ್‌ವೆ. 18ದಿಂಜ ಜನ ಲೋಕದ ರೀತಿಡ್ ತನ್ಕುಲೆನ್ ಪುಗರುನೆಡ್ದ್ ಯಾನ್ಲಾ ಪುಗರೊಂದುಲ್ಲೆ. 19ನಿಕುಲು ಬುದ್ಧಿವಂತೆರಾದಿತ್ತಿದ್ ಬುದ್ಧಿದಾಂತಿನಾಕುಲೆನ್ ಸಂತೋಷೊಡು ಸಹಿಸೊನುವರತ್ತಾ? 20ಒರಿ ನಿಕ್ಲೆನ್ ತನ್ಕುಲೆಗ್ ವಶ ಮಲ್ತೊಂಡೆಡ ನಿಕ್ಲೆನ್ ದೋಚಿಯೆಡ ನಿಕ್ಲೆನ್ ಉಪಯೋಗ ಮಲ್ತೊಂಡೆಡ ನಿಕ್ಲೆ ಎದುರುಡು ಒರಿ ಹೆಚ್ಚಾಳ್ಮೆ ಮಲ್ತೊಂಡೆಡ ನಿಕ್ಲೆ ಮೋನೆಗ್ ಹಾಕಿಯೆಡಲಾ ಅಂಚಿತ್ತಿನಾಕುಲೆನ್ ಸಹಿಸೊನುವರತ್ತಾ? 21ಐಕ್ ಎಂಕುಲು ಬಲಹೀನೆರ್ ಆದಿತ್ತ ಅಂದ್‌ದ್ ಯಾನ್ ನಾಚಿಗೆ ಬುಡ್ದು ಪನ್ಪೆ.
ಒರಿ ಒಯಿಟ್ ತನನ್ ಧೈರ್ಯೊಡು ಪುಗರೊನ್ವೆನಾ, ಐಟ್ಟೇ ಯಾನ್ಲಾ ಎನನ್ ಧೈರ್ಯೊಡು ಪುಗರೊನ್ವೆ. (ಉಂದೆನ್ ಯಾನ್ ಬುದ್ಧಿದಾಂತೆ ಪಾತೆರ್‌ವೆ ಅಂದ್‌ದ್ ಎನ್ನೊನ್ಲೆ.) 22ಅಕುಲು ಇಬ್ರಿಯೆರಾ? ಯಾನ್ಲಾ ಇಬ್ರಿಯೆನೇ. ಅಕುಲು ಇಸ್ರಾಯೇಲ್ಯೆರಾ? ಯಾನ್ಲಾ ಇಸ್ರಾಯೇಲ್ಯೆ, ಅಕುಲು ಅಬ್ರಹಾಮು ಸಂತಾನನಾ? ಯಾನ್ಲಾ ಆಯ ಸಂತಾನನೇ. 23ಅಕುಲು ಕ್ರಿಸ್ತನ ಸೇವಕೆರಾ? (ಮೂಲು ಯಾನ್ ಬುದ್ಧಿ ತತ್ತಿನಾಯಲೆಕ್ಕ ಪಾತೆರ್‌ವೆ.) ಯಾನ್ಲಾ ಅಕ್ಲೆಡ್ದ್ ಹೆಚ್ಚಾದ್ ಸೇವೆ ಮಲ್ಪುನಾಯೆನೇ. ಆಯನ ಸೇವೆಡ್ ಅಕ್ಲೆಡ್ದ್ ಹೆಚ್ಚ್ ಪ್ರಯಾಸ ಬುಡಿಯೆ; ಮಸ್ತ್ ಸರ್ತಿ ಸೆರೆಮನೆಟ್ ಬೂರಿಯೆ; ಹೆಚ್ಚಾದ್ ಚಡಿತ ಪೆಟ್ಟ್ ತಿಂದೆ, ಅಪಗಪಗ ಮರಣೊಗು ಎದುರಾಯೆ. 24ಐನ್ ಸರ್ತಿ ಯೆಹೂದ್ಯೆರೆಡ್ದ್ ಮುಪ್ಪತ್ತೊಂರ್ಬ ಪೆಟ್ಟ್‌ಲೆನ್ ತಿಂದೆ. 25ಮೂಜಿ ಸರ್ತಿ ಬೆತ್ತೊಡು ಹಾಕಿಯೆರ್, ಒರ ಕೆರಿಯೆರೆಗಾದ್ ಕಲ್ಲ್ ದಕ್ಕಿಯೆರ್; ಮೂಜಿ ಸರ್ತಿ ಯಾನಿತ್ತಿನ ಕಪ್ಪಲ್ ಪುಡಾದ್ ಪೋಂಡು; ಕಡಲ್ದ ನೀರ್‌ಡ್ ಒಂಜಿ ರಾತ್ರೆ ಒಂಜಿ ಪಗೆಲ್ ದೆತ್ತೆ. 26ಆಯನ ಸೇವೆಡ್ ಪ್ರಯಾಣ ಮಲ್ತೊಂದೆ ಇತ್ತೆ. ತುದೆಟ್ ಅಪಾಯ, ಕಲ್ವೆರೆಡ್ದ್ ಅಪಾಯ ಸ್ವಂತ ಜನೊಕುಲೆಡ್ದ್ ಅಪಾಯ, ಪಿದಯಿದ ಜನೊಕುಲೆಡ್ದ್‌ಲಾ ಅಪಾಯ, ಪಟ್ಟಣೊಡು ಅಪಾಯ, ಕಾಡ್‌ಡ್ ಅಪಾಯ, ಕಡಲ್ಡ್ ಅಪಾಯ, ಸುಳ್ಳು ಸಹೋದರೆರೆ ಒಟ್ಟುಗು ಅಪಾಯ ಉಂಡಾಂಡ್. 27ಪ್ರಯಾಸೊಡ್ಲಾ ಬೇಲೆ ಮಲ್ತೆ, ಮಸ್ತ್ ಸರ್ತಿ ನಿದ್ರೆದಾಂತೆಲಾ ಇತ್ತೆ. ಬಡವುಡು ಬಾಜೆಲ್‌ಡ್ಲಾ ಇತ್ತೆ, ಮಸ್ತ್ ಸರ್ತಿ ಉಪವಾಸೊಡ್ಲಾ ಕುಂಟುದಾಂತೆಲಾ ಇತ್ತೆ. ಚಳಿಟ್ಲಾ ನಡುಗೊಂದು ಇತ್ತೆ. 28ಇಂಚಿನ ಬೇತೆ ಸಂಗತಿಲೆಡ್ದ್ ಅತ್ತಂದೆ ಮಾತ ಸಭೆಕ್ಲೆ ಚಿಂತೆಲಾ ದಿನದಿನಾಲ ಎಂಕ್ ಪೀಡೆ ಕೊರೊಂದಿತ್ತ್‌ಂಡ್. 29ಏರಾಂಡಲಾ ಬಲಹೀನೆ ಆದಿತ್ತೆಡ ಯಾನ್ಲಾ ಬಲಹೀನೆ ಆದುಪ್ಪುವೆ. ಏರಾಂಡಲಾ ಪಾಪೊಡು ತಿಕ್ಕೊಂಡೆಡ ಯಾನ್ಲಾ ದುಃಖ ಮಲ್ತೊನ್ವೆ.
30ಯಾನ್ ಪುಗರೊನುನಾಂಡ ಎನ ಬಲಹೀನತೆನ್ ತೋಜಾವುನ ವಿಷಯೊಲೆಡ್ ಪುಗರೊನ್ವೆ. 31ಯಾನ್ ಪನ್ಪಿನವು ಸುಳ್ಳು ಅತ್ತ್ ಅಂದ್‌ದ್ ನಮ ಕರ್ತವೆ ಆದುಪ್ಪು ಯೇಸುನ ಅಮ್ಮೆ ಆದುಪ್ಪು ದೇವೆರೆಗ್ ಗೊತ್ತುಂಡು. ಆಯೆ ಸದಾಕಾಲೊಗು ಸ್ತುತಿ ದೆತ್ತೊನುನಾಯೆ ಆದುಲ್ಲೆ. 32ದಮಸ್ಕೊಡು ಅರೇತ ರಾಜನ ಅಧೀನಡುಪ್ಪುನಗ ಅಧಿಪತಿ ಎನನ್ ಪತ್ತೆರೆಗಾದ್ ದಮಸ್ದದ ಬಾಕಿಲ್‌ಡ್ ಪಾರ ದೀದಿತ್ತೆರ್. 33ಆಂಡ ಎನನ್ ಒಂಜಿ ಪುಡಯಿಡ್ ಕುಲ್ಲಾದ್ ಗೋಡೆಡಿತ್ತಿ ಕಂಡಿಡ್ದ್ ಜಪುಡಾಯೆರ್; ಅಂಚ ಆಯಡ್ದ್ ಯಾನ್ ತಪ್ಪಾವೊಂಡೆ.
Currently Selected:
2 ಕೊರಿಂಥ್ಯೆರೆಗ್ 11: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
2 ಕೊರಿಂಥ್ಯೆರೆಗ್ 11
11
ಪೌಲು ಬೊಕ್ಕ ಸುಳ್ಳು ಅಪೊಸ್ತಲೆರ್
1ಎನನ್ ಬುದ್ಧಿದಾಂತಿನಾಯೆ ಅಂದ್‌ದ್ ನಿಕುಲು ಸಹಿಸೊನುವರ್ ನನಲಾ ಎನನ್ ಸಹಿಸೊನ್ಲೆ. 2ದೇವೆರೆಡುಪ್ಪು ಚಿಂತೆಡ್ದೇ ಯಾನ್ ನಿಕ್ಲೆನ ವಿಷಯೊಡ್ಲಾ ಚಿಂತೆ ಮಲ್ಪುವೆ. ದಾಯೆ ಪಂಡ ನಿಕ್ಲೆನ್ ಕ್ರಿಸ್ತೆ ಪನ್ಪಿ ಒರಿ ನರಮಾನಿಗ್ ಶುದ್ಧ ಕನ್ಯ ಪೊಣ್ಣಲೆಕ್ಕ ಒಪ್ಪಿಯಾವೊಡು ಅಂದ್‌ದ್ ನಿಕ್ಲೆನ್ ಆಯಗ್ ನಿಚ್ಚಯ ಮಲ್ತೆ. 3ಆಂಡ ಸರ್ಪದ ಕುತಂತ್ರೊಡ್ದು ಹವ್ವಗ್ ಮೋಸ ಮಲ್ತಿ ಲೆಕ್ಕನೇ ನಿಕ್ಲೆ ಬುದ್ಧಿಲಾ ಕ್ರಿಸ್ತ ಕಡೆಕ್ಕ್ ಉಪ್ಪು ಪೂರ್ತಿ ಬೊಕ್ಕ ಶುದ್ಧಭಕ್ತಿ ತೆಟ್ಟ್‌ದ್ ಪೋವು ಪನ್ಪಿನ ಪೋಡಿಗೆ ಎಂಕುಂಡು. 4ದಾಯೆ ಪಂಡ ಎಂಕುಲು ತೆರಿಪಾವಂದಿನ ನನೊರಿ ಯೇಸುನು ನಿಕ್ಲೆ ಕೈತಲ್ ಬರ್ಪಿನಾಕುಲು ತೆರಿಪಾಯೆರ್ಡ, ಅತ್ತ್‌ಡ ನಿಕುಲು ಹೊಂದುದಿನ ಆತ್ಮೊಡ್ದು ಬೇತೆ ರೀತಿದ ಆತ್ಮೊನು ನಿಕುಲು ಹೊಂದಿಯರ್ಡ, ನಿಕುಲು ಸ್ವೀಕಾರ ಮಲ್ತ್‌ದಿ ಸುವಾರ್ತೆನ್ ಅತ್ತಂದೆ ಬೇತೆ ರೀತಿದ ಸುವಾರ್ತೆನ್ ಸಾರಿಯರ್ಡ ಅಂಚಿತ್ತಿನೆನ್ ನಿಕುಲು ಸುಲಭೊಡು ಒಪ್ಪಿಯೊನುವರ್. 5ಆ ಪುದರ್ ಪೋಯಿ “ಅಪೊಸ್ತಲೆರೆಡ್ದ್,” ಯಾನ್ ವಾ ರೀತಿಡ್ದ್‌ಲಾ ಕಡಿಮೆದಾಯೆ ಅತ್ತ್ ಅಂದ್‌ದ್ ಎನ್ನುವೆ. 6ಯಾನ್ ಪಾತೆರುನೆಟ್ಟ್ ಬಿರ್ಸೆ ಅತ್ತ್‌ಡಲಾ, ಗೇನೊಡು ಬಿರ್ಸೆ ಆದುಲ್ಲೆ. ಉಂದೆನ್ ನಿಕ್ಲೆಗ್ ಮಾತ ಸಮಯೊಡು ಎಂಕುಲು ತೆರಿಪಾದ.
7ನಿಕ್ಲೆ ಅಭಿವೃದ್ಧಿಗಾದ್ ಎನನ್ ಯಾನೇ ತಗ್ಗಾವೊಂದು ದೇವೆರೆ ಸುವಾರ್ತೆ ನಿಕ್ಲೆಗ್ ಸಾರಿದ್ ಯಾನ್ ಪಾಪ ಮಲ್ತೆನಾ? 8ನಿಕ್ಲೆನ ಸೇವೆ ಮಲ್ಪೆರೆಗ್ ಯಾನ್ ಬೇತೆ ಸಭೆಕ್ಲೆಡ್ದ್ ಸಹಾಯೊನು ಅಕ್ಲೆಡ್ದ್ ವಸೂಲಿ ಮಲ್ತೊಂದಿತ್ತೆ. 9ಬೊಕ್ಕ ನಿಕ್ಲೆ ಕೈತಲ್ ಉಪ್ಪುನಗ ಎಂಕ್ ಕೊರತೆ ಆನಗ ಯಾನ್ ಏರೆಗ್ಲಾ ದುನ್ನ ಕೊರ್ತುಜಿ; ಮಕೆದೋನ್ಯೊಡ್ದು ಬೈದಿನ ಸಹೋದ್ರೆರ್ ಎಂಕ್ ಬೋಡಾತಿನೆನ್ ಒದಗಾಯೆರ್. ನಿಕ್ಲೆಗ್ ಇದ ಮುಟ್ಟ ವಾ ದುನ್ನಲಾ ಕೊರ್ತುಜಿ; ನನಲಾ ಕೊರ್ಪುಜಿ. 10ಕ್ರಿಸ್ತನ ಸತ್ಯ ಎನಡ ಉಪ್ಪುನೆಡ್ದ್, ಈ ಎನ ಪುಗರಿಕೆನ್ ಅಖಾಯ ಪ್ರಾಂತೊಲೆಡ್ ಏರೆಗ್ಲಾ ತಡೆಯೆರೆ ಸಾದ್ಯ ಇಜ್ಜಿ. 11ಅವು ದಾಯೆಗ್? ನಿಕ್ಲೆ ಮಿತ್ತ್ ಪ್ರೀತಿದಾಂತಿನೆಡ್ದಾ? ನಿಕ್ಲೆ ಮಿತ್ತ್ ಪ್ರೀತಿ ಉಂಡು ಪನ್ಪಿನವು ದೇವೆರೆಗ್ ಗೊತ್ತು. 12ಅಕುಲು ತನ್ಕುಲೆ ಬೇಲೆದ ವಿಷಯೊಡು ಪುಗರೊಂದುಲ್ಲೆರ್. ಆ ಪುಗರಿಕೆಗ್ ಕಾರಣ ಆವಂದಿಲೆಕ್ಕ ಯಾನ್ ಇತ್ತೆ ಮಲ್ಪುನೆನ್ ನನಲಾ ಮಲ್ತೊಂದೇ ಉಪ್ಪುವೆ. 13ಅಂಚಿತ್ತಿನಾಕುಲು ಸುಳ್ಳು ಪ್ರವಾದಿಲು, ಮೋಸದ ಸೇವಕೆರ್, ಕ್ರಿಸ್ತನ ಅಪೊಸ್ತಲೆರಂದ್‌ದ್ ವೇಷ ಪಾಡ್ದಿನಾಕುಲು ಆದುಲ್ಲೆರ್. 14ಉಂದು ಅಚ್ಚಿರದವು ಅತ್ತ್, ಸೈತಾನೆ ತಾನ್‌ಲಾ ಬೊಲ್ಪುದ ದೂತನ ವೇಷ ಪಾಡೊನ್ವೆ. 15ಅಂಚಾದ್ ಆಯನ ಸೇವಕೆರ್‌ಲಾ ನೀತಿದ ಸೇವಕೆರೆ ವೇಷ ಪಾಡೊನುನವು ಅಚ್ಚಿರ ಅತ್ತ್. ಅಕ್ಲೆ ಕೆಲಸೊಗು ತಕ್ಕನೇ ಅಕ್ಲೆ ಅಂತ್ಯಲಾ ಅವು.
ಪೌಲು ಅಪೊಸ್ತಲೆ ಆದ್ ಪಡೆಯಿನ ಕಷ್ಟೊಲು
16ಯಾನ್ ಬುದ್ಧಿದಾಂತಿನಾಯೆ ಅಂದ್‌ದ್ ಏರ್ಲಾ ಎನನ್ ಎನ್ನಿಯೆರೆ ಬಲ್ಲಿ ಅಂದ್‌ದ್ ಕುಡೊರ ಪನ್ಪೆ. ಒಂಜಿ ವೇಳೆ ಅಂಚ ಎನ್ನಿಯರ್ಡಲಾ ಎನನ್ ಬುದ್ಧಿದಾಂತಿನಾಯೆ ಅಂದ್‌ದ್ ಸ್ವೀಕಾರ ಮಲ್ಪಡ್. ಅಪಗ ಎಂಕ್ ಒಂತೆ ಪುಗರೊನಿಯೆರೆಗ್ ಆಪುಂಡು. 17ಇಂಚ ಯಾನ್ ಇತ್ತೆ ಪಾತೆರುನ ಪಾತೆರೊಲು ಕರ್ತವನ ಅಧಿಕಾರೊಡು ತಕ್ಕಾದ್ ಪಾತೆರಂದೆ ಭರವಸೊಡು ತನನ್ ಪುಗರೊನುನೆಟ್ಟ್ ಬುದ್ಧಿದಾಂತಿನಾಯ ಲೆಕ್ಕನೇ ಪಾತೆರ್‌ವೆ. 18ದಿಂಜ ಜನ ಲೋಕದ ರೀತಿಡ್ ತನ್ಕುಲೆನ್ ಪುಗರುನೆಡ್ದ್ ಯಾನ್ಲಾ ಪುಗರೊಂದುಲ್ಲೆ. 19ನಿಕುಲು ಬುದ್ಧಿವಂತೆರಾದಿತ್ತಿದ್ ಬುದ್ಧಿದಾಂತಿನಾಕುಲೆನ್ ಸಂತೋಷೊಡು ಸಹಿಸೊನುವರತ್ತಾ? 20ಒರಿ ನಿಕ್ಲೆನ್ ತನ್ಕುಲೆಗ್ ವಶ ಮಲ್ತೊಂಡೆಡ ನಿಕ್ಲೆನ್ ದೋಚಿಯೆಡ ನಿಕ್ಲೆನ್ ಉಪಯೋಗ ಮಲ್ತೊಂಡೆಡ ನಿಕ್ಲೆ ಎದುರುಡು ಒರಿ ಹೆಚ್ಚಾಳ್ಮೆ ಮಲ್ತೊಂಡೆಡ ನಿಕ್ಲೆ ಮೋನೆಗ್ ಹಾಕಿಯೆಡಲಾ ಅಂಚಿತ್ತಿನಾಕುಲೆನ್ ಸಹಿಸೊನುವರತ್ತಾ? 21ಐಕ್ ಎಂಕುಲು ಬಲಹೀನೆರ್ ಆದಿತ್ತ ಅಂದ್‌ದ್ ಯಾನ್ ನಾಚಿಗೆ ಬುಡ್ದು ಪನ್ಪೆ.
ಒರಿ ಒಯಿಟ್ ತನನ್ ಧೈರ್ಯೊಡು ಪುಗರೊನ್ವೆನಾ, ಐಟ್ಟೇ ಯಾನ್ಲಾ ಎನನ್ ಧೈರ್ಯೊಡು ಪುಗರೊನ್ವೆ. (ಉಂದೆನ್ ಯಾನ್ ಬುದ್ಧಿದಾಂತೆ ಪಾತೆರ್‌ವೆ ಅಂದ್‌ದ್ ಎನ್ನೊನ್ಲೆ.) 22ಅಕುಲು ಇಬ್ರಿಯೆರಾ? ಯಾನ್ಲಾ ಇಬ್ರಿಯೆನೇ. ಅಕುಲು ಇಸ್ರಾಯೇಲ್ಯೆರಾ? ಯಾನ್ಲಾ ಇಸ್ರಾಯೇಲ್ಯೆ, ಅಕುಲು ಅಬ್ರಹಾಮು ಸಂತಾನನಾ? ಯಾನ್ಲಾ ಆಯ ಸಂತಾನನೇ. 23ಅಕುಲು ಕ್ರಿಸ್ತನ ಸೇವಕೆರಾ? (ಮೂಲು ಯಾನ್ ಬುದ್ಧಿ ತತ್ತಿನಾಯಲೆಕ್ಕ ಪಾತೆರ್‌ವೆ.) ಯಾನ್ಲಾ ಅಕ್ಲೆಡ್ದ್ ಹೆಚ್ಚಾದ್ ಸೇವೆ ಮಲ್ಪುನಾಯೆನೇ. ಆಯನ ಸೇವೆಡ್ ಅಕ್ಲೆಡ್ದ್ ಹೆಚ್ಚ್ ಪ್ರಯಾಸ ಬುಡಿಯೆ; ಮಸ್ತ್ ಸರ್ತಿ ಸೆರೆಮನೆಟ್ ಬೂರಿಯೆ; ಹೆಚ್ಚಾದ್ ಚಡಿತ ಪೆಟ್ಟ್ ತಿಂದೆ, ಅಪಗಪಗ ಮರಣೊಗು ಎದುರಾಯೆ. 24ಐನ್ ಸರ್ತಿ ಯೆಹೂದ್ಯೆರೆಡ್ದ್ ಮುಪ್ಪತ್ತೊಂರ್ಬ ಪೆಟ್ಟ್‌ಲೆನ್ ತಿಂದೆ. 25ಮೂಜಿ ಸರ್ತಿ ಬೆತ್ತೊಡು ಹಾಕಿಯೆರ್, ಒರ ಕೆರಿಯೆರೆಗಾದ್ ಕಲ್ಲ್ ದಕ್ಕಿಯೆರ್; ಮೂಜಿ ಸರ್ತಿ ಯಾನಿತ್ತಿನ ಕಪ್ಪಲ್ ಪುಡಾದ್ ಪೋಂಡು; ಕಡಲ್ದ ನೀರ್‌ಡ್ ಒಂಜಿ ರಾತ್ರೆ ಒಂಜಿ ಪಗೆಲ್ ದೆತ್ತೆ. 26ಆಯನ ಸೇವೆಡ್ ಪ್ರಯಾಣ ಮಲ್ತೊಂದೆ ಇತ್ತೆ. ತುದೆಟ್ ಅಪಾಯ, ಕಲ್ವೆರೆಡ್ದ್ ಅಪಾಯ ಸ್ವಂತ ಜನೊಕುಲೆಡ್ದ್ ಅಪಾಯ, ಪಿದಯಿದ ಜನೊಕುಲೆಡ್ದ್‌ಲಾ ಅಪಾಯ, ಪಟ್ಟಣೊಡು ಅಪಾಯ, ಕಾಡ್‌ಡ್ ಅಪಾಯ, ಕಡಲ್ಡ್ ಅಪಾಯ, ಸುಳ್ಳು ಸಹೋದರೆರೆ ಒಟ್ಟುಗು ಅಪಾಯ ಉಂಡಾಂಡ್. 27ಪ್ರಯಾಸೊಡ್ಲಾ ಬೇಲೆ ಮಲ್ತೆ, ಮಸ್ತ್ ಸರ್ತಿ ನಿದ್ರೆದಾಂತೆಲಾ ಇತ್ತೆ. ಬಡವುಡು ಬಾಜೆಲ್‌ಡ್ಲಾ ಇತ್ತೆ, ಮಸ್ತ್ ಸರ್ತಿ ಉಪವಾಸೊಡ್ಲಾ ಕುಂಟುದಾಂತೆಲಾ ಇತ್ತೆ. ಚಳಿಟ್ಲಾ ನಡುಗೊಂದು ಇತ್ತೆ. 28ಇಂಚಿನ ಬೇತೆ ಸಂಗತಿಲೆಡ್ದ್ ಅತ್ತಂದೆ ಮಾತ ಸಭೆಕ್ಲೆ ಚಿಂತೆಲಾ ದಿನದಿನಾಲ ಎಂಕ್ ಪೀಡೆ ಕೊರೊಂದಿತ್ತ್‌ಂಡ್. 29ಏರಾಂಡಲಾ ಬಲಹೀನೆ ಆದಿತ್ತೆಡ ಯಾನ್ಲಾ ಬಲಹೀನೆ ಆದುಪ್ಪುವೆ. ಏರಾಂಡಲಾ ಪಾಪೊಡು ತಿಕ್ಕೊಂಡೆಡ ಯಾನ್ಲಾ ದುಃಖ ಮಲ್ತೊನ್ವೆ.
30ಯಾನ್ ಪುಗರೊನುನಾಂಡ ಎನ ಬಲಹೀನತೆನ್ ತೋಜಾವುನ ವಿಷಯೊಲೆಡ್ ಪುಗರೊನ್ವೆ. 31ಯಾನ್ ಪನ್ಪಿನವು ಸುಳ್ಳು ಅತ್ತ್ ಅಂದ್‌ದ್ ನಮ ಕರ್ತವೆ ಆದುಪ್ಪು ಯೇಸುನ ಅಮ್ಮೆ ಆದುಪ್ಪು ದೇವೆರೆಗ್ ಗೊತ್ತುಂಡು. ಆಯೆ ಸದಾಕಾಲೊಗು ಸ್ತುತಿ ದೆತ್ತೊನುನಾಯೆ ಆದುಲ್ಲೆ. 32ದಮಸ್ಕೊಡು ಅರೇತ ರಾಜನ ಅಧೀನಡುಪ್ಪುನಗ ಅಧಿಪತಿ ಎನನ್ ಪತ್ತೆರೆಗಾದ್ ದಮಸ್ದದ ಬಾಕಿಲ್‌ಡ್ ಪಾರ ದೀದಿತ್ತೆರ್. 33ಆಂಡ ಎನನ್ ಒಂಜಿ ಪುಡಯಿಡ್ ಕುಲ್ಲಾದ್ ಗೋಡೆಡಿತ್ತಿ ಕಂಡಿಡ್ದ್ ಜಪುಡಾಯೆರ್; ಅಂಚ ಆಯಡ್ದ್ ಯಾನ್ ತಪ್ಪಾವೊಂಡೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature