कलुसीयो 4

1 # इफि 6:9 मालको, याद राखो थारै उपर बी ईस्बर नगरी म एक मालिक#4:1 मालिक परमेसर ह, इ ताँई थारा गुलामाऊँ थारो बरताव सळीयो अर बाजीब होणो चाए।

बिस्वास्यानै पोलुस की राय

2ध्यानऊँ अरदास करबा म लाग्या रह्यो अर परमेसरनै धनेवाद देता रेह्‍ओ। 3अर सागै की सागै म्हारै ताँई बी अरदास करो क परमेसर म्हानै मसी का भेदा को परचार करबा को मोको देवै। क्युं क परचार करबा क चलतई म जेळ म हूँ, 4अर अरदास करो क म आनै साप-साप बोल सकूँ जंय्यां मनै बोलबो चाए। 5#इफि 5:16अबिस्वास्या क सागै थारो बरताव सलिका को राखो अर हरेक मोका को चोखो फाईदो उठाओ। 6थारो बोल मिठो अर मननै चोखो लागबाळो होणो चाए जिऊँ थे जाणल्यो की कूणसा आदमीनै कंय्यां को जुबाब देणो चाए।

चिठी की आखरी बाता

7-8 # काम 20:4; 2 तिमू 4:12 # इफि 6:21,22 म्हारो लाडलो बिस्वासी भाईड़ो तुखीकुस जखो एक बिस्वास जोगो काम करबाळो अर परबु म म्हारो साती-संगी दास ह, बो थानै मेरा सगळा समचार दे देसी बिनै म थारै कनै भेजूँ हूँ जिऊँ म्हारा हालचाल थानै बेरो पड़ज्या अर बो थारी हिमत बंधासी। 9#फिले 1:10–12लाडलो अर बिस्वास जोगो बिस्वासी भाईड़ो जखो थारमालोई ह बि उनेसिमुसनै बी बिकै सागै भेजर्यो हूँ, बे थानै अठै जखी बाता बितरी ह बाकै बारां म बतासी। 10#काम 19:29; 27:2; फिले 1:24; काम 12:12,25; 13:13; 15:37–39मेरै सागै केद खाना म बंद अरिस्तखुस कानिऊँ थानै “जे मसी की” पुगै अर बरनाबास को भाई मरकुस बी थानै “जे मसी की बोल्यो ह”#4:10 जद पोलुस इ चिठीनै मांडर्यो हो जणा अरिस्तखुस बठै बिकै सागै जेळ म हो, अर हो सकै ह क, बाकी जत्ता की बी बो जे मसी खे खिंदायी हो बे जेळ म बिकै सागै कोनी हा। (मरकुस क बारां म थानै पेल्याऊँई आदेस मिलगो हो क जद मरकुस थारै कनै आवै जणा बिकी चोखी आवभगत करज्यो) 11यसु जिनै यूसतुस बी बोलै ह, बिकी बी थानै “जे मसी की” पुगै। परमेसर का राज ताँई अ तीन सुन्नत होयड़ा यहूदि बिस्वासी ह जखा मेरै सागै काम करै ह अर अ मेरो बोळो साथ दिआ हीं। 12#कलु 1:7; फिले 1:23थारै मालोई एक ओर ह जिको नाम इफरास ह अर मसी ईसु को दास ह बिकी बी थानै “जे मसी की” पुगै। ओ सदाई थारै ताँई जी ज्यानऊँ अरदास करै ह जिऊँ थे परमेसर की सगळी इंछ्या म समजदारी अर पूरा भरोसा क सागै खड़्या रेह सको। 13थारै ताँई अर लोदिकीया अर हिरापुलिस नगर्या का मिनखा ताँई बो बोळी कड़ी मेनत करै ह इ बात की म खुद गुवाई दे सकूँ हूँ। 14#2 तिमू 4:11; फिले 1:24; 2 तिमू 4:10; फिले 1:24आपणो लाडलो बेद लूका अर देमास कानिऊँ थानै “जे मसी की” पुगै। 15लोदिकीया म रेह्बाळा भाई बंदानै, नुमफास अर बिकै घरा भेळी होबाळी बिस्वासी मंडळीनै म्हारी “जे मसी की” पुगै। 16आ चिठी थारै बाच्या पाछै लोदिकीया की बिस्वासी मंडळी म बी बाची जावै अर जखी चिठी लोदिकीया म रेह्बाळा मसी का बिस्वासी लेर आसी बिनै थे बी बाचज्यो। 17#फिले 1:2अर परबु की सेवा ताँई जखा काम दियड़ा हीं बानै ढंगऊँ करबा ताँई अरखिप्पुसनै बोलजे। 18अर म पोलुस खुदका हाताऊँ थानै “जे मसी की” मांडर्यो हूँ। म साकळा म बंदर्यो हूँ इ बातनै थे याद राखज्यो। परमेसर की दया थारै सागै बणी रेह। “अंय्यांई होज्यावै!”

Currently Selected:

कलुसीयो 4: एस डब्लु वी

Highlight

Copy