Soponi Takɨdɔt
Takɨdɔt
Ngekelta kɨ ta Luwaht Soponi ɗa kɨlaɓer lon kaglot lo ngar Josias, ngar kɨ Judat mbɨna ɓalt kɨ 640 kete nõ kooj Jeju Krist kaglo'n non i kaglo ɗɔɔ ad kam kɨsokɨber goto. Go kõɓet lo deg kɨ Asirit in tɔgd i ngãi tɔi ngan Israel. Kõɓe lo deg kɨ Babilont asɨ ɓal 100 kɨ lo la dɔ girrdeg kɨ Juda goto.
Ta'n Soponi el, i ta kɨ tur kad deg'n ndɨ elɨn anan kam Bɨraɓe oi dɔ girrdegt lon ad nyad kɨ nõbe. Ad Soponi lamber elɨnd an: Luwah a gangta dɔ degt kɨ ngéndɨ Judat. Luwah a tuj madɓe deg kɨ Juda tube. Luwah a mbel hal girrdeg kɨ dang dang kɨ hal deg kɨ ngéndɨ ɓebot kɨ Jerusalem (Sop 3:9-20).
Aje ngekelta kɨ ta Luwaht el an: Nyan'n Luwah a ɗa ye ɔj dɔ dɔning kɨ taagbe ho ɔj dɔ deg tube'n ndɨn kamt tɔ. Ɓebo Jerusalem kɨ girrdeg lo Luwah jindɨd kam kɔjtaɗa lo Luwah i tadang. Nyag tube'n tee dɔdt ye nyandoo i kamt kɨta ndoo deg tube.
Aje lamber kad ndɔ lo Bɨraɓe i nderbe. El an i ndɔ kadkari (Sop 1:7-8) kadkari nyag in joo kamt: kɨdasa i tuj kɨkõjoo i mbel nyag. Ɓai dɔ Sop 1:8; 3:8 Maktub Soponi el an: Ɓebo Jerusalem kɨ girrdeg'n in Juipg al a telɨnd kɨjaɓat't. Ndɔ lo Bɨraɓe i ndɔ'n Luwah a gang ta dɔ degt.
Currently Selected:
Soponi Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.