Soponi 2
2
Kunɨn deg kɨ tɔrrɨn ndid
1I kawɨn na kɨnat,
I nderɨn girr rosɨ
ĩn girrdeg kɨkanj rosɔl
2kete lon mberkɨnda tee al ɓaitɔ,
na ndɔ lo Bɨraɓe tɔi tit tisa al.
Kete lon wong lo Bɨraɓe kɨtal sokɨr so dɔsɨt al ɓaitɔ,
kete lon ndɔ wong lo Bɨraɓe hursɨ rukɨ al ɓaitɔ
3I sahn go Bɨraɓe, ĩn kɨsayelel tube kɨdɔningt
Ĩgɨn hɔ ɗan nya kɨdenesew takumat.
I sahn go nyaɗa kɨdenesew kɨ hal kɨsayelel;
maja a yan rosɨ kam ndɔ wongt lo Bɨraɓe.
4Kɨtɔ a tĩ i nyan Gaja kɔ, Askalon
a tel gootɓe
a tuɓan Asdod lon kàd ɗan de'n ɓet,
a retɨn Ekrõ kɨ ngɨraag be.
Takɨgang dɔ girrdegt
5Beto lo ngendɨ kad bahbot, in
girrdeg lo Kretiag,
Bɨraɓe elta ndoorsɨn,
ĩ Kana dɔning lo Pilistiag,
m'a m'nuj mbã, ngendɨ kamit kɨɗa kaa a goto.
6Ĩn log kɨkad bahbot, a ĩn lo kul nyag
kɨ londɨ ngéngombatg kɨ loto nyakulg.
7Kad bahbo'n non a i londɨ kɨta ndeg ngékɨɓe lo Juda kɨnãi,
nu la a ulɨndt ye, a taan kò lokɨsɔle kam kujgt kɨ Askalon
kɨta Bɨraɓe Luwah lod a ga kamɨn dɔdt
na a tel sed gog ɓeɓert.
8M'oo dɔ kid lo Moab
kɨ taj nya ho ho lo Amoniag
lon tajɨn ne deg lom
na ɓain dõ ndoorɨn ɗobning lod.
9Kɨtɔ 'nten, tit'n m'ndɨn kɨ dɔm dõ,
kel Bɨraɓe Ngekoosɨg, Luwah lo Israel:
Moab a tel tit Sodom
kɨ Amoniag titɨn kɨ Gomor.
A i lo ɓa ngar kɨ holɓe kat kɨ gootɓe mbãkɨnõt.
Ndeg deg lom kɨ nãin a tirɨn nya lod pur
na ndeg girrdeg lom kɨ nãin a õn nduba lod.
10Nyag 'nten a ɗad kɨta kɔj ro lod
kɨta kidɨn deg lo Bɨraɓe Ngekoosɨg
tɔin dɔd kɨ dõ ndoorɨnd ne.
11Bɨraɓe a ɗa sed nya kɨkootɓool
kɨta a nuj yog kɨ dɔningt tube
na dekɨɗen a ɔsɨ dɔn ber nõat kam dɔningt lon
mbã kɨ doorlogt lo girrdeg tube.
12Ĩn deg kɨ Etiopi tɔ,
a tɔlsɨn kɨ kiyaɗɔɔ lom.
13Bɨraɓe a la jin kɔtko ɓodo, nujɨn Asiri,
a tel Ninib gotɓe, ad tut kurum tit dɨlalo.
14Ɓut nyakulg a ton kamat kɨ
dãg kɨ dang dang,
yel kɔig kɨ ndur a hɔn londɨ
dɔ piliegt loa
ndi mad ko kɨ buro kujg,
nuj a tɔ ɗig tabitgt
kɨta a ngĩn plapõ kɨ ɗa kɨ kag sedɨr kɔ.
15Ĩn non la i ɓebo'n la i ɓebo kɨ ngeɗa ronel
in ndɨ lom,
na el kamit an: Mĩ kɨɗabe, kɨ mad goto na mĩ tã,
Titbãi tel gootɓe, londɨ dãg kɨ mut.
Dekɨɗen'n a tɔi kadat a ne
a kɔr ngol na a yee jin.
Currently Selected:
Soponi 2: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Soponi 2
2
Kunɨn deg kɨ tɔrrɨn ndid
1I kawɨn na kɨnat,
I nderɨn girr rosɨ
ĩn girrdeg kɨkanj rosɔl
2kete lon mberkɨnda tee al ɓaitɔ,
na ndɔ lo Bɨraɓe tɔi tit tisa al.
Kete lon wong lo Bɨraɓe kɨtal sokɨr so dɔsɨt al ɓaitɔ,
kete lon ndɔ wong lo Bɨraɓe hursɨ rukɨ al ɓaitɔ
3I sahn go Bɨraɓe, ĩn kɨsayelel tube kɨdɔningt
Ĩgɨn hɔ ɗan nya kɨdenesew takumat.
I sahn go nyaɗa kɨdenesew kɨ hal kɨsayelel;
maja a yan rosɨ kam ndɔ wongt lo Bɨraɓe.
4Kɨtɔ a tĩ i nyan Gaja kɔ, Askalon
a tel gootɓe
a tuɓan Asdod lon kàd ɗan de'n ɓet,
a retɨn Ekrõ kɨ ngɨraag be.
Takɨgang dɔ girrdegt
5Beto lo ngendɨ kad bahbot, in
girrdeg lo Kretiag,
Bɨraɓe elta ndoorsɨn,
ĩ Kana dɔning lo Pilistiag,
m'a m'nuj mbã, ngendɨ kamit kɨɗa kaa a goto.
6Ĩn log kɨkad bahbot, a ĩn lo kul nyag
kɨ londɨ ngéngombatg kɨ loto nyakulg.
7Kad bahbo'n non a i londɨ kɨta ndeg ngékɨɓe lo Juda kɨnãi,
nu la a ulɨndt ye, a taan kò lokɨsɔle kam kujgt kɨ Askalon
kɨta Bɨraɓe Luwah lod a ga kamɨn dɔdt
na a tel sed gog ɓeɓert.
8M'oo dɔ kid lo Moab
kɨ taj nya ho ho lo Amoniag
lon tajɨn ne deg lom
na ɓain dõ ndoorɨn ɗobning lod.
9Kɨtɔ 'nten, tit'n m'ndɨn kɨ dɔm dõ,
kel Bɨraɓe Ngekoosɨg, Luwah lo Israel:
Moab a tel tit Sodom
kɨ Amoniag titɨn kɨ Gomor.
A i lo ɓa ngar kɨ holɓe kat kɨ gootɓe mbãkɨnõt.
Ndeg deg lom kɨ nãin a tirɨn nya lod pur
na ndeg girrdeg lom kɨ nãin a õn nduba lod.
10Nyag 'nten a ɗad kɨta kɔj ro lod
kɨta kidɨn deg lo Bɨraɓe Ngekoosɨg
tɔin dɔd kɨ dõ ndoorɨnd ne.
11Bɨraɓe a ɗa sed nya kɨkootɓool
kɨta a nuj yog kɨ dɔningt tube
na dekɨɗen a ɔsɨ dɔn ber nõat kam dɔningt lon
mbã kɨ doorlogt lo girrdeg tube.
12Ĩn deg kɨ Etiopi tɔ,
a tɔlsɨn kɨ kiyaɗɔɔ lom.
13Bɨraɓe a la jin kɔtko ɓodo, nujɨn Asiri,
a tel Ninib gotɓe, ad tut kurum tit dɨlalo.
14Ɓut nyakulg a ton kamat kɨ
dãg kɨ dang dang,
yel kɔig kɨ ndur a hɔn londɨ
dɔ piliegt loa
ndi mad ko kɨ buro kujg,
nuj a tɔ ɗig tabitgt
kɨta a ngĩn plapõ kɨ ɗa kɨ kag sedɨr kɔ.
15Ĩn non la i ɓebo'n la i ɓebo kɨ ngeɗa ronel
in ndɨ lom,
na el kamit an: Mĩ kɨɗabe, kɨ mad goto na mĩ tã,
Titbãi tel gootɓe, londɨ dãg kɨ mut.
Dekɨɗen'n a tɔi kadat a ne
a kɔr ngol na a yee jin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.