Soponi 1
1
Ndɔ lo Bɨraɓe ndɨ ɗe
1Ta lo Bɨraɓe'n ɗe ro Soponit ngon Kusɨ, ngon Gedalia, ngon Amaria, ngon Ejekias, kam ndɔgt lo Josias ngon Amon, ngar kɨ Juda.
2M'a m'nuj nyag tube kɨdɔningt kɔ,
kel Bɨraɓe.
3M'a m'nuj deg kɨ dãg,
m'a m'nuj yelg kɨ dõ kɨ kanjg kɨbahbot
nyag kɨ ngégagigt nat kɨ ngéɗamajal.
M'a m'nuj deg kɨdɔningt kɔ,
kel Bɨraɓe.
4M'a m'la jim m'ndoorɨn Juda kɨ ngéndɨ Jerusalem tube
m'a m'nuj deg lo Baal kɨ nãin lot'n ɗan kɔ
nat kɨ kɨta ngejanyamosɨ kɨ ngeɗayog loa
5Ĩgɨn ɔsɨn dɔd ber nõ koosɨgt kɨ dɔrãt dɔ kujgt.
Ĩgɨn ɔsɨn dɔd ber kɨ yokɨnda kam tɔ Bɨraɓet
kɨ yokɨnda kam tɔ ngart lod
6Ĩgɨn tɔrrɨn rod kɨgog ro Bɨraɓet,
sahn go Bɨraɓe al, ndɨjena ta al tɔ.
7I ndɨ goi mbo nõ Bɨraɓe Luwaht
kɨta ndɔ lo Bɨraɓe i nderbe,
Bɨraɓe ɗago nya kɨjakɔ,
kunɨn mbahg lon.
8A i titbe ndɔ jakɔ nyat lo Bɨraɓe;
m'a m'nda m'ɔj mbaiɓeg kɨ ngan ngar
kɨ tube'n lan kubg kɨmbah rodt.
9Ndɔt'n non m'a m'gangta dɔ degt'n ɓain bal dɔ ɗig tabit kujt,
ĩgɨn ɗoosɨn kuj lo nged kɨ nyaɗa kɨlo ngetɔgt kɨ ndokum
10Ndɔt'n non,
kel Bɨraɓe,
a oon dɔ kah ndi mad kɨbo takuj kanjgt,
a oon dɔ wi ko bɔgɓet mad
kɨ kah nujkɔ kɨbobe ko dɔ mbalgt.
11Udɨn wi, ĩn ngéndɨ bɔgɓet lo ngétɔsɨbir
kɨta ngéɗagatg tube oin,
tube'n mbɔjɨn nar arjã ĩn kɨnuj kɔ.
12Ndɔt'n non
m'a m'ndio kam Jerusalemt kɨ horr lamba jimt,
m'a m'nda m'ɔj ngendɨt lom,
ĩgɨn ndɨ elɨn kamdt anan:
Bɨraɓe a ɗa maj ke majal al.
13Nyamajg lod a telɨn nyatetɗɔɔ
na a nujɨn kujg lod kɔ
A ɗan kuj,
na a ndɨnt al,
a hɔn dĩ nduu kam ndɔɔt
na a ãin mana al.
Ndɔ wong kɨbobe
14Ndɔ kɨbo lo Bɨraɓe i nderbe
ndɨ ɗe kanangbe.
Deg a kont kɨ nõ kumdt
de kɨngang a nõn nõ kɨkatbang.
15Ndɔ'n non i ndɔ wong,
i ndɔ kamkɔl kɨ jarobãi,
i ndɔ nuj kɨ tuj,
i ndɔ til kɨ lo kɨ diw kirir
i ndɔ kilndii kɨ til kɨdiw kirir.
16Ndɔ kun tow kɨ ndɔ kũ yel ɗɔɔ
dɔ ɓebog kɨngang kɨ kujngomdɔ ɓeg.
17M'a mad jarobãi ɗe dɔ degt
kad ndian tit mundog be
kɨta ɗan majal ndoorɨn ne Bɨraɓe.
A ũn mosɨd kɔ tit buning be
kɨ nind tit kĩ be.
18Nar arjã ke nar ɔr lod a asɨ kajd al,
kam ndɔ wongt lo Bɨraɓe na horr
jàng loa a õ dɔning tube
kɨta a nuj ngéndɨ dɔningt tube kanangbe.
Currently Selected:
Soponi 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Soponi 1
1
Ndɔ lo Bɨraɓe ndɨ ɗe
1Ta lo Bɨraɓe'n ɗe ro Soponit ngon Kusɨ, ngon Gedalia, ngon Amaria, ngon Ejekias, kam ndɔgt lo Josias ngon Amon, ngar kɨ Juda.
2M'a m'nuj nyag tube kɨdɔningt kɔ,
kel Bɨraɓe.
3M'a m'nuj deg kɨ dãg,
m'a m'nuj yelg kɨ dõ kɨ kanjg kɨbahbot
nyag kɨ ngégagigt nat kɨ ngéɗamajal.
M'a m'nuj deg kɨdɔningt kɔ,
kel Bɨraɓe.
4M'a m'la jim m'ndoorɨn Juda kɨ ngéndɨ Jerusalem tube
m'a m'nuj deg lo Baal kɨ nãin lot'n ɗan kɔ
nat kɨ kɨta ngejanyamosɨ kɨ ngeɗayog loa
5Ĩgɨn ɔsɨn dɔd ber nõ koosɨgt kɨ dɔrãt dɔ kujgt.
Ĩgɨn ɔsɨn dɔd ber kɨ yokɨnda kam tɔ Bɨraɓet
kɨ yokɨnda kam tɔ ngart lod
6Ĩgɨn tɔrrɨn rod kɨgog ro Bɨraɓet,
sahn go Bɨraɓe al, ndɨjena ta al tɔ.
7I ndɨ goi mbo nõ Bɨraɓe Luwaht
kɨta ndɔ lo Bɨraɓe i nderbe,
Bɨraɓe ɗago nya kɨjakɔ,
kunɨn mbahg lon.
8A i titbe ndɔ jakɔ nyat lo Bɨraɓe;
m'a m'nda m'ɔj mbaiɓeg kɨ ngan ngar
kɨ tube'n lan kubg kɨmbah rodt.
9Ndɔt'n non m'a m'gangta dɔ degt'n ɓain bal dɔ ɗig tabit kujt,
ĩgɨn ɗoosɨn kuj lo nged kɨ nyaɗa kɨlo ngetɔgt kɨ ndokum
10Ndɔt'n non,
kel Bɨraɓe,
a oon dɔ kah ndi mad kɨbo takuj kanjgt,
a oon dɔ wi ko bɔgɓet mad
kɨ kah nujkɔ kɨbobe ko dɔ mbalgt.
11Udɨn wi, ĩn ngéndɨ bɔgɓet lo ngétɔsɨbir
kɨta ngéɗagatg tube oin,
tube'n mbɔjɨn nar arjã ĩn kɨnuj kɔ.
12Ndɔt'n non
m'a m'ndio kam Jerusalemt kɨ horr lamba jimt,
m'a m'nda m'ɔj ngendɨt lom,
ĩgɨn ndɨ elɨn kamdt anan:
Bɨraɓe a ɗa maj ke majal al.
13Nyamajg lod a telɨn nyatetɗɔɔ
na a nujɨn kujg lod kɔ
A ɗan kuj,
na a ndɨnt al,
a hɔn dĩ nduu kam ndɔɔt
na a ãin mana al.
Ndɔ wong kɨbobe
14Ndɔ kɨbo lo Bɨraɓe i nderbe
ndɨ ɗe kanangbe.
Deg a kont kɨ nõ kumdt
de kɨngang a nõn nõ kɨkatbang.
15Ndɔ'n non i ndɔ wong,
i ndɔ kamkɔl kɨ jarobãi,
i ndɔ nuj kɨ tuj,
i ndɔ til kɨ lo kɨ diw kirir
i ndɔ kilndii kɨ til kɨdiw kirir.
16Ndɔ kun tow kɨ ndɔ kũ yel ɗɔɔ
dɔ ɓebog kɨngang kɨ kujngomdɔ ɓeg.
17M'a mad jarobãi ɗe dɔ degt
kad ndian tit mundog be
kɨta ɗan majal ndoorɨn ne Bɨraɓe.
A ũn mosɨd kɔ tit buning be
kɨ nind tit kĩ be.
18Nar arjã ke nar ɔr lod a asɨ kajd al,
kam ndɔ wongt lo Bɨraɓe na horr
jàng loa a õ dɔning tube
kɨta a nuj ngéndɨ dɔningt tube kanangbe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.