Aje Takɨdɔt
Takɨdɔt
Maktub 'nten eltag asɨ mi lo ngekel ta kɨ ta Luwaht Aje. Ngekelta kɨ ta Luwaht Aje eltag'n non kam ɓet kɨ Jerusalem, kam ɓalt 520 ket nõ kooj Jejut. Hɔn deg madg dɔning Judat awɨn sed ɓert kamɓet kɨ Babilont. Na kam ɓalt 538 kete nõ kooj Jejut ye, Juip madg telɨn ɓert, ɗen kam dɔningt lod gog. Ĩgɨn telɨn dasa ye, mban girr ɗa kuj ndub Luwah kɨ ɓebot kɨ Jerusalem gog. Na tajigt ndoor ɓai kɨ dɔdt ho, ngahn kõ ngãi ad nya 'nten ɔrr tɔgd, a ɗa kɨ'n tĩ nyan kɨla'n non.
Tag'n Aje ngekelta kɨ ta Luwah el, sumba dɔ ngékɔrrnõ deg la dasa ye. Ngekõɓe Jorobabel kɨ bɨra ngejanyamɔsɨ kadkari Jojue, eld kad hɔn tɔgd bá, kɨ nyan ta kɨla ɗa kuj ndub Luwah al, na kɨ tel unɨn ta kɨla'n non gog awɨn ne kɨ kete. Eld kad kamd gah dɔ kunkɔgt lo Luwah, kɨta ngan Israel kad Bɨraɓe ad'd kam kɨsokɨber, maj a urrd kam ndɔgt'n a ɗen nõ.
Ngekelta kɨ ta Luwaht Aje ndɨje kad ĩgɨn ndɨ oon dɔ ta lon, kɨ gaan dɔ jindɨt lod (Aje 1:5; 2:15-19). Ndo'n so dɔdt ɗe kɨtakul kuj ndub Luwah'n nyan kɨ nõbe na turɨn go al nõ (Aje 1:1-14). Kamla ngan Israel ɔsɨn dɔd ber nõ Luwaht kɨ jeje al (Aje 2:10-20). Aje el an: Maj koo kuj ndub Luwah kɨ kij tɔi kuj ndub Luwah'n n'ɗan dasa nõ (Aje 2:19). El Jorobabel kad ger i Luwah la kɔta ndaa tadang kad ɗa kɨlaɓer adɨn (Aje 2:20-23).
Na deg kɨ ngéndɨ dɔning Juda oon dɔ ndɨ Luwah'n tee kɨtakul ta kɨ tee ta ngekelta kɨ ta Luwaht Aje. Ad ndigɨn dɔ tat'n non, tel ɗa ɗan kɨla kuj ndub Luwah gog. Juipg'n telɨn ɓeɓert ye, nyag ton nõdt ngãi kad ɗan rod kɨta. Ndɨ ngoon kad Luwah ɗa nya mad kɨtad. Kɨgo ɗob lo ɓerkɨla mad'n ĩ kɨɓe a kɔta. Kɨtɔ 'nten la kam jindɨdt tube, maj kad ndɨn dɔgt kɨ kum kɨ tɨja roi kɨta ngoo maj'n Luwah ɔj kɨtatɔd. Kɨla lo Aje ngekelta kɨ ta Luwaht i tɔsɨ hangal deg ndool, kad hɔntɔgd bá ho ndahn kamd dɔ Luwaht kɨ taagbe tɔ.
Currently Selected:
Aje Takɨdɔt: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.