1 WAKORINTO 8
8
1Na kya nyama tsiinjidasye maruwa ha wongo; na luichi ke so lose lui wenyi-wuṟango. Wuṟango nyi wokeende ikutumbasha indi ikunda nyi lyekepfunga mba. 2Kokoya mndu akumbuo ke ai na wuṟango woemanya kindo o amemanya njia wuṟango woṟunda nayopfo. 3Chila nyi mndu akundi Ruwa; ichu nyi ammanye nyio. 4Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu. 5Cha kipfa ma kokoya kuipfo wehambo maruwa kiwe nyi ruwehu ang'u nyi wuyana chando-ng'u kuwode wai maruwa wafoi na wandumii wafoi. 6Kya indi so luwode Ruwa umu ai Wande. Nyio kimaenyi kya shose shii-ho na kiwuyonyi kyadu na ipfo koke. Luwode na Mndumii umu nyio Yesu Kristo. Kui mweke foke shindo shilemba shose, naso na kui mweke foke. 7Kya indi wuṟango wu wukeri na wosepfo. Kwipfo weketsilya cha ili tsiinjidambikye maruwa ha wongo lohi, ngo tsa mrimenyi yawo, ili tsiinyifafa tsidi, tsikahenda ifanyitso. 8Kya indi kando kaa na wucha wolusanza na Ruwapfo. Lukaalya lui na wo mwengeṟyapfo, lukada lulalya lohenda iwunyiṟyopfo. 9Ke kuṟisenyi mulawone mkuachie fonu fuwe fochiendie walya wai wafafa kihutsa. 10Kyamba mndu kakuwona iyo menyi wuṟango wu kudamye kiliyonyi ipfo kundo wadambikye shidaso shilya alae ngo tsa mrima fo mndu cho afafaa adi chi tsechikapyo owanzo natane alya tsiinjidambikye maruwa ha wongo? 11Na ulya mfafa kahenda idetso nyi wuṟango wu wopfo, nao ai nyi manowama msa Kristo alempfia. 12Na wudo ili muitahachia wanawawama wo na ikapa ngo tsa mrimenyi yawo ifafaa idi, nyio Kristo mukeri imtahachya. 13Nkyo kimaduma kiti kelya kidekeshe manowama oko nyide ndalye nyama itane mlungana, ndashike tewa manowama oko nakape tuulya.
Wusumhanyi wo Waṟundi
Currently Selected:
1 WAKORINTO 8: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
