1 WAKORINTO 13
13
1Ma ngadeda shishomo sha wandu na sha wamalaika, na inyi njiwuṟye ikunda njiwewa cha manga fodihina na cha mangalili hededa. 2 Ma mbewode shisuku njiweichi shindo sha kisenyi shose na wulaanyi wose, mbewode na mwidikye foteshuo mafumwu, na inyi ndawode ikunda njikeri kindopfo. 3Ma mbechihawya wakiwa masaa hako hose ngawedambikya na mbihu foko fuhende koṟo, na inyi njiwewuṟye ikunda na isho shinjiwukia-ho kindosho. 4Ikunda nyi liwode wuleeli. Ikunda nyi lyekewongoya wandu. Ikunda chi liwode wulang'apfo, manya lyekekushelapfo. 5Malikutumbashielyo. Ikunda chi litahachye sonulyo, ma lyekepfula kiira kyalyopfo, ma lyechiwa itawishotawishopfo, ma lyekeitalya mawicholyo. 6Lyo lilawa ichihiṟo nyi wukika, kya indi liichihio orio kundu likumbuhananye kilya kii-lohi. 7Lyo nyi lishikye shose, nyi lihendelye shose, nyi liwedye shose, nyi likamadye shose. 8Ikunda lyechisia manyalelyo; shisuku nasho shechihenda idumbuka, na ideda na shiṟuma nalyo lyeshika imanda, na wulaanyi wolanya shindo wo wochidumbuka. 9Kyamba wulaanyi wodu nyi wo mbetesa, na shisuku shadu na sha mbetesa. 10Kya indi ili mandi wuholotsi wulya womcha na mbetesa yechisia nawo. 11Ili njiwei mkoku njilededa cha mkoku ngameṟanguoṟanguo cha mkoku na ihia kimkoku. Ili ngamba msoṟo ngamekuatuo wukoku wose. 12Kiheri kya wulalu lushiwonyi cha mfano ya kilolenyi shii mangeṟingesha, indi kiheri kya numa lochishiwona oshangu kui oshangu; kiheri kya wulalu imanya lyako likeri lya mbetesa, kya indi ili numa njechikimanya kyose chando na inyi ngamanyo. 13Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.
Shisumbo shingi sha Mumuyo
Currently Selected:
1 WAKORINTO 13: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
