Detoronomiyo 14
14
Anavinyama apama na anavinyama otakala
1Mozeji ohowongagave eraga: <<Nyo muli ahima a Yehova Mulugu wenyu. Kamupopege sungu mmaningoni mwenyu nne kamudjemelege kove yenyu na mwasa wa atu kakwile.#14:1 kamudjemelege kove yenyu na mwasa wa atu kakwile: Malambo a mundulrimu akuda Kana anno Yehova aatamangihilemo liye, kohokana sanganiko daira atu na mwasa wa atu okwa. Hiyo kaniiziwile jaumbuwela atu muwari moirana sanganiko dile. Mbwenye Mulugu ohakameliha aIzarayeli irana jejo. 2Mwasiwa nyo muli atu otchenihiwa a Yehova Mulugu wenyu. Eto Yehova uusakunlreni muwari mwa malogo matene a mwilamboni yatene ya vati ira mukale atwaye a ibaribari.#Ezodu 19:5-6; Detoronomiyo 7:6; Titu 2:14; 1 Peduru 2:9
3<<Nyo kamudjege yengo ili yatene yotakaletchetcha.#14:3 Nyo kamudjege yengo ili yatene yotakaletchetcha. Zela nkani wa jodja, Mulugu ohela tempu tempu. 1. Voroma vene, Mulugu ohomuwandela Adawu na Eva ira kadjege jalo bahi. Tchavahiwe inyama ili yatene ira kadje. (Jenesesi 1:29) 2. ANowe kagakumile mmwadeyani, Mulugu ohomuwandela Nowe na atwaye ira kadjege inyama ili yatene yafuna atu. So Mulugu akameliha dja sangiri. (Jenesesi 9:3-4) 3. Tempu ya Mozeji, Mulugu awongile na aIzarayeli ira: <<Mitoro kudje, nguluwe kudje. Mukadje kudje, nibata kudje, vamohi na jengo jimohi jiwa.>> (Detoronomiyo 14:8-18) 4. Tempu ili hiyo ila, Yesu ohawandela atu a tempu yaye eraga: Yengo ili yatene inakumela unde ivolowaga mwa mutu kinamutakaliha. Markuji muwari mosogolrelriwa na Munemba Otchena ohowonga ira: Mowonga enne ku tapulela ira Yesu ohorumeliha jodja jatene jene ira jidjiwege. (Markuji 7:15-19) Ku wonga tempu ili hiyo ila kada mutu unowanda dja mwanainyama inaziveliwa liye nnga tempu ya Nowe. So mbwenye andimuwa muwari mwa anamamuroromela Yesu kagagaratenle nkani wa malamulo ofwanela hara tempu ili hiyo ila, aliwa kohowonga ira ili yapama atu omuroromela Yesu karambele anavinyama opiwa moxekiwa vammelo nari dja sangiri. (Joira ja Anamarumiwa 15:20) 4Anavinyama anafuna nyo adjaga ba ala: ng'ombe, mabila, mbuzi, 5nase, mbala, musengu, palavi, nyari, nangoma na mbuzi da mukokolani. 6Mwanainyama unarumelihiwa ira mudje gwenno upwaranyeyile dodobwa dikalamo mbinli eto adjuguwaga. 7Mbwenye anavinyama anadjuguwa bahi kahanna dodobwa dopwaranyeya dokalamo mbinli, romela kamelo, namarogolo, kuve, aliwa anodjuguwa, mbwenye dodobwa diwa kadipwaranyeyile. Anavinyama anno botakala para nyo. 8Eto nguluwe gu mwanainyama otakala para nyo, kamudje, mwasiwa nguluwe ihipwaranyeya vinyala, mbwenye kinadjuguwa. Nyama ya nguluwe kamudje eto nne mwafwanya yagakwile kamuhinde. 9Eto zela anavinyama atene anafwanyeya mwiko, ofwanela ira mudjege ba ala: anavinyama atene okana johambelrelrana vamohi na magoru. 10Mbwenye mwanainyama watene wa mwiko ahanna johambelrelrana nne magoru, mwanainyama wenno kamudje, gu mwanainyama otakala para nyo.
11<<Eto nyo munerege dja mbalrame datene dapama. 12Mbwenye mbalrame dohodjiwa ti di:#14:12-18 mbalrame dohodjiwa ti di: Ili yorutcha iziwa pama mazina matene a mbalrame kawongiwe muwari mwa miselu dedi. Tchoira mazina a mbalrame dimohi diwa fiyeda peno kinaiziweya pama. kakozi, namakupedapawoni, mbalrame dosaya mwiko, 13nikuvi, ivangwi vamohi na afwaye olingana na liye, 14nakungu vamohi na afwaye olingana na liye, 15namame, izizi, yukuru, marwe vamohi na anavinyama amohiwa olingana na aliwa, 16kolrokombe, nguruguru, ng'ogo, 17mbalrame yokala nnga yukuru, mbalrame yokala nnga nikuvi, nakungu wa mwiko, 18irwarwa, natchengwa, nkuta na nantutu vamohi na afwaye olingana na liye. 19Vinyomoronyomoro jatene jovava jimohi jiwa, kamudjege, ti jengo jotakala para nyo. 20Mbwenye nyo mudjege mbalrame datene dapama.
21<<Kamudje mwanainyama uli watene ukwile ekave. Mbwenye mwamuona mwanainyama okwa ekave, mwaavahege atu oza anno anafwanyeya mutatamoni mwenyu. Mwavahege aliwene ira kadje, nari mwahafune, mudowe mwaagulihedege atu amohiwa a unde. Tchoira nyo muli atu otchena a Yehova Mulugu wenyu. Kamupiyege mwana mbuzi na mukaka wa mmaye.
Jovelela jolaba mabasa a Yehova
22<<Na ibaribari va kada yaka inafwanela muwandege kumihavo yanekumi ya jatene jinapa nyo mmundani mwenyu, muhelege vammambalo. 23Nyo munerege dowa mwadjege yanekumi ile vamentoni va Yehova Mulugu wenyu,#14:23 mwadjege yanekumi ile vamentoni va Yehova Mulugu wenyu: Yanekumi yanna aIzarayeli tchali ira kavelele mmandani mwa atu amohiwa mbwenye ali ira annya kadjege muwari momutamalela Mulugu. Nione 14:24-26. nimburo neno unasakulre liye ira ahele nzina naye wewo, romela yanekumi ya johanda jenyu, vinyu, azeti na arandji reliwa a ng'ombe dinyu na mabila enyu. Inafwanela muiregena eno ira muwande fundja muova Yehova Mulugu wenyu malambo matene a mukalakala.
24<<Mbwenye Yehova Mulugu wawo asimbwa ureliha ukana jengo jidjindji eto nimburo niwa nnafuna sakulra Yehova ira ahelewo nzina naye wasimbwa kala olapela, vahakale jowandeya ira uwande tukula jatene jejo udowe wewule, 25vo mbwenye inafwanela ugulihe yanekumi ya jatene, utukule kobiriwa udowegena nimburo neno nnafuna sakulra Yehova Mulugu wawo. 26Wadowa wewule, kobirile wagulena yengo ili yatene inafune we, nari akala ng'ombe, nari mabila, nari vinyu, nari jong'wa jolrezelriha, nari jatene jinafune we. Waira eno mudje jatene jejile vamentoni va Yehova Mulugu wenyu, muhagalale weyo vamohi na atu atene a vande vawo. 27Mbwenye wadjaga jatene jejile, kwaadiwale aLevi anno anafwanyeya musidadi mwawo, mwasiwa aliwa kigaweliwe pandi ya ilambo vamohi na nyo.#14:27 wadjaga jatene jejile, kwaadiwale aLevi: AIzarayeli muwari modja yanekumi ya jatene japa atu, aliwa kohotongiwa ira kaaitane aLevi ira kaze kadje pwando vamohi na aliwa. Ku wonga ira kaali ira yanekumi ya jatene janna atu aliwa kaavaha aLevi, nari. Wanle kada mutu adjaga yanekumi yaye, oaitana aLevi ira kaze kadje vamohi na liye.
28<<Eto va kada yaka taru, unerege gumaniha vamohive yanekumi ya jatene ja mmundani mwawo ja yaka yenne, ukoye musidadi mwemo munakala we. 29Mwa enne, romela aLevi anno kahagaweliwe ilambo vamohi na nyo, na atu oza, na anapawi, vamohi na amakwele a ahiyana anafwanyeya musidadi mwemo munakala nyo, aliwa banafuna dja jatene jejile ira kawande rumbala ira Yehova Mulugu wenyu awande urelihani zela mabasa matene anahindege nyo na mandinyu.>>#14:28-29 unerege gumaniha vamohive yanekumi ya jatene ja mmundani mwawo ja yaka yenne, ukoye musidadi mwemo munakala we: Ku wonga va kada yaka taru, yaka mbinli aIzarayeli kadja yanekumi iwa oka muwari momutamalela Mulugu. Yaka yaneraru, yanekumi ya ja mmindani kokoya ira aLevi anno kahagaweliwe ilambo vamohi na aliwa, na maliba za, na anapawi, vamohi na amakwele a ahiyana kadjege. Eto fwanyeya ira yaka yaneraru ile, kada mutu owanda dja yanekumi ya jifuwo jaye muwari momutamalela Mulugu. Tchoira mutu avelela ja mmindani bahi ira jigaweliwe atu osimela. Nione 15:19-20. Fwanyeya ira mutu kaova puzeya mwasiwa Mozeji ohowonga ira muiregena eno ira Yehova Mulugu wenyu awande urelihani zela mabasa matene anahindege nyo.#Levitiku 27:30-33; Numero 18:21
Currently Selected:
Detoronomiyo 14: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
