1 Korinto 10
10
Jokokomeza ira atu omuroromela Yesu kahavolowe muwari mwa jabure jaira atu amohiwa
1Miyo abalaga nnafuna muumbuwele ira makolo ehu a wanle kakumaga Ijipitu, atene kohosogolrelriwa na murambo eto kagafwannye bara, kohovolowa, kalambuwaga. 2Muwari mosogolrelriwa na murambo mbara mule, tapulela ira atu atene kohobatiziwa ira kakale atu osogolrelriwa na Mozeji. 3Kagalambuwile, atene kohodja udja umohive warumile Mulugu. 4Atene kohong'wa mahindje mamohive Mulugu arumile liye ira kakume munibweni. Nibwe nne narumiwe na Mulugu eto nawenda vamohi na aliwa. Eto fwanyeya ira Nibwe neno nali Kiristu.#10:4 Nibwe neno nali Kiristu. Ku wonga Yesu ahanaze na maningo, liye ohokalawo eto ohokana mabasa alaba liye wanle. Agali aIzarayeli tchamuiziwile, Kiristu ali vamohi na aIzarayeli eto liye ohakamiheda mwawenda atu muisalesaleni. Nione eto 1 Korinto 10:9. 5Masiki eno Mulugu ohatakaleliwa oindjiva na joira jiwa. Kohofiyeda piwa, maningo ewa kala gwembelre gwembelre muisalesaleni.
6Jatene ejo jaireya ira jikale jofwalrafwaniha ira hiyo nagavwile, nahakale atu otamangela jabure nnga atu anne. 7Kamukale atu ohara vikwamutu josema nnga jairile aIzarayeli amohiwa wanle. Kalaga nnga ilrembiwe mMazuni ira:
<<Kohogaratigi aliwa roma sakanya pwando yewa kadjaga jakutenle atu ikwamutu yosema ile eto kang'waga. Eto kohovenyaga ira kawalredege.>> #
Ezodu 32:6
8Hiyo kanikaleni atu oraruwa nnga vire afwihu a malambo a mundulrimu. Na mwasa oraruwa, Mulugu siku nimohi ohapa atu 23.000. 9Eto kanikaleni atu omuxixa Kiristu nnga jairile afwihu a malambo a mundulrimu. Na mwasa omuxixa, dohokalawo nyowa dazile roma atolotchaga. 10Teto kanikaleni atu omung'ong'oha Mulugu. Tchoira na mwasa omung'ong'oha Mulugu, ukala maliba atolotcha atu Mulugu amurumile liye, wenno adowile atolotcha atu atene kamung'ong'ohile.
11Jatene eji jaaireyele ira jikale jofwalrafwaniha eto jilrembiwele para hiyo atu a tchineneva, hiyo atu okalawo matempu ogomiheda ala ira niwendjele, nahairena makalelo abure kaira afwihu. 12Nona mutu unaviona ira dihiimela, inafwanela aing'ane pama makalelo aimenle liye tawiha ira unagwe. 13Xixiwa unaxixiwa nyo, na atu atene anaxixiwa na makalelo amohive. Mulugu mbwenye gororomeleya, liye kanauhiyani ira muxixiwe na makalelo ohowanda nyo vilela mbwenye muwari moxixiwa mule, Mulugu unerege uvahani makalelo anafuna nyo xolra xixiwa ule ira muwande vilela.
14Nona nyo atu anauziveliwani miyo, nnouwandelani ira mutawe ja vikwamutu josema. 15Nnawonga na nyo nnga nnawonga na atu oonelramo. Mazu anawonga miyo ala inafwanela mwahala, muumbuwele pama.
16Muumbuwele zela kopo ya mareliho yenno nnarelihetcha hiyo nadjaga seya wa Nabwiya. Hiyo natukulaga kopo ile ning'waga, nnang'wa muwari mogumanihiwa na sangiri na Kiristu. Eto nadjaga pawu, nnadja muwari mogumanihiwa na maningo a Kiristu.#10:16 nnang'wa muwari mogumanihiwa na sangiri na Kiristu… nnadja muwari mogumanihiwa na maningo a Kiristu: Ku wonga mutu adjaga seya, unarumela ira sangiri na Yesu nohotatiya para liye eto maningo a Kiristu kohokawuliwa para liye. 17Muwari moira pawuwa inadja hiyo tchi imohive bahi, na hiyene masiki nagalive adjindji, nnafwanyeya nagali maningo mamohive, mwasiwa nnadja pawu imohive.
18Inafwanela muumbuwele jinaira azarayeli. Ale anadja mikuto anarumelela mabasa analabiwa vaibuwani.#10:18 Ale anadja mikuto anarumelela mabasa analabiwa vaibuwani. AIzarayeli muwari mokuta mukuto, anamakuta nari aliba velela kohokana pandi ya nyama yavahiwa atu, aliwa dowana vande. Kagadowilena nyamiwa mmavande, kohokalawo atu amohiwa kadja mikuto dile. Ale kadja kohomala iziwa ira nyamiwa yakumile mukutoni eto kadja muwari morumelela mukuto kakutile atu ule. 19Dawongaga eno kodi miyo nnawonga ira jodja jikuteliwe vikwamutu josema jihimala nongeya? Kodi nnawonga ira ikwamutu yosema tchi yengo yokalawo? Nari. 20Inawonga miyo, nnawonga ira atu ohombalra Mulugu, kakutelaga vikwamutu josema mikuto diwa, anakutela minemba dabure. Kinamukutela Mulugu. Miyo eto kannafuna ira nyo murumelelege mabasa a minemba dabure.#10:20 Miyo eto kannafuna ira nyo murumelelege mabasa a minemba dabure. Ku wonga Pawulo unawonga ira: <<Nyama ikuteliwe ikwamutu yosema kinongeyile. So mbwenye mwadja nyama yenno kamudje muwari morumelela mabasa analaba atu. Dja, munerege dja. Mbwenye mwadja, kamudjege nnga vinera aIzarayeli. AIzarayeli kadjaga, anadja muwari morumelela mukuto wewa. Nyo mbwenye mwafunaga dja, mudje mwaharumelelaga mukutole.>> Vamohive vevo Pawulo ohokanamo ira: <<Mwaona ira hiyo kannawanda dja naharumelelaga ja mukuto, inafwanela mwahadje wene.>>
21Kakalevo unang'wa kopo ya Nabwiya vamohi na kopo ya minemba dabure. Kakalevo unadja jodja ja meza ya Nabwiya vamohi na jodja ja meza ya minemba dabure. 22Kodi nnafuna nitatamule sandje ya Nabwiya?#10:22 Kodi nnafuna nitatamule sandje ya Nabwiya? Va Pawulo unaawandela atu omuroromela Yesu ira karambele jatene jokana pandi na Satana mwasiwa kamexeri ja Satana, anatatamula sandje ya Mulugu. Kodi nnaumbuwela ira nihikana kopolo domukwaranya liye?
Mutu omuroromela Yesu airegena jatene ira Mulugu ateteliwe
23Atu anowongetcha ira: <<Jengo jatene jinorumelihiwa ira mutu airegena.>> Mbwenye kahi ira jatene jinomulabela mutu yengo. Atu anowongetcha ira: <<Jengo jatene jinorumelihiwa ira mutu airegena.>> Mbwenye kahi ira jatene jinonilimbiha. 24Kakalevo mutu unafuna viziveliha ekave. Mbwenye inafwanela mutu awande muziveliha nfwaye.
25Mudje nyama yenno inagulihiwa merkado mwahafukile yengo tawiha ira munoza mukayena yowanganyeda. 26Mwasiwa Mazu anawonga ira: <<Ilambo ya vati yatene nari jatene jilimo, mwinnya gu Nabwiya.>>#Salmu 24:1
27Akala nfwawo ahanamuroromela Yesu unouitanela tchima, wafunaga dja, uperuwe wadje inavahiwa we wahafukile tawiha ira unoza ukayena yowanganyeda. 28Mbwenye akala we wahanadje, ukalawo unauwandela ira: <<Nyamela tchokuteliwa ikwamutu yosema>>, weyo kudje na mwasa wa wenno uuwandenle eto tawiha ira unoziha yowanganyeda. 29Dawongaga zela ziha yowanganyeda, kannawonga ira weyo unokana yowanganyeda, nari. Mbwenye nnawonga zela wenno uuwandenle. Tchoira miyo kannatongiwa na mutu mmohiwa zela inawanda miyo irana. 30Akala nnowanda mutamalelana Mulugu zela inadja miyo, mwasiwa gwa nni unafuna miyo sumululiwa zela yenno inamutamalelana miyo Mulugu?
31Nona ilukuluwa, wadja, wahadje, wang'wa, wahang'we, masiki joira jawo jatene, uiregena jatene ira undimuwa wa Mulugu uoneye.
32Kamuirena yengo yoagwagwadutcha aJudewu, nne atu ohokala aJudewu, nne nikuru na Mulugu naye. 33Kalaga nnga miyo. Miyo dairagana joira jaga jatene, nnairela ira atu atene kaziveliwe. Kannairana jofuna jaga meka, mbwenye nnairana joira ira atu kadiona, oindjiva kawande vulusiwa.
Currently Selected:
1 Korinto 10: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Korinto 10
10
Jokokomeza ira atu omuroromela Yesu kahavolowe muwari mwa jabure jaira atu amohiwa
1Miyo abalaga nnafuna muumbuwele ira makolo ehu a wanle kakumaga Ijipitu, atene kohosogolrelriwa na murambo eto kagafwannye bara, kohovolowa, kalambuwaga. 2Muwari mosogolrelriwa na murambo mbara mule, tapulela ira atu atene kohobatiziwa ira kakale atu osogolrelriwa na Mozeji. 3Kagalambuwile, atene kohodja udja umohive warumile Mulugu. 4Atene kohong'wa mahindje mamohive Mulugu arumile liye ira kakume munibweni. Nibwe nne narumiwe na Mulugu eto nawenda vamohi na aliwa. Eto fwanyeya ira Nibwe neno nali Kiristu.#10:4 Nibwe neno nali Kiristu. Ku wonga Yesu ahanaze na maningo, liye ohokalawo eto ohokana mabasa alaba liye wanle. Agali aIzarayeli tchamuiziwile, Kiristu ali vamohi na aIzarayeli eto liye ohakamiheda mwawenda atu muisalesaleni. Nione eto 1 Korinto 10:9. 5Masiki eno Mulugu ohatakaleliwa oindjiva na joira jiwa. Kohofiyeda piwa, maningo ewa kala gwembelre gwembelre muisalesaleni.
6Jatene ejo jaireya ira jikale jofwalrafwaniha ira hiyo nagavwile, nahakale atu otamangela jabure nnga atu anne. 7Kamukale atu ohara vikwamutu josema nnga jairile aIzarayeli amohiwa wanle. Kalaga nnga ilrembiwe mMazuni ira:
<<Kohogaratigi aliwa roma sakanya pwando yewa kadjaga jakutenle atu ikwamutu yosema ile eto kang'waga. Eto kohovenyaga ira kawalredege.>> #
Ezodu 32:6
8Hiyo kanikaleni atu oraruwa nnga vire afwihu a malambo a mundulrimu. Na mwasa oraruwa, Mulugu siku nimohi ohapa atu 23.000. 9Eto kanikaleni atu omuxixa Kiristu nnga jairile afwihu a malambo a mundulrimu. Na mwasa omuxixa, dohokalawo nyowa dazile roma atolotchaga. 10Teto kanikaleni atu omung'ong'oha Mulugu. Tchoira na mwasa omung'ong'oha Mulugu, ukala maliba atolotcha atu Mulugu amurumile liye, wenno adowile atolotcha atu atene kamung'ong'ohile.
11Jatene eji jaaireyele ira jikale jofwalrafwaniha eto jilrembiwele para hiyo atu a tchineneva, hiyo atu okalawo matempu ogomiheda ala ira niwendjele, nahairena makalelo abure kaira afwihu. 12Nona mutu unaviona ira dihiimela, inafwanela aing'ane pama makalelo aimenle liye tawiha ira unagwe. 13Xixiwa unaxixiwa nyo, na atu atene anaxixiwa na makalelo amohive. Mulugu mbwenye gororomeleya, liye kanauhiyani ira muxixiwe na makalelo ohowanda nyo vilela mbwenye muwari moxixiwa mule, Mulugu unerege uvahani makalelo anafuna nyo xolra xixiwa ule ira muwande vilela.
14Nona nyo atu anauziveliwani miyo, nnouwandelani ira mutawe ja vikwamutu josema. 15Nnawonga na nyo nnga nnawonga na atu oonelramo. Mazu anawonga miyo ala inafwanela mwahala, muumbuwele pama.
16Muumbuwele zela kopo ya mareliho yenno nnarelihetcha hiyo nadjaga seya wa Nabwiya. Hiyo natukulaga kopo ile ning'waga, nnang'wa muwari mogumanihiwa na sangiri na Kiristu. Eto nadjaga pawu, nnadja muwari mogumanihiwa na maningo a Kiristu.#10:16 nnang'wa muwari mogumanihiwa na sangiri na Kiristu… nnadja muwari mogumanihiwa na maningo a Kiristu: Ku wonga mutu adjaga seya, unarumela ira sangiri na Yesu nohotatiya para liye eto maningo a Kiristu kohokawuliwa para liye. 17Muwari moira pawuwa inadja hiyo tchi imohive bahi, na hiyene masiki nagalive adjindji, nnafwanyeya nagali maningo mamohive, mwasiwa nnadja pawu imohive.
18Inafwanela muumbuwele jinaira azarayeli. Ale anadja mikuto anarumelela mabasa analabiwa vaibuwani.#10:18 Ale anadja mikuto anarumelela mabasa analabiwa vaibuwani. AIzarayeli muwari mokuta mukuto, anamakuta nari aliba velela kohokana pandi ya nyama yavahiwa atu, aliwa dowana vande. Kagadowilena nyamiwa mmavande, kohokalawo atu amohiwa kadja mikuto dile. Ale kadja kohomala iziwa ira nyamiwa yakumile mukutoni eto kadja muwari morumelela mukuto kakutile atu ule. 19Dawongaga eno kodi miyo nnawonga ira jodja jikuteliwe vikwamutu josema jihimala nongeya? Kodi nnawonga ira ikwamutu yosema tchi yengo yokalawo? Nari. 20Inawonga miyo, nnawonga ira atu ohombalra Mulugu, kakutelaga vikwamutu josema mikuto diwa, anakutela minemba dabure. Kinamukutela Mulugu. Miyo eto kannafuna ira nyo murumelelege mabasa a minemba dabure.#10:20 Miyo eto kannafuna ira nyo murumelelege mabasa a minemba dabure. Ku wonga Pawulo unawonga ira: <<Nyama ikuteliwe ikwamutu yosema kinongeyile. So mbwenye mwadja nyama yenno kamudje muwari morumelela mabasa analaba atu. Dja, munerege dja. Mbwenye mwadja, kamudjege nnga vinera aIzarayeli. AIzarayeli kadjaga, anadja muwari morumelela mukuto wewa. Nyo mbwenye mwafunaga dja, mudje mwaharumelelaga mukutole.>> Vamohive vevo Pawulo ohokanamo ira: <<Mwaona ira hiyo kannawanda dja naharumelelaga ja mukuto, inafwanela mwahadje wene.>>
21Kakalevo unang'wa kopo ya Nabwiya vamohi na kopo ya minemba dabure. Kakalevo unadja jodja ja meza ya Nabwiya vamohi na jodja ja meza ya minemba dabure. 22Kodi nnafuna nitatamule sandje ya Nabwiya?#10:22 Kodi nnafuna nitatamule sandje ya Nabwiya? Va Pawulo unaawandela atu omuroromela Yesu ira karambele jatene jokana pandi na Satana mwasiwa kamexeri ja Satana, anatatamula sandje ya Mulugu. Kodi nnaumbuwela ira nihikana kopolo domukwaranya liye?
Mutu omuroromela Yesu airegena jatene ira Mulugu ateteliwe
23Atu anowongetcha ira: <<Jengo jatene jinorumelihiwa ira mutu airegena.>> Mbwenye kahi ira jatene jinomulabela mutu yengo. Atu anowongetcha ira: <<Jengo jatene jinorumelihiwa ira mutu airegena.>> Mbwenye kahi ira jatene jinonilimbiha. 24Kakalevo mutu unafuna viziveliha ekave. Mbwenye inafwanela mutu awande muziveliha nfwaye.
25Mudje nyama yenno inagulihiwa merkado mwahafukile yengo tawiha ira munoza mukayena yowanganyeda. 26Mwasiwa Mazu anawonga ira: <<Ilambo ya vati yatene nari jatene jilimo, mwinnya gu Nabwiya.>>#Salmu 24:1
27Akala nfwawo ahanamuroromela Yesu unouitanela tchima, wafunaga dja, uperuwe wadje inavahiwa we wahafukile tawiha ira unoza ukayena yowanganyeda. 28Mbwenye akala we wahanadje, ukalawo unauwandela ira: <<Nyamela tchokuteliwa ikwamutu yosema>>, weyo kudje na mwasa wa wenno uuwandenle eto tawiha ira unoziha yowanganyeda. 29Dawongaga zela ziha yowanganyeda, kannawonga ira weyo unokana yowanganyeda, nari. Mbwenye nnawonga zela wenno uuwandenle. Tchoira miyo kannatongiwa na mutu mmohiwa zela inawanda miyo irana. 30Akala nnowanda mutamalelana Mulugu zela inadja miyo, mwasiwa gwa nni unafuna miyo sumululiwa zela yenno inamutamalelana miyo Mulugu?
31Nona ilukuluwa, wadja, wahadje, wang'wa, wahang'we, masiki joira jawo jatene, uiregena jatene ira undimuwa wa Mulugu uoneye.
32Kamuirena yengo yoagwagwadutcha aJudewu, nne atu ohokala aJudewu, nne nikuru na Mulugu naye. 33Kalaga nnga miyo. Miyo dairagana joira jaga jatene, nnairela ira atu atene kaziveliwe. Kannairana jofuna jaga meka, mbwenye nnairana joira ira atu kadiona, oindjiva kawande vulusiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral