Banndi 7
7
Gongingol tataɓol dow debbo jaayɗo
1Ɓiyam, joga haalaaji am,
Korsinaa jamirooje am faa wooɗa.
2Joga ɗe heɓa mbuuraa.
Reenu janngingol am hono no ndeenirtaa yitere maa noon.
3Wattu ɗum fuu e kolli maa hono kootone,
winndu ɗe dow alluwal ɓernde maa.
4Adu hakkillo hono sakiike maa debbo,
paamal du hono yigoo ɓadiiɗo,
5heɓa mboɗɗoɗaa debbo mo a jeyaa,
e haalaaji mum eytooji.
6Nyannde gom, miɗo darii e suudu am,
njuurniimi faro feneetere,
7de nji'umi jokolɓe ɓe ƴoƴaa,
hakkunde maɓɓe, nji'umi mo walaa hakkillo.
8O jokki laawol wuro iri debbo oon,
o adi laawol, o fonndii toon.
9Tawi naange yanii,
futuro waɗii,
jemma warii,
nimre suddii leydi.
10De inan, debbo oon wari faa hawra e makko,
ina ɓornii kolte hono woykuuru,
ɓernde mum na heewi hiila.
11O carkotooɗo, o semtataa,
koyɗe makko ndarataako ley ɓaade makko.
12Ko ittata mo dow laawi yaarata mo ley luumo,
wakkati fuu imo ɗuppinanii mo o ferginta.
13O nanngi suka gorko oon, o wuundii ɗum,
o maataay semteende, o wi'i ɗum:
14— Miɗo haanunoo waɗude sadaka.
Hannden mi hebbinii amaana am, iɗum woni ley wuro am.
15Ndelle mi yaltii faa mi hawra e maaɗa.
Ayyo, mi tefii ma, de joonin mi yi'i ma!
16Mi daɗɗii suddamaaje dow leeso am,
mi weƴƴitii gude Misira lobbe.
17Mi wattanii daɗɗo am ɗakke urɗe,
mi uririi ngo leɗɗe feere feere.
18War, mbaalden, mbeltoɗen.
Accu yidde sulina en faa fajiri.
19Sabo goram walaa wuro.
O waɗii jahaangal boɗɗungal.
20O adii mbasu ceede,
O wartataa joonin, sanaa hakkunde lewru.
21Nii o eytiri mo haalaaji keewɗi.
O waawiri oon haalaaji belɗi.
22Wakkati gooto suka gorko oon jokki mo,
hono ngaari njaareteendi hirsirde.
Imo fonndii to jukkungo makko,
hono lewla njanunga ley tuugol#7:22 Ley ɗemngal Siiriyankoore wi'aama «lewla»; Ibraninkoore du wi'ii «puuyɗo»
23faa kural yuwa heyre makko,
hono no foondu harotoondu saamirta nder tuugol.
O anndaa wo yonki makko o sonnii.
24Wooɗi ɓiyam, hettindanam joonin,#7:24 Ley dewte goɗɗe ina winndaa «Wooɗi ɓiɓɓe am, kettindanee kam joonin»
hakkilan haalaaji am.
25Taa ɓernde maa rewa laawi iri debbo oon,
taa jokku laawi makko.
26Sabo o liɓii yimɓe heewɓe,
ɓe o halki limataako.
27Suudu makko wo laawol laahara,
jipporgol joonde makko wo maayde.
Currently Selected:
Banndi 7: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
