Maroma 16
16
1Nayileji muheletu Fwibi, mukwakukalakela chipompelu chekala kuKenikiri; 2mwakamutambuli mudi Mwanta mwatelela akwakujila; mwakamukwashuku namudimu windi, mwejima mwakakeŋelayi. Yena nakwashi nankashi antu amavulu, ninami aweni nawa.
3Ŋimwishili aPirisila ni akwila, hiyakwakukalakala hamu nanami mudi Kristu Yesu. 4Wena akeŋeli kufwa kukoola wumi wami; hiyami nayisakililaŋa kanka wami hohuku, niyipompelu yawajentili yonsu nawa. 5Ŋimwishili nichipompelu chekala mwitala dawu. Ŋimwishili Epenetu nakeŋa, diyi wásambilili kwitiya Kristu muAsiya. 6Ŋimwishili Mariya, wayikabakeneni nyidimu yayivulu. 7Ŋimwishili awusoku wami Andironiku naYuniya, twadiŋi nawu mukaleya; atiyakana mukachi kawapostolu, asambilili kwitiya Kristu, ami kanda. 8Ŋimwishili Ampiliyasu, nakeŋa mudi Mwanta. 9Ŋimwishili Uribani, mukwakukalakala hamu nanami mudi Kristu, niSitakisi nakeŋa. 10Ŋimwishili Apelesi, esekawu dehi mudi Kristu. Ŋimwishili niakwetala daArisitobolu. 11Ŋimwishili kawusoku wami Herodiyoni. Ŋimwishili akwetala daNarakisu, adi mudi Mwanta. 12Ŋimwishili aTirifwena naTirifwosa, akabakanaŋa mudimu mudi Mwanta. Ŋimwishili niPerisa wdkeŋewa, wakabakeni nyidimu yayivulu mudi Mwanta. 13Ŋimwishili niRufusa watondewa mudi Mwanta, nimama yetu, niyena ninami. 14Ŋimwishili niAsinkiritu, niFweleŋona, niHeremesi, niPatiroba, niHerema, niana kwetu ejima adi chimu nawu. 15Ŋimwishili Fwiloloŋu naYuliya, niNereyusi namuhelindi, niOlimpasa, niakwakujila ejima adi chimu nawu. 16Dimwishenu wejima wenu nachikasa chajila. Yipompelu yaKristu yejima yinayimwishi.
17Enu ana kwetu nayilembeleli, babelenu antu aletaŋa kwambuka ninsaŋu yakudimbwisha akwawu, hiyayaloŋa mwaya kuleja kumwadiziluku. Yitondolwelenu, 18muloŋa antu adi ochu hiyamukala kelaŋa Mwanta wetu Kristuku, akalakelaŋa mavumu awu awenawu; enda adimbeka nyichima yawantu akadi maana namazu awu amwovu akulambisha. 19Kwovwahila kwenu kunatiyakani dehi kudi antu onsu; dichi nazaŋalali liansaŋu yenu. Nakeŋi nami mwikali akwamaana nayuma yayiwahi, mubuli maana nayuma yatama. 20Nzambi wakuwunda keŋa achiki Satana mwishina danyendu yenu. Luwi lwaMwanta wetu Yesu Kristu lwikali nanenu.
21Timotewu, mukwakukalakala nanami, nayimwishi. Awusoku wami aLusiyu naYasoni niSosipata anayimwishi.
22Ami Teretiyu, nasoneki mukandiwu, nayimwishi mudi Mwanta.
23Gayusi, mukwakudiisha ninami nichipompelu chonsu, nayimwishi. 24Erasitusi, mukwakuhemba mali aŋanda, nayimwishi, nimana kwetu Kwotusi.
25Kisu kisu yena natweshi kuyikolesha mwaya nsaŋu yayiwahi yinashimunaŋami yakushimuna Yesu Kristu, mwaya kumwekesha kwanamwekeshuwu nsaŋu yakujinda yajindiluwu munyaka yamunyima yejima, 26hakwinza katataka anayimwekeshi dehi, anayitiyakeshi dehi nanyikanda yawatuprofwetu yajila, mwahita nyuza yejima, mwaya kuleja kwaNzambi wahaya nyaka, kulonda kuleta kwovwahila kukuhwelela. 27Kudi yena Nzambi, mwinimaana kanka windi, kwikali kulema mudi Yesu Kristu haya nyaka. Amena.
Currently Selected:
Maroma 16: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
Maroma 16
16
1Nayileji muheletu Fwibi, mukwakukalakela chipompelu chekala kuKenikiri; 2mwakamutambuli mudi Mwanta mwatelela akwakujila; mwakamukwashuku namudimu windi, mwejima mwakakeŋelayi. Yena nakwashi nankashi antu amavulu, ninami aweni nawa.
3Ŋimwishili aPirisila ni akwila, hiyakwakukalakala hamu nanami mudi Kristu Yesu. 4Wena akeŋeli kufwa kukoola wumi wami; hiyami nayisakililaŋa kanka wami hohuku, niyipompelu yawajentili yonsu nawa. 5Ŋimwishili nichipompelu chekala mwitala dawu. Ŋimwishili Epenetu nakeŋa, diyi wásambilili kwitiya Kristu muAsiya. 6Ŋimwishili Mariya, wayikabakeneni nyidimu yayivulu. 7Ŋimwishili awusoku wami Andironiku naYuniya, twadiŋi nawu mukaleya; atiyakana mukachi kawapostolu, asambilili kwitiya Kristu, ami kanda. 8Ŋimwishili Ampiliyasu, nakeŋa mudi Mwanta. 9Ŋimwishili Uribani, mukwakukalakala hamu nanami mudi Kristu, niSitakisi nakeŋa. 10Ŋimwishili Apelesi, esekawu dehi mudi Kristu. Ŋimwishili niakwetala daArisitobolu. 11Ŋimwishili kawusoku wami Herodiyoni. Ŋimwishili akwetala daNarakisu, adi mudi Mwanta. 12Ŋimwishili aTirifwena naTirifwosa, akabakanaŋa mudimu mudi Mwanta. Ŋimwishili niPerisa wdkeŋewa, wakabakeni nyidimu yayivulu mudi Mwanta. 13Ŋimwishili niRufusa watondewa mudi Mwanta, nimama yetu, niyena ninami. 14Ŋimwishili niAsinkiritu, niFweleŋona, niHeremesi, niPatiroba, niHerema, niana kwetu ejima adi chimu nawu. 15Ŋimwishili Fwiloloŋu naYuliya, niNereyusi namuhelindi, niOlimpasa, niakwakujila ejima adi chimu nawu. 16Dimwishenu wejima wenu nachikasa chajila. Yipompelu yaKristu yejima yinayimwishi.
17Enu ana kwetu nayilembeleli, babelenu antu aletaŋa kwambuka ninsaŋu yakudimbwisha akwawu, hiyayaloŋa mwaya kuleja kumwadiziluku. Yitondolwelenu, 18muloŋa antu adi ochu hiyamukala kelaŋa Mwanta wetu Kristuku, akalakelaŋa mavumu awu awenawu; enda adimbeka nyichima yawantu akadi maana namazu awu amwovu akulambisha. 19Kwovwahila kwenu kunatiyakani dehi kudi antu onsu; dichi nazaŋalali liansaŋu yenu. Nakeŋi nami mwikali akwamaana nayuma yayiwahi, mubuli maana nayuma yatama. 20Nzambi wakuwunda keŋa achiki Satana mwishina danyendu yenu. Luwi lwaMwanta wetu Yesu Kristu lwikali nanenu.
21Timotewu, mukwakukalakala nanami, nayimwishi. Awusoku wami aLusiyu naYasoni niSosipata anayimwishi.
22Ami Teretiyu, nasoneki mukandiwu, nayimwishi mudi Mwanta.
23Gayusi, mukwakudiisha ninami nichipompelu chonsu, nayimwishi. 24Erasitusi, mukwakuhemba mali aŋanda, nayimwishi, nimana kwetu Kwotusi.
25Kisu kisu yena natweshi kuyikolesha mwaya nsaŋu yayiwahi yinashimunaŋami yakushimuna Yesu Kristu, mwaya kumwekesha kwanamwekeshuwu nsaŋu yakujinda yajindiluwu munyaka yamunyima yejima, 26hakwinza katataka anayimwekeshi dehi, anayitiyakeshi dehi nanyikanda yawatuprofwetu yajila, mwahita nyuza yejima, mwaya kuleja kwaNzambi wahaya nyaka, kulonda kuleta kwovwahila kukuhwelela. 27Kudi yena Nzambi, mwinimaana kanka windi, kwikali kulema mudi Yesu Kristu haya nyaka. Amena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.