Maroma 15
15
1Ichi dinu, etu twakola twadi kusenda kuzeyazeya kwawantu abula Ŋovu, bayi kuditiyisha etu aweni kuwahaku. 2Tutiyishenuakwetu kuwaha wejima wetu hamuntu hamuntu; tulondenu yuma yayiwahi yakukwasha akwetu. 3Muloŋa Kristu haditiyishili yomweni kuwahaku; chochanasonekuwu nawu, Matuka anawa akutukili ananshikenami. 4Muloŋa yuma yejima yasonekeluwu hashankulu, ayisonekeli kulonda kutuleja nachu maana, kulonda nakutatakena, nikukukundeja kwanyikanda yajila, tumwenuku kuchiŋeja. 5Dichi Nzambi wakutatakena niwakukundeja, ayiiteji kwikala nayitoŋojoka yoyimu muntu namukwawu, mwatoŋojokaŋayi Kristu Yesu; 6kulonda mulemeshi Nzambi yaMwanta wetu Yesu Kristu, yowu Tata yindi, namuchima wumu nikanwa kamu.
7Dichi ditambulenu muntu namukwawu neyi chayitambwiliyi Kristu, kulonda kulemesha Nzambi. 8Muloŋa ami nami Kristu welili mukwakukalakela akwakwalama, kulonda kushimuna nsaŋu yaNzambi yalala, akoleshi yikaninu yakaninuwu dehi ankakulula; 9kulonda ajentili akalemeshi Nzambi nanochu chadiyi naluwi, mwomwanasonekuwu nawu, Nukukusakilila mukachi kawajentili, nukuseŋa ijina deyi. 10Neli cheŋi nawa nindi, Enu ajentili, zaŋalalenu hamu nawantu indi. 11Neli cheŋi nawa nindi, Hamekenu Yehova, enu ajentili ejima; muhamekenu enu antu amumatuŋa ejima. 12Cheŋi nawa Isaya nindi, Kwamba kekala muji wajesi, wakemana kulonda kwikala nyuli yawajentili, kulonda ajentili akakuhweleli yena. 13Nzambi wakuchiŋeja ayinki muzaŋalu nikuwunda kwejima mukukuhwelela kwenu, kulonda kuchiŋeja kwenu kusweji Ŋovu yaSpiritu Wajila.
14Enu ana kwami, hansaŋu yenu neluki chikupu nami mwasweja kuwaha munyichima, mwasweja nima ana ejima, munatweshi kudileja muntu namukwawu. 15Ilaŋa mi nidi nakuyisonekela mazu antesha chakadi woma, niyanukishi cheŋi; muloŋa ananyinki luwi kudi Nzambi, 16nili mukwamudimu waKristu Yesu wakukalakela ajentili; nili mudimu wajila wakushimuna nsaŋu yaNzambi yayiwahi, kulonda ajentili ekali himulambu wakutiyisha Nzambi kuwaha, wakujilika kudi Spiritu Wajila. 17Dichi ni kweti nsaŋu yakudisamba nachu mudi Kristu Yesu, namudimu wami wakukalakela Nzambi. 18Muloŋa ami kutwesha kutena yuma yakoŋeluwu antu acheŋi nehi; chiŋa kutena yuma yakoŋeliyi Kristu nanami, yakushimuna mazu indi, nikukoŋa nyidimu yindi nawa, kulonda kwovwahisha nachu ajentili, 19muŊovu yayinjikijilu nayihayamisha, nimuŊovu yaSpiritu Wajila. Dichi chinashimuni chalala nsaŋu yaKristu yayiwahi, kufumisha kuYerusalema nakunyeŋumuka ndo nikullirikumi. 20Eŋaŋi, nashaŋa muchima hakushimuna nsaŋu yayiwahi kwabula kutenawu ijina daKristu, nakenda katuŋila hachikuku chamuntu wacheŋi; 21mwomwanasonekuwu nawu, Antu abulili kutiya nsaŋu yindi akamona; niwena abulili kumutiya akeluka chalumbuluka.
22Dihu hanafumi kunfuntishamu kakavulu, mwaka nikaŋanyi kushika kudenu. 23Ichi dinu, katataka hinikweti cheŋi nsaŋu yakukalakala kumutamba wunuku, ninyaka yinafwilaŋa kwinza kudenu yineli dehi yayivulu. 24Chinamba kaya kuHisipeni nakahitila kudenu. Nakuhweleli nami nakayimwena munjila yami, ninenu mwakantwaluku munjila yami, hinakela nasambila dehi kutiya kuwaha nakuhanjika nenu mafuku antesha. 25Ilaŋa katataka nidi nanjila yakuya kuYerusalema nayuma yakukwashaku akwakujila. 26Muloŋa kwaMasidoniya niakwaAkaya atiyili kuwaha kupompesha yuma yakukwasha nachu atuzweŋi ahadi akwakujila ekala kuYerusalema. 27Eŋaŋi, anatiyi kuwaha, muloŋa wena anekali akwanyikudi yawu. Muloŋa chanatambuluwu ajentili yuma yawu yawuspiritu, niwena akweti mukudi wakuyikwasha nayuma yawu yakumujimba. 28Dichi neyi neli dehi mwenimu, neyi nayishikŋili dehi wena yumiyi, nakahitila kudenu nakuya kuHisipeni. 29Neluki nami, chinakenza kudenu nakenza nenzala nkisu yaKristu to-o.
30Dichi dinu, enu ana kwami, hinukuyilembelela hadi Mwanta wetu Yesu Kristu, nihakukeŋa kwaSpiritu, nami kabakanenu chimu nanami mukulomba kwenu kumwanlombelaŋa kudi Nzambi; 31kulonda akampulwishi kudi antu amuYudeya abula kwitiya; kulonda mudimu wami wakuYerusalema akawutambuli chachiwahi kudi akwakujila; 32kulonda nakenzi kudenu namuzaŋalu, neyi akaŋiteja kudi Nzambi, nakatulishi muchima chimu nanenu. 33Nzambi wakuwunda ekali nanenu ejima. Amena.
Currently Selected:
Maroma 15: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
Maroma 15
15
1Ichi dinu, etu twakola twadi kusenda kuzeyazeya kwawantu abula Ŋovu, bayi kuditiyisha etu aweni kuwahaku. 2Tutiyishenuakwetu kuwaha wejima wetu hamuntu hamuntu; tulondenu yuma yayiwahi yakukwasha akwetu. 3Muloŋa Kristu haditiyishili yomweni kuwahaku; chochanasonekuwu nawu, Matuka anawa akutukili ananshikenami. 4Muloŋa yuma yejima yasonekeluwu hashankulu, ayisonekeli kulonda kutuleja nachu maana, kulonda nakutatakena, nikukukundeja kwanyikanda yajila, tumwenuku kuchiŋeja. 5Dichi Nzambi wakutatakena niwakukundeja, ayiiteji kwikala nayitoŋojoka yoyimu muntu namukwawu, mwatoŋojokaŋayi Kristu Yesu; 6kulonda mulemeshi Nzambi yaMwanta wetu Yesu Kristu, yowu Tata yindi, namuchima wumu nikanwa kamu.
7Dichi ditambulenu muntu namukwawu neyi chayitambwiliyi Kristu, kulonda kulemesha Nzambi. 8Muloŋa ami nami Kristu welili mukwakukalakela akwakwalama, kulonda kushimuna nsaŋu yaNzambi yalala, akoleshi yikaninu yakaninuwu dehi ankakulula; 9kulonda ajentili akalemeshi Nzambi nanochu chadiyi naluwi, mwomwanasonekuwu nawu, Nukukusakilila mukachi kawajentili, nukuseŋa ijina deyi. 10Neli cheŋi nawa nindi, Enu ajentili, zaŋalalenu hamu nawantu indi. 11Neli cheŋi nawa nindi, Hamekenu Yehova, enu ajentili ejima; muhamekenu enu antu amumatuŋa ejima. 12Cheŋi nawa Isaya nindi, Kwamba kekala muji wajesi, wakemana kulonda kwikala nyuli yawajentili, kulonda ajentili akakuhweleli yena. 13Nzambi wakuchiŋeja ayinki muzaŋalu nikuwunda kwejima mukukuhwelela kwenu, kulonda kuchiŋeja kwenu kusweji Ŋovu yaSpiritu Wajila.
14Enu ana kwami, hansaŋu yenu neluki chikupu nami mwasweja kuwaha munyichima, mwasweja nima ana ejima, munatweshi kudileja muntu namukwawu. 15Ilaŋa mi nidi nakuyisonekela mazu antesha chakadi woma, niyanukishi cheŋi; muloŋa ananyinki luwi kudi Nzambi, 16nili mukwamudimu waKristu Yesu wakukalakela ajentili; nili mudimu wajila wakushimuna nsaŋu yaNzambi yayiwahi, kulonda ajentili ekali himulambu wakutiyisha Nzambi kuwaha, wakujilika kudi Spiritu Wajila. 17Dichi ni kweti nsaŋu yakudisamba nachu mudi Kristu Yesu, namudimu wami wakukalakela Nzambi. 18Muloŋa ami kutwesha kutena yuma yakoŋeluwu antu acheŋi nehi; chiŋa kutena yuma yakoŋeliyi Kristu nanami, yakushimuna mazu indi, nikukoŋa nyidimu yindi nawa, kulonda kwovwahisha nachu ajentili, 19muŊovu yayinjikijilu nayihayamisha, nimuŊovu yaSpiritu Wajila. Dichi chinashimuni chalala nsaŋu yaKristu yayiwahi, kufumisha kuYerusalema nakunyeŋumuka ndo nikullirikumi. 20Eŋaŋi, nashaŋa muchima hakushimuna nsaŋu yayiwahi kwabula kutenawu ijina daKristu, nakenda katuŋila hachikuku chamuntu wacheŋi; 21mwomwanasonekuwu nawu, Antu abulili kutiya nsaŋu yindi akamona; niwena abulili kumutiya akeluka chalumbuluka.
22Dihu hanafumi kunfuntishamu kakavulu, mwaka nikaŋanyi kushika kudenu. 23Ichi dinu, katataka hinikweti cheŋi nsaŋu yakukalakala kumutamba wunuku, ninyaka yinafwilaŋa kwinza kudenu yineli dehi yayivulu. 24Chinamba kaya kuHisipeni nakahitila kudenu. Nakuhweleli nami nakayimwena munjila yami, ninenu mwakantwaluku munjila yami, hinakela nasambila dehi kutiya kuwaha nakuhanjika nenu mafuku antesha. 25Ilaŋa katataka nidi nanjila yakuya kuYerusalema nayuma yakukwashaku akwakujila. 26Muloŋa kwaMasidoniya niakwaAkaya atiyili kuwaha kupompesha yuma yakukwasha nachu atuzweŋi ahadi akwakujila ekala kuYerusalema. 27Eŋaŋi, anatiyi kuwaha, muloŋa wena anekali akwanyikudi yawu. Muloŋa chanatambuluwu ajentili yuma yawu yawuspiritu, niwena akweti mukudi wakuyikwasha nayuma yawu yakumujimba. 28Dichi neyi neli dehi mwenimu, neyi nayishikŋili dehi wena yumiyi, nakahitila kudenu nakuya kuHisipeni. 29Neluki nami, chinakenza kudenu nakenza nenzala nkisu yaKristu to-o.
30Dichi dinu, enu ana kwami, hinukuyilembelela hadi Mwanta wetu Yesu Kristu, nihakukeŋa kwaSpiritu, nami kabakanenu chimu nanami mukulomba kwenu kumwanlombelaŋa kudi Nzambi; 31kulonda akampulwishi kudi antu amuYudeya abula kwitiya; kulonda mudimu wami wakuYerusalema akawutambuli chachiwahi kudi akwakujila; 32kulonda nakenzi kudenu namuzaŋalu, neyi akaŋiteja kudi Nzambi, nakatulishi muchima chimu nanenu. 33Nzambi wakuwunda ekali nanenu ejima. Amena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.