Exoda 21
21
1Tiya nshimbi jiwakayileja; 2neyi, Neyi wukulanda nduŋu wakaHeberu, akakalakali nyaka yitanu nawumu; hamwaka wamu chitanuna chiyedi chiŋa akadiyili kwindi chamukunkulu chakadi wuduŋu. 3Neyiwenjili kanka windi akadiyili kanka windi; neyi wadiŋi naŋodindi, niŋodindi akayi nindi. 4Neyi nkaka yindi wamwinkeli mumbanda, niyena namuvweleli anyana amayala nawambanda, nimumbanda ni anyanindi akekali ambala ankaka yindi, owu nduŋu weyala akadiyili kwindi kanka windi. 5Ilaŋa neyi owu nduŋu wakahosha chalumbuluka chikupu, nindi, Amina mukeŋa ninkaka yami, niŋodami ni anyanami; kufuma muwuduŋu kwonti kwami; 6nkaka yindi akamuleti kudi Nzambi, akamutwali kuchenzelu hela chipamba chakuchisu; nkaka yindi akalokoli kwitu dindina makumbu; wakamukalakeli nyaka yejima.
7Neyi muntu wakalandisha mwanindi wamumbanda muwuduŋu, bayi akadiyila neyi chadiyilaŋa anduŋu jawamayalaku. 8Neyi hanamu tiyishinkaka yindi wamufuukwili kumusumbula kuwahaku, komana akamwitiji kumukúula; kumulandisha cheŋi kudi antu akumuza wacheŋi kutweshanehi, muloŋa namudimbi dehi. 9Neyi wakamusumbwisha kudi mwanindi, akamwili mwomwayilila ŋawu anyana awambanda akudisemena. 10Neyiwa kasumbula Iŋodindi mukwawu, bayi akamukeheshela hela mbiji yindi, hela mahinindi akuvwala, hela nyidimu yawuluwuku. 11Neyi kumwililayumiyi yisatu nehi, akadiyili tuhu kwindi chamukunkulwayi chakubula kufweta mali.
12Yenowu wakamweta mukwawu, hakufwa, niyena chiŋa akamujahi hohuchalala. 13Neyi muntu hamubataminini mukwawuku, ilaŋa Nzambi diyiwamuheni kudi yena, ami nakayileja kwakatemukilayi. 14Ilaŋa neyi muntuwakaya kudi mukwawu naŋovu, nakumujaha kwindi chakumudimba; wakamufumishi tuhu kukameŋa kami kulonda akafwi kwindi.
15Yenowu waketa hela tata yindi hela mama yindi chiŋa akamujahi hohuchalala.
16Yenowu wakamwiya muntu nakumulandisha, hela neyi akamuwa nawudi nindi, mwakamujahi hohu chalala.
17Yenowu wakatuka hela tata yindi hela mama yindi, chiŋa akamu jahihohu chalala.
18Neyi antu akazuŋa, wumu hakumunaka mukwawu nelola, hela i kofu, kufwa nehi, hakukama kwahakadidi hohu; 19neyi wakahinduka cheŋi, hakwenda hanzi namukombu windi, ona wamweteli wakabula muloŋa; wakakumina dakumufweta mukwawu mafuku indi anamuji mbaŋesheliyi, chiŋa nawa akamuukisha yokola chikupu.
20Neyi muntu wakamweta hela nduŋu yindi weyala hela ndupu yindiwa mumbanda namutondu, niyena hakufwila kuchikasa chindi, chiŋa aka mubabeshi hohu chalala. 21Ilaŋa neyi wakashakama ifuku dimu hela ayedi, hiyaka mubabeshaku; muloŋa hichi kumba chindi.
22Neyi antu akazuŋa akakatisha mumbanda wudi nevumu, hakusulumuna, chikumina mwenomu hohu akamufutishi owu wamukatisha mwejima mwaka mutopwela mwini mumbanda; akafuti mwakatiyaŋenawu ansompeshi. 23Ilaŋa neyi hakalundama chuma chikwawu chatama akalalapani wejima wawu wumi nawumi, 24disu nadisu, ŋi neji, chikasa nachikasa, mwendu namwendu, 25kwocha nakwocha, chitu nachitu, munkakambuna munkakambu.
26Neyi muntu wakamweta nduŋu yindi weyala hela ndupu yindi wamumbanda mudisu nakudi kisari ana, akamuleki akafumi muwuduŋu nadisudindi. 27Neyi wakamuzokola nduŋu yindi weyala hela nduŋu yindiwa mumbandaŋi, akamuleki akafumi muwuduŋu neji dindi.
28Neyi ŋombi wakalemeka hela iyala hela mumbanda, akafwa, ŋombi mwaka mujahi hohu chalala namalola, nimbiji yindi bayi akayidyaku; ilaŋa mukwaŋombi wakabula muloŋa. 29Ilaŋa neyi ŋombi walemekelapa antu chachikulu, nimukwaŋombi amulejelumu dehi, ilaŋa yena kwindiha muŋatili mwitaŋaku, niŋombi hakujaha hela iyala hela mumbanda; niŋombi akamujahi namalola, nimukwa ŋombi akamujahi niyena. 30Neyiaka mutoŋwela kufuta, akahani chakudikuula nachu wumi windi mwejima mwaka muloŋa welawu. 31Hela neyi nalemeki mwana weyala, helaneyi nalemeki mwana wamumbanda akamwili mwomwaya wuŋaji iwu. 32Neyi ŋombi wakalemeka nduŋu weyala hela nduŋu wamumbanda, akamwinki nkaka yawu jishekeli makumi asatu jasiliva, niŋombi akamujahi namalola.
33Neyi muntu wakajikula muwina, hela neyi wakapunda wina nákubulakuwujika, niŋombi indi kwiji chimbulu wakaholokelamu, 34mukwa wina akafuti; akayinki awayimuna mali awu, nichimuna chinafwi chakekali chindi. 35Neyi ŋombi yamuntu wumu akakatisha yamukwawu, hiwukufwa, ŋombi wamumi akamulandi, aka ambuli wuseya, niŋombi wafwa akadanjaŋeni. 36Ilaŋa neyi achilukili nawu ŋombi walemekelaŋa chachikulu, nimukwaŋombi hamupatilili mwitaŋaku, komana chalala akafuti ŋombi na ŋombi mukwawu, ni kanyama wafwa wakeli windi.
Currently Selected:
Exoda 21: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
