Exoda 20
20
1Nzambi wahosheli mazu awa ejima, 2nindi, Yami Yehova Nzambi yeyi, nakufumishili mwituŋa daEjipitu mwitala dawuduŋu.
3Kwikala nawakishi akulunjika kudami, chinjila.
4Kudilila mukishi wakusoŋa, hela kufwikŋa chuma chamwiwulu, helachuma chahamaseki munu mwishina, hela chuma chamumeji mwishinadi maseki, chinjila. 5Kuyifukamina hela kuyipesha chinjila; muloŋa amiYehova Nzambi yeyi niNzambi wamukawu; nashikiŋa kuluwa kwawatataja wantu hadi anyanawu, nihadi ezukulu awu, nihadi anyana kawezukuluawu, ahadi awa anhelaŋa; 6hakwinza makombakaji awantu ankeŋa, ahembaŋa kuleja kwami, nayitiyilaŋa luwi.
7Kutena ijina daYehova Nzambi yeyi namaswimbu, chinjila; muloŋa Yehova hakayiŋisha muntu watenaŋa ijina dindi namaswimbuku.
8Anukaku ifuku dasabata nakudijilika. 9Mafuku atanu nadimu wakakalakalaŋa, wakakoŋaŋa nyidimu yeyi yejima; 10ilaŋa ifuku damu chitanuna chiyedi hisabata yambala yaYehova Nzambi yeyi; ifuku denodu bayi wakakoŋelamu mudimuku, hela eyi, hela mwaneyi weyala, hela mwaneyiwa mumbanda, hela ŋamba yeyi weyala, hela ŋamba yeyi wamumbanda, hela yimuna yeyi, hela mwenyi weyi wudi hamukala weyi; 11muloŋa mumafuku atanu nadimu Yehova welili niiwulu niiseki, nikaluŋalwiji, niyuma yejima yekalamu, wanookeli ifuku damu chitanu nachiyedi; dichi Yehova wakiswilili ifuku damu chitanu nachiyedi nkisu, wadiŋilikili.
12Lemeshaku tata yeyi namama yeyi, kulonda mafuku eyi akavuli mwituŋa dakukwinkayi Yehova Nzambi yeyi.
13Kujaha muntu, chinjila.
14Kwila wuvumbi, chinjila.
15Kwiya, chinjila.
16Kushimuna wunsahu wakutwambila mukwenu, chinjila.
17Kwikala nalwisu lwetala damukwenu, chinjila;
kwikala nalwisu lwaŋoda mukwenu, hela lwaŋamba yindi weyala, hela lwaŋamba yindi wamumbanda, hela lwaŋombi yindi, hela lwachimbulu chindi, hela lwachumahichuma chambala chamukwenu, chinjila.
18Antu ejima amweni nikudidima nikukenasana, ni chavumini mpùŋa, nimpidi chiyafwindasanini wishi; antu chachimwenuwu azaalili nikuzaala, emeni kwakulehi. 19Amwilili Mosi nawu, Hoshaŋa eyi nanetu, tukutiya; bayi Nzambi ahosha nanetuku, tukufwa. 20Mosi wayilili antu nindi, Bayi mutiyaŋa womaku; muloŋ Nzambi nenzi nakuyeseka, kulonda womawindi wikali kumesu enu, kulonda mubuli kuvulumuna. 21Antu emenikwakulehi, Mosi wamwilili kwakwihi namwidima washishita mwadiyiyi Nzambi. 22Nzambi wamwilili Mosi nindi, Wakayili anyana kaIsarela, neyi, Enuaweni munamoni chinahoshi nanenu chochinekala mwiwulu. 23Bayi mwakadilila akishi akulunjika kudamuku; bayi mwakadilila hela akishi asiliva, hela akishi awufuku. 24Wakaŋilili kameŋa kamaseki, wakaketwilu huyimuna niyanyilambu yeyi yakushita niyanyilambu yeyi yakuwunda, nyikoku yeyi naŋombi jeyi; kwejima kunakatenenaku ijina dami nakenzakudeyi nakakukiswila nkisu. 25Neyi wakaŋilila kameŋa kamalola, bayi wakakatuŋa namalola akusesaku, muloŋa neyi wakata ŋwilaku chitwa cheyi, wunakajiloli dehi. 26Bayi wakakandamina kukameŋa kami handaluku, wusonyi weyi wakenza kamwekenaku.
Currently Selected:
Exoda 20: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
