MATIU 12
12
Kámmabogɔrɔ yã
(Maa 2:23-3:6; Luk 6:1-11)
1Gɔrɔ birea Yesu tɛn pã buranɔla kámmabogɔrɔ zĩ. Nà tɛni a ìbanɔ dɛ, akũ ò pɔ́blewɛ wòro, òtɛn só. 2Kũ Farisinɔ è lɛ, akũ ò pìnɛ: Ǹ n ìbanɔ gwa, òtɛn yã kũ òdi kɛ kámmabogɔrɔ zĩro kɛ. 3Akũ Yesu pìńnɛ: Adi kyó kɛ a è lákũ Dauda kɛ̀ nà kũ a gbɛ̃nɔ gɔrɔ kũ nà tɛni ń dɛroo? 4À gɛ̃̀ Luda ɔnn, àpii kũ a gbɛ̃nɔ burodi kũ ò kàtɛ Ludanɛɛ sò, burodi kũ ò a sona zɛ́ vĩro, sé sa'orinɔ. 5Kũ sa'ori kũ ò kú Luda ɔnn kámmabogɔrɔ zĩnɔ dì gɔrɔ pì yã daro, akũsɔ̃ adi kɛńnɛ taari ũro, ádi a kyó kɛ a è Luda yãnloo? 6Matɛn oárɛ: Pɔ́ kũ à zɔ̃kɔ̃ de Luda ɔnla kú la. 7Tó á yã díkĩna mì dɔ̃, kũ kɔ̃wɛ̃ndagwanaan má yei, adi kɛ sa'onaanlo, de ádi taarisaridenɔ taari lero. 8Zaakũ Bisãsiri Nɛ́ mɛ́ à iko vĩ kámmabogɔrɔa.
9Kũ Yesu bò gwe, akũ à gɛ̃̀ ń aduakɛkpɛn. 10Gɔ̃gbɛ̃ ke kú gwe, a ɔ do íbana. Gbɛ̃kenɔ tɛn zɛ́ wɛtɛ ò yã dí Yesua, akũ ò a là ò pì: Gbɛ̃ werekɔ̃ana kámmabogɔrɔ zĩ zɛ́ vĩ yá? 11Akũ à wèḿma à pì: Tó á gbɛ̃ke sã vĩ à zu wɛ̀ɛn kámmabogɔrɔ zĩ, à gí gɛ́ à boii? 12Bisãsiri de sãla zã̀. Abire yãi yãmanakɛna kámmabogɔrɔ zĩ zɛ́ vĩ. 13Akũ Yesu pì gɔ̃gbɛ̃ pìinɛ: Ǹ n ɔ pìi poro. Kũ à pòro, akũ à kɛ̀ a gbɛ̀n swáswa lán a do bà. 14Akũ Farisinɔ bɔ̀tɛ ò gɛ̀ɛ ò yã gɔ̃gɔ̃ deran ò kɛ nà ò Yesu dɛ.
Zĩkɛri kũ Luda sɛ̀ɛ
15Yesu dɔ̃̀, akũ à gò gwe. Pari bò ò tɛ̀i, akũ à ń gyãrenɔ wèrekɔ̃a ń pínki, 16à gìńnɛ ò o gbɛ̃ kũ á de a ũ. 17Lɛn Luda yã kũ annabi Isaya òo kɛ̀ lɛ, à pì:
18Ma zĩkɛri kũ ma sɛ̀ɛn dí,
ma yenyĩde kũ a yã dì kámagu.
Mani ma Nini di a musu,
ani yãzɛde da burinɔnɛ.
19Ani lɛ́kpakɔ̃a kɛro, ani pataḿmaro,
gbɛ̃ke ni a zuka ma dɔ batunlo.
20Ani kàpa kũ à kpana zɛ́n ɛ́ro,
ani fitila wɛ́'ipakɛna dɛro,
ari à tó yãzɛde zĩ̀ ble.
21Buri sĩnda pínki tãmaa nigɔ̃ dɔa.
Tãnagona gbɛ̃nɔa
(Maa 3:20-30; Luk 11:14-23)
22Akũ ò sù Yesunɛ kũ tãnade vĩ̀na kũ a nɛ́nɛ natɛnaao. Yesu a wèrekɔ̃a, àtɛn yã o sà, àtɛn gu e. 23Akũ yã pìi bò gbɛ̃nɔ sarɛ ń pínki ò pì: Dauda buri pìin díroo? 24Kũ Farisinɔ mà, akũ ò pì: Gbɛ̃ díkĩna ni fɔ̃ à tãna goḿmaro sé kũ tãnanɔ kína Bɛlɛzɛbubu gbãnao. 25Yesu ń laasun dɔ̃, akũ à pì: Kpata kũ a gbɛ̃nɔ ibɛrɛɛ sɛ̀ kũ kɔ̃o ni kakatɛ. Wɛ̃tɛ ke ɔn kũ a gbɛ̃nɔ ibɛrɛɛ sɛ̀ kũ kɔ̃o ni gɔ̃ bɛzĩ ũmɛ. 26Tó Setan tɛni a zĩda go gbɛ̃nɔa, à ibɛrɛɛ sɛ̀ kũ a zĩdaon gwe. A kpata ni gì kɛ deramɛɛ? 27Tó Bɛlɛzɛbubu gbãnan madìgɔ̃ tãnanɔ gooḿma sɔ̃, á gbɛ̃nɔ dì ń go kũ dí gbãnaomɛɛ? Lɛn á zĩda gbɛ̃nɔ á ɛ́kɛ bò lɛ. 28Tó Luda Nini gbãnan matɛn tãna gooḿma, àgɔ̃ dɔ̃ kũ kína kũ Luda kàa sù à á lén gwe.
29Deran gbɛ̃ ni kɛ nà à gɛ̃ gɔ̃sa gbãna kpɛ́n à a pɔ́nɔ sɛ́tɛɛ? Séto à a yĩ̀ gĩa, gbasa à a kpɛ́ wara. 30Gbɛ̃ kũ à de ma gbɛ̃ ũro bi ma ibɛrɛɛmɛ. Gbɛ̃ kũ àtɛn pɔ́ kakara kũmaoro tɛn fãkɔ̃amɛ. 31Abire yãi matɛn oárɛ, Luda ni gbɛ̃nɔ durunnanɔ kɛ̃ḿma kũ a tɔ́ vãni kũ òdi sísinɔ pínki, ama ani gbɛ̃ kũ à a Nini tɔ́ vãni sì kɛ̃ro. 32Tó gbɛ̃ Bisãsiri Nɛ́ tɔ́ vãni bò, Luda ni kɛ̃a, ama tó gbɛ̃ Luda Nini tɔ́ vãni bò, ani ade kɛ̃ andunia tera díkĩna gũnlo ke a kũ àtɛn su.
Gbɛ̃ dɔ̃na a yãkɛnaaa
(Luk 6:43-45)
33Tó lí mana, a nɛ́ nigɔ̃ manamɛ. Tó lí vãni sɔ̃, a nɛ́ nigɔ̃ vãnimɛ. Zaakũ línɛn òdi lí dɔ̃a. 34Bisãsiri pitikonɔ! Kũ á vãni, à kɛ̀ dera áni fɔ̃ à yã mana oo? Zaakũ yã kũ à swɛ̃̀ɛ pàn lɛ́ dì o. 35Gbɛ̃ mana dì a mana bo a mana kũ à katɛna a gũmmmɛ. Gbɛ̃ vãni sɔ̃ àdi a vãni bo a vãni kũ à katɛna a gũmmmɛ. 36Matɛn oárɛ, yãkpatɛkɛgɔrɔ zĩ gbɛ̃nɔ ni ń fayasariyã kũ ò ò baba Ludanɛ pínki. 37Zaakũ yã kũ n ò mɛ́ ani yã nna kpámma kesɔ̃ à yã danla.
Sèedagbɛkana Yesua
(Maa 8:11-12; Luk 11:29-32)
38Akũ ludayãdannɛrinɔ kũ Farisi kenɔo pì Yesunɛ: Dannɛri, ó ye ǹ sèeda ke kɛ ò e. 39Akũ Yesu wèḿma à pì: Gbãragbɛ̃ vãni ludanaanikɛrisarinɔ mɛ́ òdi sèeda gbɛkama, ama mani sèeda ke kɛńnɛro, sé annabi Inusa pɔ́. 40Lákũ Inusa kɛ̀ kpɔ̀ gbɛ̃̀ntɛ̃ gbɛrɛ gũn nà fãnantɛ̃ kũ gwãanio ari gɔrɔ aakɔ̃, lɛn Bisãsiri Nɛ́ ni kɛ lɛ zĩtɛn fãnantɛ̃ aakɔ̃ gwãani aakɔ̃. 41Yãkpatɛkɛgɔrɔ zĩ Ninɛvadenɔ ni futɛ ò yã da gbãragbɛ̃nɔla, zaakũ kũ ò Inusa waazi mà, ò ń nɛ̀sɛɛ lìtɛ, akũ gbɛ̃ kũ à zɔ̃kɔ̃ de Inusala kú la. 42Yãkpatɛkɛgɔrɔ zĩ gɛ̀nɔmidɔki kpa saraunia ni futɛ à yã da gbãragbɛ̃nɔla, zaakũ à bò zaa andunia lɛ́a à sù Sulemanu ɔ̃ndɔ̃yã ma, akũ gbɛ̃ kũ à de Sulemanula kú la sà.
Tãna ɛrana a bɛ zĩa
(Luk 11:24-26)
43Tó ò tãna gò gbɛ̃a, àdigɔ̃ likara zɔ̃ gukorin àgɔ̃ vutɛki wɛtɛ. Tó adi lero, 44akũ àdi pi: Mani ɛra mà tá ma bɛ zĩamɛ. Tó à kà gwe, àdi le à da pã, à warana swáswa zɛ́azɛa. 45Akũ àdi gɛ́ à à tãna kũ ń pãsĩ dealanɔ sɛ́tɛ mɛ̀n suppla à su kũńwo òdi gɛ̃ ò vutɛn. Lɛmɛ ade gwena kpɛde vãni dìgɔ̃ de a káakupɔla. Gó dokɔ̃nɔ pì mɛ́ ani gbãragbɛ̃ vãninɔ bikũ sɔ̃.
Yesu danɛnɔ
(Maa 3:31-35; Luk 8:19-21)
46Kũ Yesu tɛn yã o gbɛ̃nɔnɛ, akũ a da kũ a dakũnanɔ kà, ò zɛ̀ bàai, ò ye ò yã o kãao. 47Akũ ò pìnɛ: N da kũ n dakũnanɔ zɛna bàai, ò ye ò yã o kũnwo. 48Akũ à wèa à pì: Dín ma da ũu? Dín ma dakũnanɔ ũu? 49Akũ à ɔ dɔ̀ a ìbanɔa à pì: Ma da kũ ma dakũnanɔn dí. 50Zaakũ gbɛ̃ kũ àdi ma De kũ à kú musu pɔyenyĩna kɛn ma dakũna kũ ma dãreo kũ ma dao ũ.
Currently Selected:
MATIU 12: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
MATIU 12
12
Kámmabogɔrɔ yã
(Maa 2:23-3:6; Luk 6:1-11)
1Gɔrɔ birea Yesu tɛn pã buranɔla kámmabogɔrɔ zĩ. Nà tɛni a ìbanɔ dɛ, akũ ò pɔ́blewɛ wòro, òtɛn só. 2Kũ Farisinɔ è lɛ, akũ ò pìnɛ: Ǹ n ìbanɔ gwa, òtɛn yã kũ òdi kɛ kámmabogɔrɔ zĩro kɛ. 3Akũ Yesu pìńnɛ: Adi kyó kɛ a è lákũ Dauda kɛ̀ nà kũ a gbɛ̃nɔ gɔrɔ kũ nà tɛni ń dɛroo? 4À gɛ̃̀ Luda ɔnn, àpii kũ a gbɛ̃nɔ burodi kũ ò kàtɛ Ludanɛɛ sò, burodi kũ ò a sona zɛ́ vĩro, sé sa'orinɔ. 5Kũ sa'ori kũ ò kú Luda ɔnn kámmabogɔrɔ zĩnɔ dì gɔrɔ pì yã daro, akũsɔ̃ adi kɛńnɛ taari ũro, ádi a kyó kɛ a è Luda yãnloo? 6Matɛn oárɛ: Pɔ́ kũ à zɔ̃kɔ̃ de Luda ɔnla kú la. 7Tó á yã díkĩna mì dɔ̃, kũ kɔ̃wɛ̃ndagwanaan má yei, adi kɛ sa'onaanlo, de ádi taarisaridenɔ taari lero. 8Zaakũ Bisãsiri Nɛ́ mɛ́ à iko vĩ kámmabogɔrɔa.
9Kũ Yesu bò gwe, akũ à gɛ̃̀ ń aduakɛkpɛn. 10Gɔ̃gbɛ̃ ke kú gwe, a ɔ do íbana. Gbɛ̃kenɔ tɛn zɛ́ wɛtɛ ò yã dí Yesua, akũ ò a là ò pì: Gbɛ̃ werekɔ̃ana kámmabogɔrɔ zĩ zɛ́ vĩ yá? 11Akũ à wèḿma à pì: Tó á gbɛ̃ke sã vĩ à zu wɛ̀ɛn kámmabogɔrɔ zĩ, à gí gɛ́ à boii? 12Bisãsiri de sãla zã̀. Abire yãi yãmanakɛna kámmabogɔrɔ zĩ zɛ́ vĩ. 13Akũ Yesu pì gɔ̃gbɛ̃ pìinɛ: Ǹ n ɔ pìi poro. Kũ à pòro, akũ à kɛ̀ a gbɛ̀n swáswa lán a do bà. 14Akũ Farisinɔ bɔ̀tɛ ò gɛ̀ɛ ò yã gɔ̃gɔ̃ deran ò kɛ nà ò Yesu dɛ.
Zĩkɛri kũ Luda sɛ̀ɛ
15Yesu dɔ̃̀, akũ à gò gwe. Pari bò ò tɛ̀i, akũ à ń gyãrenɔ wèrekɔ̃a ń pínki, 16à gìńnɛ ò o gbɛ̃ kũ á de a ũ. 17Lɛn Luda yã kũ annabi Isaya òo kɛ̀ lɛ, à pì:
18Ma zĩkɛri kũ ma sɛ̀ɛn dí,
ma yenyĩde kũ a yã dì kámagu.
Mani ma Nini di a musu,
ani yãzɛde da burinɔnɛ.
19Ani lɛ́kpakɔ̃a kɛro, ani pataḿmaro,
gbɛ̃ke ni a zuka ma dɔ batunlo.
20Ani kàpa kũ à kpana zɛ́n ɛ́ro,
ani fitila wɛ́'ipakɛna dɛro,
ari à tó yãzɛde zĩ̀ ble.
21Buri sĩnda pínki tãmaa nigɔ̃ dɔa.
Tãnagona gbɛ̃nɔa
(Maa 3:20-30; Luk 11:14-23)
22Akũ ò sù Yesunɛ kũ tãnade vĩ̀na kũ a nɛ́nɛ natɛnaao. Yesu a wèrekɔ̃a, àtɛn yã o sà, àtɛn gu e. 23Akũ yã pìi bò gbɛ̃nɔ sarɛ ń pínki ò pì: Dauda buri pìin díroo? 24Kũ Farisinɔ mà, akũ ò pì: Gbɛ̃ díkĩna ni fɔ̃ à tãna goḿmaro sé kũ tãnanɔ kína Bɛlɛzɛbubu gbãnao. 25Yesu ń laasun dɔ̃, akũ à pì: Kpata kũ a gbɛ̃nɔ ibɛrɛɛ sɛ̀ kũ kɔ̃o ni kakatɛ. Wɛ̃tɛ ke ɔn kũ a gbɛ̃nɔ ibɛrɛɛ sɛ̀ kũ kɔ̃o ni gɔ̃ bɛzĩ ũmɛ. 26Tó Setan tɛni a zĩda go gbɛ̃nɔa, à ibɛrɛɛ sɛ̀ kũ a zĩdaon gwe. A kpata ni gì kɛ deramɛɛ? 27Tó Bɛlɛzɛbubu gbãnan madìgɔ̃ tãnanɔ gooḿma sɔ̃, á gbɛ̃nɔ dì ń go kũ dí gbãnaomɛɛ? Lɛn á zĩda gbɛ̃nɔ á ɛ́kɛ bò lɛ. 28Tó Luda Nini gbãnan matɛn tãna gooḿma, àgɔ̃ dɔ̃ kũ kína kũ Luda kàa sù à á lén gwe.
29Deran gbɛ̃ ni kɛ nà à gɛ̃ gɔ̃sa gbãna kpɛ́n à a pɔ́nɔ sɛ́tɛɛ? Séto à a yĩ̀ gĩa, gbasa à a kpɛ́ wara. 30Gbɛ̃ kũ à de ma gbɛ̃ ũro bi ma ibɛrɛɛmɛ. Gbɛ̃ kũ àtɛn pɔ́ kakara kũmaoro tɛn fãkɔ̃amɛ. 31Abire yãi matɛn oárɛ, Luda ni gbɛ̃nɔ durunnanɔ kɛ̃ḿma kũ a tɔ́ vãni kũ òdi sísinɔ pínki, ama ani gbɛ̃ kũ à a Nini tɔ́ vãni sì kɛ̃ro. 32Tó gbɛ̃ Bisãsiri Nɛ́ tɔ́ vãni bò, Luda ni kɛ̃a, ama tó gbɛ̃ Luda Nini tɔ́ vãni bò, ani ade kɛ̃ andunia tera díkĩna gũnlo ke a kũ àtɛn su.
Gbɛ̃ dɔ̃na a yãkɛnaaa
(Luk 6:43-45)
33Tó lí mana, a nɛ́ nigɔ̃ manamɛ. Tó lí vãni sɔ̃, a nɛ́ nigɔ̃ vãnimɛ. Zaakũ línɛn òdi lí dɔ̃a. 34Bisãsiri pitikonɔ! Kũ á vãni, à kɛ̀ dera áni fɔ̃ à yã mana oo? Zaakũ yã kũ à swɛ̃̀ɛ pàn lɛ́ dì o. 35Gbɛ̃ mana dì a mana bo a mana kũ à katɛna a gũmmmɛ. Gbɛ̃ vãni sɔ̃ àdi a vãni bo a vãni kũ à katɛna a gũmmmɛ. 36Matɛn oárɛ, yãkpatɛkɛgɔrɔ zĩ gbɛ̃nɔ ni ń fayasariyã kũ ò ò baba Ludanɛ pínki. 37Zaakũ yã kũ n ò mɛ́ ani yã nna kpámma kesɔ̃ à yã danla.
Sèedagbɛkana Yesua
(Maa 8:11-12; Luk 11:29-32)
38Akũ ludayãdannɛrinɔ kũ Farisi kenɔo pì Yesunɛ: Dannɛri, ó ye ǹ sèeda ke kɛ ò e. 39Akũ Yesu wèḿma à pì: Gbãragbɛ̃ vãni ludanaanikɛrisarinɔ mɛ́ òdi sèeda gbɛkama, ama mani sèeda ke kɛńnɛro, sé annabi Inusa pɔ́. 40Lákũ Inusa kɛ̀ kpɔ̀ gbɛ̃̀ntɛ̃ gbɛrɛ gũn nà fãnantɛ̃ kũ gwãanio ari gɔrɔ aakɔ̃, lɛn Bisãsiri Nɛ́ ni kɛ lɛ zĩtɛn fãnantɛ̃ aakɔ̃ gwãani aakɔ̃. 41Yãkpatɛkɛgɔrɔ zĩ Ninɛvadenɔ ni futɛ ò yã da gbãragbɛ̃nɔla, zaakũ kũ ò Inusa waazi mà, ò ń nɛ̀sɛɛ lìtɛ, akũ gbɛ̃ kũ à zɔ̃kɔ̃ de Inusala kú la. 42Yãkpatɛkɛgɔrɔ zĩ gɛ̀nɔmidɔki kpa saraunia ni futɛ à yã da gbãragbɛ̃nɔla, zaakũ à bò zaa andunia lɛ́a à sù Sulemanu ɔ̃ndɔ̃yã ma, akũ gbɛ̃ kũ à de Sulemanula kú la sà.
Tãna ɛrana a bɛ zĩa
(Luk 11:24-26)
43Tó ò tãna gò gbɛ̃a, àdigɔ̃ likara zɔ̃ gukorin àgɔ̃ vutɛki wɛtɛ. Tó adi lero, 44akũ àdi pi: Mani ɛra mà tá ma bɛ zĩamɛ. Tó à kà gwe, àdi le à da pã, à warana swáswa zɛ́azɛa. 45Akũ àdi gɛ́ à à tãna kũ ń pãsĩ dealanɔ sɛ́tɛ mɛ̀n suppla à su kũńwo òdi gɛ̃ ò vutɛn. Lɛmɛ ade gwena kpɛde vãni dìgɔ̃ de a káakupɔla. Gó dokɔ̃nɔ pì mɛ́ ani gbãragbɛ̃ vãninɔ bikũ sɔ̃.
Yesu danɛnɔ
(Maa 3:31-35; Luk 8:19-21)
46Kũ Yesu tɛn yã o gbɛ̃nɔnɛ, akũ a da kũ a dakũnanɔ kà, ò zɛ̀ bàai, ò ye ò yã o kãao. 47Akũ ò pìnɛ: N da kũ n dakũnanɔ zɛna bàai, ò ye ò yã o kũnwo. 48Akũ à wèa à pì: Dín ma da ũu? Dín ma dakũnanɔ ũu? 49Akũ à ɔ dɔ̀ a ìbanɔa à pì: Ma da kũ ma dakũnanɔn dí. 50Zaakũ gbɛ̃ kũ àdi ma De kũ à kú musu pɔyenyĩna kɛn ma dakũna kũ ma dãreo kũ ma dao ũ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.