MATIU 11
11
Yahaya Da'itɛkɛri zĩ̀rinɔ
(Luk 7:18-35)
1Kũ Yesu yã birenɔ dà a ìba gbɛ̃nɔn kuri awɛɛplanɔnɛ à làka, à bò gwe, à gɛ̀ɛ waazi kɛ ń wɛ̃tɛnɔ gũn, àtɛn yã dańnɛ.
2Zaa kpɛ́siran Yahaya Kirisi yãkɛnanɔ mà, akũ à a ìba kenɔ zĩ̀ 3ò a la, àkũ mɛ́ à gbɛ̃ kũ ani su ũ yá, ke ògɔ̃ wɛ́ dɔ gbɛ̃ pãndeimɛ? 4Akũ Yesu wèḿma à pì: À gɛ́ yã kũ átɛn ma átɛn e gbã Yahayanɛ à pi, 5vĩ̀nanɔ tɛn gu e, ɛrɛnɔ tɛn táa o, kusunɔ tɛn werekɔ̃a, sãtonɔ tɛn yã ma, gɛ̀nɔ tɛn vu, takasidenɔ tɛn baaru nna waazi ma. 6Arubarikademɛ gbɛ̃ kũ àdi fu ma yãaro ũ.
7Kũ Yaaya zĩ̀rinɔ tà, Yesu Yahaya yã ò parinɛ à pì: Bɔ́n a gɛ gwa gbárannan? Kàpa kũ ĩa tɛn yĩgãn yá? 8Bɔ́n a gɛ gwa sàa? Gbɛ̃ kũ à pɔ́kasa zãnɛ danan yá? Pɔ́kasamanadarinɔ dìgɔ̃ kú kínabɛamɛ. 9Bɔ́n a gɛ gwa sàa? Annabiin yá? Lɛmɛ! Matɛn oárɛ, à de annabila se. 10Zaakũ Yahayan ò a yã kɛ̃̀ Luda yãn ò pì: Mani ma zĩ̀ri gbarɛ n ã de à zɛ́ kɛkɛnnɛ.
11Yãpuran matɛn oárɛ, nɔgbɛ̃ nɛ́'inaa gũn gbɛ̃ke dí bo à kà Yahaya Da'itɛkɛri ũro. Bee kũ abireo gbɛ̃ kũ à de gbɛ̃ kpɛde ũ kpata kũ à bò Luda kĩnaa gũn deala. 12Zaa gɔrɔ kũ Yahaya Da'itɛkɛrii nà waazikɛnaaa ari suna gbã̀a, òtɛn kɔ̃dɛ kɛ ò gɛ̃ kpataa pìn, akũ kùgbãnadenɔ tɛn gɛ̃n. 13Musa kũ annabinɔ pínki gĩnakɛ ò a yã ò ari à gɛ̀ɛ pɛ́ Yahayaa. 14Tó áni fɔ̃ à sí, Yahaya pì mɛ́ à Iliasu kũ ò pì ani su ũ. 15Gbɛ̃ kũ à sã vĩ à yã pì ma.
16Bɔ́n mani gbãragbɛ̃nɔ lɛkɔ̃aoo? Ò de lán nɛ́ kũ ò kú ɛtɛ gũnnɔ bà òtɛn lɛ́ zukɔ̃i 17òtɛn pi:
O kutɛɛ pɛ̀árɛ, ádi ũ wãro,
o wɛ̃nda lɛ̀ɛ sìárɛ, ádi ɔ́ɔ dɔro.
18Zaakũ Yahaya sù, adi burodi sóro, adi wɛ̃ miro, akũ ò pì tãnademɛ. 19Kũ Bisãsiri Nɛ́ sù, àdi pɔ́ ble, àdi í mi, akũ ò pì: Guturu wɛ̃miriimɛ, bɛ'ɔgɔsirinɔ kũ kifirinɔ gbɛ̃nnamɛ! Ama òdi ɔ̃ndɔ̃ dɔ̃ a yãkɛnaaamɛ.
Yesu zukakana wɛ̃tɛ kenɔ denɔi
(Luk 10:13-15)
20Akũ Yesu fùtɛ à zuka kà wɛ̃tɛ kũ à a daboyã paride kɛ̀nnɔ gbɛ̃nɔi, kũ odi ń nɛ̀sɛ litɛro yãi à pì: 21Waiyoo Kɔrazĩdenɔ! Waiyoo Bɛtɛsaidadenɔ! Tó ma daboyã kũ ma kɛ̀ á tɛ́nɔ kɛ̀ Taya kũ Sidɔ̃o yã, de wɛ̃tɛpidenɔ pɔ́kasanɔ dàdańla, ò vùtɛ tuburaa à gìi kɛ̀ nɛ̀sɛlitɛna sèeda ũ. 22Matɛn oárɛ, yãkpatɛkɛgɔrɔ zĩ á wɛ́tãmmana nigɔ̃ de Tayadenɔ kũ Sidɔ̃denɔ pɔ́la. 23Ákɔ̃nɔ Kapɛnamudenɔ sɔ̃ áni gbã à zɔ̃ Ludaan yá? Oni ɔ zɔ̃ái ari gyãwãnn. Zaakũ tó ò daboyã kũ ma kɛ̀árɛnɔ kɛ̀ Sɔdɔmu yã, de à kun ari kũ a gbãrao. 24Matɛn oárɛ, yãkpatɛkɛgɔrɔ zĩ á wɛ́tãmmana nigɔ̃ de Sɔdɔmudenɔ pɔ́la.
Kámmabona Yesu kĩnaa
(Luk 10:21-22)
25Zĩ kũ̀a Yesu pì: Baa, musu kũ zĩtɛo Dikiri, ma n sáabu kɛ̀, kũ n yã birenɔ ùtɛ yãdɔ̃rinɔnɛ kũ ɔ̃ndɔ̃rinɔ, akũ n boo kyódɔ̃risarinɔnɛ. 26Lɛmɛ, Baa, zaakũ n pɔyenyĩnaamɛ. 27Ma De pɔ́ sĩnda pínki nàmɛnɛ ma ɔĩ. Gbɛ̃ke Luda Nɛ́ dɔ̃ro, tó adi kɛ De Luda baasiro. Gbɛ̃ke De Luda dɔ̃ro, tó adi kɛ a Nɛ́ kũ gbɛ̃ kũ Nɛ́ pì ye à a mɔńnɛnɔ baasiro.
28À mɔ́ ma kĩnaa ákɔ̃nɔ kũ á aso sɛna a kpasanɔ pínki, mani á gba zɛ́ à kámma bo. 29À ma gbãngo sɛ́ à yã dada ma kĩnaa, á laakari ni kpátɛ, zaakũ má busɛ akũsɔ̃ ma nɛ̀sɛ yĩda. 30Ma gbãngo sɛna zĩ'ũro, ma aso tìkisiro.
Currently Selected:
MATIU 11: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
MATIU 11
11
Yahaya Da'itɛkɛri zĩ̀rinɔ
(Luk 7:18-35)
1Kũ Yesu yã birenɔ dà a ìba gbɛ̃nɔn kuri awɛɛplanɔnɛ à làka, à bò gwe, à gɛ̀ɛ waazi kɛ ń wɛ̃tɛnɔ gũn, àtɛn yã dańnɛ.
2Zaa kpɛ́siran Yahaya Kirisi yãkɛnanɔ mà, akũ à a ìba kenɔ zĩ̀ 3ò a la, àkũ mɛ́ à gbɛ̃ kũ ani su ũ yá, ke ògɔ̃ wɛ́ dɔ gbɛ̃ pãndeimɛ? 4Akũ Yesu wèḿma à pì: À gɛ́ yã kũ átɛn ma átɛn e gbã Yahayanɛ à pi, 5vĩ̀nanɔ tɛn gu e, ɛrɛnɔ tɛn táa o, kusunɔ tɛn werekɔ̃a, sãtonɔ tɛn yã ma, gɛ̀nɔ tɛn vu, takasidenɔ tɛn baaru nna waazi ma. 6Arubarikademɛ gbɛ̃ kũ àdi fu ma yãaro ũ.
7Kũ Yaaya zĩ̀rinɔ tà, Yesu Yahaya yã ò parinɛ à pì: Bɔ́n a gɛ gwa gbárannan? Kàpa kũ ĩa tɛn yĩgãn yá? 8Bɔ́n a gɛ gwa sàa? Gbɛ̃ kũ à pɔ́kasa zãnɛ danan yá? Pɔ́kasamanadarinɔ dìgɔ̃ kú kínabɛamɛ. 9Bɔ́n a gɛ gwa sàa? Annabiin yá? Lɛmɛ! Matɛn oárɛ, à de annabila se. 10Zaakũ Yahayan ò a yã kɛ̃̀ Luda yãn ò pì: Mani ma zĩ̀ri gbarɛ n ã de à zɛ́ kɛkɛnnɛ.
11Yãpuran matɛn oárɛ, nɔgbɛ̃ nɛ́'inaa gũn gbɛ̃ke dí bo à kà Yahaya Da'itɛkɛri ũro. Bee kũ abireo gbɛ̃ kũ à de gbɛ̃ kpɛde ũ kpata kũ à bò Luda kĩnaa gũn deala. 12Zaa gɔrɔ kũ Yahaya Da'itɛkɛrii nà waazikɛnaaa ari suna gbã̀a, òtɛn kɔ̃dɛ kɛ ò gɛ̃ kpataa pìn, akũ kùgbãnadenɔ tɛn gɛ̃n. 13Musa kũ annabinɔ pínki gĩnakɛ ò a yã ò ari à gɛ̀ɛ pɛ́ Yahayaa. 14Tó áni fɔ̃ à sí, Yahaya pì mɛ́ à Iliasu kũ ò pì ani su ũ. 15Gbɛ̃ kũ à sã vĩ à yã pì ma.
16Bɔ́n mani gbãragbɛ̃nɔ lɛkɔ̃aoo? Ò de lán nɛ́ kũ ò kú ɛtɛ gũnnɔ bà òtɛn lɛ́ zukɔ̃i 17òtɛn pi:
O kutɛɛ pɛ̀árɛ, ádi ũ wãro,
o wɛ̃nda lɛ̀ɛ sìárɛ, ádi ɔ́ɔ dɔro.
18Zaakũ Yahaya sù, adi burodi sóro, adi wɛ̃ miro, akũ ò pì tãnademɛ. 19Kũ Bisãsiri Nɛ́ sù, àdi pɔ́ ble, àdi í mi, akũ ò pì: Guturu wɛ̃miriimɛ, bɛ'ɔgɔsirinɔ kũ kifirinɔ gbɛ̃nnamɛ! Ama òdi ɔ̃ndɔ̃ dɔ̃ a yãkɛnaaamɛ.
Yesu zukakana wɛ̃tɛ kenɔ denɔi
(Luk 10:13-15)
20Akũ Yesu fùtɛ à zuka kà wɛ̃tɛ kũ à a daboyã paride kɛ̀nnɔ gbɛ̃nɔi, kũ odi ń nɛ̀sɛ litɛro yãi à pì: 21Waiyoo Kɔrazĩdenɔ! Waiyoo Bɛtɛsaidadenɔ! Tó ma daboyã kũ ma kɛ̀ á tɛ́nɔ kɛ̀ Taya kũ Sidɔ̃o yã, de wɛ̃tɛpidenɔ pɔ́kasanɔ dàdańla, ò vùtɛ tuburaa à gìi kɛ̀ nɛ̀sɛlitɛna sèeda ũ. 22Matɛn oárɛ, yãkpatɛkɛgɔrɔ zĩ á wɛ́tãmmana nigɔ̃ de Tayadenɔ kũ Sidɔ̃denɔ pɔ́la. 23Ákɔ̃nɔ Kapɛnamudenɔ sɔ̃ áni gbã à zɔ̃ Ludaan yá? Oni ɔ zɔ̃ái ari gyãwãnn. Zaakũ tó ò daboyã kũ ma kɛ̀árɛnɔ kɛ̀ Sɔdɔmu yã, de à kun ari kũ a gbãrao. 24Matɛn oárɛ, yãkpatɛkɛgɔrɔ zĩ á wɛ́tãmmana nigɔ̃ de Sɔdɔmudenɔ pɔ́la.
Kámmabona Yesu kĩnaa
(Luk 10:21-22)
25Zĩ kũ̀a Yesu pì: Baa, musu kũ zĩtɛo Dikiri, ma n sáabu kɛ̀, kũ n yã birenɔ ùtɛ yãdɔ̃rinɔnɛ kũ ɔ̃ndɔ̃rinɔ, akũ n boo kyódɔ̃risarinɔnɛ. 26Lɛmɛ, Baa, zaakũ n pɔyenyĩnaamɛ. 27Ma De pɔ́ sĩnda pínki nàmɛnɛ ma ɔĩ. Gbɛ̃ke Luda Nɛ́ dɔ̃ro, tó adi kɛ De Luda baasiro. Gbɛ̃ke De Luda dɔ̃ro, tó adi kɛ a Nɛ́ kũ gbɛ̃ kũ Nɛ́ pì ye à a mɔńnɛnɔ baasiro.
28À mɔ́ ma kĩnaa ákɔ̃nɔ kũ á aso sɛna a kpasanɔ pínki, mani á gba zɛ́ à kámma bo. 29À ma gbãngo sɛ́ à yã dada ma kĩnaa, á laakari ni kpátɛ, zaakũ má busɛ akũsɔ̃ ma nɛ̀sɛ yĩda. 30Ma gbãngo sɛna zĩ'ũro, ma aso tìkisiro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.