BONAA 33
33
1Dikiri pì Musanɛ: Ǹ futɛ ǹ go la, mɔkɔ̃n kũ gbɛ̃ kũ n bo kũńwo Misilanɔ, ǹ gɛ́ kũńwo bùsu kũ ma la dà Ibrahĩnɛ kũ Isaakuo kũ Yakubuo ma pì mani kpá ń burinɔan. 2Mani malaika gbarɛ à doárɛ arɛ mani pɛ́árɛ Kanaanɔa kũ Amɔrinɔ kũ Itinɔ kũ Pɛrizinɔ kũ Ivinɔ kũ Yebusinɔo. 3À gɛ́ bùsu kũ vĩ kũ zɔ́'io din pìi gũn. Ama mani gɛ́ kãáoro, de màsun á kakatɛ zɛ́nlo yãi, zaakũ sãgbãnadenɔn á ũ. 4Kũ gbɛ̃nɔ yã pãsĩ pìi mà, ò ɔ́ɔ dɔ̀, akũ gbɛ̃ke dí a zãblebɔnɔ da doro. 5Zaakũ Dikiri gĩnakɛ à yã ò Musanɛ à o Isarailanɔnɛ à pi: Sãgbãnadenɔmɛ ń ũ, bee tó ma táa ò kũńwo gɛ̀sɛ do, mani ń kakatɛ. Ń baadi ń zãblebɔnɔ bobo, manigɔ̃ dɔ̃ deran mani kɛ kũńwo nà. 6Akũ Isarailanɔ ń zãblebɔnɔ bòbo, odi da doro zaa Orɛbu kpi kĩnaa.
7Musa dì bizakuta sɛ́ à gɛ́ dɔ bùra kpɛ boruna kũ bùraa pìio fíti. À tɔ́ kpà kuta pìinɛ dakarɛki kuta. Gbɛ̃ kũ à ye Dikiri yãi ade dì bo à gɛ́ dakarɛki kuta pì kĩnaa bùra kpɛ gwe. 8Tó Musa bò àtɛn gɛ́ kpɛ́ pì kĩnaa, baadi dì bo à zɛ a kpɛ́lɛlɛa àgɔ̃ a gwa ari à gɛ́ à gɛ̃n. 9Tó Musa gɛ̃̀ kpɛ́ pìn, tɛ́luku dì kipa àgɔ̃ dɔ kpɛ́lɛlɛa, akũ Dikiri dì yã o kãao. 10Tó gbɛ̃nɔ è tɛ́luku pì dɔ kpɛ́lɛlɛ pìia, baadi dì donyĩ kɛ a kpɛ́lɛlɛa. 11Dikiri dì yã o kũ Musao tɛ̃tɛ̃ntɛ̃, lákũ gbɛ̃ dì yã o kũ a gbɛ̃nnao nà. Musa dì ɛra à su bùran, ama Nuni nɛ́ Yɔsua a kpàasi dì bo kpɛ́ pìi gũnlo.
Dikiri bo à suna Musaa
12Musa pì Dikirinɛ: N pìmɛnɛ mà gɛ́ kũ gbɛ̃ pìnɔ, ama ńdi gbɛ̃ kũ ntɛn damɛnɛ omɛnɛro. N pìmɛnɛ yã ń ma dɔ̃ n gbɛ̃nna ũ akũsɔ̃ ma n pɔnna lè. 13Zaakũ ma n pɔnna lè, ǹ tó mà n laasunnɔ dɔ̃ sà, de mà le màgɔ̃ n dɔ̃ màgɔ̃ nna kũnwo yãpura. Ǹgɔ̃ dɔ̃ kũ buri díkĩna bi n gbɛ̃nɔmɛ. 14Akũ Dikiri wèa à pì: Ma wɛ́ nigɔ̃ tɛ́ái mà á gba kámmabonaa. 15Musa pì: Tó ńdi wɛ́ tɛ́wáiro, ǹsun ó futɛ laro. 16Tó ńdi gɛ́ kũooro, deran oni le ò dɔ̃ kũ makũ kũ n gbɛ̃ pìnɔ ó nna kũnwoo? Oni ó dɔ̃kɔ̃nɛ kũ buri pãndenɔ andunia gũn deramɛɛ? 17Dikiri pìnɛ: Yã kũ n gbɛ̀kama pì mani kɛ, zaakũ n ma pɔnna lè, má n dɔ̃ ma gbɛ̃nna ũ.
18Musa pì: Ǹ n gakuri mɔmɛnɛ. 19Akũ Dikiri wèa à pì: Mani tó ma manakɛ pínki gɛ̃ n arɛ, mani ma tɔ́ Dikiri sísi n arɛ, zaakũ gbɛ̃ kũ má ye mà sùru kɛ kãaon mani kɛ kãao, akũsɔ̃ gbɛ̃ kũ má ye mà wɛ̃nda dɔ̃nɛn mani dɔ̃nɛ. 20Akũ à pì: Ĩni fɔ̃ ǹ ma ãn gwaro, zaakũ bisãsiri ni fɔ̃ à wɛ́ simalɛ àgɔ̃ kunlo. 21Dikiri pì: Ǹ gu gwa da ma sarɛ la. Ǹ zɛ gbɛ̀ɛ musu gwe. 22Tó ma gakuri pì tɛn gɛ̃, mani n sɔtɔ gbɛ̀sɔkɔn mà a ɔ kúnla ari mà gɛ̃tɛ. 23Tó ma a ɔ gònla, ĩni ma kpɛ kpa e sà, ama oni fɔ̃ ò ma ãn ero.
Currently Selected:
BONAA 33: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
