Sâm 149
149
Okwan-Akpee
1Kye n̂g Óburúkpâbí akpee.
Kwán n̂ okwan mú ofyîfî ba-kye Óburúkpâbí.
Kye n̂g ǎ akpee ké burwám-banet emen ḿbé ba/fé dyityém ne nyǐ.
2Ézerel, kyú ké bunyîn-dyityém
ké bubwô ḿbú nyǐ mú o/mee ǒ.
Banet ḿbé Záyon,
jêe n̂g ké bubwô-Otu emen.
3Kye n̂g dyizîn emen akpee ké ane ene.
Kim m̂ ekam ne ácîng ké akpee ba-kye ǎ.
4Óburúkpâbí mu ké bunyîn-dyityém ne banet emen.
Nyǐ mu o-kyâ banet ḿbé mbe degere ofê ké byití ekpógê.
5Banet ḿbé Osówo,
jêe n̂g ké dyikpóge ńdyí ba/kpógê,
ba-kwán ekwan buchú bumúmú ké bunyîn-dyityém.
6Bakye Osówo akpee ne ejá kyíbóng kyíbóng
ne biininen-bushwám ebe ké abwô,
7ḿbú badakpógê eshê nyí ee*nyît Osówo*
ba-kye banet ámbe busông,
8ba-fé batu ebe ne banet-ashí ebe bamgbokobá-biǐré,
9ba-kye eshê ányi busông
wǎ eringe nyí Osówo o/kye busa. Nyín něen dyikpóge ńdyí banet-Osówo ba/kpógê.
Kye n̂g Óburúkpâbí akpee.
Currently Selected:
Sâm 149: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
