NAHUM 2
2
Tabpa Bawang Ninewé
1O Ninewé, iko uen ngerieng!
Lalud luk miak mila' namu pangeh nacing.
Matar amung libung luk meraben!
Ngabang dalan!
Do' iko temina' pebunu'!
2(Tuhan malé ngelubed ubur Israil, pelé ieh mepad kudeng luk atun kareb nateh bunu' nengaro bawang ineh.)
3Lun pebunu' luk ngerieng namu ngimet utap luk mesia',
idi ngayung ku luk mesia' teh.
Ideh netemina' pebunu'!
Kerétadeh mekilat mepad kudeng apui!
Idi kudadeh pana' geregan nalan!
4Kerétadeh nalan peliwa-peliwa,
luun dalan idi luun natad pana'.
Ideh mekilat mepad kudeng sesakan,
idi awerdeh mepad kudeng kilep.
5Lun rayeh pebunu' pangeh titeng;
pad ideh ngimet bawehdeh.
Lun luk ngerieng upun amé' matun libung
idi nganau' luk ku ngerieng bawang ineh.
6Amung tanga' abpa' mukab,
pad ruma' raca' mepanu' ku tot.
7Raca' decur tibandeh, idi demulunneh nangi';
ideh mepag ruukdeh ku dat niatdeh.
8Mepad kudeng abpa' rat bang leleng, lun buro rat Ninewé!
“Ugka'-Ugka'!” kebala lun baken.
Iamo' seburur pana' nateh luk lemubed.
9Ngaro pirak idi amas!
Bawang ini mepanu' ku binaweh!
10Ninewé inusag, tican, idi dat ali!
Niatdeh sigio ku totdeh;
idi teh alebdeh megegker.
Kiungdeh mebudi idi ideh melaya' peh.
11Iapehké lubang balang ineh nekini,
ieh ineh su luk inan anak balang isa' tinandeh,
idi su luk inan balang deléi sigapung dengan anakneh ineh;
pad ideh na inan susa'?
12Balang ineh nengaté pung luk tikapneh,
idi nemaré babpat kuan tineh idi anakneh;
idi nemanu' lubangneh ku uang luk ketecan.
13“Ui ini bunu'mu,” kebala Tuhan luk Melalud. “Ui miak ngeseb amung kerétamu. Amung anak balangmu ineh miak maté bang bunu', idi Ui miak ngalap amung-amung binaweh luk pinomu rat nelun baken. Idi arodmu pana' nateh pedingeren bang tana' ini.”
Currently Selected:
NAHUM 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
NAHUM 2
2
Tabpa Bawang Ninewé
1O Ninewé, iko uen ngerieng!
Lalud luk miak mila' namu pangeh nacing.
Matar amung libung luk meraben!
Ngabang dalan!
Do' iko temina' pebunu'!
2(Tuhan malé ngelubed ubur Israil, pelé ieh mepad kudeng luk atun kareb nateh bunu' nengaro bawang ineh.)
3Lun pebunu' luk ngerieng namu ngimet utap luk mesia',
idi ngayung ku luk mesia' teh.
Ideh netemina' pebunu'!
Kerétadeh mekilat mepad kudeng apui!
Idi kudadeh pana' geregan nalan!
4Kerétadeh nalan peliwa-peliwa,
luun dalan idi luun natad pana'.
Ideh mekilat mepad kudeng sesakan,
idi awerdeh mepad kudeng kilep.
5Lun rayeh pebunu' pangeh titeng;
pad ideh ngimet bawehdeh.
Lun luk ngerieng upun amé' matun libung
idi nganau' luk ku ngerieng bawang ineh.
6Amung tanga' abpa' mukab,
pad ruma' raca' mepanu' ku tot.
7Raca' decur tibandeh, idi demulunneh nangi';
ideh mepag ruukdeh ku dat niatdeh.
8Mepad kudeng abpa' rat bang leleng, lun buro rat Ninewé!
“Ugka'-Ugka'!” kebala lun baken.
Iamo' seburur pana' nateh luk lemubed.
9Ngaro pirak idi amas!
Bawang ini mepanu' ku binaweh!
10Ninewé inusag, tican, idi dat ali!
Niatdeh sigio ku totdeh;
idi teh alebdeh megegker.
Kiungdeh mebudi idi ideh melaya' peh.
11Iapehké lubang balang ineh nekini,
ieh ineh su luk inan anak balang isa' tinandeh,
idi su luk inan balang deléi sigapung dengan anakneh ineh;
pad ideh na inan susa'?
12Balang ineh nengaté pung luk tikapneh,
idi nemaré babpat kuan tineh idi anakneh;
idi nemanu' lubangneh ku uang luk ketecan.
13“Ui ini bunu'mu,” kebala Tuhan luk Melalud. “Ui miak ngeseb amung kerétamu. Amung anak balangmu ineh miak maté bang bunu', idi Ui miak ngalap amung-amung binaweh luk pinomu rat nelun baken. Idi arodmu pana' nateh pedingeren bang tana' ini.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.