1 TIMOTIUS 2

Bada' Kuan Sidang Ratnan Sembayang

1Ngaceku ineh ui mada' namu pun-pun, pad amung putuh sembayang idi ubur barén nan Allah kuan amung lemulun; 2kuan amung-amung raca' idi lun rayeh, pad tau miak ngalap ulun luk do' udeng idi awang dengan baya' luk meriput idi kekaman luk do'. 3Idi ineh luk do' idi luk petulu pa kiung Lun Nengulun netau, ieh ineh Allah, 4ngaceku Ieh pian amung-amung lemulun ngalap ulun idi kali' luk matu. 5Idi Allah ineh Sebuleng mo', idi Luk Ngatum ineh pana' Sebuleng teh arang Allah dengan lemulun, idi Ieh pana' lemulun teh, ieh ineh Keristus Yésus, 6luk pangeh nemaré bururNeh mangun ku uli' kuan amung-amung lemulun, ieh ineh mangun ku sebuleng luk nekali' bang kareb luk petulu, ratnan Allah pian ngulun amung-amung lemulun. 7#2 Tim 1.11 Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

8Pianku amung-amung deléi sembayang bang anid-anid luk inan, idi ngiding ticu' luk meligan dengan na museh idi pekedaluh.

9 # 1 Pét 3.3 Kudeng ineh teh pianku amung-amung decur ngayung bururdeh ku ayung luk petulu, dengan igu' idi ngimet burur; baken dengan abpuk luk uen ngayung, idi dengan amas, bau mutiara, idi ayung luk meraga; 10iamo' dengan kekamen luk do', mepad kudeng luk petulu kuan decur luk sikal mepicet maya' Allah. 11Do' decur ineh sibada' pirud-pirud dengan abud-abud beneh niatneh. 12Iamo' na ui nima' seburur decur mada' idi ngimet ukum pa luun deléi, iamo' do' ieh pirud. 13#Pud 2.7; 2.21–22 Ngaceku Adam pangeh pinudut atun, muci ratnan ineh idi teh Hawa; 14#Pud 3.1–6 idi baken Adam luk sinaluk, iamo' decur ineh pangeh sinaluk pad ieh nengelaba ukum Allah. 15Iamo' ieh uen ngulun ngaceku nenganak Anak ineh, kudeng ieh migu' idi lutep bang anu, awa, idi ligan.

Currently Selected:

1 TIMOTIUS 2: BLD

Highlight

Copy

Compare