1 TESALONIKA 4
4
Ulun Luk Petulu Pa Kiung Allah
1Kekipedneh, O kinanak-kinanakku, muyuh pangeh nesibada' rat nekai ratnan kudeng apeh muyuh miak mulun pad ngawang niat Allah: ieh ineh mepad kudeng ulun muyuh nekini. Idi nekini kai mutuh nemuyuh bang ngadan Tuhan Yésus nganau' meluun rantan ineh. 2Ngaceku muyuh kali' bada' luk pangeh bida' kai kuan muyuh bang ngadan Tuhan Yésus. 3Ini pian Allah kuan muyuh: do' muyuh mangun meligan, idi ugka' ratnan pasét. 4Do' anid-anid burur deléi muyuh mileh mili' awan muyuh sebuleng bang luk meligan idi luk buren, 5baken ratnan lili burur muyuh sebuleng mepad kudeng lun pupu baken luk na miti Allah. 6Idi aleg seburur lemulun pana' ngelaba ukum idi nganau' sala' kuan kinanakneh bang luk kudeng ineh, ngaceku Tuhan luk ngua' amung-amung ineh, mepad kudeng luk pangeh bila kai atun. Kai pangeh metueh mada' nemuyuh. 7Ngaceku Allah pangeh nenawar netau baken pad nganau' luk melutak, iamo' luk meligan. 8Ngaceku ineh lemulun luk ngarung bada' ini, baken ieh ngarung lemulun, iamo' Allah luk maré RohNeh luk meligan kuan muyuh.
9Idi ratnan awa arang kinanak, na kai ngayud kuan muyuh ngaceku muyuh sebuleng pangeh bida' Allah mawa seburur dengan seburur. 10Idi muyuh pangeh nenganau' luk kudeng ineh kuan kinanak-kinanak luk déi' Makedonia. Iamo' kai mutuh nemuyuh, O kinanak-kinanakku, do' awa muyuh amé'-amé' mula'. 11Idi do' muyuh mulun dengan na mula' ria', idi nganau' kekamen muyuh sebuleng, idi ngakem dengan ticu' muyuh mepad kudeng luk pangeh bida' kai, 12pad muyuh miak uen ngedita' siren lemulun luk na maya', idi muyuh na miak merapet ku lun baken maré luk pian muyuh.
Acing Tuhan Yésus
13O kinanak-kinanakku, kai pian nemuyuh kali' luk matu ratnan lemulun luk panegh naté, pad muyuh na miak ngalap dat niat mepad kudeng lemulun luk na luk idi rapet inan Allah. 14Tau manu idi Yésus ineh pangeh naté idi tinui teh. Kudeng ineh teh tau manu idi lemulun luk naté bang anu inan Yésus, ieh ineh miak iten Allah pad-pad denganNeh.
15 #
1 Kor 15.51–52
Ini bala Tuhan luk badén kai nemuyuh: tau ini luk mulun kareb acing Tuhan, na miak amé' pa atun lemulun luk pangeh naté. 16Tuhan sebuleng miak temurun rat surga dengan uni tang luk rayeh, idi dengan uni tang lun rayeh melaikat, idi dengan uni serupit Allah. Idi amung-amung lemulun luk pangeh naté bang Keristus miak tumui atun. 17Muci tau luk uned mulun kareb ineh miak lapen amé' bang laput pad-pad dengandeh papu' Tuhan déi' arang gawa'. Kudeng ineh teh tau megéi' pad-pad dengan Tuhan. 18Ngaceku ineh do' muyuh ngubuk seburur dengan seburur dengan bala ini.
Currently Selected:
1 TESALONIKA 4: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
1 TESALONIKA 4
4
Ulun Luk Petulu Pa Kiung Allah
1Kekipedneh, O kinanak-kinanakku, muyuh pangeh nesibada' rat nekai ratnan kudeng apeh muyuh miak mulun pad ngawang niat Allah: ieh ineh mepad kudeng ulun muyuh nekini. Idi nekini kai mutuh nemuyuh bang ngadan Tuhan Yésus nganau' meluun rantan ineh. 2Ngaceku muyuh kali' bada' luk pangeh bida' kai kuan muyuh bang ngadan Tuhan Yésus. 3Ini pian Allah kuan muyuh: do' muyuh mangun meligan, idi ugka' ratnan pasét. 4Do' anid-anid burur deléi muyuh mileh mili' awan muyuh sebuleng bang luk meligan idi luk buren, 5baken ratnan lili burur muyuh sebuleng mepad kudeng lun pupu baken luk na miti Allah. 6Idi aleg seburur lemulun pana' ngelaba ukum idi nganau' sala' kuan kinanakneh bang luk kudeng ineh, ngaceku Tuhan luk ngua' amung-amung ineh, mepad kudeng luk pangeh bila kai atun. Kai pangeh metueh mada' nemuyuh. 7Ngaceku Allah pangeh nenawar netau baken pad nganau' luk melutak, iamo' luk meligan. 8Ngaceku ineh lemulun luk ngarung bada' ini, baken ieh ngarung lemulun, iamo' Allah luk maré RohNeh luk meligan kuan muyuh.
9Idi ratnan awa arang kinanak, na kai ngayud kuan muyuh ngaceku muyuh sebuleng pangeh bida' Allah mawa seburur dengan seburur. 10Idi muyuh pangeh nenganau' luk kudeng ineh kuan kinanak-kinanak luk déi' Makedonia. Iamo' kai mutuh nemuyuh, O kinanak-kinanakku, do' awa muyuh amé'-amé' mula'. 11Idi do' muyuh mulun dengan na mula' ria', idi nganau' kekamen muyuh sebuleng, idi ngakem dengan ticu' muyuh mepad kudeng luk pangeh bida' kai, 12pad muyuh miak uen ngedita' siren lemulun luk na maya', idi muyuh na miak merapet ku lun baken maré luk pian muyuh.
Acing Tuhan Yésus
13O kinanak-kinanakku, kai pian nemuyuh kali' luk matu ratnan lemulun luk panegh naté, pad muyuh na miak ngalap dat niat mepad kudeng lemulun luk na luk idi rapet inan Allah. 14Tau manu idi Yésus ineh pangeh naté idi tinui teh. Kudeng ineh teh tau manu idi lemulun luk naté bang anu inan Yésus, ieh ineh miak iten Allah pad-pad denganNeh.
15 #
1 Kor 15.51–52
Ini bala Tuhan luk badén kai nemuyuh: tau ini luk mulun kareb acing Tuhan, na miak amé' pa atun lemulun luk pangeh naté. 16Tuhan sebuleng miak temurun rat surga dengan uni tang luk rayeh, idi dengan uni tang lun rayeh melaikat, idi dengan uni serupit Allah. Idi amung-amung lemulun luk pangeh naté bang Keristus miak tumui atun. 17Muci tau luk uned mulun kareb ineh miak lapen amé' bang laput pad-pad dengandeh papu' Tuhan déi' arang gawa'. Kudeng ineh teh tau megéi' pad-pad dengan Tuhan. 18Ngaceku ineh do' muyuh ngubuk seburur dengan seburur dengan bala ini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.