Rom‑dãmbã 3
3
1Zu-noog ning Zʋɩf sẽn tarã yaa bõe, wall bãongã kõom yõod yaa bõe? 2A bee nafr bũmb fãa pʋgẽ. Pipi, Wẽnnaam deng n dɩka b goamã n gũnug ne Zʋɩf-rãmbã. 3La d na n yeelame tɩ bõe? Bãmb neb kẽer sã n ka maan sɩd ne Wẽnnaam, dẽ yĩnga, bãmb sẽn ka maan sɩdã na n kɩtame tɩ Wẽnnaam sɩdã ka maan a tʋʋmde? 4#Yɩɩn 51.6Yaa vẽeneg tɩ ayo. Nebã tog n bãngame tɩ baa ninsaalbã fãa sã n yagda zĩrẽ, Wẽnnaam yaa sɩd-soaba, wa b sẽn gʋlsã:
Tɩ ne yãmb goamã,
b na mik tɩ yãmb yaa tɩrga,
la tɩ yãmb bʋʋda kaoob wakate,
bɩ y paam tõogre.
5La tõnd ka-tɩrlmã sã n kɩtdẽ tɩ Wẽnnaam tɩrlmã pukdẽ, tõnd na n yeelame tɩ bõe? Wẽnnaam sã n sak tɩ b sũur yiki, b yaa ka-tɩrlem soab sɩda? Mam sẽn gomda yaa ninsaalemdo. 6Yaa vẽeneg tɩ ayo. Sã n ka rẽ, Wẽnnaam na n yɩɩ a wãn n kao dũni bʋʋdo?
7La sã n yaa tɩ ne mam zĩrẽ wã Wẽnnaam sɩdã pukdame n paasde tɩ yaa bãmb waoogre, bõe tɩ b na n leb n kao mam bʋʋd wa yel-wẽn maanda? 8La wa tẽn-kãn-neb kẽer sẽn kãnegd tõnd n yetẽ tɩ d gomda a woto wã, bõe tɩ tõnd ka na n maand wẽng tɩ sẽn yaa sõmb tõe n tũ be n wa? Nin-kãens sɩbgrã yaa bũmb sẽn zemse.
Nin-tɩrg ka be ye
9La rẽ wã, tõnd yɩɩda neb a taabã la? Baa bilfu! Bala, tõnd zoe n wilgame tɩ nebã fãa, Zʋɩf-rãmbã la sẽn ka-b Zʋɩf-rãmbã bee yel-wẽnã yembd pʋgẽ 10#Yɩɩn 14.1-3, 53.2-4wa sẽn gʋlsã:
Ned sẽn zems ka be ye!
Baa a yembr ka ye.
11Ned baa a yembr yam ka weke,
baa a yembr ka baood Wẽnnaam ye.
Neba fãa menemame,
n naag taab n lebg ka-barka.
12Ned baa a yembr ka be sẽn maand neer ye, baa a ye!
13 #
Yɩɩn 5.10,
Yɩɩn 140.4
Bãmb kokorã yaa wa yaoog b sẽn fõke.
B zɛlmã wã belgda nebã.
Ruruug zẽnem n be bãmb no-bɩmsẽ wã.
14 #
Yɩɩn 10.7
Bãmb noor pida ne kãab-wẽng la toolem.
15 #
Eza 59.7,8 B nao wã tʋʋla ne a kẽng n tɩ raag zɩɩm.
16B sẽn pɩʋʋgẽ fãa, yaa sãoong ne toog bala.
17B ka mi bũmb ning sẽn wat ne laafɩ ye.
18 #
Yɩɩn 36.2
B toor ka be ne Wẽnnaam zoees ye.
19Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba. 20#Yɩɩn 143.2, Gal 2.16Sɩdã, ned baa a yembr ka na n paam zemsg Wẽnnaam taoor tõogã sakr yĩng ye. Bala, tõogã kɩtdame bal tɩ ned bãng yel-wẽnd sẽn yaa a soaba.
Tẽeb sẽn kõt tɩrlem
21La moasã Wẽnnaam tɩrlem pukame tɩ tõog toog kaẽ ye, la tõogã ne Wẽnnaam no-rɛɛsdbã sɛb kɩta tɩrlmã kaseto, 22#Gal 2.16sẽn yaa tɩ tẽeb ne a Zeezi Kiris wata ne Wẽnnaam tɩrlem neb nins fãa sẽn tẽedã yĩnga. Bala, welgr ka ye: 23Sɩda, nebã fãa maana yel-wẽna, n kong Wẽnnaam ziirã. 24La b paamda zemsgã zaalem bala, Wẽnnaam nimbãan-zoeerã yĩnga, fãagr ning sẽn be a Zeezi Kiris pʋgẽ wã maasem yĩnga. 25Yaa bãmb la Wẽnnaam pĩnd n yãk n kõ, neb nins sẽn na n tẽ bãmbã yel-wẽna yiisg yĩnga, ne b zɩɩmã. Woto na n wilga Wẽnnaam tɩrlem. Bãmb sẽn bas nebã n ka sɩbg-b b yel-wẽn nins b sẽn dag n maan Wẽnnaam sũ-marã wakatã yĩnga, 26bãmb da rat n wilga b tɩrlmã moasã wakatã, tɩ nebã na bãng tɩ bãmb yaa tɩrga, bãmb sẽn kɩtd tɩ ned ning sẽn tẽed a Zeezi wã zemsã.
27Woto yĩngã, bõe pʋgẽ la ned tõe n waoog a menga? Bũmb ka be ye. Ne tõ-bʋgo? Ne tʋʋm tõogo? Ayo! La yaa ne tẽeb tõogo. 28Bala, tõnd geendame tɩ ninsaal paamda zemsg tẽeb yĩnga, tɩ tõog tʋʋmã toog kaẽ ye. 29Walla, Wẽnnaam yaa Zʋɩf-rãmbã bal Wẽnnaam la? Bãmb ka buud a taabã me Wẽnnaam la? N-yẽe, bãmb yaa buud a taabã me Wẽnnaam, 30#Tõ 6.4, Gal 3.20bala, Wẽnnaam a yembr tãa n be n na n kɩt tɩ sẽn kẽ-b bãongã zems tẽeb yĩnga, la b kɩt tɩ sẽn ka kẽ-bã me zems tẽeb yĩnga.
31Woto wã, dẽ yĩnga tõnd dɩkda tẽebã n kiisd tõogã la? Yaa vẽeneg tɩ ayo. Ka woto ye, tõnd wilgdame tɩ tõogã yaa sõama.
Currently Selected:
Rom‑dãmbã 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
