Yikri 36
36
1A Betsaleyɛll ne a Oholiyaab la tʋʋm-mitb nins fãa Sẽn-Ka-Saab sẽn kõ yam la yẽesem tɩ b maan tʋʋmã fãa sɛk roogã yĩngã maana bũmb fãa wa Sẽn-Ka-Saab sẽn yeelã. 2A Moyiis boola a Betsaleyɛll ne a Oholiyaab ne tʋʋm-mitb nins fãa Sẽn-Ka-Saab sẽn kõ yamã sẽn dat n wa sɩng tʋʋmdã ne yamleoogã. 3La bãmb kẽnga a Moyiis nengẽ n tɩ reeg kũun nins fãa Israyɛll nebã sẽn tall n wa sɛk roogã meeb yĩngã. La yibeoog fãa nebã ket n tallda kũunã n wat yẽnda nengẽ ne yamleoogo. 4La tʋʋm-mitb nins fãa sẽn maand sɛk roogã tʋʋmdã basa tʋʋm nins fãa bãmb sẽn maandã 5n wa yeel a Moyiis yaa: «Nebã wata ne bũmb wʋsg n yɩɩd sẽn zems tʋʋm nins fãa Sẽn-Ka-Saab sẽn yeel tɩ b maanã.» 6Dẽ, a Moyiis kõo noor tɩ b pɩʋʋg nebã sik zĩigẽ n moon n yeele: «Bɩ raopã ne pagbã ra leb n wa ne kũun sɛk zĩigã yĩng ye.» La yẽnda gɩdga nebã tɩ b ra leb n tall n wa ye. 7Bala, bũmb nins nebã sẽn kõ wã yaa wʋsg n yɩɩd b sẽn tog n tall n tʋm tʋʋmdã.
Sɛk roogã
(36.8-38, 26.1-37)
8Tʋʋm-mitbã fãa sẽn tʋmd tʋʋmdã maana sɛk roogã ne pɛɛl piig sẽn wʋg ne lamd gĩs-bãanega, la gĩs sẽn yaa kẽeg haoo ne gĩs-moaama, la gĩs-miidu, la b gʋla serubẽ-rãmb pɛɛlã zutu. Rag sɩd yaa tʋʋm-mit tʋʋmde. 9Peend a yembr fãa woglem yaa kãntɩɩg pisi la a nii, la a yalem yaa kãntɩɩg a naase. B maga pɛɛlã fãa tɩ b yaa bũmb a yembre. 10B bogla pɛɛl a nu wã ne taaba, la a bogl a nu wã sẽn ketã me ne taaba. 11La b maana gãts ne gĩs sẽn yaa kẽeg haoo peendã noor kɩreng a yembr sẽn maan ne pɛɛl a nu sẽn bogl taabã, la b maana woto ne peend a yiib soabã me noor kɩreng a yembr sẽn maan ne pɛɛl a nu sẽn bogl taabã. 12B maana gãts pis-nu peend a yembrã zugu, la b maan gãts pis-nu peend a yiib soaba me kɩrenga. B ninga bãmb b yiibã fãa gãtsã tɩ b zems taaba. 13La yẽnda maana sãnem sogds pis-nu n sog pɛɛlã ne taab tɩ b lebg roog a yembre. 14Yẽnda wʋga pɛɛl ne bʋʋs kõbd sẽn na n lud sɛk roogã. Yẽnda wʋga pɛɛl piig la a yembre. 15Peend a yembr fãa woglem yaa kãntɩɩg pis-tã, la a yalem yaa kãntɩɩg a naase. B maga pɛɛl piig la a yembrã tɩ b yalmã ne b woglmã zem taaba. 16B bogla pɛɛl a nu wã ne taaba, la b bogl a yoobã sẽn kellã me ne taaba. 17La b maana gãts pis-nu dẽenem peendã sẽn maan ne pɛɛl sẽn bogl taabã kɩreng a yembre. La b maana gãts pis-nu me n ning a yiib soabã sẽn maan ne pɛɛl sẽn bogl taabã kɩreng a yembre. 18La b maana zũud sogds pis-nu n sog-a t'a lebg fu-roog a yembre. 19La b maana lutg ne pe-raad gãnd sẽn monem fu-roogã yĩnga, la b maan lutg a to ne dofẽ-rãmb gãnd n pʋgl a zugã.
20B maana ra-pegdã sɛk roogã yĩnga. B maana bãmb ne akasiya raado, n yik-b n yals yĩngri. 21Ra-peok a ye fãa woglem yaa kãntɩɩg piiga, la a yalem yaa kãntɩɩg a yembr la pʋɩ-sʋka. 22Ra-peok fãa tara sogds a yiib sẽn na n sog bãmb ne taaba. B maana sɛk roogã ra-pegdã fãa woto. 23B maana ra-pegd sɛk roogã yĩnga. Kɩreng ning sẽn be goabgã yaa ra-pegd pisi, tɩ kɩreng ning sẽn be rɩtgã me yaa ra-pegd pisi. 24La b maana wanzuri nao pis-naas sẽn na n ning ra-pegd pisi wã tẽngre. Yẽnda ninga ra-peok fãa nao a yiib a sogds a yiibã yĩnga. 25B maana ra-pegd pisi sɛk roogã kɩreng ning sẽn be rɩtgã yĩnga, 26ne wanzuri nao pis-naas n ning bãmb yiib-yiib ra-peok a yembr fãa tẽngre. 27B maana ra-pegd a yoob sɛk roogã kɩreng ning sẽn teesd taoorã yĩnga. 28La b maana ra-pegd a yiib sɛk roogã lals gõdgr zĩis a yiibã sẽn be roogã yaangã yĩnga. 29Sẽn sɩng ne tẽngrã, bãmb bogla a yiibu, la bãmb zutã tɩ teeg taab yĩngr tuiidgã zĩigẽ. Lals a yiibã fãa gõdgr zĩis yɩɩ woto. 30Bãmb yaa ra-pegd a nii ne b wanzuri nao piig la a yoobe. Ra-peok a yembr fãa tẽngr tara nao a yiibu. 31B maana akasiya da-bɩlem a nu sɛk roogã kɩreng a yembr da-pegd yĩnga, 32la ra-bɩlem a nu a kɩreng a yiib soaba me ra-pegd yĩnga. La b maana ra-pegd a nu me sɛk roogã yaang sẽn teesd taoorã yĩnga. 33B maana ra-bɩlemd ning sẽn na n zĩnd sʋkã n pɩʋʋg ra-pegdã fãa sẽn sɩng ne lalgã noor a yembre, hal tɩ ta a noor a to wã. 34B luda ra-pegdã ne sãnem. La a maana sãnem tuiids sẽn yaa gils ra-bɩlmã yĩnga, n bolg ra-bɩlmã ne sãnem.
35B wʋga fu-lillidg ne gĩs sẽn yaa kẽeg haoo, la gĩs-moaam ne gĩs-miidu, la lamd gĩs-bãanega, yẽnda maan-a-la wa tʋʋm-mit sẽn maande, n gʋl serubẽ-rãmb a zugu. 36B maana akasiya ra-lugds a naas a yĩnga, n bolg bãmb ne sãnem. Bãmb yagendsã yaa sãnem. La b maana wanzuri nao a naas b yĩnga. 37B maana fu-lillidg sẽn na n ning fu-roogã noor ne gĩs sẽn yaa kẽeg haoo, la gĩs-moaam ne gĩs-miidu, la lamd gĩs-bãaneg sẽn tar tʋʋm-mitbã nug tʋʋmd a zugu. 38La b maana fu-lillidgã ra-lugds a nu wã ne b yagendsã, n bolg bãmb pugli wã ne sãnem n ning yagendsã bãmb zutu. La b maana bãmb nao a nu wã ne zũudu.
Currently Selected:
Yikri 36: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
Yikri 36
36
1A Betsaleyɛll ne a Oholiyaab la tʋʋm-mitb nins fãa Sẽn-Ka-Saab sẽn kõ yam la yẽesem tɩ b maan tʋʋmã fãa sɛk roogã yĩngã maana bũmb fãa wa Sẽn-Ka-Saab sẽn yeelã. 2A Moyiis boola a Betsaleyɛll ne a Oholiyaab ne tʋʋm-mitb nins fãa Sẽn-Ka-Saab sẽn kõ yamã sẽn dat n wa sɩng tʋʋmdã ne yamleoogã. 3La bãmb kẽnga a Moyiis nengẽ n tɩ reeg kũun nins fãa Israyɛll nebã sẽn tall n wa sɛk roogã meeb yĩngã. La yibeoog fãa nebã ket n tallda kũunã n wat yẽnda nengẽ ne yamleoogo. 4La tʋʋm-mitb nins fãa sẽn maand sɛk roogã tʋʋmdã basa tʋʋm nins fãa bãmb sẽn maandã 5n wa yeel a Moyiis yaa: «Nebã wata ne bũmb wʋsg n yɩɩd sẽn zems tʋʋm nins fãa Sẽn-Ka-Saab sẽn yeel tɩ b maanã.» 6Dẽ, a Moyiis kõo noor tɩ b pɩʋʋg nebã sik zĩigẽ n moon n yeele: «Bɩ raopã ne pagbã ra leb n wa ne kũun sɛk zĩigã yĩng ye.» La yẽnda gɩdga nebã tɩ b ra leb n tall n wa ye. 7Bala, bũmb nins nebã sẽn kõ wã yaa wʋsg n yɩɩd b sẽn tog n tall n tʋm tʋʋmdã.
Sɛk roogã
(36.8-38, 26.1-37)
8Tʋʋm-mitbã fãa sẽn tʋmd tʋʋmdã maana sɛk roogã ne pɛɛl piig sẽn wʋg ne lamd gĩs-bãanega, la gĩs sẽn yaa kẽeg haoo ne gĩs-moaama, la gĩs-miidu, la b gʋla serubẽ-rãmb pɛɛlã zutu. Rag sɩd yaa tʋʋm-mit tʋʋmde. 9Peend a yembr fãa woglem yaa kãntɩɩg pisi la a nii, la a yalem yaa kãntɩɩg a naase. B maga pɛɛlã fãa tɩ b yaa bũmb a yembre. 10B bogla pɛɛl a nu wã ne taaba, la a bogl a nu wã sẽn ketã me ne taaba. 11La b maana gãts ne gĩs sẽn yaa kẽeg haoo peendã noor kɩreng a yembr sẽn maan ne pɛɛl a nu sẽn bogl taabã, la b maana woto ne peend a yiib soabã me noor kɩreng a yembr sẽn maan ne pɛɛl a nu sẽn bogl taabã. 12B maana gãts pis-nu peend a yembrã zugu, la b maan gãts pis-nu peend a yiib soaba me kɩrenga. B ninga bãmb b yiibã fãa gãtsã tɩ b zems taaba. 13La yẽnda maana sãnem sogds pis-nu n sog pɛɛlã ne taab tɩ b lebg roog a yembre. 14Yẽnda wʋga pɛɛl ne bʋʋs kõbd sẽn na n lud sɛk roogã. Yẽnda wʋga pɛɛl piig la a yembre. 15Peend a yembr fãa woglem yaa kãntɩɩg pis-tã, la a yalem yaa kãntɩɩg a naase. B maga pɛɛl piig la a yembrã tɩ b yalmã ne b woglmã zem taaba. 16B bogla pɛɛl a nu wã ne taaba, la b bogl a yoobã sẽn kellã me ne taaba. 17La b maana gãts pis-nu dẽenem peendã sẽn maan ne pɛɛl sẽn bogl taabã kɩreng a yembre. La b maana gãts pis-nu me n ning a yiib soabã sẽn maan ne pɛɛl sẽn bogl taabã kɩreng a yembre. 18La b maana zũud sogds pis-nu n sog-a t'a lebg fu-roog a yembre. 19La b maana lutg ne pe-raad gãnd sẽn monem fu-roogã yĩnga, la b maan lutg a to ne dofẽ-rãmb gãnd n pʋgl a zugã.
20B maana ra-pegdã sɛk roogã yĩnga. B maana bãmb ne akasiya raado, n yik-b n yals yĩngri. 21Ra-peok a ye fãa woglem yaa kãntɩɩg piiga, la a yalem yaa kãntɩɩg a yembr la pʋɩ-sʋka. 22Ra-peok fãa tara sogds a yiib sẽn na n sog bãmb ne taaba. B maana sɛk roogã ra-pegdã fãa woto. 23B maana ra-pegd sɛk roogã yĩnga. Kɩreng ning sẽn be goabgã yaa ra-pegd pisi, tɩ kɩreng ning sẽn be rɩtgã me yaa ra-pegd pisi. 24La b maana wanzuri nao pis-naas sẽn na n ning ra-pegd pisi wã tẽngre. Yẽnda ninga ra-peok fãa nao a yiib a sogds a yiibã yĩnga. 25B maana ra-pegd pisi sɛk roogã kɩreng ning sẽn be rɩtgã yĩnga, 26ne wanzuri nao pis-naas n ning bãmb yiib-yiib ra-peok a yembr fãa tẽngre. 27B maana ra-pegd a yoob sɛk roogã kɩreng ning sẽn teesd taoorã yĩnga. 28La b maana ra-pegd a yiib sɛk roogã lals gõdgr zĩis a yiibã sẽn be roogã yaangã yĩnga. 29Sẽn sɩng ne tẽngrã, bãmb bogla a yiibu, la bãmb zutã tɩ teeg taab yĩngr tuiidgã zĩigẽ. Lals a yiibã fãa gõdgr zĩis yɩɩ woto. 30Bãmb yaa ra-pegd a nii ne b wanzuri nao piig la a yoobe. Ra-peok a yembr fãa tẽngr tara nao a yiibu. 31B maana akasiya da-bɩlem a nu sɛk roogã kɩreng a yembr da-pegd yĩnga, 32la ra-bɩlem a nu a kɩreng a yiib soaba me ra-pegd yĩnga. La b maana ra-pegd a nu me sɛk roogã yaang sẽn teesd taoorã yĩnga. 33B maana ra-bɩlemd ning sẽn na n zĩnd sʋkã n pɩʋʋg ra-pegdã fãa sẽn sɩng ne lalgã noor a yembre, hal tɩ ta a noor a to wã. 34B luda ra-pegdã ne sãnem. La a maana sãnem tuiids sẽn yaa gils ra-bɩlmã yĩnga, n bolg ra-bɩlmã ne sãnem.
35B wʋga fu-lillidg ne gĩs sẽn yaa kẽeg haoo, la gĩs-moaam ne gĩs-miidu, la lamd gĩs-bãanega, yẽnda maan-a-la wa tʋʋm-mit sẽn maande, n gʋl serubẽ-rãmb a zugu. 36B maana akasiya ra-lugds a naas a yĩnga, n bolg bãmb ne sãnem. Bãmb yagendsã yaa sãnem. La b maana wanzuri nao a naas b yĩnga. 37B maana fu-lillidg sẽn na n ning fu-roogã noor ne gĩs sẽn yaa kẽeg haoo, la gĩs-moaam ne gĩs-miidu, la lamd gĩs-bãaneg sẽn tar tʋʋm-mitbã nug tʋʋmd a zugu. 38La b maana fu-lillidgã ra-lugds a nu wã ne b yagendsã, n bolg bãmb pugli wã ne sãnem n ning yagendsã bãmb zutu. La b maana bãmb nao a nu wã ne zũudu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.