Sofoni 3
3
Jerusalemi dogu fala leni u faabima
3
Jerusalemi yaaba yie kaa cengi U Tienu yiinu
1Fala n baa bi niyiekaaba dogu,
Yuu n joagini ki pia ki mabinga yeni.
2Baa cengi o Diedo maama,
Baa tuo o tundi.
Baa bili bi dugidi o kani,
Baa lingi U Tienu todima.
3Bi yudanba tie nani yaa yangbanli
N gaandi ki duni,
Bi bujiaba tie nani yaa fuasangbanli
N yen goadi ku ñiagu,
Ki co li bonla ki ŋmani likuli
Kaa baa sieni liba mi faama po.
4U saawalipuaba tie japaadanba
Leni jajanbidiniba.
U kopadicianba joagini yaala n gagidi ki ŋani,
Ki miidi o bali maama mo.
5Ama o Diedo nan ye Jerusalemi,
Ki tiendi yaala n tiegi,
Kaa tiendi kuli yaala n bia.
Fiifaama kuli, o ja yaa buudi n tiegi,
Ki naa jidi ba dayenli.
Ama ba leni lani kuli,
Bi nibiadiba tiendi yaala n bia,
Kaa gba fe li po.
6O Diedo yedi:
«N bolini i nilanbuoli boncianla,
Ki mudi bi kaanpaali toadiefoaga.
N teni ke oba kuli ki go tagi bi sani.
N jugi bi dogi ki teni ke nilo ki go tagi likani,
Ki bagi nilo n go yaa kaa likani.
7N den tama ke li yaa puoli,
N niba baa fangi nni ki tuo n tundi,
Ke n kan bolini bi dogu.
Ama likani yaaba pugini
Ki tiendi yaala n bia bebe.
8Li tie lani yaa po yo,
Ke mini o Diedo yedi:
‹Yin guudi mani,
Min baa cua yaa daali
Ki waani yi ke yi nani.
N jagi ke n baa taani i nibuoli kuli
Leni mi diema niba kuli,
Ki teni ke ban bandi n pabienli n bia maama,
Kelima n pabienli mu baa buoni
Ki tinga kuli.› »
U Tienu baa lebidi i nilanbuoli pala
9O Diedo go yedi:
«Lani, n baa lebidi i nilanbuoli niba maama
Ki teni man tua maŋanma.#3.9 I nilanbuoli ñoana den joagini U Tienu po, kelima bi den taagi i buli yela.
Bi baa yaa ŋua mini Li Miali Diedo bebe
Ki kpiagidi nni leni payenli.
10Ba n niba yaaba n yadi
Ki ban ye hali yaa kaani n foagi,
Ki pendi Etiopi kpeni,
Bani mo baa yaa kpendinni n po bu paabu.
11Lanyogunu, yinba n niba,
Yi kan go jie i fe kelima yi tuona
Leni yin tiendi n po yaa tuonbiadi yeni po.
N baa ñani yi siiga yaa niba n pia ti japaadi boncianla.
Yi japaadi baa baa u bianu n joagagidikaali po.
12N baa kubi yi siiga taliginba
Leni bi yumiindanba,
Yaaba n bili bi dugidi o Diedo kani,
Ki baa yaa lingi bi wuonkaanu n kani.
13Isidayeli yaaba, yaaba n baa sieni
Kan go tieni kuli yaala n ki tiegi,
Bi kan go pua faama,
Janbi maama mo kan go yaa ye bi ñoana nni.
Lani, bi baa fidi ki yaa di ki go goa bonŋanla,
Ke oba kuli kan yagi bi yama mo.» #Doa 14.5.
U Tienu baa guani ki ŋanbi Jerusalemi
14Mangi mani yi pala, yinba Siyon yaaba!
Yigini mani i pamandanyigimi, yinba Isidayeli yaaba!
Mangi mani yi pala hali boncianla,
Yinba Jerusalemi dogu yaaba!
15O Diedo kagidi yi po wan den teni
Ke yaa fala n ŋua yi,
O deli ki yaani yi yibalinba.
Wani o Diedo, yua n tie Isidayeli bado ye yi siiga,
Yin da go jie ke falaba kuli baa ti cua.
16Lanyogunu, bi baa yaa maadi
Jerusalemi dogu nni ki tua:
«Yin da jie mani!
Siyon yaaba, yi gbani n da go wudi!
17O Diedo yi Tienu ye yi siiga,
Ki tie yaa jakoando n faabidi.
O baa teni yin tua o pamanli bonla.
O buama yi po teni ke o baa pa yi mi yepanma.
O yiini ki kpaani leni li pamanli kelima yi po,
18Nani mi jaanma daali yeni.»
O Diedo yedi:
«N baa paadi yi leni fala,
Ki go paadi yi leni yaa fe n den ŋua yi.
19Diidi, lanyogunu n baa faligi yaaba n den mabindi yi.
N baa faabi n niba,
Yaaba n ki den baadi todima nani yaa pe n duugi yeni.
N baa guani ki kpeninni ban
Den gedini n niba yaaba ti yonbidi,
N baa teni ban guani ki baa
Ti kpiagidi, bi yela mo n ña,
Ban den laa i fe naankani kuli.
20Lanyogunu n baa guani ki kpeninni yi.
Li baa yaa tie min baa guani
Ki taani yi yaa yogunu.
Yi baa le ke n lebidi yi yema,
Ki teni yin guani ki baa yi kpiagidi,
Yi yela mo n ña li ŋandunli nibuoli nni kuli.»
Mini o Diedo n yedi yeni.
Currently Selected:
Sofoni 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Sofoni 3
3
Jerusalemi dogu fala leni u faabima
3
Jerusalemi yaaba yie kaa cengi U Tienu yiinu
1Fala n baa bi niyiekaaba dogu,
Yuu n joagini ki pia ki mabinga yeni.
2Baa cengi o Diedo maama,
Baa tuo o tundi.
Baa bili bi dugidi o kani,
Baa lingi U Tienu todima.
3Bi yudanba tie nani yaa yangbanli
N gaandi ki duni,
Bi bujiaba tie nani yaa fuasangbanli
N yen goadi ku ñiagu,
Ki co li bonla ki ŋmani likuli
Kaa baa sieni liba mi faama po.
4U saawalipuaba tie japaadanba
Leni jajanbidiniba.
U kopadicianba joagini yaala n gagidi ki ŋani,
Ki miidi o bali maama mo.
5Ama o Diedo nan ye Jerusalemi,
Ki tiendi yaala n tiegi,
Kaa tiendi kuli yaala n bia.
Fiifaama kuli, o ja yaa buudi n tiegi,
Ki naa jidi ba dayenli.
Ama ba leni lani kuli,
Bi nibiadiba tiendi yaala n bia,
Kaa gba fe li po.
6O Diedo yedi:
«N bolini i nilanbuoli boncianla,
Ki mudi bi kaanpaali toadiefoaga.
N teni ke oba kuli ki go tagi bi sani.
N jugi bi dogi ki teni ke nilo ki go tagi likani,
Ki bagi nilo n go yaa kaa likani.
7N den tama ke li yaa puoli,
N niba baa fangi nni ki tuo n tundi,
Ke n kan bolini bi dogu.
Ama likani yaaba pugini
Ki tiendi yaala n bia bebe.
8Li tie lani yaa po yo,
Ke mini o Diedo yedi:
‹Yin guudi mani,
Min baa cua yaa daali
Ki waani yi ke yi nani.
N jagi ke n baa taani i nibuoli kuli
Leni mi diema niba kuli,
Ki teni ke ban bandi n pabienli n bia maama,
Kelima n pabienli mu baa buoni
Ki tinga kuli.› »
U Tienu baa lebidi i nilanbuoli pala
9O Diedo go yedi:
«Lani, n baa lebidi i nilanbuoli niba maama
Ki teni man tua maŋanma.#3.9 I nilanbuoli ñoana den joagini U Tienu po, kelima bi den taagi i buli yela.
Bi baa yaa ŋua mini Li Miali Diedo bebe
Ki kpiagidi nni leni payenli.
10Ba n niba yaaba n yadi
Ki ban ye hali yaa kaani n foagi,
Ki pendi Etiopi kpeni,
Bani mo baa yaa kpendinni n po bu paabu.
11Lanyogunu, yinba n niba,
Yi kan go jie i fe kelima yi tuona
Leni yin tiendi n po yaa tuonbiadi yeni po.
N baa ñani yi siiga yaa niba n pia ti japaadi boncianla.
Yi japaadi baa baa u bianu n joagagidikaali po.
12N baa kubi yi siiga taliginba
Leni bi yumiindanba,
Yaaba n bili bi dugidi o Diedo kani,
Ki baa yaa lingi bi wuonkaanu n kani.
13Isidayeli yaaba, yaaba n baa sieni
Kan go tieni kuli yaala n ki tiegi,
Bi kan go pua faama,
Janbi maama mo kan go yaa ye bi ñoana nni.
Lani, bi baa fidi ki yaa di ki go goa bonŋanla,
Ke oba kuli kan yagi bi yama mo.» #Doa 14.5.
U Tienu baa guani ki ŋanbi Jerusalemi
14Mangi mani yi pala, yinba Siyon yaaba!
Yigini mani i pamandanyigimi, yinba Isidayeli yaaba!
Mangi mani yi pala hali boncianla,
Yinba Jerusalemi dogu yaaba!
15O Diedo kagidi yi po wan den teni
Ke yaa fala n ŋua yi,
O deli ki yaani yi yibalinba.
Wani o Diedo, yua n tie Isidayeli bado ye yi siiga,
Yin da go jie ke falaba kuli baa ti cua.
16Lanyogunu, bi baa yaa maadi
Jerusalemi dogu nni ki tua:
«Yin da jie mani!
Siyon yaaba, yi gbani n da go wudi!
17O Diedo yi Tienu ye yi siiga,
Ki tie yaa jakoando n faabidi.
O baa teni yin tua o pamanli bonla.
O buama yi po teni ke o baa pa yi mi yepanma.
O yiini ki kpaani leni li pamanli kelima yi po,
18Nani mi jaanma daali yeni.»
O Diedo yedi:
«N baa paadi yi leni fala,
Ki go paadi yi leni yaa fe n den ŋua yi.
19Diidi, lanyogunu n baa faligi yaaba n den mabindi yi.
N baa faabi n niba,
Yaaba n ki den baadi todima nani yaa pe n duugi yeni.
N baa guani ki kpeninni ban
Den gedini n niba yaaba ti yonbidi,
N baa teni ban guani ki baa
Ti kpiagidi, bi yela mo n ña,
Ban den laa i fe naankani kuli.
20Lanyogunu n baa guani ki kpeninni yi.
Li baa yaa tie min baa guani
Ki taani yi yaa yogunu.
Yi baa le ke n lebidi yi yema,
Ki teni yin guani ki baa yi kpiagidi,
Yi yela mo n ña li ŋandunli nibuoli nni kuli.»
Mini o Diedo n yedi yeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.