Nahumi 3
3
Bi nikpaanba dogu Ninivi bodi
1Fala baa yaa ye leni yaa dogu
Yaa niba n wuliti mi soama,
Kelima bi dogu gbie mi faama leni ku tugumoangu.
Laa dogu nni kan gbeni febu leni janbi mo.
2U dogu nni, i fibi mua,
Ti toateliti kaanda mua waliwali,
I taami tiini ke ti toateliti mo yugidi ki tuani.
3Bi tanjagiba tiini ki caa mi janjanma po,
Ke bi jugisiemu pelini, ke bi kpaana mo ñuliti.
Yaaba n poagili yabi ki kandi,
Ke yaaba n kpe kaa pia coali duogi duogi biyaba po.
Bi niba tuudi bi tinkpiba ki baali.
Ninivi yaaba laa i fe
4Ninivi dogu tie puoconconli,
Yua n lidi bi niba yama leni o ŋamu.
O boandi mi diema boncianla leni o conconma,
Ki boandi i nibuoli boncianla leni o yanlidiga#3.4 Yanlidiga tie yankuagoe..
5Li Miali Diedo U Paaciamu Kuli Daano yedi:
«Li tie lani yaa po yo ke n baa fii ki sedi a po.
N baa kaadi a tiayiekaadi,
Ki teni i nibuoli kuli n le a mubima.
I nibuoli kuli baa le a fe.
6N baa wuli a po ti baadi ki cagini a.
Bi niba kuli baa le ŋa ki kpaagi li po.
7Yeni, yaaba n baa le ŋa kuli baa sani ki foagidi leni a,
Ki yedi: ‹Ninivi dogu bodi.
Ŋme nan baa mua likani yaaba po?
Yaaba n baa baagi ba nan baa ña le?› »
Ninivi baa bodi nani Tebesi dogu yeni
8Ninivi yaaba, naani yinba n cie Tebesi yaaba,
Bani yaaba yaa dogu n den miabi
U kpenciamu Nili kpentaana siiga,
Ke mi ñima lindi ki cebini u,
Ki guu nani u bilinciamu yeni?
9Bi jigi den tie Etiopi leni Ejipiti diema
N den kpendinni bi po yaa ŋalimano n ki pia bianu yene.
Puti leni Libi yaaba den tie bi todikaaba.
10Ama ba leni lani kuli, bi den gedini ba ti yonbidi,
Ki kpa bi bila a sankada nni kuli,
Ki toani tiatia bi badiba ki boagidi bi ŋmiali nni,
Ki kpaa mi diema bulicinba kuli ti kpaadi.
11Yinba Ninivi yaaba moko baa le
Fala hali ki yaa cuoni
Ki fuundi nani yi ñuni ki gaadi yeni.
Yimoko baa sani ki liini u wuonkaanu
Ki bua ki ciadi yi yibalinba.
Ninivi yaaba kan go fidi ki mua jama
12Yi kaanpaali kuli tie kankankpiala,
Bi yaa yoagi bu kankanbu,
A baa baa yua n bua ki ŋmani a ñoabu nni.
13Yi jakoanda tie nani bi puoba yeni.
Yi diema buliñoana luodi ŋani aba yibali nintuali,
Kelima u mu bolini a buliñoana sendabila.
14Luuni mani mi ñima ki bogini yi yibalinba
N baa ti gaani ki cebini yi dogu yaa yogunu po.
Ŋanbi mani yi kaanpaali bilinciami,
Ŋmaa mani ti tandi,
Ki pua i tankonkuomi.
Ninivi yaaba sani ki bodi nani a tobiñaana yeni
15Lankane ke u mu baa bolini yi cain,
Ki jugisiega n kpa yi,
Yin bodi nani a tobiñaana n ŋmani yaa faadi yeni.
16Yi kpenda den yabi ki cie tanpoli ŋmabila.
Bi den naani leni yaa tobiñaana n yugi.
Moala bi ye le?
17Yi guudikaaba den yabi nani a dondoba yeni,
Yi bado naacenba mo nani yaa naaci kuli n jiidi,
Ki maani ti fatudi po ti wadi yogunu yeni,
U yienu yaa paagi, ban yugi ki bodi,
Oba kan bandi ban teli naani.
18Fini Asiiri bado, a guveneerinba kpe,
A jakoanda guani ki kan go fundi.
A niba yadi a juana nni,
Oba mo kan gobidi ki taani ba.
19Yaa yema n ŋmaa yi yeni, gaapo ki ye,
A poagilima yeni baa ñani a miali.
Yaaba n gbadi a bolinma laabaalo kuli
Pua ti nupodi ki mangi bi pala,
Kelima a biadima naa den pia kuli man lagidi yua.
Currently Selected:
Nahumi 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Nahumi 3
3
Bi nikpaanba dogu Ninivi bodi
1Fala baa yaa ye leni yaa dogu
Yaa niba n wuliti mi soama,
Kelima bi dogu gbie mi faama leni ku tugumoangu.
Laa dogu nni kan gbeni febu leni janbi mo.
2U dogu nni, i fibi mua,
Ti toateliti kaanda mua waliwali,
I taami tiini ke ti toateliti mo yugidi ki tuani.
3Bi tanjagiba tiini ki caa mi janjanma po,
Ke bi jugisiemu pelini, ke bi kpaana mo ñuliti.
Yaaba n poagili yabi ki kandi,
Ke yaaba n kpe kaa pia coali duogi duogi biyaba po.
Bi niba tuudi bi tinkpiba ki baali.
Ninivi yaaba laa i fe
4Ninivi dogu tie puoconconli,
Yua n lidi bi niba yama leni o ŋamu.
O boandi mi diema boncianla leni o conconma,
Ki boandi i nibuoli boncianla leni o yanlidiga#3.4 Yanlidiga tie yankuagoe..
5Li Miali Diedo U Paaciamu Kuli Daano yedi:
«Li tie lani yaa po yo ke n baa fii ki sedi a po.
N baa kaadi a tiayiekaadi,
Ki teni i nibuoli kuli n le a mubima.
I nibuoli kuli baa le a fe.
6N baa wuli a po ti baadi ki cagini a.
Bi niba kuli baa le ŋa ki kpaagi li po.
7Yeni, yaaba n baa le ŋa kuli baa sani ki foagidi leni a,
Ki yedi: ‹Ninivi dogu bodi.
Ŋme nan baa mua likani yaaba po?
Yaaba n baa baagi ba nan baa ña le?› »
Ninivi baa bodi nani Tebesi dogu yeni
8Ninivi yaaba, naani yinba n cie Tebesi yaaba,
Bani yaaba yaa dogu n den miabi
U kpenciamu Nili kpentaana siiga,
Ke mi ñima lindi ki cebini u,
Ki guu nani u bilinciamu yeni?
9Bi jigi den tie Etiopi leni Ejipiti diema
N den kpendinni bi po yaa ŋalimano n ki pia bianu yene.
Puti leni Libi yaaba den tie bi todikaaba.
10Ama ba leni lani kuli, bi den gedini ba ti yonbidi,
Ki kpa bi bila a sankada nni kuli,
Ki toani tiatia bi badiba ki boagidi bi ŋmiali nni,
Ki kpaa mi diema bulicinba kuli ti kpaadi.
11Yinba Ninivi yaaba moko baa le
Fala hali ki yaa cuoni
Ki fuundi nani yi ñuni ki gaadi yeni.
Yimoko baa sani ki liini u wuonkaanu
Ki bua ki ciadi yi yibalinba.
Ninivi yaaba kan go fidi ki mua jama
12Yi kaanpaali kuli tie kankankpiala,
Bi yaa yoagi bu kankanbu,
A baa baa yua n bua ki ŋmani a ñoabu nni.
13Yi jakoanda tie nani bi puoba yeni.
Yi diema buliñoana luodi ŋani aba yibali nintuali,
Kelima u mu bolini a buliñoana sendabila.
14Luuni mani mi ñima ki bogini yi yibalinba
N baa ti gaani ki cebini yi dogu yaa yogunu po.
Ŋanbi mani yi kaanpaali bilinciami,
Ŋmaa mani ti tandi,
Ki pua i tankonkuomi.
Ninivi yaaba sani ki bodi nani a tobiñaana yeni
15Lankane ke u mu baa bolini yi cain,
Ki jugisiega n kpa yi,
Yin bodi nani a tobiñaana n ŋmani yaa faadi yeni.
16Yi kpenda den yabi ki cie tanpoli ŋmabila.
Bi den naani leni yaa tobiñaana n yugi.
Moala bi ye le?
17Yi guudikaaba den yabi nani a dondoba yeni,
Yi bado naacenba mo nani yaa naaci kuli n jiidi,
Ki maani ti fatudi po ti wadi yogunu yeni,
U yienu yaa paagi, ban yugi ki bodi,
Oba kan bandi ban teli naani.
18Fini Asiiri bado, a guveneerinba kpe,
A jakoanda guani ki kan go fundi.
A niba yadi a juana nni,
Oba mo kan gobidi ki taani ba.
19Yaa yema n ŋmaa yi yeni, gaapo ki ye,
A poagilima yeni baa ñani a miali.
Yaaba n gbadi a bolinma laabaalo kuli
Pua ti nupodi ki mangi bi pala,
Kelima a biadima naa den pia kuli man lagidi yua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.