Levi 16
16
Ti tuonbiadi sugili miabu dacianli bali maama
1O Diedo den maadi leni Musa, Alono bijaliediba yaaba n den kua o Diedo nintuali ki kpe yeni kuuma puoli po. 2O den yedi Musa: «Waani a kpelo Alono, ke wan da koa u kaangagidiŋanmoanu nni yogunu kuli. Wan da kandi bu kpalidoaginkaabu ki pundi ku ŋantaadikpaku leni ku biili yaali n gagidi yeni kani. Yeni yaa ka o baa kpe, kelima n baa doagidi lankani li biili yeni po, ku tawaligu nni. #Heb 6.19.
3Diidi Alono n baa fidi ki kua u kaangagidiŋamu nni maama nne: O baa baa li naatonli ti tuonbiadi sugili miabu padili po leni li petonli li padijuukaali po. #Heb 9.7. 4O baa la li kopadician-badiliadili yaali n tie len, ki yaa soali yaa kpataali n tie len, ki ñagini yaa cabiñaginkaali n tie len, ki fini yaa finfingu n tie len. O baa yie o kopadiciamo tiayiegagidikaadi kuli, ama se wan kpa wali hali bonŋanla. 5Lanwani, Isidayeli nitaanli yaaba kuli baa teni o ŋuabuanalie, i candanbaani padili po leni petonyenli li padijuukaali po.
6Alono baa kpa padi li naatonli ti tuonbiadi sugili miabu padili po, ki mia sugili o yuli po leni o diegu yaaba kuli po. 7Li ya puoli, Alono baa taa a ŋuabualieda yeni, ki sieni a o Diedo nintuali u Kadikaanu Gbandieli buliñoabu kani. 8O baa toa tiatia a ŋuabualieda yeni po, ki bandi wan baa taa yua o Diedo po leni wan baa taa yua Asaseli po. 9Alono baa taa tiatia n cuo yaa ŋuabuali o Diedo po yeni, ki padi li ti candandi po. 10Ban toani tiatia ki li cuo yaa ŋuabuali ke li tie Asaseli po yeni, bi baa taa li ke li fo ki sieni o Diedo nintuali ti tuonbiadi sugili miabu po. Bi baa yuandi ki gedini li mi fanpienma nni, ki deli ki yaani li, lin bodi cain.
11Alono baa padi o naatonli ti tuonbiadi sugili miabu po leni o diegu nni yaaba kuli po. O baa kodi o naatonli ti tuonbiadi sugili miabu po. 12Lani, o baa taa ku fantanpientiagu ke ku gbie leni yaa mukuana n ñani yaa padibinbinli n se o Diedo nintuali yeni yuli po leni a dugibila yaa yoma nukulalie. O baa taa lani kuli ki kua u Kadikaanu Gbandieli nni ki kandi bu kpalidoaginkaabu, 13ki tieni a dugibila a mukuanmoana po o Diedo nintuali, yaa muñii n pia u nuulumanu baa n pini ku ŋantaadikpaku biili yeni yuli. Lani n tie wan da kpe. 14Li yaa puoli, o baa tuu li naatonli soama leni o nubili, ki mii mii ma ku kpaku biili nintuali, naankani n tiegi puoli po yeni. O baa tuu mi soama leni o nubili, ki mii ma taalimilele ku kpaku biili nintuali. 15O baa kodi ti tuonbiadi sugili miabu ŋuabuali bi niba po, ki taa li soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa mii mi soama ku kpaku biili po leni li nintuali. #Heb 9.12. 16O baa tieni yeni ki mia sugili u kaangagidiŋamu po, kelima Isidayeli yaaba joagindi, bi biadima leni bi tuonbiadi kuli po. O baa tieni yeni leni u Kadikaanu Gbandieli, yaali n ye leni ba, bi joagindi nni. 17Alono yaa kua u kaangagidiŋamu nni ki baa mia sugili yaa yogunu, oba kuli kan yaa ye u Kadikaanu Gbandieli nni, hali wan baa ña. O baa padi ki mia sugili wani o ba leni o diegu yaaba kuli po leni Isidayeli nitaanli kuli po.
18O baa ña yaa padibinbinli n se o Diedo nintuali yeni kani, ki mia sugili li padibinbinli po. O baa taa li naatonli yeni leni li ŋuabuali yeni soama, ki duuni ma li padibinbinli yina po leni li lindima kuli. 19O baa mii li padibinbinli po taalimilele leni o nubili, ti tuonbiadi sugili miabu soama. O baa gagidi ki ŋanbi li, kelima Isidayeli yaaba yeni joagindi po.
20Alono yaa tieni ti tuonbiadi sugili miabu padili u kaangagidiŋanmoanu po, u Kadikaanu Gbandieli po leni li padibinbinli po kuli ki gbeni, o baa teni ban cuani yaa ŋuabuali n fo yeni. 21Alono baa maani o niliedi li ŋuabuafuodili yeni yuli po, ki togidi Isidayeli yaaba tagili, bi biadima leni bi tuonbiadi kuli. O baa maani likuli li ŋuabuali yeni yuli po, ki teni ban gedini li mi fanpienma nni. Lani, o baa teni li, yua n baa deli ki yaani li mi fanpienma nni. 22Li ŋuabuali baa tugi laa tagili kuli ki gedi ki tinkuonga nni. Bi baa deli ki gedini li mi fanpienma nni. 23Li yaa puoli, Alono baa kua u Kadikaanu Gbandieli nni, ki landi wan bi la len tiadi yaadi yeni kuli, ki kua u kaangagidiŋamu nni, ki bili ti kuli lankani. #Esk 44.19. 24O baa wali yaa kaanu n gagidi nni, ki la o tiafandi. Li puoli, o baa ña ki padi wani o ba yaa padijuukaali leni o niba yaa padijuukaali. O baa mia sugili wani o ba leni o niba kuli po. 25O baa juu ti tuonbiadi padiyanga yeni kpama li padibinbinli po.
26Yua n deli ki yaani Asaseli ŋuabuali yeni, baa ŋuudi o tiadi ki wali, lani n tie wan fidi ki kua li nagili nni. 27Lani, bi baa taa ti tuonbiadi padili naatonli leni li ŋuabuali yeni nandi, ki ñani li nagili nni. Li tie ban den gedini yaa yandi yaa soama u kaangagidiŋamu nni, ki baa sugili. Bi baa juu ki buoni ti nandi, ti gbandi leni ti nuadi kuli. #Heb 13.11. 28Yua n juu ki buoni ti padiyandi yeni baa ŋuudi o tiadi, ki wali. Lani, o baa fidi ki guani ki kua li nagili nni.
29Line n tie yaa bali maama n kan pendi abada. Cilele dapiiga, yi baa loli yi ñoana, ki waani yi yula fala. Yi kan soani tuonliba kuli, ba u dogu maabiga, bi yaa caano n kaa yi siiga kan soani tuonliba kuli, #Lev 23.26-32; Coa 29.7-11. 30kelima li tie landaale ke bi baa mia yi po sugili ki ŋanbi yi. Yi baa baa mi ŋuudima yi tuonbiadi kuli po, ki yaa ŋani o Diedo nintuali. 31Landaali baa yaa tie yi po fuodima daali. Yi baa loli yi ñoana, ki waani yi yula fala. Li tie yaa bali maama n kan pendi abada.
32Yaa kopadiciamo n baa baa mi gagidima sogima, ban baa gagidi yua wan lebidi o baa li kopadiciantuonli nni yeni, wani n baa mia yi po sugili landaali. O baa la yaa tiayiekaadi n tie len, tini yaadi n tie tiagagidikaadi yeni. 33O baa mia sugili u kaangagidiŋamu po, u Kadikaanu Gbandieli po leni li padibinbinli po. O baa mia sugili bi kopadicianba kuli po leni li nitaanli kuli po. 34Li baa yaa tie yi po yaa bali maama n kan pendi abada. O baa padi ti tuonbiadi sugili miabu padili binli kuli yenma, kelima Isidayeli yaaba yaa tuonbiadi po.»
Bi den tieni o Diedo n den waani Musa yaala kuli.
Currently Selected:
Levi 16: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Levi 16
16
Ti tuonbiadi sugili miabu dacianli bali maama
1O Diedo den maadi leni Musa, Alono bijaliediba yaaba n den kua o Diedo nintuali ki kpe yeni kuuma puoli po. 2O den yedi Musa: «Waani a kpelo Alono, ke wan da koa u kaangagidiŋanmoanu nni yogunu kuli. Wan da kandi bu kpalidoaginkaabu ki pundi ku ŋantaadikpaku leni ku biili yaali n gagidi yeni kani. Yeni yaa ka o baa kpe, kelima n baa doagidi lankani li biili yeni po, ku tawaligu nni. #Heb 6.19.
3Diidi Alono n baa fidi ki kua u kaangagidiŋamu nni maama nne: O baa baa li naatonli ti tuonbiadi sugili miabu padili po leni li petonli li padijuukaali po. #Heb 9.7. 4O baa la li kopadician-badiliadili yaali n tie len, ki yaa soali yaa kpataali n tie len, ki ñagini yaa cabiñaginkaali n tie len, ki fini yaa finfingu n tie len. O baa yie o kopadiciamo tiayiegagidikaadi kuli, ama se wan kpa wali hali bonŋanla. 5Lanwani, Isidayeli nitaanli yaaba kuli baa teni o ŋuabuanalie, i candanbaani padili po leni petonyenli li padijuukaali po.
6Alono baa kpa padi li naatonli ti tuonbiadi sugili miabu padili po, ki mia sugili o yuli po leni o diegu yaaba kuli po. 7Li ya puoli, Alono baa taa a ŋuabualieda yeni, ki sieni a o Diedo nintuali u Kadikaanu Gbandieli buliñoabu kani. 8O baa toa tiatia a ŋuabualieda yeni po, ki bandi wan baa taa yua o Diedo po leni wan baa taa yua Asaseli po. 9Alono baa taa tiatia n cuo yaa ŋuabuali o Diedo po yeni, ki padi li ti candandi po. 10Ban toani tiatia ki li cuo yaa ŋuabuali ke li tie Asaseli po yeni, bi baa taa li ke li fo ki sieni o Diedo nintuali ti tuonbiadi sugili miabu po. Bi baa yuandi ki gedini li mi fanpienma nni, ki deli ki yaani li, lin bodi cain.
11Alono baa padi o naatonli ti tuonbiadi sugili miabu po leni o diegu nni yaaba kuli po. O baa kodi o naatonli ti tuonbiadi sugili miabu po. 12Lani, o baa taa ku fantanpientiagu ke ku gbie leni yaa mukuana n ñani yaa padibinbinli n se o Diedo nintuali yeni yuli po leni a dugibila yaa yoma nukulalie. O baa taa lani kuli ki kua u Kadikaanu Gbandieli nni ki kandi bu kpalidoaginkaabu, 13ki tieni a dugibila a mukuanmoana po o Diedo nintuali, yaa muñii n pia u nuulumanu baa n pini ku ŋantaadikpaku biili yeni yuli. Lani n tie wan da kpe. 14Li yaa puoli, o baa tuu li naatonli soama leni o nubili, ki mii mii ma ku kpaku biili nintuali, naankani n tiegi puoli po yeni. O baa tuu mi soama leni o nubili, ki mii ma taalimilele ku kpaku biili nintuali. 15O baa kodi ti tuonbiadi sugili miabu ŋuabuali bi niba po, ki taa li soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa mii mi soama ku kpaku biili po leni li nintuali. #Heb 9.12. 16O baa tieni yeni ki mia sugili u kaangagidiŋamu po, kelima Isidayeli yaaba joagindi, bi biadima leni bi tuonbiadi kuli po. O baa tieni yeni leni u Kadikaanu Gbandieli, yaali n ye leni ba, bi joagindi nni. 17Alono yaa kua u kaangagidiŋamu nni ki baa mia sugili yaa yogunu, oba kuli kan yaa ye u Kadikaanu Gbandieli nni, hali wan baa ña. O baa padi ki mia sugili wani o ba leni o diegu yaaba kuli po leni Isidayeli nitaanli kuli po.
18O baa ña yaa padibinbinli n se o Diedo nintuali yeni kani, ki mia sugili li padibinbinli po. O baa taa li naatonli yeni leni li ŋuabuali yeni soama, ki duuni ma li padibinbinli yina po leni li lindima kuli. 19O baa mii li padibinbinli po taalimilele leni o nubili, ti tuonbiadi sugili miabu soama. O baa gagidi ki ŋanbi li, kelima Isidayeli yaaba yeni joagindi po.
20Alono yaa tieni ti tuonbiadi sugili miabu padili u kaangagidiŋanmoanu po, u Kadikaanu Gbandieli po leni li padibinbinli po kuli ki gbeni, o baa teni ban cuani yaa ŋuabuali n fo yeni. 21Alono baa maani o niliedi li ŋuabuafuodili yeni yuli po, ki togidi Isidayeli yaaba tagili, bi biadima leni bi tuonbiadi kuli. O baa maani likuli li ŋuabuali yeni yuli po, ki teni ban gedini li mi fanpienma nni. Lani, o baa teni li, yua n baa deli ki yaani li mi fanpienma nni. 22Li ŋuabuali baa tugi laa tagili kuli ki gedi ki tinkuonga nni. Bi baa deli ki gedini li mi fanpienma nni. 23Li yaa puoli, Alono baa kua u Kadikaanu Gbandieli nni, ki landi wan bi la len tiadi yaadi yeni kuli, ki kua u kaangagidiŋamu nni, ki bili ti kuli lankani. #Esk 44.19. 24O baa wali yaa kaanu n gagidi nni, ki la o tiafandi. Li puoli, o baa ña ki padi wani o ba yaa padijuukaali leni o niba yaa padijuukaali. O baa mia sugili wani o ba leni o niba kuli po. 25O baa juu ti tuonbiadi padiyanga yeni kpama li padibinbinli po.
26Yua n deli ki yaani Asaseli ŋuabuali yeni, baa ŋuudi o tiadi ki wali, lani n tie wan fidi ki kua li nagili nni. 27Lani, bi baa taa ti tuonbiadi padili naatonli leni li ŋuabuali yeni nandi, ki ñani li nagili nni. Li tie ban den gedini yaa yandi yaa soama u kaangagidiŋamu nni, ki baa sugili. Bi baa juu ki buoni ti nandi, ti gbandi leni ti nuadi kuli. #Heb 13.11. 28Yua n juu ki buoni ti padiyandi yeni baa ŋuudi o tiadi, ki wali. Lani, o baa fidi ki guani ki kua li nagili nni.
29Line n tie yaa bali maama n kan pendi abada. Cilele dapiiga, yi baa loli yi ñoana, ki waani yi yula fala. Yi kan soani tuonliba kuli, ba u dogu maabiga, bi yaa caano n kaa yi siiga kan soani tuonliba kuli, #Lev 23.26-32; Coa 29.7-11. 30kelima li tie landaale ke bi baa mia yi po sugili ki ŋanbi yi. Yi baa baa mi ŋuudima yi tuonbiadi kuli po, ki yaa ŋani o Diedo nintuali. 31Landaali baa yaa tie yi po fuodima daali. Yi baa loli yi ñoana, ki waani yi yula fala. Li tie yaa bali maama n kan pendi abada.
32Yaa kopadiciamo n baa baa mi gagidima sogima, ban baa gagidi yua wan lebidi o baa li kopadiciantuonli nni yeni, wani n baa mia yi po sugili landaali. O baa la yaa tiayiekaadi n tie len, tini yaadi n tie tiagagidikaadi yeni. 33O baa mia sugili u kaangagidiŋamu po, u Kadikaanu Gbandieli po leni li padibinbinli po. O baa mia sugili bi kopadicianba kuli po leni li nitaanli kuli po. 34Li baa yaa tie yi po yaa bali maama n kan pendi abada. O baa padi ti tuonbiadi sugili miabu padili binli kuli yenma, kelima Isidayeli yaaba yaa tuonbiadi po.»
Bi den tieni o Diedo n den waani Musa yaala kuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.