Levi 13
13
Mi gbaadima bali maama
1O Diedo go den maadi Musa leni Alono ki yedi: 2«O nilo yaa sua ke o gbanu pia maalima, bi caliga bi yaa legipienli n naani leni mi gbaadima, ban cuani o o kopadiciamo Alono kani, yaa ka o bijaba yaaba n tie bi kopadicianba yeni siiga nni yendo kani. 3O kopadiciamo baa diidi li legili yeni bonŋanla, o nilo yeni gbanu po. O yaa sua ke li legili yeni kobidi pieni, bi ke likani gbangu mia, li tie gbaadima yaa legile. Yaa kopadiciamo n biigi o yeni baa doagidi ki waani ke laa nilo joagini. 4O yaa sua ke li legili yeni gbangu naa mia, ke li kobidi mo ki pieni, o kopadiciamo yeni baa piadi ki luoni yaa nilo n pia li legili yeni hali danalele. 5Li daleleeli, o kopadiciamo baa diidi o bonŋanla. O yaa sua ke li legili yeni naa talini ki pugini o gbanu po, o baa piadi ki luoni o miliema hali danalele goga. 6Li daleleeli, o kopadiciamo go baa diidi o miliema. O yaa sua ke li legili bua ki bodi, ke laa pugidi o gbanu po, o kopadiciamo baa doagidi ki waani ke o nilo yeni ŋani, ke li tie calimu bebe. O nilo yeni baa ŋuudi o tiadi, ki ŋanbi cain. 7Ama yaa nilo n den waani o kopadiciamo o calimu leni o legili yeni, ke o kopadiciamo doagidi ki waani o ke o ŋani yeni, yaa yuandi ki sua ke li legili talini o gbanu po, o baa gedi o kopadiciamo kani miliema. O kopadiciamo go baa diidi o calimu. 8O yaa sua ke mu calimu yeni talini o nilo yeni gbanu po, o kopadiciamo baa doagidi ki waani ke o nilo yeni joagini. Li tie gbaadime.
9Mi gbaadima legili yaa ye nilo gbanu po, bi baa gedini o o kopadiciamo kani, wan diidi o bonŋanla. 10O gbanu yaa pia yaa maalima n pieni, ke likani kobidi mo pendi, ke li legili yeni gbangu moandi, li tie ke o gbaadikpelima n fii o gbanu nni. 11O kopadiciamo baa doagidi ki waani ke o joagini, o kan piadi ki luoni o, kelima li doagidi ke o joagini. 12Mi gbaadima daano yeni gbanu po kuli yaa tieni mu calimu, ki cili o yuli po ki jiidi hali o taana po, o kopadiciamo n diidi o naankani kuli yaa pia mu calimu, 13o kopadiciamo yeni yaa laa ke mu calimu loni o gbanu kuli, o baa doagidi ki waani ke o nilo yeni ŋani, kelima o gbanu kuli n pendi maama yeni, o ŋani. 14Ama yaa daali ke bi diidi ki laa ke o nilo yeni gbanu cili ki tieni a legimoana, laa nilo joagini. 15O kopadiciamo yaa laa a legimoana yeni, o baa doagidi ki waani ke o nilo yeni joagini. Yaa gbanandi n pia a legimoana yeni joagini, kelima li tie gbaadima. 16A legimoana yeni yaa lebidi ki pendi, o nilo yeni baa gedi ki waani o kopadiciamo. 17O kopadiciamo baa diidi o bonŋanla, o yaa sua ke a lega yeni kuli pendi, o baa doagidi ki waani ke o nilo yeni lega ŋanbi, ke o nilo yeni mo ŋani.
18O nilo yeni yaa den pia li sinakpinli ke li soangi, 19o yaa sua ke li sinakpinli n den ye naani yeni moali ki pieni, bi li yaa tieni li legimoanli, wan gedi ki waani o kopadiciamo. 20O kopadiciamo baa diidi o bonŋanla. O yaa sua ke li legili yeni kobidi pendi, o baa doagidi ki waani ke o nilo yeni joagini, kelima gbaadima yaa legile, yaali n legidi li sinakpinli yeni yaa nayiagu nni. 21Ama o kopadiciamo yaa laa ke li legili naa pia kobipiendi, ke li gbangu mo naa mia, ke yaala n bi moani yeni bua ki bodi, o baa piadi ki luoni li daano hali danalele. 22Lani, o yaa sua ke li legili yeni talini o nilo yeni gbanu po, o baa doagidi ki waani ke o nilo yeni joagini. Li tie gbaadima yaa legili. 23Ama o yaa sua ke li legili se yenma ki naa talini, li tie sinakpinli yaa nayiagu bebe. O baa doagidi ki waani ke o nilo yeni ŋani.
24Li yaa tie ke o nilo gbanu po pia yaa kaanu n kabi ki boandi kelima u mu n fuli o likani, ke li kaanu cili ki tieni yaa legili n pieni, yaa ka yaali n moani, o kopadiciamo baa biigi li legili yeni. 25Li legili yeni kobidi yaa pendi ke li gbangu mo mia, li tie mi gbaadima n doagidi u mu n fuli ki kabi o gbanu naani yeni. O kopadiciamo baa doagidi ki waani ke o nilo yeni joagini, kelima li tie gbaadima yaa legile. 26O kopadiciamo yaa laa ke li legili kobidi naa pendi, ke li gbangu mo naa mia, ke yaala n moani mo bua ki bodi, o baa piadi ki luoni o nilo yeni danalele. 27Li daleleeli, o kopadiciamo go baa diidi o nilo yeni bonŋanla. O yaa sua ke li legili yeni talini, o kopadiciamo baa doagidi ki waani ke o nilo yeni joagini. Li tie gbaadima yaa legili. 28Ama o yaa sua ke li legili se yenma ki naa talini o nilo yeni gbanu po, ke yaali n moani yeni mo bua ki bodi, li tie u mu yaa juuma yaa legili bebe. O kopadiciamo baa doagidi ki waani ke o nilo yeni ŋani, kelima li tie u mu juuma yaa nayiagu bebe.
29Li yaa tie joa bi pua n pia ti naabisinkuadi o yuli po, yaa ka o langbiali po, o kopadiciamo baa diidi li legili yeni bonŋanla. 30O yaa sua ke likani gbangu mia, ke ti yudi mo ñili ki duudi, o kopadiciamo baa doagidi ki waani ke laa nilo joagini. Laa naabisinkuadi buolu tie li yuli leni li langbiali yaa gbaadime. 31O kopadiciamo yaa laa ke ti naabisinkuadi yeni lega naa mia, ke likani yudi ki boani, o baa piadi ki luoni yua n pia ti naabisinkuadi lega yeni, hali danalele. 32O kopadiciamo go baa diidi li legili yeni li daleleeli bonŋanla. O yaa sua ke li legili yeni naa talini, ke likani yudi ki duudi, ke li legili mo naa mia, 33o baa teni o nilo yeni n kuo, ama o kan kuo yaa kaanu n pia ku naabisinkuagu yeni. O kopadiciamo baa luoni o miliema hali danalele goga. 34Danalele yaa pendi, o kopadiciamo baa diidi ku naabisinkuagu yeni bonŋanla. O yaa sua ke li legili naa talini, ke likani gbangu ki mia, o baa doagidi ki waani ke o nilo yeni ŋanbi. O baa ŋuudi o tiadi, ki yuandi ki yaa ŋani cain. 35Ama ku naabisinkuagu yeni yaa talini o gbanu po, wani yua ke bi diidi o ki yedi ke o ŋani yeni, o kopadiciamo go baa guani ki diidi o bonŋanla. 36O yaa sua ke li legili yeni talini o nilo yeni gbanu po, o kopadiciamo kan go lingi yaa kobidi n duudi yaa ye likani ka, laa nilo li joagine. 37Ama o yaa sua ke li legili yeni naa talini, ke yaa yudi n boani mo pudi likani, o baa jagi ke ku naabisinkuagu yeni gbeni, o ŋanbi mo n yeni. O kopadiciamo baa doagidi ki waani ke o ŋani cain.
38Li yaa tie ke joa bi pua gbanu po pia mu calipienmu, 39o kopadiciamo baa diidi o bonŋanla. O gbanu yeni calimu yaa pendi waamu bebe, li tie ŋmaali n cuo o. Laa bia.
40Yaa nilo yuli n tie yuminminli, laa bia. 41Li yaa tie li cili o yutunli, ki yaa caa hali o yuli siiga n naa pia yudi, o tie yupidili. Laa bia. 42O nilo yuli yaa pidi puoli bi liiga, ke li pia yaa legili n pieni ki go moani, li fidi ke li tie gbaadima n doagidi li yupidili puoli bi li liiga. 43O kopadiciamo baa diidi o bonŋanla, ki le li legili yeni yaa moali ki pieni ki go moani, o yupidili yeni po, lan tie liiga bi puoli, ki naani leni mi gbaadima lega o nilo gbanu po, laa nilo tie gbaado. 44O kopadiciamo baa doagidi ki waani ke o joagini, kelima o yulega ya n ye o yupidili puoli bi li liiga yeni po.
45Gbaado kuli baa la ti tiacadinti, ki kan yaa ciibi liba. O go baa yaa pii o ñoabu, ki yaa kpaani ki tua: ‹Joagindi! Joagindi!› 46O yaa ye leni a lega yeni, o baa yaa ye leni o joagindi. Yeni, o baa piadi ki ña li nagili nni, ki ban yaa ye o bebe.
A lega ti tiayiekaadi po
47Gbaadima lega yaa ye yaa tiayiekaadi n tie pekobidi bi len po, 48bi a yaa ye yaa gaali bi yaa suobu n tie len bi pekobidi, bi a yaa go ye yaa tiagu n jabi leni ku gbangu po, 49a legimoana leni mi legiwaanuama yaa ye ti tiadi po bi ku gbangu po, bi i gaali leni u suobu po, bi yaa bonla n jabi leni ku gbangu kuli po, a tie gbaadima yaa lega yo. Bi baa waani laa tiadi o kopadiciamo. 50O kopadiciamo baa diidi ti tiadi yeni lega, ki bili ti li dieli nni, ki luoni ti hali danalele. 51Li daleleeli, o go baa diidi ti tiadi yeni lega bonŋanla. Li yaa tie gaali, bi suobu, bi gbangu, bi yaa tiadi n tie gbanjabikaadi kuli po, li tie yaa gbaadima n puodi. Ti tiadi yeni joagini. 52Ban laa a lega yaa gaali bi yaa suobu n tie len, bi ti pekobidi po, bi yaa bonla n jabi leni ti gbandi po, o baa juu ki buoni laa tiadi kuli cain, kelima li tie yaa gbaadima n puodi. 53Ama o kopadiciamo yaa laa ke li legili yeni naa talini ti tiayiekaadi yeni po, lan tie gaali bi suobu po, bi yaa bonla n jabi leni ti gbandi po, 54o baa teni ban ŋuudi u yianu yeni n cuo naankani. Lanwani, o baa piadi ki luoni ti li dieli nni hali danalele. 55Bi yaa ŋuudi ti tiadi yeni ke danalele pendi, o kopadiciamo baa diidi li legili yeni kani bonŋanla. O yaa sua ke li legili yeni naa lebidi, ki naa talini, ku tiagu yeni joagini. U yianu yeni n dini ku tiagu yeni niini bi ku tugu nni. Bi baa juu laa tiagu. 56Ama o kopadiciamo yaa laa ke bi ŋuudi ti tiadi ke li legili yeni pendi ki bua ki bodi, bi baa jia ki ñani yaa kaanu n pia li legili yeni ti tiadi po, bi ku gbangu po, i gaali bi suobu po. 57Li yaa tie ke li legili go tieni tiadi po, bi gaali bi suobu po, bi yaala n jabi leni gbangu po, li tie mi gbaadima lega n legidi ti tiadi yeni po. Bi baa juu lan cuo yaala kuli cain. 58Ban den ŋuudi yaa tiadi, yaa ka yaa gaali bi yaa suobu, yaa ka yaa bonla n jabi leni gbandi, ke a lega bodi, bi go baa ŋuudi ti miliema, lan ŋanbi cain.»
59Lani n tie yaa bali maama n ye mi gbaadima n cuo yaa tiayiekaadi, ke ti tie pekobidi, bi len, bi gaali leni suobu, bi yaala n jabi leni ti gbandi. Lani n tie yaala n baa fidi ki doagidi ki waani ke li ŋani, bi ke li joagini.
Currently Selected:
Levi 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Levi 13
13
Mi gbaadima bali maama
1O Diedo go den maadi Musa leni Alono ki yedi: 2«O nilo yaa sua ke o gbanu pia maalima, bi caliga bi yaa legipienli n naani leni mi gbaadima, ban cuani o o kopadiciamo Alono kani, yaa ka o bijaba yaaba n tie bi kopadicianba yeni siiga nni yendo kani. 3O kopadiciamo baa diidi li legili yeni bonŋanla, o nilo yeni gbanu po. O yaa sua ke li legili yeni kobidi pieni, bi ke likani gbangu mia, li tie gbaadima yaa legile. Yaa kopadiciamo n biigi o yeni baa doagidi ki waani ke laa nilo joagini. 4O yaa sua ke li legili yeni gbangu naa mia, ke li kobidi mo ki pieni, o kopadiciamo yeni baa piadi ki luoni yaa nilo n pia li legili yeni hali danalele. 5Li daleleeli, o kopadiciamo baa diidi o bonŋanla. O yaa sua ke li legili yeni naa talini ki pugini o gbanu po, o baa piadi ki luoni o miliema hali danalele goga. 6Li daleleeli, o kopadiciamo go baa diidi o miliema. O yaa sua ke li legili bua ki bodi, ke laa pugidi o gbanu po, o kopadiciamo baa doagidi ki waani ke o nilo yeni ŋani, ke li tie calimu bebe. O nilo yeni baa ŋuudi o tiadi, ki ŋanbi cain. 7Ama yaa nilo n den waani o kopadiciamo o calimu leni o legili yeni, ke o kopadiciamo doagidi ki waani o ke o ŋani yeni, yaa yuandi ki sua ke li legili talini o gbanu po, o baa gedi o kopadiciamo kani miliema. O kopadiciamo go baa diidi o calimu. 8O yaa sua ke mu calimu yeni talini o nilo yeni gbanu po, o kopadiciamo baa doagidi ki waani ke o nilo yeni joagini. Li tie gbaadime.
9Mi gbaadima legili yaa ye nilo gbanu po, bi baa gedini o o kopadiciamo kani, wan diidi o bonŋanla. 10O gbanu yaa pia yaa maalima n pieni, ke likani kobidi mo pendi, ke li legili yeni gbangu moandi, li tie ke o gbaadikpelima n fii o gbanu nni. 11O kopadiciamo baa doagidi ki waani ke o joagini, o kan piadi ki luoni o, kelima li doagidi ke o joagini. 12Mi gbaadima daano yeni gbanu po kuli yaa tieni mu calimu, ki cili o yuli po ki jiidi hali o taana po, o kopadiciamo n diidi o naankani kuli yaa pia mu calimu, 13o kopadiciamo yeni yaa laa ke mu calimu loni o gbanu kuli, o baa doagidi ki waani ke o nilo yeni ŋani, kelima o gbanu kuli n pendi maama yeni, o ŋani. 14Ama yaa daali ke bi diidi ki laa ke o nilo yeni gbanu cili ki tieni a legimoana, laa nilo joagini. 15O kopadiciamo yaa laa a legimoana yeni, o baa doagidi ki waani ke o nilo yeni joagini. Yaa gbanandi n pia a legimoana yeni joagini, kelima li tie gbaadima. 16A legimoana yeni yaa lebidi ki pendi, o nilo yeni baa gedi ki waani o kopadiciamo. 17O kopadiciamo baa diidi o bonŋanla, o yaa sua ke a lega yeni kuli pendi, o baa doagidi ki waani ke o nilo yeni lega ŋanbi, ke o nilo yeni mo ŋani.
18O nilo yeni yaa den pia li sinakpinli ke li soangi, 19o yaa sua ke li sinakpinli n den ye naani yeni moali ki pieni, bi li yaa tieni li legimoanli, wan gedi ki waani o kopadiciamo. 20O kopadiciamo baa diidi o bonŋanla. O yaa sua ke li legili yeni kobidi pendi, o baa doagidi ki waani ke o nilo yeni joagini, kelima gbaadima yaa legile, yaali n legidi li sinakpinli yeni yaa nayiagu nni. 21Ama o kopadiciamo yaa laa ke li legili naa pia kobipiendi, ke li gbangu mo naa mia, ke yaala n bi moani yeni bua ki bodi, o baa piadi ki luoni li daano hali danalele. 22Lani, o yaa sua ke li legili yeni talini o nilo yeni gbanu po, o baa doagidi ki waani ke o nilo yeni joagini. Li tie gbaadima yaa legili. 23Ama o yaa sua ke li legili se yenma ki naa talini, li tie sinakpinli yaa nayiagu bebe. O baa doagidi ki waani ke o nilo yeni ŋani.
24Li yaa tie ke o nilo gbanu po pia yaa kaanu n kabi ki boandi kelima u mu n fuli o likani, ke li kaanu cili ki tieni yaa legili n pieni, yaa ka yaali n moani, o kopadiciamo baa biigi li legili yeni. 25Li legili yeni kobidi yaa pendi ke li gbangu mo mia, li tie mi gbaadima n doagidi u mu n fuli ki kabi o gbanu naani yeni. O kopadiciamo baa doagidi ki waani ke o nilo yeni joagini, kelima li tie gbaadima yaa legile. 26O kopadiciamo yaa laa ke li legili kobidi naa pendi, ke li gbangu mo naa mia, ke yaala n moani mo bua ki bodi, o baa piadi ki luoni o nilo yeni danalele. 27Li daleleeli, o kopadiciamo go baa diidi o nilo yeni bonŋanla. O yaa sua ke li legili yeni talini, o kopadiciamo baa doagidi ki waani ke o nilo yeni joagini. Li tie gbaadima yaa legili. 28Ama o yaa sua ke li legili se yenma ki naa talini o nilo yeni gbanu po, ke yaali n moani yeni mo bua ki bodi, li tie u mu yaa juuma yaa legili bebe. O kopadiciamo baa doagidi ki waani ke o nilo yeni ŋani, kelima li tie u mu juuma yaa nayiagu bebe.
29Li yaa tie joa bi pua n pia ti naabisinkuadi o yuli po, yaa ka o langbiali po, o kopadiciamo baa diidi li legili yeni bonŋanla. 30O yaa sua ke likani gbangu mia, ke ti yudi mo ñili ki duudi, o kopadiciamo baa doagidi ki waani ke laa nilo joagini. Laa naabisinkuadi buolu tie li yuli leni li langbiali yaa gbaadime. 31O kopadiciamo yaa laa ke ti naabisinkuadi yeni lega naa mia, ke likani yudi ki boani, o baa piadi ki luoni yua n pia ti naabisinkuadi lega yeni, hali danalele. 32O kopadiciamo go baa diidi li legili yeni li daleleeli bonŋanla. O yaa sua ke li legili yeni naa talini, ke likani yudi ki duudi, ke li legili mo naa mia, 33o baa teni o nilo yeni n kuo, ama o kan kuo yaa kaanu n pia ku naabisinkuagu yeni. O kopadiciamo baa luoni o miliema hali danalele goga. 34Danalele yaa pendi, o kopadiciamo baa diidi ku naabisinkuagu yeni bonŋanla. O yaa sua ke li legili naa talini, ke likani gbangu ki mia, o baa doagidi ki waani ke o nilo yeni ŋanbi. O baa ŋuudi o tiadi, ki yuandi ki yaa ŋani cain. 35Ama ku naabisinkuagu yeni yaa talini o gbanu po, wani yua ke bi diidi o ki yedi ke o ŋani yeni, o kopadiciamo go baa guani ki diidi o bonŋanla. 36O yaa sua ke li legili yeni talini o nilo yeni gbanu po, o kopadiciamo kan go lingi yaa kobidi n duudi yaa ye likani ka, laa nilo li joagine. 37Ama o yaa sua ke li legili yeni naa talini, ke yaa yudi n boani mo pudi likani, o baa jagi ke ku naabisinkuagu yeni gbeni, o ŋanbi mo n yeni. O kopadiciamo baa doagidi ki waani ke o ŋani cain.
38Li yaa tie ke joa bi pua gbanu po pia mu calipienmu, 39o kopadiciamo baa diidi o bonŋanla. O gbanu yeni calimu yaa pendi waamu bebe, li tie ŋmaali n cuo o. Laa bia.
40Yaa nilo yuli n tie yuminminli, laa bia. 41Li yaa tie li cili o yutunli, ki yaa caa hali o yuli siiga n naa pia yudi, o tie yupidili. Laa bia. 42O nilo yuli yaa pidi puoli bi liiga, ke li pia yaa legili n pieni ki go moani, li fidi ke li tie gbaadima n doagidi li yupidili puoli bi li liiga. 43O kopadiciamo baa diidi o bonŋanla, ki le li legili yeni yaa moali ki pieni ki go moani, o yupidili yeni po, lan tie liiga bi puoli, ki naani leni mi gbaadima lega o nilo gbanu po, laa nilo tie gbaado. 44O kopadiciamo baa doagidi ki waani ke o joagini, kelima o yulega ya n ye o yupidili puoli bi li liiga yeni po.
45Gbaado kuli baa la ti tiacadinti, ki kan yaa ciibi liba. O go baa yaa pii o ñoabu, ki yaa kpaani ki tua: ‹Joagindi! Joagindi!› 46O yaa ye leni a lega yeni, o baa yaa ye leni o joagindi. Yeni, o baa piadi ki ña li nagili nni, ki ban yaa ye o bebe.
A lega ti tiayiekaadi po
47Gbaadima lega yaa ye yaa tiayiekaadi n tie pekobidi bi len po, 48bi a yaa ye yaa gaali bi yaa suobu n tie len bi pekobidi, bi a yaa go ye yaa tiagu n jabi leni ku gbangu po, 49a legimoana leni mi legiwaanuama yaa ye ti tiadi po bi ku gbangu po, bi i gaali leni u suobu po, bi yaa bonla n jabi leni ku gbangu kuli po, a tie gbaadima yaa lega yo. Bi baa waani laa tiadi o kopadiciamo. 50O kopadiciamo baa diidi ti tiadi yeni lega, ki bili ti li dieli nni, ki luoni ti hali danalele. 51Li daleleeli, o go baa diidi ti tiadi yeni lega bonŋanla. Li yaa tie gaali, bi suobu, bi gbangu, bi yaa tiadi n tie gbanjabikaadi kuli po, li tie yaa gbaadima n puodi. Ti tiadi yeni joagini. 52Ban laa a lega yaa gaali bi yaa suobu n tie len, bi ti pekobidi po, bi yaa bonla n jabi leni ti gbandi po, o baa juu ki buoni laa tiadi kuli cain, kelima li tie yaa gbaadima n puodi. 53Ama o kopadiciamo yaa laa ke li legili yeni naa talini ti tiayiekaadi yeni po, lan tie gaali bi suobu po, bi yaa bonla n jabi leni ti gbandi po, 54o baa teni ban ŋuudi u yianu yeni n cuo naankani. Lanwani, o baa piadi ki luoni ti li dieli nni hali danalele. 55Bi yaa ŋuudi ti tiadi yeni ke danalele pendi, o kopadiciamo baa diidi li legili yeni kani bonŋanla. O yaa sua ke li legili yeni naa lebidi, ki naa talini, ku tiagu yeni joagini. U yianu yeni n dini ku tiagu yeni niini bi ku tugu nni. Bi baa juu laa tiagu. 56Ama o kopadiciamo yaa laa ke bi ŋuudi ti tiadi ke li legili yeni pendi ki bua ki bodi, bi baa jia ki ñani yaa kaanu n pia li legili yeni ti tiadi po, bi ku gbangu po, i gaali bi suobu po. 57Li yaa tie ke li legili go tieni tiadi po, bi gaali bi suobu po, bi yaala n jabi leni gbangu po, li tie mi gbaadima lega n legidi ti tiadi yeni po. Bi baa juu lan cuo yaala kuli cain. 58Ban den ŋuudi yaa tiadi, yaa ka yaa gaali bi yaa suobu, yaa ka yaa bonla n jabi leni gbandi, ke a lega bodi, bi go baa ŋuudi ti miliema, lan ŋanbi cain.»
59Lani n tie yaa bali maama n ye mi gbaadima n cuo yaa tiayiekaadi, ke ti tie pekobidi, bi len, bi gaali leni suobu, bi yaala n jabi leni ti gbandi. Lani n tie yaala n baa fidi ki doagidi ki waani ke li ŋani, bi ke li joagini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.