Jaki 3
3
Bu lanbu
1N kpiiba, yi siiga nni niba boncianla n da lingi ki baa tua bangikaaba, kelima yi bani ke U Tienu baa jia tinba bi bangikaaba buudi, lan yaa pa ki cie. 2Tikuli tudi yaa tudima buoli n yabi. O nilo yàá tudi o maama nni ba waamu, o tie yaa nilo n ŋani ki dagidi cain, ki fidi ki paani o gbanandi kuli. 3Ti yaa kpibini i taami mu biamu, ke ban tuo ki yaa tiendi tin bua yaala, ti fidi ki gobidi bi gbanandi kuli. 4Yin go kpaagi ti ñinbiaciandi kani, ba ke ti yabi boncianla, ke ti tafaaciandi mo tudi ti, o ñinbiagobido gobidi ti leni yaa bonpegidikaala n wa, ki tendi ke ti caa wan bua naankani. 5Bu lanbu mo tie yene, bu wa i gbananbuoli kuli siiga, ama bu baa fidi ki fiini buba, ki maadi mi japaamaama boncianla.
Diidi mani, u mu waamu bebe baa fidi ki buoni yaa fuali n yabi. 6Bu lanbu mo tie nani u mu yeni, ki go tie yaa bonbiadila n ye ti gbananbuoli siiga, ki joagindi ti gbanandi kuli. Ku fantanbuogu mu ye bu niinni, ki teni ke bu cuondi u mu o nisaalo miali yema kuli nni. 7O nisaalo baa fidi ki paadi ti fuayandi buoli kuli, ti bonyugiditi buoli kuli, li bonbalinkaala buoli kuli leni yaa bonfuoda buoli n ye mi ñima nni kuli. O paani ba, ki go die ba mo. 8Ama bi nisaaliba siiga, oba kuli kan fidi ki paadi bu lanbu. Bu tie ban kan fidi ki diedi yaa bonbiadila, ke mi kuuma mo gbie bu niinni. 9Ti pagi o Diedo ti Baa leni buni, ki go solini bi nisaaliba, U Tienu n den tagi yaaba o yaa nannanli nni leni buni. #Cil 1.26. 10Ti pagidi leni ti solindi kuli ña ñoayenbu nni. N kpiiba, laa ŋani lan yaa tie yeni. 11Naani yaa ñima n mani leni yaa ñima n to baa fidi ki taani ki yaa ña ñinbunyenli nni? 12N kpiiba, naani bu kankanbu baa fidi ki luoni olivie bonluonkaala? Naani duven tibu mo baa fidi ki luoni a kankana? Yaa ñinbunli n tie ñinyaama mo kan fidi ki bundi ñinmanma.
Yaa yanfuoma n ñani tanpoli
13Yi siiga, ŋme n tie o yanfuodaano ki pia mi bancianma ki fani? Wan doagidi o tagiŋamu nni o tuonŋama, ya n yegi leni li yumiinli leni mi yanfuoma. 14Ama yi yaa pia li nunponbiadili ki niagi leni yiyaba, yin da kpiagi yi yula, ki da pua faama i moamoani po. 15Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani. 16Li nunponbiadili leni mi niagima n ye naankani, li bonla kuli baa yaa tie sisindi sindi, li bontienka-biadila buoli kuli mo baa yaa ye likani. 17Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo. 18Yaaba n lingi mi yanduanma, tuuni yaa tuona n tiegi mi yanduanma nni.
Currently Selected:
Jaki 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Jaki 3
3
Bu lanbu
1N kpiiba, yi siiga nni niba boncianla n da lingi ki baa tua bangikaaba, kelima yi bani ke U Tienu baa jia tinba bi bangikaaba buudi, lan yaa pa ki cie. 2Tikuli tudi yaa tudima buoli n yabi. O nilo yàá tudi o maama nni ba waamu, o tie yaa nilo n ŋani ki dagidi cain, ki fidi ki paani o gbanandi kuli. 3Ti yaa kpibini i taami mu biamu, ke ban tuo ki yaa tiendi tin bua yaala, ti fidi ki gobidi bi gbanandi kuli. 4Yin go kpaagi ti ñinbiaciandi kani, ba ke ti yabi boncianla, ke ti tafaaciandi mo tudi ti, o ñinbiagobido gobidi ti leni yaa bonpegidikaala n wa, ki tendi ke ti caa wan bua naankani. 5Bu lanbu mo tie yene, bu wa i gbananbuoli kuli siiga, ama bu baa fidi ki fiini buba, ki maadi mi japaamaama boncianla.
Diidi mani, u mu waamu bebe baa fidi ki buoni yaa fuali n yabi. 6Bu lanbu mo tie nani u mu yeni, ki go tie yaa bonbiadila n ye ti gbananbuoli siiga, ki joagindi ti gbanandi kuli. Ku fantanbuogu mu ye bu niinni, ki teni ke bu cuondi u mu o nisaalo miali yema kuli nni. 7O nisaalo baa fidi ki paadi ti fuayandi buoli kuli, ti bonyugiditi buoli kuli, li bonbalinkaala buoli kuli leni yaa bonfuoda buoli n ye mi ñima nni kuli. O paani ba, ki go die ba mo. 8Ama bi nisaaliba siiga, oba kuli kan fidi ki paadi bu lanbu. Bu tie ban kan fidi ki diedi yaa bonbiadila, ke mi kuuma mo gbie bu niinni. 9Ti pagi o Diedo ti Baa leni buni, ki go solini bi nisaaliba, U Tienu n den tagi yaaba o yaa nannanli nni leni buni. #Cil 1.26. 10Ti pagidi leni ti solindi kuli ña ñoayenbu nni. N kpiiba, laa ŋani lan yaa tie yeni. 11Naani yaa ñima n mani leni yaa ñima n to baa fidi ki taani ki yaa ña ñinbunyenli nni? 12N kpiiba, naani bu kankanbu baa fidi ki luoni olivie bonluonkaala? Naani duven tibu mo baa fidi ki luoni a kankana? Yaa ñinbunli n tie ñinyaama mo kan fidi ki bundi ñinmanma.
Yaa yanfuoma n ñani tanpoli
13Yi siiga, ŋme n tie o yanfuodaano ki pia mi bancianma ki fani? Wan doagidi o tagiŋamu nni o tuonŋama, ya n yegi leni li yumiinli leni mi yanfuoma. 14Ama yi yaa pia li nunponbiadili ki niagi leni yiyaba, yin da kpiagi yi yula, ki da pua faama i moamoani po. 15Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani. 16Li nunponbiadili leni mi niagima n ye naankani, li bonla kuli baa yaa tie sisindi sindi, li bontienka-biadila buoli kuli mo baa yaa ye likani. 17Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo. 18Yaaba n lingi mi yanduanma, tuuni yaa tuona n tiegi mi yanduanma nni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.