Hebilunba 13
13
Yaala n mani U Tienu pali
1Suagi mani ki yaa pia mi buama yi kpiiba po. 2Yin da sundi ki yaa gaani bi canba cangu, kelima bi tianba den tieni yeni, ki gaa malekinba cangu kaa bani. #Cil 18.1-8; 19.1-3.
3Yin yaa tiani a kpaada po, nani yimoko taa leni ba ki tie kpaada yeni. Yin go yaa tiani ban faligi yaaba po, ki bani ke yimoko ye ti gbanandi nni, ki tie ban baa fidi ki faligi yaaba.
4Bi niba kuli n yaa jigindi li puotaali, ki da tuo li puotaali duanu n joagini, kelima U Tienu baa jia mi conconma buoli danba kuli buudi.
5Yin da pa yi yula i ligi buama po. Ama yin yaa mangidi yi pala leni yin pia yaala moala, kelima U Tienu yedi:
«N kan ŋaa ŋa,
N kan lu ŋa abada.» #13.5 Diidi Mi Tiadima 31.6-8 leni Josue 1.5.
6Lanwani, ti pia li papaali ki yedi: «O Diedo n tie n todika, n kan jie puu. O nisaalo baa fidi ki tieni nni be?» #Ps 118.6.
7Yin yaa tiani yi gobidikaaba po, bani yaaba n den waani yi U Tienu maama. Yin kpaagi bi yema leni bi juodima po, ki yaa togidi bi dandanli.
8Jesu Kilisiti tie yenma wonli, dinla leni yaa yogunu kuli. 9Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo. 10Tin pia yaa padibinbinli, yaaba n tuuni li gbandieli nni, naa pia sanu ki ñani li jiema ki je. 11Bi kopadicianba bado yaa padi yaa yandi ti tuonbiadi po, o yen taa ti soama ki kuani u kaangagidiŋanmoanu nni. Ama bi yen ñani ban kodi yaa yandi li nagili niinpo, ki juu ti tin buodi. 12Li tie lani yaa po yo, ke Jesu moko den laa fala ki kpe u dogu niinpo, ki baa gagidi ki ŋanbi bi niba leni o soaceli. 13Lanwani, tin ña mani ki gedi o kani li nagili niinpo, ki taani leni o o fe nni. 14Nekanba ŋanduna nni, tii pia yaa dogu n baa yaa ye yaa yogunu kuli, ama ti lingi yuu n baa ti cua. 15Lanwani, kelima Jesu po, tin yaa padi mani U Tienu po yaa padili n tie ti pagidi yaa yogunu kuli, lani n tie ti ñoana n yaa pagi o yeli. 16Yin da sundi ki yaa tiendi mi ŋanma leni ti bulicindi, kelima lani n tie yaa pada n mangidi U Tienu pali.
17Yin yaa tuodi ki ŋua yaaba n gobidi yi, ki yaa fangi ba, kelima bi guu yi naani, ki bani ke bi baa togidi U Tienu yi maama. Yaa tiendi mani yeni, ke ban fidi ki yaa togidi ma leni li pamanli ki naa yenbidi, kelima li kan yaa pia yi po fuomiba.
18Yaa jaandi mani ti po, kelima ti bani cain ke ti pala siedi ŋani, ki go bua ti tagi n yaa tiegi li bonla kuli nni. 19Min miadi yaala hali boncianla tie ke yin yaa tiendi yeni, ke U Tienu n pa nni u sanu min guani ki cua yi kani tontoni.
I gaali leni i tundijuodike
13.20-25
I gaali
20Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po. 21Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!
I fuondijuodike
22N kpiiba, n mia yi ke yin juuni ki gaa i naa tundi, kelima min diani yi po yaa maama ki fuu.
23N bua yin bandi ke bi faabi ti kpiilo Timote. O yaa cua n kani tonma, ti baa yegi ki cua ki le yi.
24Yin fuondi yi gobidikaaba leni bi nigagidiŋanba kuli. Yaaba n ye Itali diema nni fuondi yi.
25U Tienu ŋanbili n yaa ye leni yikuli.
Currently Selected:
Hebilunba 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
