Hebilunba 12
12
Ti Baa U Tienu
1Lanwani, yaa siedinba n yabi boncianla n lindi ti nani ku tawaligu yeni, tin tugidi yaa tugili n yie ti po leni yaa tuonbiadi n yabi ki lindi ki cebini ti. Lani, tin yaa tiini leni li juunli, yaa nuama n bili ti po. 2Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.
3Kpaagi mani ti tuonbiadi danba n den yie wani yua yaa po, n den juuni maama, ke lan todi yi yin da coagi ki luo li papaali, ki cedi. 4Yin koani yaa koanli leni ti tuonbiadi yeni, yi daa koani hali ke bi wuli yi soama. 5Yi sundi U Tienu n tundi yi yaa tundi, nani bibaa n baa tundi o bila maama, ki yedi:
«N bijua, ŋan da fali o Diedo
N tundi a yaa tundifala,
Ki da luo li papaali
Wan jaligi a yaa yogunu. #Jb 5.17; Kpa 3.11-12.
6O Diedo tundi wan bua yua leni fala,
Ki pua wan nua yua
Ke o tie o biga kuli.»
7Yin juuni mani leni laa fala. U Tienu tiendi yi yeni, kelima o nua yi ke yi tie o bijaba. Ki laa bonjaga n ye ke o baa kan tundi o tundifala? 8Ama yi yàá baa a bila kuli n baadi yaa tundifala, yi tie kpiaba, yii tie bimoana. 9Ti baanba yaaba n tie nisaaliba den tundi ti tundifala, ke ti fangi ba. Lanwani, li pundi tin miini ti yula ti Baa yua n ye tanpoli kani, ke tin yaa pia li miali. 10Ti baanba yen tundi ti tundifala u yogunu waamu bebe, nani ban sua ke li dagidi maama, ama U Tienu tundi ti tundifala ti ŋamu po, ke tin taani leni o o gagidiŋanma nni. 11Li tie moamoani ke tundifala kuli yen cili ki yaa tie pabiidili bonla, kaa tie pamanli. Ama li yen yuandi ki cuani lan bangi yaaba yaa po mi teginma leni mi yanduanma.
12Lanwani, yin paagi yi nii yii n yoaligi leni yi duna ya n tadigi. #Esa 35.3. 13Yi taana n yaa ŋua yaa sani n cuubi, ke yua n diani taali n da kpigidi, ama lin paagi. #Kpa 4.26.
Mi yegagidikaama
14Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo. 15Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla. #Tia 29.18.
16Yin go fangi yi yula ke oba n da tie conconma daano leni yua n fali yaala n gagidi, nani Esayu yeni, yua n den kuadi o nikpedi kelima jeyenma po. #Cil 25.29-34. 17Yi bani ke lan pendi, wan den bua o baa n gaali o, waa den baa. Ba ke o den lingi leni ti nunsiidi, waa den fidi ke o baa lebidi jagili. #Cil 27.30-40.
18Yii nagini ban den baa fidi ki sii yaa juali, yaali n co u mu kani. Yii nagini ku gbangbadibiadigu, li biigicianli, ku faaciangu, #Ñam 19.16-22; 20.18-21; Tia 4.11-12; 5.22-27. 19kakaci piebima leni u nialu fuugu#12.19 Diidi Mi Ñama 19.16-19 Li maadi yaa juali n yi Sinayi maama. n den ye naankani. Yaaba n den gbadi laa nialu den mia ke wun da go maadi ba, ba mayenma ki pugini, 20kelima baa den fidi yaa ñoamabonli n tie ne: «Ba yanga yaa sii li juali, ban lugidi ga a tana.» #Ñam 19.12-13. 21Ban den laa yaala yeni kuli den pia i jeje hali ke Musa yedi: «N jie ti jawaandi hali ki digibi.» #Tia 9.19.
22Ama yi cua Siyon juali, lani n tie U Tienu yua n ye ki fo yaa dogu, yaa Jerusalemi n ye tanpoli kani, malekinba yaaba n yabi ki pundi a tuda tuda bam yaa kani. 23Yi cua yaaba n tie U Tienu bikpiala, ban diani yaaba yaa yela tanpoli po nitaanli kani, yi cua U Tienu kani, bi niba kuli bujialo kani. Yi cua bi niteginkaaba naani n ye naankani, bani U Tienu n ŋanbi yaaba ke bi dagidi cain kani. 24Yi cua Jesu kani, wani yua n tie o ŋantaadipaano yaa candanbaalo leni o soama kani, yaama n mii ki maadi yaa maama n ŋani ki cie Abeli yaa soama n den maadi yaala. #Cil 4.10.
25Fangi mani yi yula, ki da yie ke yi kan cengi yua n maadi leni yi moala. Yaaba n den yie kaa cengi yua n soagindi ba U Tienu maama ŋanduna nni, naa den fidi ki sani ki cia. Lanwani, ti yaa yie kaa cengi yua n ye tanpoli po, laa pia tama ke ti kan fidi ki sani ki cia. #Ñam 20.22. 26Lanyogunu o nialu den teni ke ki tinga digibi, ama moala o niani ti yaa ñoanianu n tie ne:
«Yenma goga, n baa teni ki tinga n digibi.
Li kan yaa tie ki tinga bebe ka.
N baa teni tanpoli moko n digibi.» #Age 2.6.
27Lan yedi: «Yenma goga» yeni, waani ti ke yaala n tagi ki baa fidi ki digibi kuli, baa pendi, ke yaala n kan digibi mo n suagi ki yaa ye. 28Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu, ki ŋua o leni li fangili leni i jeje, ke li mani o po, 29kelima ti Tienu tie yaa mu n bolindi. #Tia 4.24.
Currently Selected:
Hebilunba 12: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
