Habakuki 2
2
1N baa do ki sedi bonŋanla
Min guu yaa kaanu yeni kani.
N baa yaa jagi u bilinciamu po,
Ki guu o Diedo n baa puogi nni min yedi yaala
Leni wan guani n miabu#2.1 Yaa maama n juodi ne tie nani lan diani maama Hebilu maama nni. Tianba soagini: «Leni wan baa guani nni maama n yenbidi po.» po yaala.
Yaa solindi n ye bi nibiadiba po
2.2-20
O Diedo maguankaama
2O Diedo den guani,
Ki yedi nni yaa maama n tie ne:
«Diani min baa doagidi a po yaala,
Diani la mu walimu po maama
Ke bi baa fidi ki cogi la faala.
3N jagi ki bili li bonlekaala yeni
N baa tieni yaa yogunu.
Li yogunu kan pendi.
Ba li yaa waagi, ŋan yaa guu.
Yen de! Li baa cua ke laa pia kuli tama,
Li yogunu kan mibidi. #Heb 10.37.
4Diani yaala n tie ne:
‹Yaa nilo n pia a yanjagibiada baa kpe.
Ama o niteginka baa yaa ye ki fo kelima o dandanli po.› » #Lom 1.17; Gal 3.11; Heb 10.38.
Fala baa baa yaaba n ki tiegi
5Mi piama ki tie o nilo n baa fidi
Ki dugi yaala yaa po.
A piada pia mi niabonma,
Nani bi tinkpiba diema yeni.
Nani mi kuuma n ki guodi tinkpiba maama,
Bani moko kan guo mi piama yene.
Bi bua yogunu kuli ki pugini bi piama.
Li tie lani yaa po yo ke bi koani
Ki paadi i nibuoli boncianla ki diedi yi.
6Laa nibuoli kuli baa cili ki yaa maadi
Li mañuali leni mi makpanjama, ki tua:
«Fala n baa yinba yaaba n su yi lieba ki dogindi mi piama.
Fala n baa yinba yaaba n di a pana ki pugidi.
Yi baa yaa tiendi laa bonla ki ban tuoni hali u laa yogune?
7Yin pia yaaba yaa pana baa ti ludi
Ki fii yenma ki cuo yi ki teni yin digibi.
Bi baa fagi yi ki tuu li panli.
8Yi fie bi niba boncianla piama ki kpabidi ba.
Ama bi siiga yaaba n den sieni kaa kpe mo
Baa fie yi yaa piama ki kpabidi yi.
Li baa tua yeni kelima yi kpa bi niba boncianla,
Ki tieni mi diema, mi dogi leni mi niba mi biadima.
9Fala n baa yi! Yi fenli nitoaba piama
Ki tendi yi diedi yaaba ke bi tua piada.
Yi maa a diena yibali n kan fidi ki nandi yi naani,
Ki bua fala n da nandi yi.
10Laa jaga kuli baa cuani
Yi diedi yaaba po i fe.
Yin bolini bi niba boncianla yeni,
Yi bolini yinba yi ba yaa miana yo.
11Yi bilini tana kpaani ki jaligidi yi,
Ke a diena yoaga gaani.
12Fala n baa yi,
Yinba yaaba n cili i dogi mi soama po,
Ki maa yi leni ki mabinga.
13Yin koani ki paadi yaa nibuoli
Coagini bi yula fanma fanma,
Yin maa yaala kuli baa buodi
U mu nni.
Li Miali Diedo U Paaciamu Kuli Daano n teni ke li tieni.
14Ki tinga niba kuli baa bandi
Li Miali Diedo U Paaciamu Kuli Daano kpiagidi,
Nani mi ñincianma n gbie mi kaanu maama yeni. #Esa 11.9.
15Fala n baa yi,
Yinba yaaba n ñundi yi kuantalieba ti loabidi
Ki bua ban gaadi ki yiedi mubima, yin yaa nua bi fe.
16Yi fiagi yi yula yo,
Yii jigindi yi yula ka ba#2.16 Li go fidi ki yedi ki sedi mubima. Babilonni yaaba n ki den kua koanciagu yeni, bi mubima den baa yaa pia i fe hali boncianla..
Yimoko n ño ki gaadi ki yiedi mubima,
Kelima yi kpiagidi baa lebidi ki tua fe.
O Diedo baa teni yin ñuudi
Leni paalu yo o pabienli tadiñokaaga.
17Yin ban soani yaa tuona Liban po
Baa guani ki baa yi yula po.
Yi den kpa ti fuayandi boncianla.
Moala, ti fuayandi yeni baa jieni yi.
Li baa tua yeni
Kelima yi kpa bi niba boncianla,
Ki tieni mi diema, mi dogi leni mi niba mi biadima.
18Ki tagi o bulo pia be yaa fuome?
Li li tie o nisaalo n tagi
Yaa bonyuogidi leni ti kudi bebe.
Laa bangi nilo bontoala kuli se faama bebe.
O bulo pia be yaa fuome yua n tagi o po,
Ke o baa yaa dugi o po,
Wani yua kan fidi ba ki maadi yeni?
19Fala n baa yi,
Yinba yaaba n maadi leni ku daagu
Ki tua: ‹Fundi!›
Ki tua li tanli lini yaali n kan fidi ki maadi mo:
‹Fii ki sedi!›
O bulo baa fidi ki doagidi yi po be?
Ba ke yi tabini o wula leni ŋanjilifa,
O naa fo.
20O Diedo wani ye o kaangagidiŋamu nni.
Lani, ki tinga nni, nilo kuli n sedi suo o nintuali!»
Currently Selected:
Habakuki 2: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
