Habakuki 1
1
Habakuki leni o Diedo booli
1.1—2.1
Habakuki yenbidi kelima Isidayeli tuonbiadi po
1O Diedo n den doagidi o saawalipualo Habakuki po yaala li bonlekaala nni.
2«O Diedo, n baa yaa kpaani ki miadi a todima,
Hali ki ban tuoni u laa yogunu yo, ŋan cengi nni?
N baa yaa kpaani ki miadi a
Ki ban tuoni u laa yogunu yo,
Ŋan faabi ti yaaba n faligidi ti nuu nni?
3Be yaa po ke a teni ke n laadi
Yaa yebiadima n tie ne?
Be yaa po ke a ŋmini ki nua
Ke bi niba tiendi yaala n ki ŋani?
Mii nua kuli bontoala yaaba n gaani
Ki lindi nni siiga se mabinga leni paalu,
Koana leni niama n ye i kaani kuli.
4Bi niba ki go ŋua li bali maama.
Bi bujiaba ja yaa bujiali n ki tiegi.
Bi nibiadiba baadi i moamoani
Ki ŋaani bi niteginkaaba.
Li tie lani yaa po yo ke li bujiali ki go pia fuoma.»
U Tienu maguankaama
5«Yi yaa diidi i nilanbuoli siiga,
Li pakili baa cuo yi hali yi gbani n wudi,
Kelima n tieni bonla moala ne,
Yaala ke bi yaa bi togidi yi, yi kan daani la. #JTT 13.41.
6N baa teni Kalide#1.6 Babilonni yaaba n go yi Kalide yaaba. yaaba n baa u paalu,
Bani yaa nibuolu n bia kaa gba ninñima yeni.
Bi baa goadi mi tinfanma nni,
Ki fie ban kaa die yaa tinmu. #2Bad 24.2.
7I kaani kuli i nibuoli jie ba ki digibi bi nintuali.
Bani n biliti bi bali maama bi yula po.
8Bi taami jaligi mi nuama ki cie i naamunpieni.
Bi ciba bia mo nani yaa fuasangbanli n goadi ku ñiagu yeni.
Bi tanjagiba ñani hali foagima ki kpendi.
Bi jaligi nani jiebani n yen poli ki ña tanpoli maama,
Ki baa pua li bonla yeni.
9Bi toagola tiini ke bi nunmu cuubi lipo ki bia.
Bi kpendi ki baa tieni u paalu
Leni mi biadima ki diedi yuakuli.
Ban cuo ki taani yaa yonbi yabi
Nani mi ñincianma kani tanbiima yeni.
10Bi fali bi badiba ki ñuadi a koanbala.
Laa pia kuli yaa dogu yaa bilinciamu n baa sieni ba.
Bi yen dogini mi tama ki kandi ki kua,
Ki baa i dogi ki diedi yi yendu yendu.
11Bi pendi tontoni nani ku tafaaciangu yeni.
Bi tieni ti tuonbiadi kelima bi dugi bi paalu po,
Ki nua ke bi fidu n tie bi tienu.»
Habakuki go mia o Diedo
12Naani fini ka li tie o Diedo hali mi cilima?
Naani fini ka li tie n Tienu yua n Gagidi ki ŋani,
Ke a miali mo ki pia bianu#1.12 Li naani ke hali mi cilima po, bi den diani: “Ti kan kpe” kelima ban den pia yaa fangili U Tienu po kaa bua ki taa o yeli maama po.?
O Diedo, a gandi Kalide yaaba ki puni ba u paalu,
Ke ban tundi ti leni tundifala.
Ama fini n tie ti faabima tangu.
13Ama a gagidi ki ŋani boncianla,
Hali yaala ke a kan fidi ki yaa nua yaa bonla n bia.
A kan fidi ki yaa nua fala ki ŋmini.
Lanwani, be yaa po ke a baa yaa ŋmini
Ki nua yaaba n janbidi bi lieba?
Be yaa po ke bi nibiadiba yaa bolindi
Yaaba n tiegi ki cie ba,
A yen ŋmini kaa tua liba?
14Be yaa po ke a tuuni bi nisaaliba
Nani i jami leni i bonfuodi yii n ki pia daano yeni?
15Kalide yaaba co bi niba ti yonbidi,
Nani ban co yaa jami leni ki jandiaga yeni.
Bi co ba bi taali nni,
Ki mangidi bi pala boncianla li po.
16Lanwani, bi padi a pada bi taali yeni po,
Ki juugi yaa sinma n pia u nuulumanu ki kpiagidi yi,
Kelima yini n teni ke bi baadi
Yaa jiema n yabi ki go mani mo.
17Lanwani, naani bi baa gedi ki ban yaani bi taali#1.17 Nitianba nua nekanba tie jugisiemu ki cie i taali.,
Ki guani ki yaa kpaani bi niba kaa gba ninñimiba?
Currently Selected:
Habakuki 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
