GALATI YAABA 6
6
1N kpiiba, bi yaa pigini o nilo ke o tiendi *tuonbiadiba, yi siiga nni U Tienu Fuoma n gobidi yaaba n pegidi ki guani o leni mi dingima. Fangi a yuli ke a mo n da ti kua mi tulinma nni. 2Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala. 3O nilo yaa nua ke o tie bonmoanla, kaa tie pu, o boandi o yuli. 4Yua kuli n biigi o tuona oba. Lanwani o yaa baa jigini o yuli lipo, li kan yaa tie ke o cie o lielo ka. 5Kelima nilo kuli baa tugi o yaa tugiceli wani oba.
6Ban bangi yua U Tienu maama n boagidi wan pia yaala kuli leni yua n bangi o.
7Yin da boandi mani yi yula, oba kan ñuadi U Tienu. O nilo baa yendi wan buli yaala. 8Yua n buli o gbanandi bonbuakaala po, baa yendi o gbanandi bonbuakaala po mi bedima. Yua n buli U Tienu Fuoma n bua yaala, baa yendi U Tienu Fuoma po yaa miali n kan gbeni. 9Tin da coagi leni a tuonŋama tienma, kelima ti yaa cedi, u yogunu yaa ti pundi, ti baa baa ti panpaani. 10Lanwani tin baa u sanu yaa yogunu kuli, tin yaa ŋanbidi bi niba kuli po, ki yaa ŋanbidi ti kpiiba li *dandanli nni po ki cie.
I tundijuodike
11Diidi ki le mani min diani yipo yaa diani leni n nuceli n gbengi maama.
12Yaaba n bua bi niba n yaa kpiagidi ba kuli tigini yi ke yin kua ku koanciagu, ke bi niba n da wangi ba fala kelima Kilisiti*dapoanpoanli yaa po. 13Baa bani yaaba n kua ku koanciagu, baa tiendi li *bali maama n bili yaala. Ama bi nan bua ke yinba n kua ku koanciagu ke ban baa u sanu ki kpiagi bi yula kelima yaala n tieni yi gbanandi nni yaa po. 14Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli. Kilisiti n den kpe li dapoanpoanli po yeni, ŋanduna bonla kuli tie npo nani li kpe, n moko tie nani n kpe ŋanduna bonla kuli po yeni. 15Kelima yaala n pia mayuli naa tie ki kua ku koanciagu, bi ki da kua, laa tie liba, kali ki yaa tie nipaano. 16Yaaba n tuo ki ŋua laa maama kuli, U Tienu n pa ba mi yanduanma, ki go gbadi bipo mi niñima, bani U Tienu nibuolu Isalele yaaba yeni.
17Moala liiga oba kuli n da go yagi n yama, kelima n pia Kilisiti maalima n gbanandi nni.
18N kpiiba, ti Diedo Jesu Kilisiti yaa *ŋanbili n yaa ye leni yi! Amina!
Currently Selected:
GALATI YAABA 6: GUX03
Highlight
Copy
Compare
Share
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
GALATI YAABA 6
6
1N kpiiba, bi yaa pigini o nilo ke o tiendi *tuonbiadiba, yi siiga nni U Tienu Fuoma n gobidi yaaba n pegidi ki guani o leni mi dingima. Fangi a yuli ke a mo n da ti kua mi tulinma nni. 2Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala. 3O nilo yaa nua ke o tie bonmoanla, kaa tie pu, o boandi o yuli. 4Yua kuli n biigi o tuona oba. Lanwani o yaa baa jigini o yuli lipo, li kan yaa tie ke o cie o lielo ka. 5Kelima nilo kuli baa tugi o yaa tugiceli wani oba.
6Ban bangi yua U Tienu maama n boagidi wan pia yaala kuli leni yua n bangi o.
7Yin da boandi mani yi yula, oba kan ñuadi U Tienu. O nilo baa yendi wan buli yaala. 8Yua n buli o gbanandi bonbuakaala po, baa yendi o gbanandi bonbuakaala po mi bedima. Yua n buli U Tienu Fuoma n bua yaala, baa yendi U Tienu Fuoma po yaa miali n kan gbeni. 9Tin da coagi leni a tuonŋama tienma, kelima ti yaa cedi, u yogunu yaa ti pundi, ti baa baa ti panpaani. 10Lanwani tin baa u sanu yaa yogunu kuli, tin yaa ŋanbidi bi niba kuli po, ki yaa ŋanbidi ti kpiiba li *dandanli nni po ki cie.
I tundijuodike
11Diidi ki le mani min diani yipo yaa diani leni n nuceli n gbengi maama.
12Yaaba n bua bi niba n yaa kpiagidi ba kuli tigini yi ke yin kua ku koanciagu, ke bi niba n da wangi ba fala kelima Kilisiti*dapoanpoanli yaa po. 13Baa bani yaaba n kua ku koanciagu, baa tiendi li *bali maama n bili yaala. Ama bi nan bua ke yinba n kua ku koanciagu ke ban baa u sanu ki kpiagi bi yula kelima yaala n tieni yi gbanandi nni yaa po. 14Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli. Kilisiti n den kpe li dapoanpoanli po yeni, ŋanduna bonla kuli tie npo nani li kpe, n moko tie nani n kpe ŋanduna bonla kuli po yeni. 15Kelima yaala n pia mayuli naa tie ki kua ku koanciagu, bi ki da kua, laa tie liba, kali ki yaa tie nipaano. 16Yaaba n tuo ki ŋua laa maama kuli, U Tienu n pa ba mi yanduanma, ki go gbadi bipo mi niñima, bani U Tienu nibuolu Isalele yaaba yeni.
17Moala liiga oba kuli n da go yagi n yama, kelima n pia Kilisiti maalima n gbanandi nni.
18N kpiiba, ti Diedo Jesu Kilisiti yaa *ŋanbili n yaa ye leni yi! Amina!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.