Zakari 14
14
A zɛbr-pɛ-baara nɩ a Sore tab yele
1A Sore bibir#14:1 Sore bibir: Nyɛ̃ Zow 1.15 nɩ a manʋ. pɩɛl'a, Zerizalɛm nɩbɛ ɛ,
a nyɩ mimirí n'a bɛ na pṍ a nyɩ bome.
2Bʋ̃ʋ n'ʋ vɛ̃, a Sore na ɓã n
a nɩ-bʋʋr-yoru za taa,
kɛ́ bɛ zɛb'ɩ a Zerizalɛm:
bɛ na de nɩ a tẽw, bɛ na wob'ɩ a yie bome,
ɛ́ fɛr a pɔwbɛ gã nɩ bɛ,
bɛ na diw nɩ a nɩbɛ põ-zɛ̃-taa zie cen nɩ tẽ-yũo,
ɛ́ a nɩbɛ ŋmãa na cɛ a, na cãà na kpɩɛr a tẽw pʋɔ.
3Al pùorí, a Sore na zɛb'ɩ nɩ a nɩ-bʋʋr-yoru bɛ ŋa,
ʋ na zɛb'a mɛ̃ a lɛ ʋ na mɩ́ zɛb, a zɛbr daar a.
4A lɛn daar a, ʋ na àr'ɩ a Olivʋ tɩɩr tãw zu
na pɩɛlɩ a Zerizalɛm, a tẽw saa-pɛrɩ́ a.
A Olivʋ tɩɩr tãw na ɓar'ɩ ziir ayi,
ɛ́ fʋɔl-kpɛ̃ɛ sãá, yi a saa-pɛrɩ́ ɛ́ cen tɩ ta
a mʋ̃tɔ̃w-kpɛb-lowr.
A tãw lõbowr kãw na taw na cen
a saa-pɛrɩ́-gʋba-lowr,
ɛ́ a lõbowr kãw taw cen a saa-pɛrɩ́-dʋrʋ-lowr.
5Nyɩ na tu n a fʋɔla ŋa na be a tan cara pʋɔ a zɔ.
Bʋ̃ʋ n'ʋ vɛ̃, a fʋɔla na cen na tɩ ta a Asal tẽw.
Nyɩ na zɔ na mɛ̃ a nyɩ sãàkʋm-kore na tɩ zɔ,
a Zuda tẽw nãà Ozɩasɩ daar,
a tẽsɔw-kɔbr damnʋ bibir a.
Lɛ n'a a Sore ɩ̃ Naaŋmɩn na ta,
ʋlɛ nɩ a malkɩ mɩnɛ na tone a ʋ tome a.
6A lɛn daar a, a cãà kʋ̃ lɛb tɛr yel-ɩra ɩ,
ƴawr nɩ kʋ̃ɔ na gúr kpawlɩ a kʋ̃ cãà ɩ.
7Daar kãw a Sore yõ na bãw a,
a zie na mɩ́ nyɛrɛ nɩ kʋralɛ,
mʋ̃tɔ̃w nɩ tɩ̃ɩsɔw kʋ̃ cãà be ɩ,
a zaanʋɔra tɛɛ za a, a zie na mɩ́ nyɛrɛ na.
8A lɛn daar a, kʋ̃ɔ na bule na yire a Zerizalɛm,
a ŋmãa zɔrɛ cere a Kʋ̃ɔ-kpɛ̃ɛ-kũu lowr,
ɛ́ a ŋmãa zɔrɛ cere a Mediterane kʋ̃ɔ-kpɛ̃ɛ lowr,
a yũon za, a ũon nɩ a sɩ̃ɔ.
9A lɛn daar a, a Sore na dɩrɛ nɩ naalʋ a tẽw za zu.
Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a,
a ʋ yúor yõ n'ʋ a nɩsaalbɛ za na bãw.
10A vuo ʋl za na viiri koli a Zerizalɛm a
na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a,
ɛ́ tɩ ta a Irimon a saa-pɛrɩ́-dʋrʋ-lowr.
A Zerizalɛm na do na gãw a zie na jil koli ʋ a,
ɛ́ a tẽw na yi n a Bɛ̃zamɛ dɩ̃dɔr ƴãw
ɛ́ cen tɩ tɔ a Dacĩ-gõgon dɩ̃dɔr,
a be a dɩ̃dɔr kʋra na tɩ be a,
ɛ́ lɛb yi a Hananeyɛl yir-cõcowla ƴãw,
ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.
11A nɩbɛ na kpɩɛr'ɩ a tẽw,
bɛ kʋ̃ lɛb ŋmɛr ʋ bɛr ɛ,
ɛ́ a nɩbɛ na ɓãá nɩ ƴãw kpɩɛr a be.
12A bʋ̃-faar al na na páw a nɩ-bʋʋrɛ bɛl
na zɛb'ɩ a Zerizalɛm a, n'ɩ á ŋá:
bɛ na cãà na vʋʋrɛ ɛ́ a bɛ ƴã-gamɛ pɔ̃,
a bɛ mimie na pɔ̃ n a mimi-bɔwrɩ pʋɔ,
ɛ́ a bɛ zɛlɛ pɔ̃ a bɛ nɛ̃ɛ́.
13A lɛn daar a,
a Sore na ƴãw bɛ nɩ dɛ̃bɩ̃ɛ na ta dɛ̃bɩ̃ɛ a,
bɛ na mɩ́ ìr'a taw tuori taa,
ŋa za na mɩ́ ìr'a lo a ʋ tɔ sob zu.
14A Zuda nɩbɛ na zɛbr'ɩ a Zerizalɛm tẽw pʋɔ,
bɛ na fa n a tẽ-kpɔwlɩ na-bome za:
salm-zɩɛ, salm-pla, nɩ kparɩ
na yãwmɛ bɛ tɛr tɛwr a.
15A dɔ̃ dem laɩ pʋɔ dʋn za a,
a wie nɩ a mílɛ̀#14:15 Mílɛ̀: Ʋ ɩ n bõw daa na do wur nyãw ʋ dɔw a. A mílɛ̀ bɛ dɔwr ɛ, dʋ̃-ãan n'ʋ. Nyɛ̃ 1Na 10.25, 2Na 5.17, 1Bi-yel 12.41, 2Bi-yel 9.24., a nyɔ̃wmɩ nɩ a bòn a,
bʋ̃-faar-been nɛ n'a na páw a,
a bʋ̃-faar al na páw a nɩbɛ a.
16A lɛn daar a, a nɩ-bʋʋrɛ bɛl
na zɛb'ɩ a Zerizalɛm a, a bɛ nɩbɛ
na cɛ a na mɩ́ do n a Zerizalɛm yũon za,
tɩ puori a Sore, a Kpɛnʋ-za-sob,
ɛ́ maalɩ a Pɛn-sɛwr cuw.
17A tẽw zu dɔwlʋ ƴen sob kãw
bɛ wa cen a Zerizalɛm, k'ʋʋ tɩ puori a Nãà,
a Sore, a Kpɛnʋ-za-sob a,
saa kʋ̃ wa a ʋ tẽw pʋɔ ɛ.
18A Eziptɩ tẽw dem wa zawrɩ na cen a Zerizalɛm
tɩ maalɩ a Pɛn-sɛwr cuw a,
a bʋ̃-faa na páw bɛ na mɛ̃ a nɩ-bʋʋr-yoru bɛl,
na kʋ̃ cen tɩ maalɩ a cuw ŋa a.
19A dɔwrʋ n'ɩ à à ŋá a Eziptɩ tẽw
nɩ a nɩ-bʋʋr-yoru bɛl
na kʋ̃ maalɩ a cuw ŋa a, na na páw a.
20A lɛn daar a, sɛbrʋ ŋa na be n
a wie gbelsɩ tɛɛ za zu “A Sore so.”
A Ŋmɩn-yir-kpɛ̃ɛ ziduwli
na ɩ n bʋ̃-son mɛ̃ a zɩ̃ɩ-mɩrɩ lali,
na mɩ́ be a bàwr-maal-kuur niŋé a.
21A Sore, a Kpɛnʋ-za-sob,
na so nɩ a ziduwli za na be
a Zerizalɛm nɩ a Zuda tẽw pʋɔ a.
A bɛlɩ dem na mɩ́ wa bàwr maalʋ ƴãw a,
na mɩ́ de a na dʋw nɩ a nɛn.
A daar ŋa wa ta a,
yɛ-yɛrɛ kãw za kʋ̃ lɛb be
a Sore, a Kpɛnʋ-za-sob, yir-kpɛ̃ɛ pʋɔ ɩ.
Currently Selected:
Zakari 14: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
