1 Makabe mɩnɛ 1
1
A nãà Alɛsãdɩr-Kpɛ̃ɛ
1A nãà Filib bidɛb, Alɛsãdɩr-Kpɛ̃ɛ, tɩ yi n a ʋ tẽw Masedʋan k'ʋʋ tɩ zɛb zɛbr. Lɛ n'a ʋ tɩ zɛb tʋ̃ɔ́ a Pɛrsɩ mɩnɛ nɩ a Mɛdɩ mɩnɛ nãà Dariyisɩ#1:1 Dariyisɩ: A Dariyisɩ 3 sob'ʋ. A Alɛsãdɩr tɩ tʋ̃ɔ́ ʋ nɩ a Ɩsɔsɩ, a yome 334 a Yeezu Kɩrɩta na bɛ tɩ wa sɛr a., ɛ́ de niwn faa a naalʋ ʋ na tɩ dɩrɛ a gɩrɛkɩ naalʋ-tẽw zu a, a ʋ zie. 2Ʋ tɩ zɛb'ɩ zɛbr yaga, de tẽ-bɛrɛ dacine na viiri koli a, ɛ́ ƴãw bɛ kʋ a ziir al na-mɩnɛ. 3Ʋ tɩ cen na tɩ ta a tẽw baarʋ zie, ɛ́ de tẽ-yaga na-bome. A tẽw na wa tɩ tɛr ƴã-ɓaarʋ a ʋ zũú a, ʋ ɩ n pɔ̀l-ɩb nɩ nyɔka-ɩb. 4Ʋ tɩ ɓã n zɛbr-nɩbɛ taa, bɛ yãwmɛ yaga, ɛ́ tɛr fãw, ʋ tʋ̃ɔ́ nɩ tẽ-ŋma-kʋ̀rɩ, nɩ-bʋʋrɛ nɩ a bɛ nɩ-bɛrɛ, ɛ́ fɛr bɛ ƴãw bɛ yarɛ zuru-yar kʋ̀rɛ ʋ.
5Al pùorí, ʋ tɩ lo n bàalʋ ɛ́ nyɛ̃ bãw k'ʋʋ na kpi na. 6Lɛ n'a ʋ tɩ bʋɔlɩ a ʋ zɛbr-nɩbɛ nɩ-bɛrɛ bɛrɛ, nɩ-yée bɛ na tɩ guoli lãw nɩ ʋ a ʋ bibile daarɩ́ za a, wa ŋma a ʋ naalʋ-tẽw põ bɛ ɛ́ bãw kpi.
7A Alɛsãdɩr tɩ dɩ n a naalʋ yome pie nɩ ayi ɛ́ bãw kpi. 8A ʋ sojarɩ nɩ-bɛrɛ bɛrɛ tɩ dɩ n a nɩ-kpɛ̃ɛnʋ, ŋa za a zie ʋl bɛ na kʋ̀ ʋ a pʋɔ. 9Bɛ za tɩ vɔbl'ɩ a nãà-kpawʋɔ a ʋ kũu pùorí. A bɛ bidɛbr mɩ̀ tɩ ɩ n a lɛ a bɛ pùorí yome yaga ƴãw, a tɩ ɩ kpɩɛrʋ-kpɛ̃ɛ a tẽw za ƴãw.
Zifʋ nɩbɛ bɛ mɩnɛ tuur'ɩ a Gɩrɛkɩ mɩnɛ ɩ-ɩrɩ
(2Ma 4:7-17)
10A bɛ bʋ̃-dɔwra kãw tɩ yi n a bɛ bʋʋrɛ pʋɔ, kpɛ faa: a nãà Ãtiokisi bidɛb, Ãtiokisi Epifan, tɩ n'ʋ. Ʋ tɩ de nɩ niwn ɩ wõ-taa bom#1:10 Wõ-taa bom: A nãà Ãtiokisi 3 sob nɩ a Ʋrɔm tẽw dem wõ-taa kãw na tɩ maalɩ Apame, a Yeezu Kɩrɩta na bɛ tɩ wa sɛr a yome 188 sob a, zũú, ʋ tɩ tɩr'ɩ nɩbɛ a Ʋrɔm, bɛ ɩ a wõ-taa ŋa nɩbɛ. A ʋ bidɛb Ãtiokisi-Epifan tɩ pʋɔ nɩ a nɩbɛ bɛ ŋa pʋɔ. be a Ʋrɔm, al pùorí, ʋ wa lɩɛbɩ a Gɩrɛkɩ mɩnɛ naalʋ-tẽw nãà, a yome lɩz'a ayʋɔb nɩ pie nɩ ayopõi (137) sob daar#1:10 Yome 137 sob daar: A na ɩ n a Yeezu Kɩrɩta na bɛ tɩ wa sɛr a yome 175 sob. A Gɩrɛkɩ mɩnɛ naalʋ-tẽw pʋɔ a, bɛ mɩ́ tɩ tĩ nɩ a lɛn daar a Selekisɩ 1 sob na lɩɛbɩ a nãà a, ɛ́ sɔrɛ a yome, a pɛr lɛ k'aa Yeezu Kɩrɩta na bɛ tɩ wa sɛr a yome 312, simie cuw pʋɔ.. 11A ʋlɩ daar nɛ, nɩsaal-faar tɩ yi n a Ɩsɩrayɛl tẽw pʋɔ yel: «Nyɩ ɩ tɩ wõ taa nɩ a nɩ-bʋʋr-yoru na jil koli tɩ a. Bʋ̃ʋ n'ʋ vɛ̃, yel-faar yaga páw tɩ na, a lɛn daar za tɩ na zawrɩ, bɛ cãà vʋʋrɛ mɛ̃ a bɛl a.» 12A nɩbɛ tɩ nɔnɛ nɩ a ƴɛ̀rʋ á ŋá taabɛ. 13Nɩbɛ bɛ mɩnɛ, a nɩbɛ pʋɔ, tɩ cen nɩ fɔ̃wlɛ tɩ páw a nãà: ʋ kʋ̀ bɛ sɔ́r kɛ́ bɛ tuur a nɩ-bʋʋr-yoru ɩ-ɩrɩ. 14Lɛ n'a bɛ tɩ mɛ dɩ̃ɛnʋ-yir#1:14 Dɩ̃ɛnʋ-yir: Zie n'ʋ bɛ mɩ́ tɩ cɔbrɩ a nɩbɛ cere tɩ dɩ̃ɛnɛ nɩ ƴã-gã-kpãkpole, damnɛ nɩ a bɛ ƴã-gamɛ. a Zerizalɛm, mɛ̃ a lɛ a nɩ-bʋʋr-yoru bɛ ŋa na ɩrɛ a. 15Bɛ tɩ ɩ na a bɛ yʋɔr-ŋmãafʋ bɛ cãà sãá ɩ. À ŋá n'a bɛ tɩ zawrɩ a wõ-ta-sõw bɛr, ɛ́ lãw nɩ a nɩbɛ bɛl na bɛ ɩ Zifʋ a. Bɛ tɩ de nɩ bɛ tʋɔra tɩr a yel-faa maalʋ ƴãw.
A nãà Ãtiokisi zɛbr'ɩ nɩ a Eziptɩ tẽw
16A Ãtiokisi na wa nyɛ̃ a ʋ naalʋ-tẽw k'ʋ tɛr fãw a sɛw a, ʋ tɩ bɔbr'a k'ʋʋ mɩ̀ ɩ a Eziptɩ tẽw nãà, dɩrɛ naalʋ a ten a za ayi zu. 17Ʋ tɩ kpɛ n a Eziptɩ tẽw nɩ zɛbr-nɩbɛ na ta zɛbr-nɩbɛ a, zɛbr-torkori, wɔ́br nɩ gbee yaga. 18Ʋ tɩ ŋmãa nɩ nɩ a Eziptɩ tẽw nãà, Pitoleme, a zɛbr, ʋ lɩɛbɩ zɔ a ʋ niŋé, ɛ́ bɛ kʋ sojarɩ yaga. 19A Ãtiokisi tɩ zɛb'a de a Eziptɩ tẽw tẽ-bɛrɛ a dacine na viiri koli a, ɛ́ de a tẽw na-bome. 20Ʋ na tɩ zɛb tʋ̃ɔ́ a Eziptɩ tẽw baarɩ a yome lɩz'a ayopõi nɩ ata (143)#1:20 Yome 143: A Yeezu Kɩrɩta na bɛ wa sɛr a yome 169 sob'ʋ. Nyɛ̃ 1.10. sob a, ʋ lɩɛb'ɩ pùor wa, wa lo a Ɩsɩrayɛl tẽw sɔ́r, cere a Zerizalɛm ƴãw nɩ zɛbr-nɩbɛ na ta zɛbr-nɩbɛ a.
A nãà Ãtiokisi de nɩ a Ŋmɩn-yir-kpɛ̃ɛ na-bome
(2Ma 5:11-21)
21A Ãtiokisi tɩ kpɛ n a Ŋmɩn-yir-kpɛ̃ɛ pʋɔ, ɛ́ bɛ tɛr ƴãwfʋ ɩb kãw za ɩ. Ʋ tɩ ƴãw na bɛ ír a salm-zɩɛ bàwr-maal-kuur, a fɩ̃tɩlɩ dɔwlʋ zie nɩ a ʋ bʋ̃-kpɛ̃kpɛrsɩ, 22a dipɛ̃ bɛ na mɩ́ de kʋ̀ a Naaŋmɩn a tabal, a koli-nyúuri a divɛ̃ de-kʋ̀b ƴãw, a zɩ̃ɩ lali, a salm-zɩɛ koli a tɩ-suur-zɔ̃-na-nyùur-vla-vla-a nyɩwfʋ ƴãw, a pɛn-yawla, a nãà-kpawʋʋr, a salm-zɩɛ vɩɛlʋ bome al na tɩ ƴãw a ŋmɩn-yir-kpɛ̃ɛ niŋé a, ʋ tɩ ƴãw na bɛ ír a za. 23Ʋ mɩ̀ tɩ de nɩ a salm-pla, a salm-zɩɛ nɩ a bʋ̃-vɩɛlɩ vɩɛlɩ. Ʋ tɩ nyɛ̃ nɩ a na-bome bɛ na sɔwlɩ a, mɩ̀ de a cen nɩ. 24Ʋ na tɩ de a bome za a, ʋ lɛb'a kul a ʋ tẽw. Ʋ tɩ kʋ n nɩ-yaga, ɛ́ ƴɛ̀r ƴɛ̀rʋ na ɩ pɔ̀l-ƴɛ̀rʋ tɛwr a.
25A tẽw za pʋɔ a,
a tɩ ɩ n wahala kpɛ̃ɛ a nɩbɛ zie,
a Ɩsɩrayɛl ƴãw.
26A nɩ-bɛrɛ nɩ a nɩ-kore tɩ kõ na,
a pɔlbili nɩ a pɔwsɩrali bɛ tɩ cãà tɛr fãw ɛ,
a pɔwbɛ vɩɛlʋ tɩ baar'a.
27A dɛ-sãanbɛ tɩ ŋmãa nɩ lãw-mʋɔlɛ,
ɛ́ a bɛ pɔwbɛ zɩ̃ a dirú tɛr pʋ-sãwna.
28A Ɩsɩrayɛl tẽw dem kpɩɛrʋ
tɩ ɩ na a tẽsɔw-kɔbr dam,
vĩ tɩ nyɔw nɩ a nɩbɛ za.
Zɛbr-yir-kpɛ̃w mɛ n a Zerizalɛm
(2Ma 5:24-26)
29Yome ayi pùorí, a nãà tɩ tõ n tõ-tõ-bie a zuru-yar ƴãw, a Zuda tẽw tẽ-bɛrɛ pʋɔ. A sob nɛ tɩ ta n a Zerizalɛm nɩ zɛbr-nɩbɛ na ta zɛbr-nɩbɛ a. 30Ʋ tɩ bɛlɩ na ƴɛ̀r ƴã-ɓaarʋ ƴɛ̀rʋ kʋ̀ a nɩbɛ, bɛ sàw kɛ́ sɩza n'a. Al pùorí ʋ ur zɛb'ɩ a tẽw, ŋmɛ ʋ faa faa, ɛ́ kʋ Ɩsɩrayɛl nɩbɛ yaga. 31Ʋ tɩ de nɩ a tẽw na-bome, nyɩw ʋ bɛr, sãw a ʋ yie nɩ a ʋ dacine bɛr. 32A ʋ sojarɩ tɩ nyɔw nɩ a pɔwbɛ nɩ a bibiir cen nɩ, bɛ tɩ ɩ gbãgbaar, ɛ́ de a dʋn so a.
33Al pùorí, bɛ tɩ lɛb'a mɛ a Daviir Tẽ-kpɛ̃ɛ, ɛ́ mɛ dacin na kɛrɩ ɛ́ kpɛmɛ a viiri koli, dacin na tɛr zɛbr-yir-cõcowli kpɛn kpɛn a. Ʋ tɩ lɩɛb'ɩ a bɛ zɛbr-yir-kpɛ̃w. 34Bɛ tɩ ƴãw nɩ nɩ-faar bʋʋrɛ kãw a be, nɩbɛ na bɛ bãw bʋ̃ʋ n'ɩ Naaŋmɩn puoru nɩ bʋ̃ʋ n'ɩ nʋɔr na ƴãw a ɩ, ɛ́ a bɛ fãw tɩ kɛrɛ a be. 35Bɛ tɩ bin nɩ zɛbr bome nɩ bʋ̃-dɩrɩ a be. A Zerizalɛm tẽw na-bome bɛ na tɩ de a, bɛ tɩ ɓã a nɩ taa a be, ɛ́ tɩ ɩ ʋ ɩ bʋ̃-faa kpɛ̃ɛ na jɩɛrɛ a Ɩsɩrayɛl tẽw a.
36A zɛbr-yir-kpɛ̃w ŋa tɩ ɩ n bɛra
a Ŋmɩn-yir-kpɛ̃ɛ ƴãw,
ɛ́ ɩ yel-faa a Ɩsɩrayɛl ƴãw kʋralɛ.
37Bɛ tɩ ɩ na nɩbɛ
na bɛ tɛr sãwna a zɩ̃ɩ
cir viiri koli a zi-sõw,
dɛw ʋ bɛr a lɛ.
38A tɩ fɛr'ɩ
a Zerizalɛm tẽw dem
bɛ zɔ a bɛl ƴãw.
A tẽ-kpɛ̃ɛ tɩ lɩɛb'ɩ
nɩ-sãanbɛ zie,
tẽ-kpɛ̃ɛ-sãan a ʋl mɩŋa nɩbɛ zie,
a na tɩ fɛr kɛ́ bɛ zɔ ɛ́ bɛr ʋ a.
39A ʋ Ŋmɩn-yir-kpɛ̃ɛ
na sãw ʋ za a,
tɩ ɩ na mɛ̃ wɛja-kpalɛ a.
A ʋ cuwr tɩ lɩɛb'ɩ
lãw-mʋɔlɛ bibie,
a ʋ pɩ̃ɛnʋ-bibie tɩ lɩɛb'ɩ
bʋ̃-ɩ-laarɩ,
ɛ́ a ʋ yúor-vɩɛlʋ-danʋ
ɩ bʋ̃-jewra.
40A ʋ vĩ tɩ ɩ n kpɛ̃ɛ
sɛw a lɛ a ʋ yúor na tɩ yi a,
ɛ́ a wahala lɩɛrɩ a lɛ
ʋ na tɩ ɩ a kpɛ̃ɛ a.
A nãà Ãtiokisi diw nɩ a Zifʋ mɩnɛ puoru bɛr
(2Ma 6:1-11)
41A nãà Ãtiokisi tɩ sɛb'a yel k'aa nɩbɛ za, na kpɩɛr a ʋ naalʋ-tẽw pʋɔ a, lɩɛbɩ nɩ-bʋʋr-been, 42ɛ́ bɛr a bɛ bʋʋrɛ ɩ-ɩrɩ. A nɩ-bʋʋr-yoru nɩbɛ tɩ tu n a lɛ a nãà na yel a, 43ɛ́ Ɩsɩrayɛl nɩbɛ yaga nɔnɛ tu a ʋ puoru sɔ́r. Bɛ tɩ maal'ɩ bagɛ kʋ̀ a tɩbɛ, ɛ́ bɛ cãà tuur a pɩ̃ɛnʋ-bibir ɛ. 44A nãà mɩ̀ tɩ tõ n nɩbɛ nɩ sɛb-tʋɔlɩ a Zerizalɛm nɩ a Zuda tẽw tẽ-bɛrɛ pʋɔ, yel kɛ́ bɛ tuur ɩ-ɩrɩ na bɛ ɩ a tẽw ɩ-ɩrɩ a. 45Ʋ tɩ diw nɩ a Zifʋ mɩnɛ kɛ́ bɛ ta maalɛ nyɩw-a-za-bagɛ bɩɩ bagɛ a mɩnɛ a Ŋmɩn-yir-kpɛ̃ɛ pʋɔ ɩ, kɛ́ bɛ ta mɩ́ tɛr zɔ̃ bɩɩ divɛ̃ de-kʋ̀b tub a be ɩ. Ʋ tɩ yel'a kʋ̀ bɛ, kɛ́ bɛ ta cãà tuur a pɩ̃ɛnʋ-bibir nɩ a cuwr bibie ɩ, 46kɛ́ bɛ ɩ a Ŋmɩn-yir-kpɛ̃ɛ nɩ a bʋ̃-son a tɛr dɛwr, 47kɛ́ bɛ mɛ bàwr-maal-kube, zi-son nɩ ŋmɩmɛ yie a tɩbɛ ƴãw, kɛ́ bɛ kʋrɛ dobaar nɩ dʋ̃-dɛgɛ maalɛ nɩ bàwr, 48kɛ́ bɛ ta ŋmarɛ a bɛ bibiir yɛɛ ɩ, ɛ́ tɛr ɩ-ɩrɩ na bɛ maal'ɩ wob a, dɛwr'ɩ bɛ tʋɔra. 49À ŋá n'a bɛ na yiiri a Moyiir Wulu bɛr, ɛ́ lɩɛbɩ a bɛ ɩ-ɩrɩ za. 50Nɩr bɛ wa tuur a lɛ a nãà na yel'a, bɛ na kʋ ʋ na. 51Sɛbrʋ n'a a nãà tɩ sɛb ƴãw nɩ a nɛ́ɛ á ŋá kʋ̀ a ʋ naalʋ-tẽw nɩbɛ za, ʋʋ tɩ kaa na ír nɩbɛ kɛ́ bɛ piwre a Zifʋ mɩnɛ. Ʋ mɩ̀ tɩ yel'a kɛ́ Zuda tẽw tẽ-kpɛ̃ɛ za maalɩ bagɛ na bɛ tu a Moyiir wulu a ɩ. 52Zifʋ nɩ-yaga, na tɩ zawrɩ a Moyiir wulu bɛr a, tɩ lãw na tõ n a nɩ-piwrbɛ a nãà na kaa ír a. Bɛ tɩ ɩ n ɩb na bɛ vɩɛl a, a tẽw pʋɔ, 53tɩ fɛr a Ɩsɩrayɛl nɩbɛ bɛ sɔwlɛ zie nɛ za bɛ na na tʋ̃ɔ́ sɔwlɩ a.
54A Kisile#1:54 Kisile cuw, yome 145 sob: A Yeezu Kɩrɩta na bɛ wa sɛr a yome 167 bʋrnyɛ̃ cuw pʋɔ. cuw bibie pie nɩ anũu sob, a yome lɩz'a ayopõi nɩ anũu (145) sob, a nãà tɩ ƴãw na bɛ mɛ a «Faalʋ-na-bɛ-maal'ɩ-wob'a#1:54 Faalʋ-na-bɛ-maal'ɩ-wob'a: Gɩrɛkɩ mɩnɛ tɩɩb kãw, na dɩ Zesɩ Olɛ̃pɩ̃ɛ a, bàwr-maal-kuur bɩɩ a ʋ dasule n'ʋ.» a nyɩw-a-za-bagɛ bàwr-maal-kuur zu, ɛ́ mɩ̀ ƴãw bɛ mɛ bàwr-maal-kube a Zuda tẽw tẽ-bɛrɛ pʋɔ. 55Bɛ mɩ́ tɩ nyɩw nɩ tɩ-suur-zɔ̃-na-nyùur-vla-vla-a, a yie dɩ̃dɛɛ ƴãw nɩ a nɩbɛ tuor-taa ziir. 56Bɛ mɩ́ tɩ cɩɛr'ɩ a wulu sɛbr bɛ na nyɛ̃ a bɛr, ɛ́ lɔb a ƴãw vũumí. 57Bɛlɛ mɩ́ wa tɩ nyɛ̃ nɩr ʋ tɛr a wõ-taa sɛbɛ#1:57 Wõ-taa sɛbɛ: A Sɛb-sõw sɛbr anũu al na de a niwn a n'a bɛ yere, be n'a a Moyiir wulu be., bɩɩ ʋ tuur a Moyiir wulu a, bɛ mɩ́ kʋ ʋ na, a nãà nʋɔr zũú. 58Cuw za a tẽ-bɛrɛ pʋɔ a, bɛ mɩ́ tɩ dɔwr'ɩ a Ɩsɩrayɛl nɩbɛ bɛl na mɩ́ gãw a nãà nʋɔr a. 59A cuw bibie lɩzɛr'ɩ anũu sob, bɛ mɩ́ tɩ maal'ɩ bagɛ a bàwr-maal-kuur na mɛ dɔwlɩ a nyɩw-a-za-bagɛ bàwr-maal-kuur zu a zu. 60A nãà nʋɔr zũú a, bɛ mɩ́ tɩ kʋ n a pɔwbɛ bɛl na ƴãw bɛ ŋma a bɛ bibiir yɛɛ a, 61ɛ́ yɛrɩ bɛ a bɛ bi-pɩɩlɛ a kɔkɛ̃ɛ́. Bɛ mɩ̀ mɩ́ tɩ kʋ n a bɛ yie dem, nɩ a bɛlɩ dem na ŋma a bibiir yɛɛ a. 62Ɛcɛ nɩ-yaga, a Ɩsɩrayɛl nɩbɛ pʋɔ, bɛ tɩ sàw a nãà nʋɔr ɛ, ɛ́ tɩ tɛr fãw k'a sɛw bɛ bɛ dɩ bʋ̃-dɩ-dɛwr ɛ. 63Bɛ tɩ nyɛ̃ na a kũu sa bɛ na na dɩ bʋ̃-dɩ-dɛwr, sãw a wõ-ta-sõw bɛr a, ɛ́ tɩ kpi. 64A ʋlɩ daar nɛ a, a Naaŋmɩn suur tɩ ìr'ɩ yaga a Ɩsɩrayɛl ƴãw.
Currently Selected:
1 Makabe mɩnɛ 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
1 Makabe mɩnɛ 1
1
A nãà Alɛsãdɩr-Kpɛ̃ɛ
1A nãà Filib bidɛb, Alɛsãdɩr-Kpɛ̃ɛ, tɩ yi n a ʋ tẽw Masedʋan k'ʋʋ tɩ zɛb zɛbr. Lɛ n'a ʋ tɩ zɛb tʋ̃ɔ́ a Pɛrsɩ mɩnɛ nɩ a Mɛdɩ mɩnɛ nãà Dariyisɩ#1:1 Dariyisɩ: A Dariyisɩ 3 sob'ʋ. A Alɛsãdɩr tɩ tʋ̃ɔ́ ʋ nɩ a Ɩsɔsɩ, a yome 334 a Yeezu Kɩrɩta na bɛ tɩ wa sɛr a., ɛ́ de niwn faa a naalʋ ʋ na tɩ dɩrɛ a gɩrɛkɩ naalʋ-tẽw zu a, a ʋ zie. 2Ʋ tɩ zɛb'ɩ zɛbr yaga, de tẽ-bɛrɛ dacine na viiri koli a, ɛ́ ƴãw bɛ kʋ a ziir al na-mɩnɛ. 3Ʋ tɩ cen na tɩ ta a tẽw baarʋ zie, ɛ́ de tẽ-yaga na-bome. A tẽw na wa tɩ tɛr ƴã-ɓaarʋ a ʋ zũú a, ʋ ɩ n pɔ̀l-ɩb nɩ nyɔka-ɩb. 4Ʋ tɩ ɓã n zɛbr-nɩbɛ taa, bɛ yãwmɛ yaga, ɛ́ tɛr fãw, ʋ tʋ̃ɔ́ nɩ tẽ-ŋma-kʋ̀rɩ, nɩ-bʋʋrɛ nɩ a bɛ nɩ-bɛrɛ, ɛ́ fɛr bɛ ƴãw bɛ yarɛ zuru-yar kʋ̀rɛ ʋ.
5Al pùorí, ʋ tɩ lo n bàalʋ ɛ́ nyɛ̃ bãw k'ʋʋ na kpi na. 6Lɛ n'a ʋ tɩ bʋɔlɩ a ʋ zɛbr-nɩbɛ nɩ-bɛrɛ bɛrɛ, nɩ-yée bɛ na tɩ guoli lãw nɩ ʋ a ʋ bibile daarɩ́ za a, wa ŋma a ʋ naalʋ-tẽw põ bɛ ɛ́ bãw kpi.
7A Alɛsãdɩr tɩ dɩ n a naalʋ yome pie nɩ ayi ɛ́ bãw kpi. 8A ʋ sojarɩ nɩ-bɛrɛ bɛrɛ tɩ dɩ n a nɩ-kpɛ̃ɛnʋ, ŋa za a zie ʋl bɛ na kʋ̀ ʋ a pʋɔ. 9Bɛ za tɩ vɔbl'ɩ a nãà-kpawʋɔ a ʋ kũu pùorí. A bɛ bidɛbr mɩ̀ tɩ ɩ n a lɛ a bɛ pùorí yome yaga ƴãw, a tɩ ɩ kpɩɛrʋ-kpɛ̃ɛ a tẽw za ƴãw.
Zifʋ nɩbɛ bɛ mɩnɛ tuur'ɩ a Gɩrɛkɩ mɩnɛ ɩ-ɩrɩ
(2Ma 4:7-17)
10A bɛ bʋ̃-dɔwra kãw tɩ yi n a bɛ bʋʋrɛ pʋɔ, kpɛ faa: a nãà Ãtiokisi bidɛb, Ãtiokisi Epifan, tɩ n'ʋ. Ʋ tɩ de nɩ niwn ɩ wõ-taa bom#1:10 Wõ-taa bom: A nãà Ãtiokisi 3 sob nɩ a Ʋrɔm tẽw dem wõ-taa kãw na tɩ maalɩ Apame, a Yeezu Kɩrɩta na bɛ tɩ wa sɛr a yome 188 sob a, zũú, ʋ tɩ tɩr'ɩ nɩbɛ a Ʋrɔm, bɛ ɩ a wõ-taa ŋa nɩbɛ. A ʋ bidɛb Ãtiokisi-Epifan tɩ pʋɔ nɩ a nɩbɛ bɛ ŋa pʋɔ. be a Ʋrɔm, al pùorí, ʋ wa lɩɛbɩ a Gɩrɛkɩ mɩnɛ naalʋ-tẽw nãà, a yome lɩz'a ayʋɔb nɩ pie nɩ ayopõi (137) sob daar#1:10 Yome 137 sob daar: A na ɩ n a Yeezu Kɩrɩta na bɛ tɩ wa sɛr a yome 175 sob. A Gɩrɛkɩ mɩnɛ naalʋ-tẽw pʋɔ a, bɛ mɩ́ tɩ tĩ nɩ a lɛn daar a Selekisɩ 1 sob na lɩɛbɩ a nãà a, ɛ́ sɔrɛ a yome, a pɛr lɛ k'aa Yeezu Kɩrɩta na bɛ tɩ wa sɛr a yome 312, simie cuw pʋɔ.. 11A ʋlɩ daar nɛ, nɩsaal-faar tɩ yi n a Ɩsɩrayɛl tẽw pʋɔ yel: «Nyɩ ɩ tɩ wõ taa nɩ a nɩ-bʋʋr-yoru na jil koli tɩ a. Bʋ̃ʋ n'ʋ vɛ̃, yel-faar yaga páw tɩ na, a lɛn daar za tɩ na zawrɩ, bɛ cãà vʋʋrɛ mɛ̃ a bɛl a.» 12A nɩbɛ tɩ nɔnɛ nɩ a ƴɛ̀rʋ á ŋá taabɛ. 13Nɩbɛ bɛ mɩnɛ, a nɩbɛ pʋɔ, tɩ cen nɩ fɔ̃wlɛ tɩ páw a nãà: ʋ kʋ̀ bɛ sɔ́r kɛ́ bɛ tuur a nɩ-bʋʋr-yoru ɩ-ɩrɩ. 14Lɛ n'a bɛ tɩ mɛ dɩ̃ɛnʋ-yir#1:14 Dɩ̃ɛnʋ-yir: Zie n'ʋ bɛ mɩ́ tɩ cɔbrɩ a nɩbɛ cere tɩ dɩ̃ɛnɛ nɩ ƴã-gã-kpãkpole, damnɛ nɩ a bɛ ƴã-gamɛ. a Zerizalɛm, mɛ̃ a lɛ a nɩ-bʋʋr-yoru bɛ ŋa na ɩrɛ a. 15Bɛ tɩ ɩ na a bɛ yʋɔr-ŋmãafʋ bɛ cãà sãá ɩ. À ŋá n'a bɛ tɩ zawrɩ a wõ-ta-sõw bɛr, ɛ́ lãw nɩ a nɩbɛ bɛl na bɛ ɩ Zifʋ a. Bɛ tɩ de nɩ bɛ tʋɔra tɩr a yel-faa maalʋ ƴãw.
A nãà Ãtiokisi zɛbr'ɩ nɩ a Eziptɩ tẽw
16A Ãtiokisi na wa nyɛ̃ a ʋ naalʋ-tẽw k'ʋ tɛr fãw a sɛw a, ʋ tɩ bɔbr'a k'ʋʋ mɩ̀ ɩ a Eziptɩ tẽw nãà, dɩrɛ naalʋ a ten a za ayi zu. 17Ʋ tɩ kpɛ n a Eziptɩ tẽw nɩ zɛbr-nɩbɛ na ta zɛbr-nɩbɛ a, zɛbr-torkori, wɔ́br nɩ gbee yaga. 18Ʋ tɩ ŋmãa nɩ nɩ a Eziptɩ tẽw nãà, Pitoleme, a zɛbr, ʋ lɩɛbɩ zɔ a ʋ niŋé, ɛ́ bɛ kʋ sojarɩ yaga. 19A Ãtiokisi tɩ zɛb'a de a Eziptɩ tẽw tẽ-bɛrɛ a dacine na viiri koli a, ɛ́ de a tẽw na-bome. 20Ʋ na tɩ zɛb tʋ̃ɔ́ a Eziptɩ tẽw baarɩ a yome lɩz'a ayopõi nɩ ata (143)#1:20 Yome 143: A Yeezu Kɩrɩta na bɛ wa sɛr a yome 169 sob'ʋ. Nyɛ̃ 1.10. sob a, ʋ lɩɛb'ɩ pùor wa, wa lo a Ɩsɩrayɛl tẽw sɔ́r, cere a Zerizalɛm ƴãw nɩ zɛbr-nɩbɛ na ta zɛbr-nɩbɛ a.
A nãà Ãtiokisi de nɩ a Ŋmɩn-yir-kpɛ̃ɛ na-bome
(2Ma 5:11-21)
21A Ãtiokisi tɩ kpɛ n a Ŋmɩn-yir-kpɛ̃ɛ pʋɔ, ɛ́ bɛ tɛr ƴãwfʋ ɩb kãw za ɩ. Ʋ tɩ ƴãw na bɛ ír a salm-zɩɛ bàwr-maal-kuur, a fɩ̃tɩlɩ dɔwlʋ zie nɩ a ʋ bʋ̃-kpɛ̃kpɛrsɩ, 22a dipɛ̃ bɛ na mɩ́ de kʋ̀ a Naaŋmɩn a tabal, a koli-nyúuri a divɛ̃ de-kʋ̀b ƴãw, a zɩ̃ɩ lali, a salm-zɩɛ koli a tɩ-suur-zɔ̃-na-nyùur-vla-vla-a nyɩwfʋ ƴãw, a pɛn-yawla, a nãà-kpawʋʋr, a salm-zɩɛ vɩɛlʋ bome al na tɩ ƴãw a ŋmɩn-yir-kpɛ̃ɛ niŋé a, ʋ tɩ ƴãw na bɛ ír a za. 23Ʋ mɩ̀ tɩ de nɩ a salm-pla, a salm-zɩɛ nɩ a bʋ̃-vɩɛlɩ vɩɛlɩ. Ʋ tɩ nyɛ̃ nɩ a na-bome bɛ na sɔwlɩ a, mɩ̀ de a cen nɩ. 24Ʋ na tɩ de a bome za a, ʋ lɛb'a kul a ʋ tẽw. Ʋ tɩ kʋ n nɩ-yaga, ɛ́ ƴɛ̀r ƴɛ̀rʋ na ɩ pɔ̀l-ƴɛ̀rʋ tɛwr a.
25A tẽw za pʋɔ a,
a tɩ ɩ n wahala kpɛ̃ɛ a nɩbɛ zie,
a Ɩsɩrayɛl ƴãw.
26A nɩ-bɛrɛ nɩ a nɩ-kore tɩ kõ na,
a pɔlbili nɩ a pɔwsɩrali bɛ tɩ cãà tɛr fãw ɛ,
a pɔwbɛ vɩɛlʋ tɩ baar'a.
27A dɛ-sãanbɛ tɩ ŋmãa nɩ lãw-mʋɔlɛ,
ɛ́ a bɛ pɔwbɛ zɩ̃ a dirú tɛr pʋ-sãwna.
28A Ɩsɩrayɛl tẽw dem kpɩɛrʋ
tɩ ɩ na a tẽsɔw-kɔbr dam,
vĩ tɩ nyɔw nɩ a nɩbɛ za.
Zɛbr-yir-kpɛ̃w mɛ n a Zerizalɛm
(2Ma 5:24-26)
29Yome ayi pùorí, a nãà tɩ tõ n tõ-tõ-bie a zuru-yar ƴãw, a Zuda tẽw tẽ-bɛrɛ pʋɔ. A sob nɛ tɩ ta n a Zerizalɛm nɩ zɛbr-nɩbɛ na ta zɛbr-nɩbɛ a. 30Ʋ tɩ bɛlɩ na ƴɛ̀r ƴã-ɓaarʋ ƴɛ̀rʋ kʋ̀ a nɩbɛ, bɛ sàw kɛ́ sɩza n'a. Al pùorí ʋ ur zɛb'ɩ a tẽw, ŋmɛ ʋ faa faa, ɛ́ kʋ Ɩsɩrayɛl nɩbɛ yaga. 31Ʋ tɩ de nɩ a tẽw na-bome, nyɩw ʋ bɛr, sãw a ʋ yie nɩ a ʋ dacine bɛr. 32A ʋ sojarɩ tɩ nyɔw nɩ a pɔwbɛ nɩ a bibiir cen nɩ, bɛ tɩ ɩ gbãgbaar, ɛ́ de a dʋn so a.
33Al pùorí, bɛ tɩ lɛb'a mɛ a Daviir Tẽ-kpɛ̃ɛ, ɛ́ mɛ dacin na kɛrɩ ɛ́ kpɛmɛ a viiri koli, dacin na tɛr zɛbr-yir-cõcowli kpɛn kpɛn a. Ʋ tɩ lɩɛb'ɩ a bɛ zɛbr-yir-kpɛ̃w. 34Bɛ tɩ ƴãw nɩ nɩ-faar bʋʋrɛ kãw a be, nɩbɛ na bɛ bãw bʋ̃ʋ n'ɩ Naaŋmɩn puoru nɩ bʋ̃ʋ n'ɩ nʋɔr na ƴãw a ɩ, ɛ́ a bɛ fãw tɩ kɛrɛ a be. 35Bɛ tɩ bin nɩ zɛbr bome nɩ bʋ̃-dɩrɩ a be. A Zerizalɛm tẽw na-bome bɛ na tɩ de a, bɛ tɩ ɓã a nɩ taa a be, ɛ́ tɩ ɩ ʋ ɩ bʋ̃-faa kpɛ̃ɛ na jɩɛrɛ a Ɩsɩrayɛl tẽw a.
36A zɛbr-yir-kpɛ̃w ŋa tɩ ɩ n bɛra
a Ŋmɩn-yir-kpɛ̃ɛ ƴãw,
ɛ́ ɩ yel-faa a Ɩsɩrayɛl ƴãw kʋralɛ.
37Bɛ tɩ ɩ na nɩbɛ
na bɛ tɛr sãwna a zɩ̃ɩ
cir viiri koli a zi-sõw,
dɛw ʋ bɛr a lɛ.
38A tɩ fɛr'ɩ
a Zerizalɛm tẽw dem
bɛ zɔ a bɛl ƴãw.
A tẽ-kpɛ̃ɛ tɩ lɩɛb'ɩ
nɩ-sãanbɛ zie,
tẽ-kpɛ̃ɛ-sãan a ʋl mɩŋa nɩbɛ zie,
a na tɩ fɛr kɛ́ bɛ zɔ ɛ́ bɛr ʋ a.
39A ʋ Ŋmɩn-yir-kpɛ̃ɛ
na sãw ʋ za a,
tɩ ɩ na mɛ̃ wɛja-kpalɛ a.
A ʋ cuwr tɩ lɩɛb'ɩ
lãw-mʋɔlɛ bibie,
a ʋ pɩ̃ɛnʋ-bibie tɩ lɩɛb'ɩ
bʋ̃-ɩ-laarɩ,
ɛ́ a ʋ yúor-vɩɛlʋ-danʋ
ɩ bʋ̃-jewra.
40A ʋ vĩ tɩ ɩ n kpɛ̃ɛ
sɛw a lɛ a ʋ yúor na tɩ yi a,
ɛ́ a wahala lɩɛrɩ a lɛ
ʋ na tɩ ɩ a kpɛ̃ɛ a.
A nãà Ãtiokisi diw nɩ a Zifʋ mɩnɛ puoru bɛr
(2Ma 6:1-11)
41A nãà Ãtiokisi tɩ sɛb'a yel k'aa nɩbɛ za, na kpɩɛr a ʋ naalʋ-tẽw pʋɔ a, lɩɛbɩ nɩ-bʋʋr-been, 42ɛ́ bɛr a bɛ bʋʋrɛ ɩ-ɩrɩ. A nɩ-bʋʋr-yoru nɩbɛ tɩ tu n a lɛ a nãà na yel a, 43ɛ́ Ɩsɩrayɛl nɩbɛ yaga nɔnɛ tu a ʋ puoru sɔ́r. Bɛ tɩ maal'ɩ bagɛ kʋ̀ a tɩbɛ, ɛ́ bɛ cãà tuur a pɩ̃ɛnʋ-bibir ɛ. 44A nãà mɩ̀ tɩ tõ n nɩbɛ nɩ sɛb-tʋɔlɩ a Zerizalɛm nɩ a Zuda tẽw tẽ-bɛrɛ pʋɔ, yel kɛ́ bɛ tuur ɩ-ɩrɩ na bɛ ɩ a tẽw ɩ-ɩrɩ a. 45Ʋ tɩ diw nɩ a Zifʋ mɩnɛ kɛ́ bɛ ta maalɛ nyɩw-a-za-bagɛ bɩɩ bagɛ a mɩnɛ a Ŋmɩn-yir-kpɛ̃ɛ pʋɔ ɩ, kɛ́ bɛ ta mɩ́ tɛr zɔ̃ bɩɩ divɛ̃ de-kʋ̀b tub a be ɩ. Ʋ tɩ yel'a kʋ̀ bɛ, kɛ́ bɛ ta cãà tuur a pɩ̃ɛnʋ-bibir nɩ a cuwr bibie ɩ, 46kɛ́ bɛ ɩ a Ŋmɩn-yir-kpɛ̃ɛ nɩ a bʋ̃-son a tɛr dɛwr, 47kɛ́ bɛ mɛ bàwr-maal-kube, zi-son nɩ ŋmɩmɛ yie a tɩbɛ ƴãw, kɛ́ bɛ kʋrɛ dobaar nɩ dʋ̃-dɛgɛ maalɛ nɩ bàwr, 48kɛ́ bɛ ta ŋmarɛ a bɛ bibiir yɛɛ ɩ, ɛ́ tɛr ɩ-ɩrɩ na bɛ maal'ɩ wob a, dɛwr'ɩ bɛ tʋɔra. 49À ŋá n'a bɛ na yiiri a Moyiir Wulu bɛr, ɛ́ lɩɛbɩ a bɛ ɩ-ɩrɩ za. 50Nɩr bɛ wa tuur a lɛ a nãà na yel'a, bɛ na kʋ ʋ na. 51Sɛbrʋ n'a a nãà tɩ sɛb ƴãw nɩ a nɛ́ɛ á ŋá kʋ̀ a ʋ naalʋ-tẽw nɩbɛ za, ʋʋ tɩ kaa na ír nɩbɛ kɛ́ bɛ piwre a Zifʋ mɩnɛ. Ʋ mɩ̀ tɩ yel'a kɛ́ Zuda tẽw tẽ-kpɛ̃ɛ za maalɩ bagɛ na bɛ tu a Moyiir wulu a ɩ. 52Zifʋ nɩ-yaga, na tɩ zawrɩ a Moyiir wulu bɛr a, tɩ lãw na tõ n a nɩ-piwrbɛ a nãà na kaa ír a. Bɛ tɩ ɩ n ɩb na bɛ vɩɛl a, a tẽw pʋɔ, 53tɩ fɛr a Ɩsɩrayɛl nɩbɛ bɛ sɔwlɛ zie nɛ za bɛ na na tʋ̃ɔ́ sɔwlɩ a.
54A Kisile#1:54 Kisile cuw, yome 145 sob: A Yeezu Kɩrɩta na bɛ wa sɛr a yome 167 bʋrnyɛ̃ cuw pʋɔ. cuw bibie pie nɩ anũu sob, a yome lɩz'a ayopõi nɩ anũu (145) sob, a nãà tɩ ƴãw na bɛ mɛ a «Faalʋ-na-bɛ-maal'ɩ-wob'a#1:54 Faalʋ-na-bɛ-maal'ɩ-wob'a: Gɩrɛkɩ mɩnɛ tɩɩb kãw, na dɩ Zesɩ Olɛ̃pɩ̃ɛ a, bàwr-maal-kuur bɩɩ a ʋ dasule n'ʋ.» a nyɩw-a-za-bagɛ bàwr-maal-kuur zu, ɛ́ mɩ̀ ƴãw bɛ mɛ bàwr-maal-kube a Zuda tẽw tẽ-bɛrɛ pʋɔ. 55Bɛ mɩ́ tɩ nyɩw nɩ tɩ-suur-zɔ̃-na-nyùur-vla-vla-a, a yie dɩ̃dɛɛ ƴãw nɩ a nɩbɛ tuor-taa ziir. 56Bɛ mɩ́ tɩ cɩɛr'ɩ a wulu sɛbr bɛ na nyɛ̃ a bɛr, ɛ́ lɔb a ƴãw vũumí. 57Bɛlɛ mɩ́ wa tɩ nyɛ̃ nɩr ʋ tɛr a wõ-taa sɛbɛ#1:57 Wõ-taa sɛbɛ: A Sɛb-sõw sɛbr anũu al na de a niwn a n'a bɛ yere, be n'a a Moyiir wulu be., bɩɩ ʋ tuur a Moyiir wulu a, bɛ mɩ́ kʋ ʋ na, a nãà nʋɔr zũú. 58Cuw za a tẽ-bɛrɛ pʋɔ a, bɛ mɩ́ tɩ dɔwr'ɩ a Ɩsɩrayɛl nɩbɛ bɛl na mɩ́ gãw a nãà nʋɔr a. 59A cuw bibie lɩzɛr'ɩ anũu sob, bɛ mɩ́ tɩ maal'ɩ bagɛ a bàwr-maal-kuur na mɛ dɔwlɩ a nyɩw-a-za-bagɛ bàwr-maal-kuur zu a zu. 60A nãà nʋɔr zũú a, bɛ mɩ́ tɩ kʋ n a pɔwbɛ bɛl na ƴãw bɛ ŋma a bɛ bibiir yɛɛ a, 61ɛ́ yɛrɩ bɛ a bɛ bi-pɩɩlɛ a kɔkɛ̃ɛ́. Bɛ mɩ̀ mɩ́ tɩ kʋ n a bɛ yie dem, nɩ a bɛlɩ dem na ŋma a bibiir yɛɛ a. 62Ɛcɛ nɩ-yaga, a Ɩsɩrayɛl nɩbɛ pʋɔ, bɛ tɩ sàw a nãà nʋɔr ɛ, ɛ́ tɩ tɛr fãw k'a sɛw bɛ bɛ dɩ bʋ̃-dɩ-dɛwr ɛ. 63Bɛ tɩ nyɛ̃ na a kũu sa bɛ na na dɩ bʋ̃-dɩ-dɛwr, sãw a wõ-ta-sõw bɛr a, ɛ́ tɩ kpi. 64A ʋlɩ daar nɛ a, a Naaŋmɩn suur tɩ ìr'ɩ yaga a Ɩsɩrayɛl ƴãw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.