Yohana 14
NYM51

Yohana 14

14
1Moyo gwinwe gukahahale ngʼo; mumusanizye Mulungu na munsanizye nene. 2Mu numba yamwa Vava mawikalo mingi galiho; ulu mbe yikavile sisyo mbe namuwilile inwe; kwisi ndija kukamuvezezya inwe wikalo. 3Na ulu namalaga kuja kukamuvezezya inwe wikalo, ndize hangi kumusola inwe kuwane, kigele muveko kwenuko nene ndiko. 4Na uko ndijako mumanikizye, na nzila muyimanikizye. 5Toma alimuwila, Guku, tukamanikizye uko ujile na lumehoki tuyimaniche nzila? 6Yesu alimuwila, Nene ndi nzila na hanayene na vuzuvuku, kuduhu umo alifika kumwa Vava sumbwa mugati na nene. 7Ulu mbe mwanimanikizye nene mbe mwamumanikizye Vava mwene, na kufuma lelo mulimumanicha na mwamuwine. 8Filipo alimuwila, Guku, utoleche Vava, yeniyi duhu tulifunda. 9Yesu alimuwila, Matungo gose genaya navagiho hamohene ninwe, naʼho Filipo utali kunimanicha. Homwene wambwine nene, wamuwine Vava, lumehoki 10haho uliyomba, Utoleche iswe Vava? Veve ukavile kusanizya ati nene ndimo mugati na Vava, na Vava mugati na nene? Mihayo yeniyi ndimuwila inwe nkavile kuyomba kufuma kuwane mwenekili; Vava homwene alikalamo mugati na nene alivezya milimo yakwe. 11Munsanizye ati nene ndimo mugati na Vava, na Vava mugati na nene, alisi ulu ngʼo, haho musanizye kunguno ya milimo yenekili. 12Yalole, yalole ndimuwila inwe, homwene alinsanizya nene, akuvezya milimo hoyene ndivezya, nawe akuvezya mihanya kukila 13yeniyi, kwisi nene ndija kumwa Vava. Hogene mukulomba mu lina lyane nkugavezya, kigele Vava akumukiwe mugati na Mwana. 14Ulu mukulomba kinhu 15kimo mu lina lyane, nene nkukivezya. Ulu inwe mulintogwa nene mukuyilindila mikumo yane. 16Nane nkumulomba Vava, nawe akumupa inwe Mugwasya 17ungi homwene akwikala ninwe kusika myaka de, Roho ya hanayene, homwene liwelelo lika, kovolile kumwanukula kunguno likamuwine na likamumanikizye, sumbwa inwe mulimumanicha kunguno alikala hawinwe na akuvimo mugati ninwe. 18Nene kumuleka ngʼo 19inwe vafuvi, ndiza kuwinwe. Katali katungo kado na liwelelo kumbona ngʼo hangi; alisi inwe mukumbona, kwisi nene ndizuvuka, ninwe mukuzuvuka. 20Ha lusiku lwenulo inwe mukumanicha ati nene ndimo mugati na Vava, ninwe mugati na nene, nane mugati ninwe. 21Homwene ali nayo mikumo yane na aliyilindila ali mwenuyu alintogwa; alisi homwene alintogwa akutoneka kumwa Vava, nane nkumutogwa na nkwifumbula kuwakwe. 22Yudasi, ngʼo uyo Iskariote, wamuwilaga, Guku, kuki ulikova kwifumbula kuwiswe na ngʼo ku liwelelo? 23Yesu witavukaga, wamuwila, Ulu umo alintogwa nene akuyilindila mihayo yane, na Vava akumutogwa, niswe tukwiza na tukuvezya wikalo hawakwe. 24Homwene akantogilwe akavile kuyilindila mihayo yane; na muhayo hogwene muligwigwa gukavile gwane, sumbwa gumwa Vava homwene wantumizizye.
25Genaya namuwilile inwe aho ntali ndiho mugati ninwe. 26Alisi Mugwasya, Roho Nsondo, homwene Vava akumutumizya mu lina lyane, mwenuyu akumuhembeka inwe gose na akumwizukizya gose genaya namuwilile inwe. 27Ndimulekela inwe kuhola, kuhola kwane ndimupa inwe, nkavile kumupa inwe kitisi liwelelo lilipana. Moyo gwinwe gukahahale ngʼo ninga 28kogoha ngʼo. Inwe mwigagwa ati namuwilile inwe, Ndijako na ndiza hangi hawinwe. Ulu mbe mwantogagwa mbe mwadehaga kunguno ndija kumwa Vava, kwisi Vava ali muhanya kukila nene. 29Na lelo namuwilaga aho yitali kukwila, kigele musanizye ulu yakwila. 30Nene kuyomba ngʼo ninwe hangi mihayo mingi, kwisi mutwale wa liwelelo aliza, nawe akavile 31na nguzu kwigulya na nene; alisi kigele liwelelo limaniche ati nene ndimutogwa Vava, na ndivezya kitisi Vava wandagilaga nene. Muvuke, tufume henaha.

Nyamwezi New Testament © Bible Society of Tanzania, 1951.


Learn More About Nyamwezi New Testament 1951

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.