YUUKA 16
16
Mana na Ngwale
1Naasa vakauka Elimu, na ironda lyoose lya vana va Israeli vakafika kasa ka Sini ikee nnang'ani ya Elimu na Sinai, kwikee nkonu wa ikumi na karaanu wa mwiiri wa kavii llya vemmaa yuuka urukeny Misri. 2Naasa ironda lyoose lya vana va Israeli lyikakunung'unnya Mose na Aron alya urukeny wuumu, 3vana va Israeli vakavavia, “Kyeevaa kyeni kukooye Nndumi Iruva aleluwaiya kulya Misri, kyeeri kilya lwekee na safuria tilya ta nyama, llya lwekeelya shoonga lukawuura, nkyiki elyi muleluuta kulya mukalweende yaa kuumu, naambo muluwaiye yaa na shaa nsemu yeu moose wa vandu.” 4Naasa Nndumi Iruva kavia Mose, “Lola, nshemoolotyaa nkate uuka iruveeu sha mmbwa, na vandu yewo mmbo vashesomukaa varorrwe wo nkonu shoonga yamaa nkonu umwi-nsi, naambo shimweese, kwakooya mushelatyaa mavavaso akwa, ao oode. 5Na nkonu wa karindaru vashedeesyaa efyo vasherorrwaa, nafyo five kavii yeefyo varorrwaa wo nkonu.” 6Mose na Aron vakaongoya vana va Israeli woose, inu nkwaany llyo mushemanyaa dede Nndumi Iruva alemuuta kulya Misri, 7na ngama llyo mushelollyaa itumbe lya Nndumi Iruva, mashika we ammiita nkunun'gunu wany, shaasa mulekunun'gunnya Nndumi Iruva, neese ni vaki, kutani mwalukunun'gunnya? 8Mose kaamba, “Na mmbo kisheendaa inda, kyeeri Nndumi Iruva ashemuningaa nyama nkwaany naambo mulye, na ngama mikate, musheritwa nrima Nndumi Iruva asheitaa nkunun'gunu wany shaasa mulenkunun'gunnya we, Yese ni-vi? Nta nshi yese-fo, ni Nndumi Iruva mulenkunun'gunnya.”
9Mose kavia Aron, Kyasia, Rera na ironda lyoose lya vana va Israeli, Serikyeny kufii na Nndumi Iruva, mashika we ammiita nkunung'unu wany. 10Naasa kyeeri Aron alerera na ironda lyoose lya vana va Israeli, vakalola taari ya nn'galo, vakalollya itumbe lya Nndumi Iruva lyikee ifishiny.
11Nndumi Iruva karera na Mose kammbia, 12“Shammita nkunun'gunu wa vana va Israeli; kyasia, rera nawo kuvavie kyeeri kya nkwaany mmbo mushelyaa nyama, na kyeeri kya ngama mushewuura mikate, neeni llyo mushemanyaa dede yeny ni Nndumi Iruva, Iruva waany.” 13Naasa kyeeri kya nkwaany ngwale tikasha tikakwaana yoo ulaleny, na kyeeri kya ngama laura ikakwaana koose yoo ulaleny. 14Na kyeeri laura ilya iletuturyo, ate mfindo fikuu-mbumbye fiingyi. 15Kyeeri vana va Israeli valefilollya vakakuvesa veni na veni, “Nkyokyi eki?” Mashika mbalemanya kindo kyeni-fo. Mose kavavia, “Nto nkate Nndumi Iruva amurikkya muulye?” 16Nndumi Iruva mmbo alevavia indi, “Rorrweny yeni wo nndu kiinani na millyiiye yakwe, wo nndu lita ivii, shaasa mufye efo mmba, niindo mushetanaa, wo nndu shaasa vandu vakwe vafye efo yeemeny.” 17Vana va Israeli vakatana indo, vakarorrwa, vengyi vakafumbuta, vengyi vakanyiisa. 18Naasa kyeeri valeesa na bakuri, ulya alefumbuta nnyalesaaywa nkindo-fo, nta yeto alerorrwa kyaangu nnyaleanguywa-fo. Wo nndu karorrwa kiinani na milyiiye yakwe. 19Mose kavavia, “Nta kulave nndu asurumaa fika elyi lya ngama.” 20Lyo mbaleita kilya Mose alevavia-fo, vengyi vawo vakasuruma fika ngama nayo ikaruka nndakwe na iraa, Mose kasua deny, 21Naasa vakarorrwa wo ngama wo nndu kiinani na milyiiye yakwe, na kyeeri mwi ulekora mmwasi filya filesaa yoo sumbai fikeeka. 22Nkonu wa karindaru vakarorrwa shoonga ya mikonu ivii, na lita yiinya wo nndu. Vasongoru woose va ikwaanu llya vakandevia Mose kya mbony yei, 23nawe kavavia, “Nndumi mmbo aamba ndesi ni nkonu ukee mmbike mweele kwakwe wa yiimuya. Kaareny inu ekyo mukunndye ikaara, mukasambuta neekyo mukunndye isambuta inu, neefyo fisaa-u mufisurumi five fya ndesi.” 24Nawo vakalatya ndesa Mose alevavia, vasurumi fika ndesi, nafyo mfilepwaa nta yeende makuru-fo. 25Mose kaamba, “Lyeny shoonga yei inu, mashika inu ni Sabato ya Nndumi Iruva, shoonga yei mmusheilollya lyingyi-fo. 26Sangiryeny shoonga ya mikonu irindaru, mashika nkonu wa mfungare mmbwa iimuya, mmushekilollyaa-fo.” 27Naasa nkonu wa mfungare vandu vakeenda vanderorrwa shoonga valakooye, 28Nndumi Iruva kavia Mose, “Mmbo mushelemaa ilatya mavavaso akwa indo fika indii? 29Loleny, kimmba Nndumi Iruva alemuniinga Sabato yei, nkyo kyimaruma nkonu wa karindaru kamuninga shoonga yamaa mikonu ivii, wo nndu nakaa ando akwe, kulave nndu auka yoo kwakwe nkonu yeto wa mfungare-fo.” 30Naasa vandu yewo vakaimuya nkonu yeto wa mfungare. 31Vana va Israeli vakavaanga shoonga ilya ni Mana, nayo mmbo yeevakkye mbekye ta ntama, fyaa pyai, na nrolo wa vayo ukava sha nrolo wa mandasi a wukyi. 32Mose kaamba, Elyi ni irero Nndumi Iruva aleluvavasya, omeri na efa imwi ya shoonga yeyo isurumo ishoorwa vana vany kyeeri kya numa, naambo vashelollya shoonga yeyo shilemuniinga efo kasa kyeeri kilya shilemuuta kulya Misri. 33Naasa Mose kavia Aron iboo ikopo, kuvike-fo omeri na efa imwi ya Mana, kuivike mbee ya Nndumi Iruva, iringwa kufike marika any a numa. 34Shaasa Nndumi Iruva alevavasya Mose niindo na Aron alevika yoo mbee kya ukureeki iringyo-u. 35Vana va Israeli mmbo valelya Mana ando a myaaka makumi aana, fika kyeeri kilya valekooya uruka lutiri vandu, vakalya Mana ilya, kutani llya valefika minyanuny ya Kanaani. 36Omeri yeyo ni kyenga kya ikumi kya efa.
Currently Selected:
YUUKA 16: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 16
16
Mana na Ngwale
1Naasa vakauka Elimu, na ironda lyoose lya vana va Israeli vakafika kasa ka Sini ikee nnang'ani ya Elimu na Sinai, kwikee nkonu wa ikumi na karaanu wa mwiiri wa kavii llya vemmaa yuuka urukeny Misri. 2Naasa ironda lyoose lya vana va Israeli lyikakunung'unnya Mose na Aron alya urukeny wuumu, 3vana va Israeli vakavavia, “Kyeevaa kyeni kukooye Nndumi Iruva aleluwaiya kulya Misri, kyeeri kilya lwekee na safuria tilya ta nyama, llya lwekeelya shoonga lukawuura, nkyiki elyi muleluuta kulya mukalweende yaa kuumu, naambo muluwaiye yaa na shaa nsemu yeu moose wa vandu.” 4Naasa Nndumi Iruva kavia Mose, “Lola, nshemoolotyaa nkate uuka iruveeu sha mmbwa, na vandu yewo mmbo vashesomukaa varorrwe wo nkonu shoonga yamaa nkonu umwi-nsi, naambo shimweese, kwakooya mushelatyaa mavavaso akwa, ao oode. 5Na nkonu wa karindaru vashedeesyaa efyo vasherorrwaa, nafyo five kavii yeefyo varorrwaa wo nkonu.” 6Mose na Aron vakaongoya vana va Israeli woose, inu nkwaany llyo mushemanyaa dede Nndumi Iruva alemuuta kulya Misri, 7na ngama llyo mushelollyaa itumbe lya Nndumi Iruva, mashika we ammiita nkunun'gunu wany, shaasa mulekunun'gunnya Nndumi Iruva, neese ni vaki, kutani mwalukunun'gunnya? 8Mose kaamba, “Na mmbo kisheendaa inda, kyeeri Nndumi Iruva ashemuningaa nyama nkwaany naambo mulye, na ngama mikate, musheritwa nrima Nndumi Iruva asheitaa nkunun'gunu wany shaasa mulenkunun'gunnya we, Yese ni-vi? Nta nshi yese-fo, ni Nndumi Iruva mulenkunun'gunnya.”
9Mose kavia Aron, Kyasia, Rera na ironda lyoose lya vana va Israeli, Serikyeny kufii na Nndumi Iruva, mashika we ammiita nkunung'unu wany. 10Naasa kyeeri Aron alerera na ironda lyoose lya vana va Israeli, vakalola taari ya nn'galo, vakalollya itumbe lya Nndumi Iruva lyikee ifishiny.
11Nndumi Iruva karera na Mose kammbia, 12“Shammita nkunun'gunu wa vana va Israeli; kyasia, rera nawo kuvavie kyeeri kya nkwaany mmbo mushelyaa nyama, na kyeeri kya ngama mushewuura mikate, neeni llyo mushemanyaa dede yeny ni Nndumi Iruva, Iruva waany.” 13Naasa kyeeri kya nkwaany ngwale tikasha tikakwaana yoo ulaleny, na kyeeri kya ngama laura ikakwaana koose yoo ulaleny. 14Na kyeeri laura ilya iletuturyo, ate mfindo fikuu-mbumbye fiingyi. 15Kyeeri vana va Israeli valefilollya vakakuvesa veni na veni, “Nkyokyi eki?” Mashika mbalemanya kindo kyeni-fo. Mose kavavia, “Nto nkate Nndumi Iruva amurikkya muulye?” 16Nndumi Iruva mmbo alevavia indi, “Rorrweny yeni wo nndu kiinani na millyiiye yakwe, wo nndu lita ivii, shaasa mufye efo mmba, niindo mushetanaa, wo nndu shaasa vandu vakwe vafye efo yeemeny.” 17Vana va Israeli vakatana indo, vakarorrwa, vengyi vakafumbuta, vengyi vakanyiisa. 18Naasa kyeeri valeesa na bakuri, ulya alefumbuta nnyalesaaywa nkindo-fo, nta yeto alerorrwa kyaangu nnyaleanguywa-fo. Wo nndu karorrwa kiinani na milyiiye yakwe. 19Mose kavavia, “Nta kulave nndu asurumaa fika elyi lya ngama.” 20Lyo mbaleita kilya Mose alevavia-fo, vengyi vawo vakasuruma fika ngama nayo ikaruka nndakwe na iraa, Mose kasua deny, 21Naasa vakarorrwa wo ngama wo nndu kiinani na milyiiye yakwe, na kyeeri mwi ulekora mmwasi filya filesaa yoo sumbai fikeeka. 22Nkonu wa karindaru vakarorrwa shoonga ya mikonu ivii, na lita yiinya wo nndu. Vasongoru woose va ikwaanu llya vakandevia Mose kya mbony yei, 23nawe kavavia, “Nndumi mmbo aamba ndesi ni nkonu ukee mmbike mweele kwakwe wa yiimuya. Kaareny inu ekyo mukunndye ikaara, mukasambuta neekyo mukunndye isambuta inu, neefyo fisaa-u mufisurumi five fya ndesi.” 24Nawo vakalatya ndesa Mose alevavia, vasurumi fika ndesi, nafyo mfilepwaa nta yeende makuru-fo. 25Mose kaamba, “Lyeny shoonga yei inu, mashika inu ni Sabato ya Nndumi Iruva, shoonga yei mmusheilollya lyingyi-fo. 26Sangiryeny shoonga ya mikonu irindaru, mashika nkonu wa mfungare mmbwa iimuya, mmushekilollyaa-fo.” 27Naasa nkonu wa mfungare vandu vakeenda vanderorrwa shoonga valakooye, 28Nndumi Iruva kavia Mose, “Mmbo mushelemaa ilatya mavavaso akwa indo fika indii? 29Loleny, kimmba Nndumi Iruva alemuniinga Sabato yei, nkyo kyimaruma nkonu wa karindaru kamuninga shoonga yamaa mikonu ivii, wo nndu nakaa ando akwe, kulave nndu auka yoo kwakwe nkonu yeto wa mfungare-fo.” 30Naasa vandu yewo vakaimuya nkonu yeto wa mfungare. 31Vana va Israeli vakavaanga shoonga ilya ni Mana, nayo mmbo yeevakkye mbekye ta ntama, fyaa pyai, na nrolo wa vayo ukava sha nrolo wa mandasi a wukyi. 32Mose kaamba, Elyi ni irero Nndumi Iruva aleluvavasya, omeri na efa imwi ya shoonga yeyo isurumo ishoorwa vana vany kyeeri kya numa, naambo vashelollya shoonga yeyo shilemuniinga efo kasa kyeeri kilya shilemuuta kulya Misri. 33Naasa Mose kavia Aron iboo ikopo, kuvike-fo omeri na efa imwi ya Mana, kuivike mbee ya Nndumi Iruva, iringwa kufike marika any a numa. 34Shaasa Nndumi Iruva alevavasya Mose niindo na Aron alevika yoo mbee kya ukureeki iringyo-u. 35Vana va Israeli mmbo valelya Mana ando a myaaka makumi aana, fika kyeeri kilya valekooya uruka lutiri vandu, vakalya Mana ilya, kutani llya valefika minyanuny ya Kanaani. 36Omeri yeyo ni kyenga kya ikumi kya efa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.