YUUKA 15
15
Kyiimbo kya Mose
1Llyo Mose na vana va Israeli valeimmbya Nndumi Iruva kyiimbo ekyi, vakarera vakaamba,
Mmbo nshiimbyaa Nndumi Iruva mashika elyi atiri nnduma nnu;
Frasi na mwisaama frasi vammeerwa nruveny,
2Nndumi Iruva ni finya yakwa na kyiimbo kyakwa,
Mmbwe ammba ukiro lwakwa,
We ni Iruva wakwa, neeny nshenrumishaa,
Ni Iruva wa vande vakwa neeny nshen'ganisaa.
3Nndumi Iruva ni nndu wa fira,
Nndumi Iruva llyo irina lyakwe.
4Makari a Farao na ironda lyakwe ambeerya yeeveny,
Vashilyi vakwe vasauwe vanrekkya yeeveny ya Shamu.
5Ngyuroo ta mura tambamira,
Mmbo valerekkya-fo sha mawe.
6Nndumi Iruva woko lwafo usha mmbo lulewonisa nnduma wa wiidimi,
Nndumi Iruva woko lwafo usha mmbo lulefota-fota vakiduva,
7Kyeendwa ni uniini lwafo kwatuula vakiduva vafo,
Kwavarwaaya unyafi lwafo nawo vakava sha makenya moomu.
8Mura eto mmbo ulesaleeswa ni mumuyo eto aleuka efo
mmbweny yafo,
Matundulu akasalala sau sha isimamba.
Na ndilyi ikauma bony efo si yeeveny.
9Nkiduva mmbo aleamba,
“Ra shilatye, shiwonise,
Shaave mifungwa,
Na nrima wakwa ushewutiswaa mfyo,
Mmbo nshesommwaa usu lwakwa,
Woko lwakwa luvamamite.”
10Llyo kulevivita uraato lwafo, yeeve ikavamira
Vakarekkya sha songoro efo ndilyiny shaasha.
11Woi Nndumi Iruva, efo kwa maruva moose, ni vi akuvakkye?
Ni vi akee sheewe, alyimmbye akee mweele?
Yeto atiri nnduma na mwitana ngyende ungyi mmbi?
12Mmbo kuleorrwa woko lwafo usha
Uruka lukavamira.
13Yewe kyeendwa ni ulyilyi lwafo mmbo kuletetera vandu
Vafo kulevawouwa,
Kyeendwa ni wiidimi llwafo kwa kwavasongoya vafikkye marembo afo.
14Ngyufyari ta vandu mmbo vamiita,
Nawo ekawo vakeererema,
Yewo vakee Ufilisti usu mmbo lukeevavavisa.
15Na vamangyi va Edomu mmbo vakeefulukkywa,
Vandu va Moabu yewo vatiri finya weerei lwammbatira
Vandu woose yewo va Kanaani vammangara.
16Weerei na usau lwambawoya,
Kyeendwa mbwiidimi lwa woko lwafo mmbo vammalallya sau sha iwe,
Kutani vandu vafo veera yewo kulevaura.
17Mmbo kushevaata-fo na ivasaamisa ifumbuny lya ding'u
Yaawo.
Ando alya kulekudeesya, Woi Nndumi Iruva naambo awe afo ekaa.
Ando alya eele kulevadeesya, na woko lwafo, Woi Nndumi Iruva.
18Nndumi Iruva asheshillya llung'anu na llung'anu.
Kyiimbo kya Miriamu
19Mashika frasi ta Farao na mitika na vesaama frasi,
Vakasiiya yeeveny, Nndumi Iruva kavaviirya mura wa yeeve,
Kyeendi wo vana va Israeli vakeenda ando kwaarutu efo yeeveny nnaang'ani.
20Na Miryamu, nkisuku wa kyika mfwamaye wa Aron, kaipoo ngoma shidu vaka vakasomuka woose vakallatya, veerye ngoma veekapaa neefina. 21Miryamu kawarya kaamba,
Imbieny Nndumi Iruva mashika anrumishwa nnu;
Frasi na mwisaama frasi ammbeera yeeveny.
Mura Utarang'aa
22Mose katetere Israeli veendembee vauka yeeve lya Shamu, nawo vakashefika kasa ka Shuri, vakeenda kyaaro kya mikonu iraru valalollya mura. 23Llya valefika ando avaangwa Mara valaidimi ina mura wa Mara mashika ntaran'go, nkyo kimaruma kwevaangwa Mara. 24Nawo vandu vakakunun'gunnya Mose vakaamba, “Lukana-kyi ulaalu?” 25Mose katereva Nndumi Iruva, Nndumi Iruva kamoora ando ukee nri, nawe kavika nri ulya kulya mureny nato ukava ina. Naasa kavavikkya ivavaso, kaveesa, 26kavavia, “Kwakooya mushearannyaa unyanga lwa Nndumi Iruva na usau, we Iruva wafo, neetana kya woorotu mbee yakwe, na iloota kuri kwaarannye mavavaso akwe, yeny nshishekweengyee ndwari-fo sha elyi shiletannya Vamisri-fo; mashika yeny ni Nndumi Iruva yeto mwishiisa.”
27Vakafika Elimu ando kwetiri ngyusoka ikumi na ivii, na myaangashi makumi mfungare, vakamannya ulale yoo kufii na mura.
Currently Selected:
YUUKA 15: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 15
15
Kyiimbo kya Mose
1Llyo Mose na vana va Israeli valeimmbya Nndumi Iruva kyiimbo ekyi, vakarera vakaamba,
Mmbo nshiimbyaa Nndumi Iruva mashika elyi atiri nnduma nnu;
Frasi na mwisaama frasi vammeerwa nruveny,
2Nndumi Iruva ni finya yakwa na kyiimbo kyakwa,
Mmbwe ammba ukiro lwakwa,
We ni Iruva wakwa, neeny nshenrumishaa,
Ni Iruva wa vande vakwa neeny nshen'ganisaa.
3Nndumi Iruva ni nndu wa fira,
Nndumi Iruva llyo irina lyakwe.
4Makari a Farao na ironda lyakwe ambeerya yeeveny,
Vashilyi vakwe vasauwe vanrekkya yeeveny ya Shamu.
5Ngyuroo ta mura tambamira,
Mmbo valerekkya-fo sha mawe.
6Nndumi Iruva woko lwafo usha mmbo lulewonisa nnduma wa wiidimi,
Nndumi Iruva woko lwafo usha mmbo lulefota-fota vakiduva,
7Kyeendwa ni uniini lwafo kwatuula vakiduva vafo,
Kwavarwaaya unyafi lwafo nawo vakava sha makenya moomu.
8Mura eto mmbo ulesaleeswa ni mumuyo eto aleuka efo
mmbweny yafo,
Matundulu akasalala sau sha isimamba.
Na ndilyi ikauma bony efo si yeeveny.
9Nkiduva mmbo aleamba,
“Ra shilatye, shiwonise,
Shaave mifungwa,
Na nrima wakwa ushewutiswaa mfyo,
Mmbo nshesommwaa usu lwakwa,
Woko lwakwa luvamamite.”
10Llyo kulevivita uraato lwafo, yeeve ikavamira
Vakarekkya sha songoro efo ndilyiny shaasha.
11Woi Nndumi Iruva, efo kwa maruva moose, ni vi akuvakkye?
Ni vi akee sheewe, alyimmbye akee mweele?
Yeto atiri nnduma na mwitana ngyende ungyi mmbi?
12Mmbo kuleorrwa woko lwafo usha
Uruka lukavamira.
13Yewe kyeendwa ni ulyilyi lwafo mmbo kuletetera vandu
Vafo kulevawouwa,
Kyeendwa ni wiidimi llwafo kwa kwavasongoya vafikkye marembo afo.
14Ngyufyari ta vandu mmbo vamiita,
Nawo ekawo vakeererema,
Yewo vakee Ufilisti usu mmbo lukeevavavisa.
15Na vamangyi va Edomu mmbo vakeefulukkywa,
Vandu va Moabu yewo vatiri finya weerei lwammbatira
Vandu woose yewo va Kanaani vammangara.
16Weerei na usau lwambawoya,
Kyeendwa mbwiidimi lwa woko lwafo mmbo vammalallya sau sha iwe,
Kutani vandu vafo veera yewo kulevaura.
17Mmbo kushevaata-fo na ivasaamisa ifumbuny lya ding'u
Yaawo.
Ando alya kulekudeesya, Woi Nndumi Iruva naambo awe afo ekaa.
Ando alya eele kulevadeesya, na woko lwafo, Woi Nndumi Iruva.
18Nndumi Iruva asheshillya llung'anu na llung'anu.
Kyiimbo kya Miriamu
19Mashika frasi ta Farao na mitika na vesaama frasi,
Vakasiiya yeeveny, Nndumi Iruva kavaviirya mura wa yeeve,
Kyeendi wo vana va Israeli vakeenda ando kwaarutu efo yeeveny nnaang'ani.
20Na Miryamu, nkisuku wa kyika mfwamaye wa Aron, kaipoo ngoma shidu vaka vakasomuka woose vakallatya, veerye ngoma veekapaa neefina. 21Miryamu kawarya kaamba,
Imbieny Nndumi Iruva mashika anrumishwa nnu;
Frasi na mwisaama frasi ammbeera yeeveny.
Mura Utarang'aa
22Mose katetere Israeli veendembee vauka yeeve lya Shamu, nawo vakashefika kasa ka Shuri, vakeenda kyaaro kya mikonu iraru valalollya mura. 23Llya valefika ando avaangwa Mara valaidimi ina mura wa Mara mashika ntaran'go, nkyo kimaruma kwevaangwa Mara. 24Nawo vandu vakakunun'gunnya Mose vakaamba, “Lukana-kyi ulaalu?” 25Mose katereva Nndumi Iruva, Nndumi Iruva kamoora ando ukee nri, nawe kavika nri ulya kulya mureny nato ukava ina. Naasa kavavikkya ivavaso, kaveesa, 26kavavia, “Kwakooya mushearannyaa unyanga lwa Nndumi Iruva na usau, we Iruva wafo, neetana kya woorotu mbee yakwe, na iloota kuri kwaarannye mavavaso akwe, yeny nshishekweengyee ndwari-fo sha elyi shiletannya Vamisri-fo; mashika yeny ni Nndumi Iruva yeto mwishiisa.”
27Vakafika Elimu ando kwetiri ngyusoka ikumi na ivii, na myaangashi makumi mfungare, vakamannya ulale yoo kufii na mura.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.