Oruhoya 2
2
1Inye ndi roza ya Shaloni,
lilia y'empanga.
Omusigazi
2Nka lilia omu mahwa,
nikwo omugonzibwa wange ali omu baisiki.
Omwisiki
3Nk'omupera omu miti y'ekibira,
nikwo omugonzibwa wange ali omu basigazi.
Omu mashemelerwa gangi nkashuntama omu kibehokye,
ebirababye bikannulira.
4Akantahya omu nju y'amagenyi,
ebenderaye ahali inye ekaba eli ngonzi.
5Ondise emikate y'ezabibu zomire,
ondemuuze amapera;
okuba engonzi nizindamaiza.
6K'omukonogwe gwa bumosho gwakunshagwire aha mutwe,
n'omukonogwe gwa bulyo gukanfumbata!
7Inywe baana bahara ba Yerusalemu, nimbaanahiza
omw'ibara ly'enjobe n'enyemera,
okwo mutaligiije ngonzi anga kuzimukya,
kuhika orwo zirayeyendera.
Oruhoya rwa kabili
8Eiraka ly'omugonzibwa wange!
Leba naija,
nachoka aha mabanga,
nachokachoka obubanga.
9Omugonzibwa wange ni nk'enjobe,
anga enyana y'enyemera.
Leba niw'ogwo ayemeleire enyuma y'orukuta rwaitu,
nalinguliza omu madirisha,
naleebera omu bihuru.
Omusigazi
10Omugonzibwa wange nafumora nangambira ati,
“Imuka, mugonzibwa wange, kirungo kyange,
tugendanwe;
11aha rw'okuba ebiro by'embeho byahingwire,
enjura yakeire yayamuukire.
12Enyakyo nizakya ahansi,
omwanya gw'okuhoya gwahika,
n'eiraka ly'entungurumaiba nilihulirwa omu nsi yaitu.
13Omutini niguraba etini,
emizabibu eyakize, neleta akatachu.
Imuka, mugonzibwa wange, kirungo kyange,
tugendanwe.
14Iwe kaiba kange akeshelekire omu bihuru by'amabare,
omu mpako z'omu mpanga,
kambone obuso bwawe, kampuliire eiraka lyawe,
okuba eiraka lyawe nilinnulira,
n'obuso bwawe burungi.
15Mutukwatire emiha, egyo emiha emito,
elikwita endimiro z'emizabibu,
aha rw'okuba endimiro zaitu z'emizabibu zakize.”
Omwisiki
16Omugonzibwa wange, wange;
nanye ndi wa wenene,
nalisa obuhyo bw'entaamaze omuli lilia.
17Kuhika orwo burakya,
obwire kutaishukana,
garuka mugonzibwa wange, oshushe enjobe,
anga enyana y'enyemera omu mabanga ga Betheli#2:17 Betheli Amabanga aga omuli Palesitina tigalikumanyika mbali gali..
Currently Selected:
Oruhoya 2: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.